சைக்கிள் சாரங்கியா? அப்ப சரி, அப்ப சரி

 

இன்று மக்களவையில் தள்ளு முள்ளு நடந்துள்ளது.

 ராகுல் காந்தி ஒரு காங்கிரஸ் எம்.பி யை தன் மேல் தள்ளி விட்டதால் கீழே விழுந்து மண்டை உடைந்துள்ளதாக ஒரு பாஜக எம்.பி ஐ.சி.யுவில் படுத்துக் கொண்டுள்ளதாக மத்யமர் ஆட்டுக்காரன் குழுவே அல்லோகலப்பட்டுக் கொண்டிருக்கிறது.

முதல் தகவல் அறிக்கை பதிவு செய்யப்பட்டுள்ளது. அநேகமாக ராகுல் காந்தியை கைது செய்யலாம். அதை வைத்து எம்.பி பதவியிலிருந்து நீக்கும் முயற்சியைக் கூட மோடி செய்யலாம்.

 யாரந்த எம்.பி என்று பார்த்தால் அது சைக்கிள் சாரங்கியாம்.

 யார் அந்த சைக்கிள் சாரங்கி?

 ஐந்து வருடத்திற்கு முன்பு எழுதிய பதிவு கீழே . . .

 

மோடி சைக்கிளில் மறைத்த ரத்தக்கறை

மூங்கில் குடிசையில் வசிக்கும் ஏழை,

சைக்கிளில் மட்டுமே பயணிக்கும் எளிய வேட்பாளர்,

ஒடிஷாவின் மோடி

இப்படியெல்லாம் காவிகளால் சமூக ஊடகங்களில் வர்ணிக்கப்பட்டவர் பிரதாப் சந்திர சாரங்கி.

ஒரு சாதாரண கதர் ஜிப்பா அணிந்த இந்த தாடி வைத்த மனிதர் நேற்று மோடியின் அமைச்சராக பதவியேற்றுள்ளார்.

ஒரு எளிய மனிதரை அமைச்சராக்கி அழகு பார்த்துள்ளார் மோடி என்று சங்கிகளின் பெருமிதத்திற்கு அளவே இல்லை.

ஆனால்  அந்த எளிமைக்குப் பின்னே ஒளிந்திருப்பது மோசமான ஒரு மனிதர், மத வெறி பிடித்த ஒரு மிருகம் என்பதை பி.பி.சி அம்பலப்படுத்தி உள்ளது.

கிரஹாம் ஸ்டெய்ன்ஸ் நினைவில் உள்ளாரா?

அவரும் அவரது இரண்டு மகன்களும்  எரித்துக் கொல்லப்பட்ட கொடூர சம்பவம் நினைவில் உள்ளதா? பஜ்ரங் தள் என்ற ஆர்.எஸ்.எஸ் ஸின் அடியாள் பிரிவுதான் அந்த அராஜகக் கொலைகளை நிகழ்த்தியது என்பதும் நினைவில் உள்ளதா?

இந்தியாவை உலக அரங்கில் தலை குனிய வைத்த அந்த கொடூரக் கொலையை நிகழ்த்திய பஜ்ரங் தள் அமைப்பின் அன்றைய ஒரிஸா மாநிலத் தலைவராகவும் நேரடியாக அக்கொலையைச் செய்த தாராசிங்கின் வழிகாட்டியுமாக இருந்ததும் யார் தெரியுமா?

இதோ இப்போது

சைக்கிளில் பயணிக்கும் எளியவராகச் சொல்லப்படுகிற

மோடியின் புதிய மந்திரி

பிரதாப் சந்திர சாரங்கிதான்.

அந்த வழக்கில் முதன்மைக் குற்றவாளிகளில் ஒருவராக சேர்க்கப்பட்டதால் தலை மறைவாக இருந்தவர் அவர்.

அது மட்டுமல்ல, 2001 ல் ஒடிஷா மாநில சட்டப் பேரவையை தாக்கிய கலவர வழக்கிலும் பிரதான குற்றவாளி இந்த மனிதர்தான்.

சமூக ஊடகங்களால் ஒரு குற்றவாளியை ஒரு குற்றவாளியை புனிதன் போல சித்தரிக்க முடியும் என்பதற்கான சிறந்த உதாரணம் இந்த சாரங்கி.

வெடிகுண்டு சாமியாருக்கு மந்திரி பதவி கொடுக்கவில்லை என்று காலையில் மோடிக்கு நன்றி சொல்லியிருந்தேன். இப்போதுதான் தெரிகிறது சீனியாரிட்டி அடிப்படையில் சாமியாருக்குப் பதிலாக சாரங்கிக்கு கொடுத்திருக்கிறார் என்று.

ஆக மிகப் பெரிய கிரிமினல் மூலம் மோடியின் புது நாடகம் அரங்கேறியுள்ளது. அண்ணல் அம்பேத்கரை இழிவு படுத்திய அமித்ஷாவை பாதுகாக்க நடத்திய திசை திருப்பும் நாடகம். அமித்ஷாவை பாதுகாப்பது மோடியின் கடமை அல்லவா! மோடிக்காக இளம் பெண் பொறியாளரை உளவு பார்த்த உத்தமனல்லவா!

 

பிகு: ஆமாம், எந்த மருத்துவமனையில் ஐ.சி.யு வில் ஒரு நோயாளியை எந்த மானிட்டர் இணைப்போ, குளுக்கோஸ் கூட ஏற்றாமல், தொலைக்காட்சி கேமராக்கள் புடை சூழ மந்திரிகள் வருவதை அனுமதிக்கிறார்கள். போடும் நாடகத்தையாவது ஒழுங்கா போடுங்கடா . . .

 

 

ரத்தத்தைக் கூட துடைக்க மாட்டீங்களாடா????

 

யாரோ அவங்க வீட்டிலேயே பின்னாடிலியிருந்து கீழே தள்ளி விட்டாங்களாம். கீழே விழுந்து நெத்தியில அடி, மூக்கில அடி, ரத்தமா ஒழுகுது. ஆஸ்பத்திரியில சேர்த்து மூனு தையல் போட்டாங்க, ஆஸ்பத்திரியிலேயே தங்கி ரெஸ்ட் எடுக்க சொன்னா, மக்களுக்கு செய்ய வேண்டிய வேலை இருக்குன்னு கிளம்பியாச்சு.

இதெல்லாம் செஞ்சது மோடின்னுதானே நெனச்சீங்க?

 

இவங்களும் மோடி மாதிரியேதான். டுபாக்கூர், முரடு.

 மம்தா பானர்ஜியின் லேட்டஸ்ட் ஸ்டன்ட் இது.

