கீழேயுள்ள பதிவுகள் எல்லாம் சங்கிகளுடையது. போர், போர் என்று பொங்கிக் கொண்டிருக்கிறார்கள். அதிலே ஆருத்ரா திருடன் அமர் பிரசாத் ரெட்டியும் அதில் அடக்கம். இந்த பதிவுகளை முதலில் படியுங்கள்.
56 இஞ்சர் போரெல்லாம் தொடுக்க மாட்டார் என்ற தைரியத்தில் சொல்லப் படும் வெட்டி வார்த்தைகள் அவை
உக்ரைன் ரஷ்யா மீதான போரை நிறுத்த வேண்டும். உக்ரைனுக்கு இனி ஆயுத சப்ளை கிடையாது, அமெரிக்கா இதுவரை செய்த உதவிக்கு மாற்றாக உக்ரைன் தன் கனிம வளத்தை கொடுத்து விட வேண்டும் என்றெல்லாம் ட்ரம்ப் சொல்லிக் கொண்டிருந்தார். ஆப்கானிஸ்தானில் இருந்து அமெரிக்க படை வெளியேறும் என்ற அறிவிப்பிற்கே பாரக் ஒபாமா நோபல் அமைதி விருது பெற்றது போல ட்ரம்பிற்கும் ஆசை போல என்று நினைத்திருந்தேன்.
அப்படியெல்லாம் எதுவும் கிடையாது என்பதை இன்றைய செய்தி உணர்த்தி விட்டது. அமெரிக்கா உக்ரைனுக்கு மீண்டும் ஆயுத சப்ளையை தொடங்கி விட்டது.
அப்பறம் என்ன?
போர்தான்! அழிவுதான், மறு கட்டமைப்புதான், அதுக்கான டீலிங்தான்.
ஒரு கிறுக்கனிடம் சிக்கிக் கொண்டு உலகமே தவிக்கிறது . . .
பெல்ஜியம் தோழர் இ.பா.சிந்தன் அவர்களின் முக நூல் பக்கத்திலிருந்து எடுத்தது. இஸ்ரேலால் கொல்லப்பட்ட ஹமாஸ் இயக்கத்தலைவர் யாஹ்யா சின்வர் அவர்களின் இறுதி உயில். தமிழாக்கம் செய்தவர் தோழர் ராஜ சங்கீதன்.
LAST MOMENTS OF YAHYA SINVAR என்ற இந்த காணொளியை யூடூயுபில் பாருங்கள். ஒரு கை வெட்டப்பட்டு வாழ்வின் இறுதித்தருணத்தில் இருக்கையில் பறந்து வரும் ட்ரோன் மீது ஒற்றைக் கையால் தடியை வீசி எரியும் தீரத்தை பார்க்க மறவாதீர். கீழேயுள்ள படத்தில் சொல்லப்பட்டது போல அமெரிக்க அடிமையாக பாலஸ்தீனத்திற்கு எதிரான சவுதி அரேபிய மன்னரின் அரியணையை விட சின்வரின் சோபா கம்பீரமானது.
பாலஸ்தீனத்தின் வரலாற்றில் அம்மக்களின் துரோகியாக, எதிரியாக மோடியும் பதிவு செய்யப்படுவார்.
ஹமாஸ் தலைவர் யாஹ்யா சின்வர் எழுதியிருந்த இறுதி உயில் சுருக்கம்:
இஸ்ரேலின் அராஜகம் நாளுக்கு நாள் அதிகரித்துக் கொண்டே இருக்கிறது. லெபனானில் ஐக்கிய நாடுகள் சபையின் அமைதி காக்கும் படை செயல்பட்டுக் கொண்டிருக்கிறது. இந்த ஐக்கிய நாடுகள் சபையின் அமைதி காக்கும் படையின் வளாகத்தின் மீது இஸ்ரேல் தொடர்ந்து தாக்குதல் நடத்திக் கொண்டிருக்கிறது.
