மோடி ஆட்சியின் "நீரா ராடியா"

ஐரோப்பிய யூனியனின் நாடாளுமன்ற உறுப்பினர்களை காஷ்மீருக்கு சுற்றுலா வந்து நிலைமையை பார்க்க வருமாறு அவர்களுக்கு கடிதம் அனுப்பியது யார்?

இந்தியாவின் வெளியுறவு அமைச்சகம்?

இந்தியாவின் உள்துறை அமைச்சகம்?

அல்லது

பிரதமர் அலுவகம்?

இல்லை.

இவர்கள் யாருமே இல்லை.

பின் யார்?

மாடி சர்மா.

யார் இந்த மாடி சர்மா?

ஒரு தொண்டு நிறுவனத்தை நடத்துபவர் என்ற பெயரில் செயல்படுகிற அதிகார புரோக்கர்.

ஐரோப்பிய யூனியனின் ஒரு குழுவின் உறுப்பினர்.

ஐரோப்பிய யூனியனில் உள்ள வலதுசாரி நாடாளுமன்ற உறுப்பினர்கள் சிலருக்கு அவர் அழைப்பிதழ் அனுப்புகிறார்.

அதிகாரபூர்வமற்ற அந்த பயணத்தின் போது மோடியுடன் ஒரு சந்திப்பையும் மூன்று நாள் காஷ்மீர் பயணத்திற்கு ஏற்பாடு செய்துள்ளதாகவும் அந்த பயணத்தில் கலந்து கொள்ள வேண்டும் என்றும் அக்கடிதம் சொல்கிறது. கீழே உள்ளது அந்த மின்னஞ்சல். அந்த பயணத்திற்கான விமானக் கட்டணம், தங்கும் வசதி எல்லாவற்றையும் தன்னுடைய அமைப்பு பார்த்துக் கொள்ளும் என்று வேறு அந்த மின்னஞ்சல் சொல்கிறது.

இந்திய மக்களால் தேர்ந்தெடுக்கப்பட்ட நாடாளுமன்ற உறுப்பினர்களை, இந்திய தேர்தல் ஆணையத்தால் தேசியக் கட்சிகள் என்று அங்கீகரிக்கப் பட்ட கட்சிகளின் தலைவர்களை ஜம்மு காஷ்மீர் எல்லைக்குள் அனுமதிக்க மறுக்கிற நேரத்தில் 

ஒரு தனி நபருக்கு வேற்று நாட்டவரை அழைக்கிற தைரியம் எங்கிருந்து வந்தது?

அந்த தூதுக்குழு வந்த பின்பு மோடியை சந்தித்த பின்பு அனுமதி வழங்கியதாய் நாடகம் போட்டார்கள், ஆனால் அக்டோபர் மாதம் ஏழாம் நாள் அனுப்பிய மின்னஞ்சல், காஷ்மீருக்கான முழு பயணத் திட்டத்தையே சொல்கிறது. 

மோடியின் கண்ணசைவு இல்லாமல் இதெல்லாம் நடப்பதற்கான சாத்தியக் கூறு உள்ளதா?

முந்தைய காங்கிரஸ் ஆட்சிக் காலத்தில் அதிகார தரகராக நீரா ராடியா செயல்பட்டது அம்பலமான போது பாஜககாரர்கள் ரொம்பவுமே அசிங்கமாக பேசினார்கள்.

இந்த ஆட்சியிலும் இவர்களும் ஒரு அதிகார புரோக்கரை பயன்படுத்திக் கொண்டு சர்வதேச அளவில் நல்ல பெயர் வாங்க நாடகம் நடத்துகிறார்கள். அதற்காக ஏதோ பொய்க்கணக்கில் செலவு செய்கிறார்கள்.

ஜம்மு காஷ்மீரில் இயல்பு நிலை திரும்பியிருந்தால் இப்படிப்பட்ட மோசடி வேலைகள் தேவைப்படாதே!

மோடியின் எந்த நடவடிக்கைதான் உருப்படியாய் இருந்திருக்கிறது, காஷ்மீர் மட்டும் அமைய?

எதை எடுத்தாலும் ஒரு திருட்டுத்தனம், ஒரு கேப்மாறித்தனம் என்று பாக்யராஜை அவர் தந்தை ஒரு படத்தில் திட்டுவார்.

அப்படிப்பட்ட திருட்டுத்தனம்தான் மோடி, மாடி சர்மா மூலம் செய்தது. 

இப்படிப்பட்ட கேவலமான பிழைப்பிற்கு  மோடி அரசு .............................

மோடிக்கு முட்டு கொடுப்பவர்கள்.......................................................................

பிகு : அன்று நீரா ராடியாவை திட்டிய பாஜக இப்போது அவரை எப்படி பார்க்கிறது? நாளை பார்ப்போம்