 யம்மா மம்தா உங்க குடும்பத்து ஆளுங்க ரொம்பவுமே மோசம். கீழே தள்ளி விடறாங்க, கொட்டற ரத்த்ததை (அது மெல்லிசா வழியற மாதிரிதான் ஏற்பாடு) துடைக்கக் கூட மாட்டேங்கறாங்க. அவங்களை முதலில் வீட்டை விட்டு வெளியே அனுப்புங்க, நாளைக்கு கொலை கூட செய்ய தயங்க மாட்டாங்க, படுபாவிங்க.

 ஏம்பா திரிணாமுல் காங்கிரஸ் கட்சி தொண்டருங்களா, உங்க தீதிக்கு நிஜமாவே அடிபட்டதுன்னு நம்பியா ஆஸ்பத்திரிக்கு கூட்டம் கூட்டமா வந்தீங்க?

 தொண்டர் மைண்ட் வாய்ஸ் : அப்படி நம்பி வரலைன்னா எங்க உடம்பிலிருந்து ரத்தம் கொட்ட வச்சி எங்களை ஆஸ்பத்திரியில படுக்க வச்சுடுவாங்களே

அடுத்த ஸ்டண்ட் இதானே மோடி?

 

தண்ணீருக்கடியில் ஸ்டண்ட் வேலை செய்தார் மோடி. அந்த படத்தை நான் போடப்போவதில்லை. இதை சிலாகிக்கிற சங்கி முட்டாள்கள் ஒரு அவமானம். 

அந்த கேடு கெட்ட மனிதனின் அடுத்த வெட்கம் கெட்ட நாடகம் பாராசூட்டில் தொங்குவதாகத்தான் இருக்கும் . .

சந்திரனுக்கு டிமோ போனால் . . .

டிமோ சந்திரனுக்குப் போனால் எப்படி இருக்கும் என்றொரு கற்பனையில் ஒரு நாடகம் எழுதினேன். செப்டம்பர் மாதம் கள்ளக்குறிச்சியில் நடைபெற்ற எங்கள் கோட்ட மாநாட்டின் ஒரு பகுதியாக பொது வெளியில் நடைபெற்ற மக்கள் ஒற்றுமை கலை விழாவில் நாடகத்தை அரங்கேற்றினோம்.

 ஒரே ஒரு நாள் ஒத்திகையின் போது மட்டுமே என்னால் இருக்க முடிந்தது. அதன் பின் தோழர்களே பயிற்சி எடுத்துக் கொண்டு சில வசனங்களை மெருகேற்றி சிறப்பாக நடித்து மக்களின் கைத்தட்டுக்களை அள்ளிக் கொண்டார்கள்.  

 அந்த நாடகத்தின் எழுத்து வடிவம் உங்களுக்காக.

 மகாராஜாவாக தோழர் சி.சோமசுந்தரம்,

மந்திரி 1  ஆக தோழர் ஜி.ரவி

மந்திரி 2 ஆக  தோழர் கே.அத்தாவூர் ரஹ்மான்

விஞ்ஞானியாக  தோழர் பி.எஸ்.பாலாஜி

புகைப்படக்காரராக  தோழர் சி.கணேசன்

 

 

சந்திரனில் மகாராஜா

 

பின்னணிக் குரல் : நிலவுக்கு சந்திராயன் மூன்றை அனுப்பி இந்தியாவுக்கு பெருமை சேர்த்துள்ளனர் நம் விஞ்ஞானிகள். அவர்களுக்கு நம் வாழ்த்துக்கள். கரையான் புற்றெடுக்க கருநாகம் புகுந்த கதையாய் அந்த மகத்தான சாதனையை சம்பந்தமே இல்லாதவர்கள் களவாடினால் என்ன நடக்கும்?

 “ ராஜா, ராஜாதி ராஜன் இந்த ராஜா”ஒலிக்க மகாராஜா அரசவைக்கு வருகிறார். வந்து நின்று  ஸ்டைலாக பார்க்கிறார், எல்லா பக்கமும் திரும்பி நிற்கிறார். அவரை போட்டோகிராபர் புகைப்படங்கள் எடுக்கிறார். பிறகு அரியணையில் அமர்கிறார்.

 மந்திரிகள் இருவர் பக்கத்தில் வந்து நிற்கிறார்.

 மகாராஜா: நாட்டில என்னய்யா நடக்குது?

 மந்திரி 1 ;: ;மகாராஜா பணப்பூரில் பயங்கரப் பிரச்சினை. மக்கள் அடித்துக் கொண்டு சாகிறார்கள். நாம் படையை அனுப்பி அமைதியை ஏற்படுத்த வேண்டும்.

 மந்திரி 2 : யோவ் மங்குனி மந்திரி, அந்த சண்டையே நாம ஏற்பாடு செஞ்சதுதான். சண்டை நடந்துகிட்டே இருந்தாதான் எவனும் நம்ம கிட்ட வர மாட்டேன்.

 மந்திரி 1 : மகாராஜா, விலைவாசி ஏறிக்கிட்டே இருக்குது, வேலையில்லா திண்டாட்டம் அதிகமாயிடுச்சு, ஜனங்க ரொம்ப கஷ்டப்படறாங்க.

 மகாராஜா : ஏன்யா எப்ப பாரு நொய் நொய்யுன்னு ஏதாவது பிரச்சினையை சொல்லிக்கிட்டே இருக்க? இதுக்குத்தான்யா நான் அரசவைக்கே வரதுல்ல. என் நாட்டில எனக்கு பிடிக்காத ஒரே இடம் இதுதான்யா.

 மந்திரி 2 :  மகாராஜா சந்தோஷப்படற மாதிரி, அவரு பெருமையா பேசற மாதிரி ஏதாவது விஷயம் இருந்தா சொல்லுய்யா.

 மந்திரி 1 : இருந்தா சொல்ல மாட்டேனா? ஏன் நீயும் மந்திரிதானே! நீ என்ன கிழிக்கற?

 மகாராஜா : ஏய், அப்டில்லாம் பேசக் கூடாது. இவன் என் மன சாட்சி, மனதின் குரல். என் மனசுல இருக்கறத செஞ்சு முடிக்கறவன். பணப்பூர் சண்டைக்கே இவந்தான் மெயின்.

 மந்திரி 1 : மகாராஜா, அந்த காலத்துல சந்திரனுக்கு போக ராக்கெட் கண்டு பிடிக்க ஆரம்பிச்சாங்க. அந்த வேலை இப்போ முடிஞ்சு நம்ம சைன்டிஸ்டுங்க எல்லாம் இப்போ ரெடியா இருக்காங்க. நீங்க கையெழுத்து போட்டா அவங்க கிளம்பிடுவாங்க.  நீங்களும் அவங்கள பெருமையா வழி அனுப்பி வைக்கலாம். போட்டோ எடுத்து போடலாம்.

 மகாராஜா : சரி கூப்பிடு அந்த ஆளுங்களை.