நேற்று இஸ்ரேல் ராணுவத்தின் டாங்கிகள் அந்த வளாகத்தின் சுற்றுச்சுவர் கதவுகளை தகர்த்து உள்ளே நுழைந்து தாக்குதல் நடத்தியுள்ளது. ஒரு அமைதிப் படையின் மீது தாக்குதல் நடத்துவது என்பது சர்வதேச விதிகளுக்கு எதிரானது. தீவிரவாத இயக்கங்கள் கூட செய்யத் துணியாத, தயங்குகிற ஒரு வேலையை இஸ்ரேல் ராணுவம் செய்துள்ளது.
ஐக்கிய நாடுகள் சபையின் பொதுச்செயலாளருக்கு இஸ்ரேல் பிரதமர் நெதன்யாகு ஒரு மிரட்டல் வீடியோ அனுப்பியுள்ளார். அந்த மிரட்டல் வீடியோவில் ஐக்கிய நாடுகள் சபையின் அமைதிப்படை லெபனானை விட்டு வெளியேறாவிட்டால் அதன் மீது தாக்குதல் நடத்தி முற்றிலுமாக அழித்து விடுவேன் என்று சொல்லியுள்ளார்,
இஸ்ரேல் குரைக்கும் நாய் அல்ல, கடிக்கும் நாய்.
நெதன்யாகு தான் மிரட்டியது போல செய்யக்கூடிய ஆசாமிதான்.
இதிலே மோடி எங்கே வருகிறார் என்ற கேள்வி எழலாம்.
லெபனானில் செயல்படும் ஐ.நா அமைதிப்படையில் 20 நாடுகளைச் சேர்ந்த 10,000 வீரர்கள் உள்ளனர். இந்திய ராணுவ வீரர்கள் மட்டும் 903 பேர் உள்ளனர். இஸ்ரேல் தாக்கினால் அவர்களும் செத்துப் போவார்கள்.
மோடிக்கு இது ஏற்புடையதுதானா?
மோடி அதைப் பற்றியெல்லாம் கவலைப்பட மாட்டார் என்பதுதான் சோகமான யதார்த்தம்.
ஐக்கிய நாடுகள் சபையின் பொதுச்செயலாளர் பாலஸ்தீனம் உபட இஸ்ரேலின் மண்ணில் கால் வைக்கக் கூடாது என்று இஸ்ரேல் தடை விதித்துள்ளது.
இத்தடைக்கு எதிராக ஐக்கிய நாடுகள் சபையில் 125 நாடுகள் தீர்மானம் நிறைவேற்றியுள்ளது.
இத்தீர்மானத்திற்கு எதிராக வாக்களித்தது இரண்டு நாடுகள். ஒன்று அமெரிக்கா.
இன்னொன்று.
ஆம். அது இந்தியாதான்.
இஸ்ரேல் என்ன அராஜகம் செய்தாலும் அதற்கு வால் பிடித்துக் கொண்டிருக்கும் நாடாக இந்தியாவை மாற்றி விட்டது மோடியின் அரசு.
இப்படிப்பட்ட நிலையில் இந்திய வீரர்களின் உயிரைப் பற்றியெல்லாம் கவலைப்படக் கூடிய மனிதப் பிறவியா மோடி?
அப்படிப்பட்ட கவலையெல்லாம் இருந்திருந்தால் உளவுத்துறை எச்சரித்தும் 44 வீரர்களை புல்வாமாவில் சாகவிட்டிருப்பாரா?
உலகின் மிகப் பெரிய பயங்கரவாத அரசான இஸ்ரேல் அரசுடன் இந்தியா வாஜ்பாய் காலம் வரை விலகியே நின்றது. மோடியோ ஒட்டி உறவாடினார். மோடி, ட்ரம்ப், நெதன்யாகு என மூவருமே வெறி பிடித்தவர்கள் என்பது அனைவரும் அறிந்ததே .