 சைன்டிஸ்ட் வருகிறார் : வணக்கம் மகாராஜா

 மகாராஜா :  நமஸ்தே ன்னு சொல்லுய்யா.

 மந்திரி 2 : மகாராஜாவுக்கு என்ன சொன்னா பிடிக்கும்னு கூட தெரியாம நீயெல்லாம் என்னய்யா ஆராய்ச்சி செஞ்ச?

 சைன்டிஸ்ட் : மகாராஜா, எங்க தாத்தா மகாராஜா சந்திரனுக்கு போக ஒரு ராக்கெட்டு கண்டுபிடிக்க ஆரம்பிச்சாரு. அது இப்போ தயாரா இருக்கு! நீங்க இதுல்ல கையெழுத்து போட்டா கஜானாவில இருந்து பணத்தை வாங்கிட்டு மத்த ஏற்பாட்டை செய்வோம்.

 மகாராஜா ஃபைலை கையில் வாங்குகிறார். இடது கையில் பச்சை குத்தப்பட்டுள்ள தன் பெயரைப் பார்த்து கையெழுத்து போடுகிறார்.

 சைன்டிஸ்ட் நன்றி சொல்லி விட்டு கிளம்புகிறார்.

 மந்திரி 2 : இரு இரு எங்க கிளம்பிட்டே. கொஞ்சம் கேள்விக்கெல்லாம் பதில் சொல்லிட்டு போ.

 சைன்டிஸ்ட் : என்ன மந்திரியாரே?

 மந்திரி 2 : சந்திரனுக்கு யார் போகப் போறாங்க?

 சைன்டிஸ்ட் : நாந்தான் மந்திரியாரே

 மந்திரி 2 :  அங்கே போய் என்ன செய்யப் போற?

 சைன்டிஸ்ட் : அங்க தண்ணி இருக்கான்னு கண்டு பிடிப்பேன். அங்கே இருக்கிற கல்லையையும் மண்ணையும் கொண்டு வந்து இங்கே ஆராய்ச்சி செய்வேன்.

 மந்திரி 2 : தண்ணி இருக்கான்னு பார்க்கவும் கல்லையும் மண்ணையும் கொண்டு வர நீ எதுக்கய்யா? அரசாங்கம் செலவு செய்யும்.  உனக்கு பேரும் புகழுமா?

 மந்திரி 1 : அப்போ என்ன நீ போகப் போறியா?

 மந்திரி 2 : நான் எதுக்குய்யா போகனும்?  நம்ம நாட்டுக்கே தலைவர் மகாராஜா. அவர் போனாதான் நாட்டுக்கே பெருமை. சந்திரனுக்குப் போற முதல் மகாராஜா நம்ம மகாராஜாவாதான் இருக்கனும்.

 மகாராஜா : இது நல்ல ஐடியாவா இருக்கே! நானே சந்திரனுக்குப் போறேன்.;

 சைன்டிஸ்டும் ம;ந்;திரி 1 ம் அதிர்ச்சியாகப் பார்க்கிறார்கள்.

 சைன்டிஸ்ட் : மகாராஜா, அது கொஞ்சம் ரிஸ்க். நான் அதுக்காகவே படிச்சவன்,

 மந்திரி 2 : மகாராஜா படிக்காதவருன்னு சொல்றியா? உலகத்துல யாருமே படிக்காத படிப்பை அவரு மட்டுமே படிச்சதுக்கான சர்டிபிகேட் இருக்கு, பார்க்கறியா?

 மந்திரி 1 (மெதுவாக) : நாட்டுல அத்தனை பேரும் அதை கேட்டாலும் தர மாட்டீங்க, அப்படி ஒன்னு இருந்தா காண்பிக்க மாட்டீங்களா?

 மகாராஜா : இங்கே பார், நல்ல நாள் பார்த்து நான் கிளம்பனும். அதுக்கு ஏற்பாடு செய். யோவ் சைன்டிஸ்ட், நான் என்ன செய்யனும்னு நீதான் எனக்கு புரியற மாதிரி சொல்லிக் கொடுக்கனும்.

 

காட்சி 2

 

விண்வெளிக்கூடம்

சைன்டிஸ்ட் : மகாராஜா, இதுதான் சந்திரனுக்கு போகும் இயந்திரம். இதுக்குள்ள உட்கார்ந்து முதலில்  காற்று அளவை சோதிக்கனும். புவியீர்ப்பு விசையை கவனிக்கனும். அப்பறமா …

 மகாராஜா : அதெல்லாம் நீங்க செஞ்சு வச்சிருங்க. நான் உள்ள போய் உட்கார்ந்து ஏதாவது மந்திரத்தை சொல்வேன். மிஷின் கிளம்பிரனும்.

 சைன்டிஸ்ட் : இயந்திரத்திற்குள் நுழைந்து ஏதோ செய்து விட்டு வருகிறார்.

        

சைன்டிஸ்ட் :  மகாராஜா இந்த மந்திரத்தை ஞாபகம் வச்சுக்குங்க

 மகாராஜா: என்ன மந்திரம் அது?

 சைன்டிஸ்ட் :  அண்டா காகசம், அபுகா ஹுகும் புறப்படு சீசேம்.

 மந்திரி 2 : யோவ்! இது கொள்ளைக் கூட்டத்தோட மந்திரம்தானே!

 மந்திரி 1 : பொருத்தமாத்தானே இருக்கு!

 சைன்டிஸ்ட்  மகாராஜா இதை போட்டுக்குங்க என்று விண்வெளி உடையைத் தருகிறார்.

 மகாராஜா : இதைப் போட்டுக்கிட்டா என் கம்பீரமே போய்டுமேய்யா?

 மந்திரி 1 : இதை போடலைன்னா உங்க உயிரே போயிடுமே!

 மகாராஜா தயாராக வருகிறார். அவர் கூடவே போட்டோகிராபரும் வருகிறார்.

 சைன்டிஸ்ட் : மகாராஜா, இவரு எதுக்கு?

 மகாராஜா : இவரு இல்லைன்னா என்னை சந்திரனில யாரு போட்டோ எடுப்பா?

 சைன்டிஸ்ட் : ஒருத்தர்தான் உட்கார முடியும். கவலைப்படாதீங்க மகாராஜா, நம்ம மிஷினே உங்களை போட்டோ எடுக்கும்.

 மகாராஜா மிஷினுக்கு அருகில் போய் விட்டு மீண்டும் வருகிறார்.

 மகாராஜா : யோவ் சைன்டிஸ்ட், பஞ்சாங்கத்தை ஒழுங்கா பாத்த இல்ல? இன்னிக்கு அமாவாசை கிடையாதே? நான் பாட்டுக்கு சந்திரனை தேடிக்கிட்டு இருக்கப் போறேன்.

 சைன்டிஸ்ட்: ராஜா, நீங்க சந்திரனில இறங்கின உடனே இதே மந்திரத்தை கொஞ்சம் மாத்தி சொல்லனும்

 மகாராஜா:. நீ வாயை மூடு. அதெல்லாம் எனக்கு தெரியும்.

 மகாராஜா சந்திரனுக்கு புறப்படுகிறார்.

 சைன்டிஸ்ட் கையில் உள்ள கம்ப்யூட்டரையே பார்த்துக் கொண்டு இருக்கிறார். கொஞ்ச நேரம் கழித்து

 சைன்டிஸ்ட் : மகாராஜா சந்திரனுக்கு போயிட்டார்

 சந்திரனில் இறங்கியதும்

 மகாராஜா : அண்டா பிரியாணி, அப்பா வச்ச பேரு, டைகர் கா ஹுகும்.

 சைன்டிஸ்ட்  தலையில் கை வைத்துக் கொள்கிறார்.

 மந்திரி 1 : என்னாச்சு சைன்டிஸ்டு?

 சைன்டிஸ்ட் : இப்படியெல்லாம் சொதப்புவார்னு நான் நெனச்சேன்.

 மந்திரி 2: என்னாச்சுய்யா?

 சைன்டிஸ்ட் :மகாராஜா மிஷினில இருந்து இறங்கிய உடனே  சொல்ல வேண்டிய மந்திரத்தை மாத்தி சொல்லிட்டாரு.

 மந்திரி 1 : அதனால என்ன?

 சைன்டிஸ்ட் : மிஷின் நிற்காம சுத்திக்கிட்டே இருக்கும்.

 மந்திரி 1 : அப்போ மகாராஜா?

 சைன்டிஸ்ட் : அவரு இனிமே  அதை துரத்திக்கிட்டே இருக்கனும்.

 ராக்கெட் போய்க் கொண்டே இருக்கிறது, அதன் பின்னால் மகாராஜாவும் ஓடிக் கொண்டே இருக்கிறார்.

 அடுத்தவர் உழைப்பை களவாட நினைப்பவர், மக்களைப் பற்றிக் கவலையில்லாமல் சுய நலமாய் வாழ்பவர் நிச்சயம் ஒரு நாள் தெருவில் நிற்பார். அந்த நாள் சீக்கிரம் வரும்.

 

பிகு: ஒரு ஆட்டோவின் நான்கு பக்கங்களிலும் விண்கலனின் படத்தை ஒட்டி அதை சந்திராயனாக மாற்றி இருந்தோம். சந்திராயன் மேலே செல்வதற்குப் பதிலாக சாலையில் சென்றது.

 

 

 

  

புதிய புல்வாமாவிற்கு ஒத்திகையா டிமோ?

 

நேற்று மக்களவையில் நடந்த சம்பவம், தமிழ்நாட்டின் சட்டப்பேரவையில் நடந்திருந்தால் என்ன ஆயிருக்கும்?

சட்டம் ஒழுங்கு சீர்குலைந்து விட்டது என்று ஆட்டுக்காரன் அண்ணாமலையும் ஆட்டுத்தாடி ரெவியும் குதியோ குதி என்று குதித்திருப்பார்கள். 

தான் உயிர் தப்பியது எப்படி என்று வானதி சீனிவாசன் பரபரப்பாக பேட்டி கொடுத்திருப்பார்.

மூத்த்த்த்த்த மாலனும் சங்கி சுமந்தும் தங்கள் அறிவுஜீவி(?!?) ட்வீட்டுகள் மூலம் விஷத்தை கக்கியிருப்பார்கள்.

மத்யமர் ஆட்டுக்காரன் குழு சங்கிகள் எல்லாம் பாஜக ஐ.டி விங் எழுதிக் கொடுத்ததை எல்லாம் வாந்தி எடுத்திருப்பார்கள்.

ஏன் டெல்லியில் கைதானவர்கள் மஞ்சுநாத்தாகவோ சர்மாவாகவோ இல்லாமல் இஸ்லாமிய, கிறிஸ்துவ பெயருடையவர்களாக இருந்திருந்தால் இந்தியா இன்னொரு கலவரத்தைக் கூட கண்டிருக்கும்!

அப்படியெல்லாம் ஆகவில்லை, நல்ல வேளையாக . . .

இந்த சம்பவம் உணர்த்தும் செய்தி என்ன?

நாடாளுமன்றத்தையே பாதுகாக்க துப்பில்லாத டிமோ அரசு இந்தியாவை பாதுகாக்கும் அருகதையற்றது. 

எனக்கென்னவோ இந்த சம்பவம் புல்வாமா சம்பவம் போன்றதொரு உணர்ச்சிமயமான மனநிலையை உருவாக்க டிமோ கூட்டம் போட்ட சதி என்றே தோன்றுகிறது.

இன்னொரு முறை ராணுவ வீரர்களை கொல்ல முடியாது. அதனால் டிமோ உயிருக்கு ஆபத்து என்ற அச்சத்தை உருவாக்க செய்யப்பட்ட முயற்சி என்று தோன்றுகிறது.

ஆனால் பாவம், அமெச்சூர் ஆட்களை வைத்து முயற்சித்ததால் சொதப்பி விட்டது.

இந்த சம்பவம் ஆட்சியின் தோல்வி என்பதால் சங்கி ஊடகங்கள் அடக்கி வாசிக்கின்றன. தின மலர் போட்டுள்ள தலைப்பு என்ன தெரியுமா?

"புகை உமிழும் கருவி"யாம்!

இவன் வைக்கும் தலைப்பே, குற்றவாளிகள் யார் என்பதை உணர்த்துகிறது.

அடுத்த நாடாளுமன்ற தேர்தல் முடியும் வரை இந்தியாவில் எங்கே ஏதாவது அசம்பாவித சம்பவம் நடந்தாலும் உறுதியோடு சொல்ல முடியும்.

அது பாஜகவின் வேலை. பாஜகவின் வேலை மட்டுமே . .

கவிழ்க்கும் நாடகம் அது . . .

 

அரசியல் சாசன தினம் என்றொரு நாடகத்தை வழக்கம் போல டிமோ அரசு நடத்தியுள்ளது. ஞாயிறு விடுமுறை, கார்த்திகை பணடிகை என்றெல்லாம் இருந்தாலும் கூட பொதுத்துறை ஊழியர்களை அரசியல் சாசன உறுதிமொழி எடுத்துக் கொள்ள வரச்சொல்லியுள்ளது. 