இஸ்ரேலின் உதவியோடுதான் எதிர்க்கட்சிகள், ஊடகங்கள் ஆகியோரை வேவு பார்த்தது மோடி அரசு.
அதெல்லாம் போகட்டும்.
இஸ்ரேலுடன் மோடி கொண்ட கூடா நட்பு இந்தியர்களுக்கு கேடாக முடிந்துள்ளது.
பல முனைகளில் இஸ்ரேலுக்கும் மற்ற நாடுகளுக்கும் பிரச்சினை, மோதல், அவ்வப்போது போர்.
பாலஸ்தீனத்துடனான போர் ஒரு புறம் என்றால் இரானுடனான போர் இன்னொரு புறம்.
கட்டுமானப் பணிகளுக்காக உபி தொழிலாளர்களை இஸ்ரேலுக்கு அனுப்பி வைக்க அவர்கள் சில ஆயிரம் பேர் அங்கே சிக்கிக் கொண்டுள்ளனர்.
அதைத் தவிர இஸ்ரேலுக்கு அனுப்பி வைக்க தயார் செய்யப்பட்டவர்கள், அதற்கான விமானக் கட்டணம் உட்பட லட்ச ரூபாய் வரை கடன் வாங்கி செலுத்தி இப்போது பயணங்கள் ரத்து செய்யப்பட்டதால் தவித்து நிற்கிறார்கள் சில ஆயிரம் பேர்.
இந்த தருணத்திலும் கூட இஸ்ரேலுக்கு ஆள் பிடிக்கும் வேலை தொடர்வதாக தகவல்கள் வருகிறது.
மோடியின் கூடா நட்பு அவருக்கு கேடாய் அமைந்தால் தவறில்லை. அவர் பிரதமராய் இருந்து தொலைப்பதால் இந்திய மக்களுக்கு கேடாகிறது.
அவரை பிரதமர் பதவியிலிருந்து துரத்த வேண்டும் என்பதற்கு இஸ்ரேல் நட்பும் ஒரு காரணம்.
இஸ்ரேலின் மீது ஹமாஸ் நடத்திய தாக்குதல் உலகெங்கும் அதிர்ச்சி அலைகளை உருவாக்கியுள்ளது. ஹமாஸ் நடத்திய தாக்குதலைக் கண்டித்து நாங்கள் இஸ்ரேலுடன் நிற்கிறோம் என்று உலகெங்கும் பல நியாயவான்கள் (மணிப்பூர் மக்களை கைவிட்ட டிமோ உட்பட) என்று அறிக்கை வெளியிட்டுள்ளார்கள்.
நல்லது.
இத்தனை நாள் உறக்கத்தில் இருந்தவர்கள் இப்போதாவது விழித்துக் கொண்டிருக்கிறார்கள் என்பதில் மகிழ்ச்சி. உங்கள் உறக்கத்தை முற்றிலுமாக கலைக்க நல்ல டீயோ, காபியோ குடித்து விட்டு (டிமோ கோமியம்தான் குடிப்பார் என்றால் அது அவரின் விருப்பம்) ஹமாஸ் நடத்திய தாக்குதலுக்கு முன்பாக இஸ்ரேல் இது நாள் வரை என்ன செய்து கொண்டிருந்தது என்பதை கொஞ்சம் கேட்டுத் தெரிந்து கொள்ளுங்கள்.
அப்பாவிகள் யார் கொல்லப்பட்டாலும் யாரால் கொல்லப்பட்டாலும் தவறுதான்.
இன்று இஸ்ரேலிய மக்களின் இறப்பிற்காக கதறி அழுகிறவர்கள் யாராவது இஸ்ரேலால் கொல்லப்பட்ட லட்சக்கணக்கான பாலஸ்தீன மக்களுக்காக கண் கலங்கியதாவது உண்டா?
பாலஸ்தீனத்தின் மீது தொடர்ந்து தாக்குதல் நடத்தி அப்பகுதியை ஆக்கிரமித்துக் கொண்டே இருக்கிற இஸ்ரேல் மீது சிறு விமர்சனமாவது செய்ததுண்டா?
சுற்றுச்சூழல் செயற்பாட்டாளரும் எழுத்தாளருமான தோழர் அ.முத்துகிருஷ்ணன் பகிர்ந்து கொண்ட ஒரு படத்தை நான் இங்கே பகிர்ந்து கொள்கிறேன்.
தோழர் முத்து கிருஷ்ணன் இன்னொரு கேள்வியையும் எழுப்பி இருந்தார். உலகிலேயே மிகவும் சக்தி வாய்ந்த உளவுத்துறை என்று புகழப்படுகிற இஸ்ரேலின் உளவுத்துறைக்கு ஹமாஸின் தாக்குதல் பற்றி ஏன் தெரியவில்லை என்று கேட்டு அதற்கு ஒரு ஊகத்தையும்சொல்கிறார்.
செல்வாக்கு முற்றிலும் சரிந்து போய், நீதி மன்றத்தோடு மோதிக் கொண்டிருக்கிற இஸ்ரேல் பிரதமர் நெதன்யாஹூவுக்கு தன் மீதான பிரச்சினைகளை திசை திருப்ப ஹமாஸின் தாக்குதல் தேவைப் பட்டிருக்குமோ என்பது அவரது ஊகம்.
அதனை நாம் நிராகரிக்க முடியாது. 2019 தேர்தலுக்கு முன்பாக உளவுத்துறை எச்சரித்தும் கூட புல்வாமாவில் சி.ஆர்.பி.ஃஎப் வீரர்கள் 44 பேர் கொல்லப்படுவதை வேடிக்கை பார்த்த கொடூரர்களின் ஆட்சியில் அல்லவா நாம் வாழ்கிறோம்!
இஸ்ரேலுக்காக இதயம் துடிக்கிற நியாயவான் கனவான்களே (நீங்கள் அப்படிப்பட்ட அடைமொழிகளுக்கெல்லாம் அருகதை அற்றவர்கள் என்ற போதிலும்) கீழே உள்ள படத்தை பாருங்கள்.
அந்த ஒப்பந்தத்தில் பாலஸ்தீனர்களின் உரிமைகளை விட்டுக் கொடுத்து விட்டார் என்று அப்போது யாசர் அராபட் விமர்சிக்கப்பட்டார்.
அந்த அற்ப ஒப்பந்தத்தைக் கூட நிறைவேற விடாத பெருமை இன்றைய இஸ்ரேல் பிரதமர் நெத்ன்யாஹூ வுக்கே உண்டு.
உங்கள் மனிதாபிமானம் உண்மை என்றால் குறைந்தபட்சம் அந்த ஒப்பந்தத்தையாவது அமலாக்கச் சொல்லுங்கள். ஆக்கிரமிக்கப்பட்ட பகுதிகளிலிருந்து இஸ்ரேலை வெளியேறச்சொல்லுங்கள்.
உக்ரைனுக்கும் ரஷ்யாவுக்கும் இடையிலான போர் ஒரு வருடத்திற்கும் மேலாக நடந்து வருகிறது. ரஷ்யாவும் உக்ரைனும் மட்டும் போரிட்டிருந்தால் இந்த போர் எப்போதோ முடிந்திருக்கும். ஆனால் இது இத்தனை நாள் இழுத்துச் செல்வதற்கான காரணமே இது ரஷ்யாவுக்கும் அமெரிக்கா தலைமையிலான நேடோ NATO) அமைப்பிற்கும் இடையிலான போர் என்பதால்தான்.
நேடோ நாடுகளின் உதவியோ, போர்த்தளவாடங்களோ, நிதியுதவியோ, உளவுத்தகவல்கள், ஆலோசனைகள் இல்லாமல் உக்ரைனால் இத்தனை காலம் தாக்கு பிடித்திருக்க முடியாது.
ஆனால் இன்று செய்தி பார்த்தேன்.