அரசியல் சாசன முகப்பில் உள்ள 

இந்திய மக்களாகிய நாங்கள்

 இந்தியாவை, இறையாண்மையுடைய, சோஷலிச, மதச்சார்பற்ற, ஜனநாயகக் குடியரசு நாடாக நிர்ணயிக்க உளமாற உறுதியேற்று

 அனைவருக்கும்

 சமூக, பொருளாதார, அரசியல் நீதியையும்  சிந்திக்கிற, கருத்து சொல்கிற, வழிபாட்டு, உரிமையையும் அனைவருக்கும் சம வாய்ப்பினையும் சகோதரத்துவத்தையும் கண்ணியமாக வாழ்வதற்கான வாய்ப்பினையும்

அளித்து

 இந்தியாவின் ஒருமைப்பாட்டையும் கௌரவத்தையும்   பாதுகாப்போம்

என்பதை ஏற்காத கும்பல் இது. அரசியல் சாசன தின நாடகத்தின் முதல் காட்சி ஒன்பது வருடங்களுக்கு முன்பு மக்களவையில் நடந்த போது "மனுதர்மத்தின் அடிப்படையில் அரசியல் சாசனம் உருவாகியிருந்தால் நன்றாக இருக்கும்" என்று ராஜ்நாத்சிங்கும் டிமோவும் சொன்னதை மறக்க முடியுமா?

அரசியல் சாசனம் குறைபாடானது என்று ஆர்.எஸ்.எஸ்.ரெவி பேசியதையும் கவனத்தில் கொள்ளுங்கள்.

வில்லாதி வில்லன் படத்தின் வில்லன் கேரக்டர் பூவு சத்யராஜ், யாரையாவது கீழே தள்ளி கொல்லும் முன்பு காலில் விழுவார், டிமோ அரசு அரசியல் சாசனத்தின் காலில் விழுவது அதனை கீழே தள்ளி அழித்திடத்தான்.

நேற்று நடந்த ஒரே ஒரு உருப்படியான விஷயம் உச்ச நீதிமன்றத்தில் அண்ணல் அம்பேத்கர் சிலையை திறந்தது மட்டுமே . . . 

உச்ச நீதிமன்ற நிகழ்வென்பதால் அந்த சிலையை திறக்கும் வாய்ப்பு ஜனாதிபதிக்கு கிடைத்தது. 

ஓரமா போய் விளையாடுங்கப்பா

 

ஆட்டுக்காரன் வகையராக்களும் அதிமுக ஆட்களும்  ஆவேசமாக சண்டை போட்டுக் கொண்டிருக்கிறார்கள்.

 

அதிமுகவில் ஜெயகுமார், சி.வி.சண்முகம் ஆகியோர் ஆட்டுக்காரனை திட்ட ஓ.பி.எஸ்ஸோ ஆட்டுக்காரனை கழுதை என்று சொல்லியுள்ளார்.

 

ஆட்டுக்காரன் சார்பில் சரத்குமார் கட்சியின் முன்னாள் நிர்வாகியும் தற்போதைய ஆட்டுக்காரன் அல்லக்கையான கரு.நாகராஜன் ஒரு கடுமையான அறிக்கை வெளியிட்டுள்ளார்.

 இது ஒன்றும் முகமது அலி, மைக் டைசன் மாதிரியான ரியல் சண்டை கிடையாது, WWE  மாதிரியான செட் அப் சண்டை.

 நாளை அமித்து சொல்லி விட்டால்  அத்தனை சண்டையும் அப்படியே அடங்கி விடும்.

 ஆகவே உங்கள் விளையாட்டுச் சண்டையை கொஞ்சம் ஓரமாகச் சென்று தொடருங்கள்.

புதுசா ஜிந்தியுங்க மோடி . .

 

மோடிக்கு வேண்டாத எவனோ ஒருத்தன், மோடிக்கு முட்டாள்தனமா ஐடியா குடுத்துருக்கான்.

குப்பை பொறுக்கற வேஷம் ஏற்கனவே மகாபலிபுரத்தில எடுபடலை. இதெல்லாம் ஒரு பொழப்பான்னு மக்கள் திட்டிட்டாங்க.

இப்போ மறுபடியும் அதே கேரக்டரை கொடுத்து அசிங்கப்படுத்தறாங்க. 

மோடி வர வழியைக் கூட சுத்தமா வைக்காமல் அதிகாரிங்க இருக்காங்களா? என்னங்கடா காதுல பூ சுத்தறீங்க. . .

ஏதாவது புதுசா ஜிந்தியுங்க மோடி. அப்பறம் உங்க அம்மாவை கொஞ்சம் நிம்மதியா இருக்க விடுங்க. . உங்க மனைவியை கண்டுக்காத மாதிரி அவர்களையும் கண்டுக்காதீங்க. உங்க போட்டோ செஷனுக்காக அவங்களை இது வரைக்கும் செஞ்ச டார்ச்சர் போதும்.

என்ன, உங்க நடிப்பெல்லாம் புரிய நாலு முட்டாளுங்க, மோடியை பாத்தியா, பாட்டிலை எடுத்து போட்டு சுத்தம் செய்யறாருன்னு எழுதுவாங்க. அவங்களை கடிக்கற வேலை வேறு எங்களுக்கு எக்ஸ்ட்ரா

ஒன்னும் தெரியாத ஓ.பி.எஸ்???

 

ஏ 1 மறைவில் உள்ள மர்மங்களை கண்டறிவதற்காக அமைக்கப்பட்டதாக சொல்லப்படுகிற ஆறுமுகசாமி கமிஷனில் “தனக்கு ஏதும் தெரியாது” என்பதையே பதிலாக ஓ.பி,எஸ் சொன்னதற்காக அவரை பலரும் கலாய்த்துக் கொண்டிருக்கிறார். ஏ 1 மறைவுக்கு நியாயம் கேட்டுதானே அவங்க சமாதியில் தர்ம யுத்தம் நடத்தினாய் என்றும் பலர் அவரை கேள்வி கேட்கிறார்கள்.

அப்படி ஒன்றும் அவர் ஒன்னும் தெரியாத மண்ணாங்கட்டி அல்ல.

ஏ 1 மறைவு குறித்த விசாரணை முழுமையாக ஒழுங்காக நடந்தால் அது ஏ 2 வை நோக்கியே செல்லும் என்பதை நன்றாக அறிந்தவர் அவர். இப்போது அவர் ஏ 2 வை நோக்கி செல்ல இருப்பதால் ஒன்றும் தெரியாது என்று சொல்லி விட்டார். அவ்வளவுதான். ஒன்னும் தெரியாது என்று சொல்ல ஏ 2 விடம்  என்ன பேரம் நடத்தினார் என்பதுதான் அவரிடம் கேட்க வேண்டிய சரியான கேள்வி.

அப்போ தர்ம யுத்தம்?

அதுதான் விஷமூர்த்தி முன்னாடியே சொல்லிட்டாரே! “நீயெல்லாம் ஒரு ஆம்பளயா? போய் அந்தம்மா சமாதியில உக்காருன்னு நாந்தான் சொன்னேன்” என்று.