உக்ரைன் ஜனாதிபதி ஃஸேலன்ஸ்கி நேடோ நாடுகளை கடுமையாக சாடியுள்ளார். உக்ரைனை எப்போது நேடோவில் சேர்த்துக் கொள்வீர்கள் என்பதற்கு ஒரு காலக்கெடுவை நிர்ணியுங்கள் என்பது அவரது ஆதங்கம்.
ஏன் அவர் அப்படி கேட்டுள்ளார் என்பதையும் அந்த செய்தி விளக்குகிறது.
சமீபத்தில் நடந்த நேடோ உச்சி மாநாட்டில் “உக்ரைன் இப்போது ரஷ்யாவுடம் போரிடுவதால் உக்ரைனை இப்போது நேடோவில் சேர்த்துக் கொண்டால் அந்த போரில் நேடோ தலையிட வேண்டியிருக்குமாம். அதனால் யோசிக்கிறார்களாம், அமெரிக்காதான் ரொம்பவே சிந்திக்கிறதாம்”
“இது உன் பிரச்சினை குமாரு, நாங்க தலையிட்டா கேங் வாராயிடும்” என்ற புதுப்பேட்டை வசனத்தை நேடோ உக்ரைனில் சொல்லியுள்ளதாக அந்த செய்தி சொல்கிறது.
நேடோவின் தலையீட்டால்தான் உக்ரைன் ரஷ்யா போரே நடந்து கொண்டிருக்கிறது, ஒரு வருடத்திற்கும் மேலாக நீடித்துக் கொண்டிருக்கிறது என்பது உலகறிந்த உண்மை.
அப்படி இருக்கையில் எதற்கு இந்த நாடகம்? யாரை ஏமாற்ற?
நகரம் திரைப்படத்தில் வடிவேலு சுந்தர்.சி யிடம் என் ஏரியா பக்கம் வா, தெருவுக்கு வா, வீட்டுக்கு வா என்றெல்லாம் உதார் விட்டு விட்டு கடைசியில் காலில் விழுந்து கதறும் காட்சிக்கும்
எல்லையில் ஆவேசமாக முழங்கிய ராஜ்நாத்சிங் வஜனத்துக்கும் எந்த சம்பந்தமும் இல்லையென்று நான் சொல்வதை நீங்கள் நம்பித்தான் ஆக வேண்டும்.
காலையில் நாளிதழை கையிலெடுத்ததும் கண்ணில் பட்டது இந்த படம்தான். ஆகா அழகு என்று முதலில் தோன்றினாலும் சற்று கவனித்ததும்தான் இது அழிவு என்பது புரிந்தது.
உக்ரைன் தலைநகர் கீவ் மீது நேற்று ரஷ்யா நடத்திய ஆளில்லா விமான தாக்குதலில் எரிந்து கொண்டிருக்கும் மின் நிலையம் இது.
இந்த போர் எப்போது முடியும் என்பது தெரியவில்லை.
புடினோடு மோடி பேசி விட்டார். போர் முடிந்து விடும் என்று இரண்டு நாட்கள் முன்பாக சங்கிகள்தான் கதையளந்து கொண்டிருந்தார்கள்.
முட்டாப் பசங்க . . .
உக்ரைனில் அடுக்கி வைக்கப்பட்ட சடலங்கள் முன்பாக ஒரு ஊடகக்காரர் பேசிக் கொண்டிருக்க அந்த சடலங்களில் ஒன்று அசைந்து உயிரோடு இருந்த காணொளியை இப்போதுதான் ஒழுங்காக பார்த்தேன். அதை நீங்களும் பார்த்திருப்பீர்கள். அது என்னமோ அதனை பகிரவே முடியவில்லை
(ஆஹா, இந்த மந்திரத்தைப் பெற தேவர்கள் நடத்திய நாடகக் காதலைப்
பற்றியே தனியாக ஒரு பதிவு எழுதலாம் போல இருக்கே!)
அமெரிக்கா உக்ரைனில் உயிரி ரசாயன ஆயுத ஆய்வகங்களை அமைத்துள்ளது இப்போது அம்பலமாகியுள்ளது.
அதன் மூலம் எத்தனை ஆயுதங்கள் உற்பத்தி செய்யப்பட்டு எங்கே பதுக்கப் பட்டுள்ளது என்பதும் ஒரு நாள் தெரிய வரும்.
பேரழிவு ரசாயன ஆயுதங்களை பதுக்கி வைத்திருப்பதாக சதாம் உசேன் மீது பொய்க்குற்றம் சுமத்தி ஈராக்கை அழித்தது அமெரிக்கா.
இப்போது அமெரிக்கா மீது சொல்லப்பட்ட குற்றச்சாட்டை அமெரிக்காவே ஒப்புக் கொண்டுள்ளது.
அமெரிக்கா மீது யார் போர் தொடுக்கப் போகிறார்கள்?
பிகு: மேலே உள்ள படம் அமெரிக்காவில் உள்ள சிந்தடிக் பயோ வெப்பன் ஆய்வகம்.
உபயம் : கமலஹாசன்
மோடியோடும் பல ஐரோப்பிய நாடுகளின் தலைவர்களோடு பேசி போரை முடிவுக்குக் கொண்டு வர உதவுமாறு கேட்டுக் கொண்டதாக உக்ரைன் ஜனாதிபதி சேலன்ஸ்கி சொல்லியுள்ளார்.
இவர்களால் என்ன செய்ய முடியும் என்று அவர் நினைக்கிறார்?
கூறையேறி கோழி பிடிக்க கையாலாகாத மோடி வானம் ஏறி எப்படி வைகுண்டம் போவார்?
"இது உன் பிரச்சினை குமாரு, நாங்க தலையிட்டா கேங் வாராயிடும்" என்ற புதுப்பேட்டை வசனத்தைப் போல
அமெரிக்கா மற்றும் நேட்டோ நாடுகள் இந்த போரிலிருந்து நாசுக்காக நழுவியதைப் பார்த்தும் புத்தி வரவில்லையென்றால் என்ன சொல்வது?
அவர் பேச வேண்டியது ஒருவரோடு மட்டும்தான்.
அப்போதுதான் போர் முடிவுக்கு வரும்.
அவர் பேச வேண்டிய ஒரே நபர்
ரஷ்ய ஜனாதிபதி புதின்.
உக்ரைனில் தவிக்கும் இந்திய மாணவர்களை மீட்கிற வேலையை மட்டும் மோடி செய்தால் போதும் என்று எழுதியதற்கு
"உக்ரைன் வரை போய் படிக்கும் அளவிற்கு வசதி உள்ளவனால் விமானக் கட்டணம் செலுத்த முடியாதா?"
என்று ஒரு கேள்வி வந்தது.
இந்த கேள்வியை இப்போது சங்கிகள் பரவலாக கேட்கத் தொடங்கி விட்டார்கள். அதிலும் தமிழ்நாட்டு மாணவர்களின் பயணச்செலவை மாநில அரசு ஏற்கும் என்று முதல்வர் திரு மு.க.ஸ்டாலின் அறிவித்த பின்பு எரிச்சல் அதிகமாகி விட்டது.
நீட் எழுதாமல் கோடிக்கணக்கில் செலவு செய்பவனுக்கு எதற்கு தண்டச் செலவு செய்ய வேண்டும் என்று அர்ஜூன் சம்பத் போன்ற வெறியன் வெளிப்படையாகவே பேசுகிறான்.
மேலோட்டமாக பார்த்தால் நியாயமாகவே தோன்றும். ஒரு சொந்த அனுபவத்தை பகிர்ந்து கொள்ள வேண்டுமென்று நினைக்கிறேன்.