அதே நாடகம் - ஆட்கள் வேறு

2014 ம் வருடம் விருத்தாச்சலத்தில் எங்கள் கோட்டச்சங்க மாநாடு நடைபெற்ற போது "ராஜா-மகராஜா" என்றொரு நாடகம் போட்டோம்.

நரேந்திர மோடி எப்படி மன்மோகன் சிங்கை நல்லவராக்குகிறார் என்று சொல்லும் நாடகம் அது. அந்த நாடகத்தை கீழே பகிர்ந்து கொண்டுள்ளேன்.

இப்போது அதைப் பேச வேண்டிய அவசியம் என்ன என்றொரு கேள்வி வரலாம்!

விஷமூர்த்தியை விமர்சிக்கிறவர்களில் சிலர் (டி.டி.வி.தினகரன் உட்பட) குருமூர்த்தியால் சோ வுக்கு களங்கம், குருமூர்த்தியால் சோ மாதிரி ஆக முடியாது என்றெல்லாம் சொல்வதைப் பார்த்த போது பழைய நாடகம் நினைவுக்கு வந்தது. 

குருமூர்த்தி ஓவராக போனதால் அவரை விட நல்லவராகி விட்டார் சோ. அவ்வளவுதான் அதற்கு மேல் அவரும் வொர்த் அல்ல.

பிகு: இறந்து போனவரை விமர்சிப்பது நாகரீகமா என்று எனக்கு அறிவுரை சொல்லும் முன் வி.பி.சிங் இறந்த போது அது நாட்டுக்கு நல்லது என்று சொன்னவர் சோ என்பதை மனதில் கொள்ளவும்.

இப்போது நாடகம்

நேர்மையற்றவர்களைப் பற்றி நேர்மையாக. - ஒரு நாடகம்

விருத்தாச்சலத்தில் நடைபெற்ற எங்களது கோட்டச்சங்க மாநாட்டின் ஒரு பகுதியாக நடைபெற்ற மக்கள் ஒற்றுமை கலை விழாவில் அரங்கேற்றப்பட்ட நாடகம் “ராஜா மகாராஜா”. நல்ல வரவேற்பு கிடைத்ததால் நேற்று வேலூரில் நடைபெற்ற இன்சூரன்ஸ்துறை பாதுகாப்பு வேலூர் மாவட்ட கருத்தரங்கிலும் நடத்தப்பட்டது.

அந்த நாடகம் இதோ வலைப்பக்க வாசகர்களுக்காக

ராஜா, மகாராஜா

பின்னணியில் ஒலிக்கும் குரல்:

ராஜா,மகாராஜா – இதோ உங்களுக்காக வேலூர் மையத்தில் பணியாற்றும் இன்சூரன்ஸ் ஊழியர்கள் வழங்குகிறார்கள். இது சரித்திர நாடகமா இல்லை சமூக நாடகமா? மனோரஞ்சிதப் பூவை நீங்கள் என்ன நினைத்து முகர்ந்து பார்க்கிறீர்களோ, அதைப் போன்ற வாசம் தருமாம். அது போலத்தான் இந்த நாடகம் சரித்திர நாடகமா இல்லை சம கால நாடகமா என்பதை நீங்களே நிர்ணயித்துக் கொள்ளலாம். ஆனால் காலங்கள் மாறினாலும் மக்களின் துன்பங்கள் மாறவில்லை. நேர்மையற்றவர்களின் செயல்களை நேர்மையாகச் சொல்லும் “ராஜா மகாராஜா” இதோ உங்களுக்காக.

காட்சி 1 சாலை

எங்கே செல்லும் இந்த பாதை?

      

என்ற பாடல் பின்னணியில் ஒலிக்க தலையில் சுமையை சுமந்து கொண்டு ஒருவர் நடந்து வருகிறார்.

எதிரில் வரும் இன்னொருவர்.

பயணி 2: “என்ன மச்சான்” ? மூட்டையை தலையில  சுமந்து போய்க்கிட்டு இருக்க? உன் டி.வி.எஸ் பிப்டிக்கு என்னாச்சு?

பயணி 1: இந்த படுபாவி ராஜா, வாரத்துல ஒரு நாள் பெட்ரோல் விலையை ஏத்திக்கிட்டே இருந்தா என்ன செய்ய முடியும்? அதான் வண்டியை வித்துட்டேன்.

பயணி 2: சரி இப்ப எங்க போறே?

பயணி 1 : குடியாத்தம் வரைக்கும்

பயணி 2: நடந்தேவா?

பயணி 1: ஆமாம் பஸ்ஸில போக முடியாமா ட்ரெயினில சீப்பா இருக்குனு அதில போனா, அதயும் நம்ம ராஜா விலையேத்திட்டான். எல்லாம் நம்ம தலைவிதி. இப்படி ஒரு ராஜா கிட்ட மாட்டிக்கிட்டு முழிக்க வேண்டியிருக்கு. நமக்கெல்லாம் ஒரு நல்ல காலம் எப்போதான் வருமோ?

     

பயணி 2: இவன் போயி இன்னொரு ராஜா வந்தா வேணா நடக்கலாம். சரி பாத்து போ, நடந்து போறதுக்குக் கூட டோல்கேட்டுல காசு கேட்டுற போறான். ரோடு குண்டும் குழியுமா இருந்தா கூட காசை மட்டும் மாசம் ஒரு தடவை ஏத்திடுவான்.

காட்சி 2

 இடம் அரசவை

ராஜாவும் மூன்று மந்திரிகளும் உட்கார்ந்திருக்கிறார்கள். ஒரு நாற்காலி காலியாக இருக்கிறது.

வாயிற்காப்பாளன் : அரசே ; உங்களைப் பார்க்க பேரரசரின் தூதர் வந்துள்ளார்.

ராஜா: அவருக்கு உரிய மரியாதை அளிக்க வேண்டும். அவர் வந்தவுடன் எல்லோரும் சல்யூட் அடித்து வணக்கம் சொல்லுங்கள்.

தூதர் வருகிறார்.

       

அனைவரும் எழுந்து மிலிட்டரி சல்யூட் அடித்து

வணக்கம் ஐயா

தூதர் காலியாக இருந்த நாற்காலியில் உட்காரப் போகிறார். அரசர் தனது சிம்மாசனத்தில் அவரை உட்கார வைத்து தரையில் அமர்கிறார். மந்திரிகளும் அப்படியே தரையில் அமர்கிறார்கள்.

மந்திரி 3 (மனதிற்குள்) தலையெழுத்துடா சாமி, இந்தாளால நாமெல்லாம் வேற தரையில் உட்கார வேண்டியிருக்கு

தூதர் ; இந்த மரியாதைக்கெல்லாம் ஒன்னும் குறைச்சல் இல்லை.

ராஜா:  எஜமான் ஏதோ கோபமா இருக்கீங்க போல, ராஜான்னு நான் பெயருக்கு இருந்தாலும் நீங்க சொல்றதைத்தானே செய்யறேன். அதுக்கே என்னை அவனவன் கன்னாபின்னான்னு திட்டறாங்க.

தூதர் : உங்க நாட்டில யாரும் அரிசி தயார் செய்யக் கூடாது. நான் அனுப்பற ப்ரெட்டத்தான் சாப்பிடனும்னு சொன்னோம்.

மந்திரி 1 : எங்க ஊர்ல இப்பல்லாம் யாரும் காய்ச்சலுக்குக்கூட பிரெட் சாப்பிடறதில்லை.

மந்திரி 2 : நீ வேற, சும்மா இருய்யா, அப்படியெல்லாம் கிடையாது. எங்க பசங்களையெல்லாம் இப்போ நூடுல்ஸ், பீஸா இதை மட்டுமே சாப்பிட பழக்கிட்டு இருக்கோம்.

தூதர் : உங்க நாட்டுல இருக்கிற எல்லா பாங்கு, இன்சூரன்ஸ் எல்லாத்தையும் இடிக்கச் சொன்னோம் இல்லை.

மந்திரி 3 : (மனதிற்குள்) அதெல்லாம் அவங்க நாட்டுல இடிபட்டு இருக்கு. அதனால இங்கயும் இடிக்கச் சொல்றான்.

பின்பு சத்தமாக:   நல்ல மனசுக்காரன் சார் நீங்க.

மந்திரி 2 : ஏரியில பில்டிங் கட்டி ஏற்கனவே இடிஞ்சு விழுந்து கிட்டு இருக்கு. இது போதாதா?

தூதர் : உங்க ஊர்ல எதுக்குய்யா பொட்டிக்கடை? உங்களுக்கெல்லாம் பீடி, சிகரெட் விற்கத் தெரியுமா? இல்லை கூல் ட்ரிங்க்ஸ் செய்யத் தெரியுமா? அப்புறம் எதுக்கய்யா விற்கறீங்க. இனிமே இங்கே எல்லாம் நாங்கதான்.

கோபமாக அவர் வெளியேறுகிறார்.

      

மந்திரி 1 : ராஜா அவர் சொன்னதை செய்யப் போறீங்களா?

மந்திரி 2 : வேற வழி?

மந்திரி 3 : வேணாம் ராஜா, இப்பவே உங்களை மோசமா திட்டிக்கிட்டு இருக்காங்க, இதெல்லாம் செஞ்சா அடிக்கவே வந்துடுவாங்க.

ராஜா: நான் வெளிநாட்டுல படிச்சவன். அவங்களாலதான் ராஜாவா இருக்கேன். எனக்கு மட்டும் நல்லவன்னு பெயர் வாங்க ஆசை இருக்காதா? என்னை எல்லாரும் திட்டறாங்கனு தெரியும். ஆனா மக்களுக்கு நல்லது செய்யனும்னு தோணவே மாட்டேங்குதே.

பேசும் போதே தொண்டை அடிக்கிறது.

மந்திரி 3: இதுக்குதான் எப்பவும் போல பேசாம இருக்கனும்.. எப்பவாவது பேசினா இப்படித்தான் ஆகும்.

     

மந்திரி 2 : யாரங்கே மருத்துவரைக் கூப்பிடுங்கள்

ராஜா : வேண்டாம். என்னோட முடிவு நெருங்குது. இளவரசனை வரச் சொல்லுங்க.

இளவரசன் வருகிறார்.

மந்திரி 3 : (மனதிற்குள்) வரான் பாரு, தாடி வச்ச கேடி, இவனும் இவன் பேச்சும், இவன் ட்ரெஸ்ஸும், இவனெல்லாம் இளவரசன்.

இளவரசன்: நைனா என்னாச்சு உனக்கு?

ராஜா: மகனே நான் மேலே போகிறேன். எனக்கு ஒரே ஒரு ஆசை. அதை நிறைவேற்றுவாயா?

இளவரசன் : நைநை னு பேசாத, விஷயத்தை சொல்லு நைனா.

ராஜா : இந்த நாட்டு மக்களெல்லாம் என்னை ரொம்ப கெட்டவன்னு பேசறாங்க. அவங்க எல்லாம் என்னை நல்லவன்னு சொல்லனும்.

      

இளவரசன் : அவ்வளவுதானே, விடு நான் பாத்துக்கிறேன்.

ராஜா தலை தொங்குகிறது.

காட்சி 3

இடம் :சாலை

“இன்றைக்கு ஏன் இந்த ஆனந்தமே” என்ற பாடல் ஒலித்துக் கொண்டு இருக்கிறது.

பயணி 2 : என்ன மச்சான், ரொம்ப சந்தோஷமா இருக்க?

           

பயணி 1 : ஒழிஞ்சான்யா ராஜா. இன்னிக்கு புது ராஜா பதவியேற்கிறாரு. இனிமே எல்லாம் மாறிடும். எல்லாம் மாறிடும்.

பயணி 2 ; அப்படிங்கறே?

பயணி 1 : ஆமாம் மாப்ள, இளவரசன் ரொம்ப நல்லவராம், வல்லவராம், பலசாலியாம், நம்ம ஊரு ஆளுங்க போன மாசம் பாலாறு வெள்ளத்தில மாட்டிக்கிட்டபோது ஒத்தக்கையாலயே நூறு பேரை தூக்கிக்கிட்டு வந்தவராம்.

பயணி 2 : ஏம்பா உனக்கு என்ன மூளை வயித்துலயா இருக்கு? பாலாறுல தண்ணி வந்தே பத்து வருஷமாச்சு, இதுல போன மாசம் வெள்ளம் வந்ததாம். அதில இவரு நூறு பேரை காப்பாத்தினாராம், அதுவும் ஒத்தக்கையால? காஷ்மீருல போய் காப்பாத்தச் சொல்லேன்.

பயணி 1 : ஆமாம் இல்லை? நான் கூட ஏமாந்துட்டேனே.

பயணி 2 : நீ மட்டுமா ஏமாந்த ?

காட்சி 4

இடம் அரசவை

மந்திரி 1 : நமது அரசர் மறைவிற்குப் பின் இளவரசர் அரசராக முடி சூடப் போகிறார். இந்த கிரிடத்தை அவருக்கு சூட்டப் போகிறேன்.

இளவரசர் ; ஸ்டாப், ஸ்டாப். என் தலையில நீ கிரீடத்தை வைச்சு என்னை விட பெரியாளுனு காண்பிச்சுக்கப் பாக்கிறயா? எந்த பெரிசுக்கும் என் கிட்ட வேலை இல்லை. வயசான ஆளுங்கள்ளெல்லாம் வீட்டுக்குப் போய்டுங்க. யாராவது மந்திரி பதவி, முந்திரி பதவி னு கேட்டு வந்தீங்க, தொலைச்சிடுவேன்.

இளவரசரே கிரீடத்தை தன் தலையில் வைத்துக் கொள்கிறார்.

எங்கப்பாதான் ராஜா. ஆனா நான் இனிமே மகாராஜா. எல்லோரும் அப்படித்தான் கூப்பிடனும். நான் மகாராஜாவாக வேண்டும் என்று ஜலகண்டேஸ்வர் என் கனவில் வந்து கெஞ்சிக் கேட்டுக் கிட்டாரு. அதனால் நான் மகாராஜா.

மந்திரி 2 :  மனதிற்குள் ( போன ராஜா பேசாம சாகடிச்சான், இவன் பேசியே சாகடிக்கிறான்) வணக்கம் மகாராஜா

மகாராஜா ; என்னது வணக்கமா? ஆப் கி சர்க்கார் ஹிந்துஸ்தான் சர்க்கார். நமஸ்தே மகாராஜா னுதான் சொல்லனும்.

மந்திரி 3 : உங்கள் வரவு நல்வரவாகட்டும் மன்னர்மன்னா?

மகாராஜா: ஏன்யா உங்களெக்கெல்லாம் அறிவு கிடையாதா? இப்பதான சொன்னேன். ஸ்வாகதம்னு சொல்லுய்யா. புதுசா மகாராஜாவிற்கு கிரீட உத்ஸவ்  நடந்திருக்கு, யாரையாவது பாடச் சொல்லுங்க.

மந்திரிகள் இருவருமே எழுந்து கொண்டு பாடுகிறார்கள்.

“ராஜா, ராஜாதிராஜன் இந்த ராஜா, கூஜா, தூக்காதே, வேறு எங்கும் கூஜா, நேற்று இல்லை, நாளை இல்லை, எப்பவும் நீ ராஜா, கோட்டையில்லை, கொடியுமில்லை, அப்பவும் நீ ராஜா”

மகாராஜா: நிறுத்து நிறுத்து, கோட்டையில்லை, கொடியில்லையா? என்னய்யா எங்கப்பா எல்லாத்தையும் தொலைச்சிட்டுரா இல்லை வித்துட்டாரா?

சரி எங்கப்பா அவரை நல்லவன்னு சொல்லனும்னு சொன்னாரா, அதுக்கு ஒரு ஐடியா குடுங்க.

மந்திரி 2 : மகாராஜா, மக்களுக்கு விலையில்லா காற்று, விலையில்லா சுடுகாடு இதையெல்லாம் வழங்கி இத்திட்டங்களுக்கு அவர் பெயரை வைத்து விடலாம்.

மகாராஜா : இங்க பாரு இந்த ஆட்சியில எது நடந்தாலும் அது என் பெயரில்தான் இருக்கனும். அப்பா திட்டமில்லாம் கிடையவே கிடையாது.

வெளிநாட்டு தூதர் வருகிறார்.

தூதர் : மகாராஜா, உங்கள் தந்தை இறந்ததற்கு நான் மிகவும் வருந்துகிறேன்.

மகாராஜா : நானே வருத்தப்படல, உனக்கென்ன வருத்தம்?  நீ விஷயத்துக்கு வா

தூதர் : உங்கள் அப்பாவிடம் நான் சில கோரிக்கைகளை

மகாராஜா : அந்த பெட்டிக்கடை, பாங்க், இன்சூரன்ஸ் இதெல்லாம்தான? இங்க பாரு, என் வழி தனி வழி. உனக்கு என்ன வேணும்மோ அதை நான் செய்வேன். அதையெல்லாம் நீ கேட்டு நான் செய்யறதா இருக்காது. நானே செய்வேன்.

தூதர் : இதை, இதை, இதைத்தான் நான் எதிர்பார்த்தேன்

தூதர் : நம்ம வேலை ஈஸியா முடிஞ்சுது. இவன் அப்பனை விட பெரிய லூசா இருக்கானே!

மந்திரிங்களா, உடனே எல்லா பெட்டிக்கடைகளையும் மூடிடுங்க, எல்லா பேங்கு, இன்சூரன்ஸ் கம்பெனிங்களயும் இடிச்சுடுங்க,  இந்த நாட்டில மக்கள் உயிர் வாழறதே என்னோட கருணையாலதான். அதனால உயிர் வரி கட்டனும்னு ஒரு தண்டோரா போட்டுடுங்க. பாலாறுல எப்பயாவது தண்ணி வந்தா அதுல குளிக்க வரி கட்டனும். எருமை மாட்டை குளிப்பாட்ட எக்ஸ்ட்ரா வரி. நான் எவ்வளவு நல்லவன்னு போய் எல்லா ஸ்கூல் பிள்ளைங்க கிட்டயும் போய் சொல்லுங்க.

மந்திரி 2 : அடப்பாவி பதவியேற்ற முதல் நாளிலேயே இப்படி என்றால், போகப் போக? இவனை விட இவன் அப்பா நிஜமாவே நல்லவன்தான்.

பின்னணியில் குரல் ஒலிக்கிறது.

முதல் நாளா இல்லை முடிந்து போன நூறு நாட்களா என்பதல்ல நம் பிரச்சினை. முகங்கள் மாறலாம். ஆனால் அந்த முகங்களுக்குப் பின்னே இருக்கிற மூளைகள் மோசமானதாக உள்ளவரை, அவை முதலாளிகளை மட்டுமே நேசிக்கிறதாக உள்ளவரை மக்களின் துயரங்கள் தொடர்ந்து கொண்டுதான் இருக்கும்.

மக்களை உண்மையாகவே நேசிப்பவர்கள் யார் என்பதை மக்களும் இனியாவது புரிந்து கொண்டு அவர்களை ஆதரிக்க  வேண்டும். இல்லையென்றால் இந்த மகாராஜாக்களின் கொட்டங்கள் தொடர்ந்து கொண்டே இருக்கும். என்ன செய்யப் போகிறோம்? வெற்று முழக்கங்களுக்கு மயங்கிய பேதைகளாக இன்னும் எத்தனை நாட்கள் இருக்கப் போகிறோம்.? சிந்தியுங்கள், உங்களுக்காகவும், இந்த தேசத்திற்காகவும் கூட. .

பயணி 1 : தோழர் சி.ஸ்ரீதர்

பயணி 2 : தோழர் வி.திருமாவளவன்

ராஜா     :தோழர் ஆர்.குமரேசன்

மகாராஜா :தோழர் சி.சோமசுந்தரம்

வாயிற்காப்போன் : தோழர் சி.கணேசன்

மந்திரி 1  : தோழர் சி.சேகரன்

மந்திரி 2  : தோழர் ஜி.ரவி

மத்திரி 3 :  தோழர் பி.எஸ்.பாலாஜி

தூதர்     : தோழர் கே.அதாவூர் ரஹ்மான்