மதுரையில் கல்லூரியில் படித்த காலம். விடுதியில் இருந்த நேரம். மாதத்தின் கடைசி வாரம். மெஸ் கட்டணத்தோடு செலவுக்கான பணம் (கொஞ்சமாகத்தான்) மாதத்தின் முதல் வாரம் வரும். மாதக் கடைசியில் சொற்பமாகத்தான் கையிருப்பு இருக்கும். அப்படிப்பட்ட ஒரு நாளில்தான் ஈழத்தமிழர் பிரச்சினைக்காக கல்லூரி மாணவர்கள் போராட்டம் நடக்கிறது. மாநிலம் முழுதும் போராட்டம் பரவியதும் அரசு அனைத்து கல்லூரிகளையும் காலவரையின்றி மூடியது. விடுதிகளை விட்டு மாணவர்கள் உடனடியாக காலி செய்ய வேண்டும் என்று உத்தரவிட்டது.
மதிய உணவு தயார் செய்திருந்ததால் அதை சாப்பிட்டு விட்டு செல்ல பெருந்தன்மையோடு கல்லூரி நிர்வாகம் அனுமதித்தது.
அப்போது என் கையில் பேருந்து கட்டணத்துக்கு மேலாக ஐந்து ரூபாய் மட்டுமே இருந்தது. யாரிடமும் கேட்க கூச்சம். என் அக்காவின் மாமியார் வீடு மதுரையில் இருந்தது. அவர்களிடம் சென்று பணம் கேட்டிருக்கலாம். ஆனால் இப்படி கல்லூரி மாணவர்கள் பொறுப்பில்லாமல் போராடலாமா என்று என் அக்கா மாமனார் கொஞ்சம் வகுப்பெடுப்பார். ஊருக்கு போனதும் இதே வகுப்பு உக்கிரமாக நடக்கும். அதற்கு முன்பாக இன்னொரு வகுப்பு வேண்டாமென்று புறப்பட்டு விட்டேன்.
மதுரை அண்ணா பேருந்து நிலையம் அனைத்து கல்லூரி மாணவர்களால் நிரம்பி வழிந்தது. பேருந்துகளில் செம கூட்டம். ஒரு மணி நேரம் கழித்தே நின்று செல்ல இடம் கிடைத்தது. இடைப்பட்ட நேரத்தில் தேநீருக்கு ஒரு ஐம்பது காசு செலவழிந்து விட்டது.
திருச்சியிலும் இதே நிலைதான். ஒரு ஏழரை மணி அளவில் வந்திருப்பேன். இரண்டு இட்லியும் ஒரு தோசையும் சாப்பிட்டதில் ஒன்றரை ரூபாய் செலவு. மீண்டும் திருச்சியிலிருந்து நெய்வேலி வரை நின்ற கோலத்தில் பயணம். திருவள்ளுவர் பேருந்து என்பதால் கூடுதல் கட்டணம் இரண்டு ரூபாய். ஆக கையில் இருந்தது ஒரு ரூபாய்தான். விருத்தாச்சலத்தில்தான் உட்கார இடம் கிடைத்தது.
மதியத்திலிருந்து நின்று கொண்டே வந்ததில் ஏற்பட்ட களைப்பு, ஜன்னல் சீட்டில் வந்து மோதிய குளிர் காற்று இரண்டுமே தூக்கம் என் கண்களை தழுவச்செய்து விட்டது.
அதன் விளைவு???
நான் இறங்க வேண்டிய மந்தாரக்குப்பம் நிறுத்தத்தை தவறவிட்டு விட்டேன். மத்தியப் பேருந்து நிலையத்தில் நடத்துனர்தான் எழுப்பி விட்டார்.
மந்தாரக்குப்பத்திற்கு செல்ல என்.எல்.சி டவுன் பஸ் எப்போது என்று கேட்டால் அமராவதி தியேட்டர் செகண்ட் ஷோ முடிந்து பனிரெண்டு மணிக்கு மேல்தான் என்று சொல்கிறார்கள். ஆட்டோக்காரர்கள் நாங்கள் கொண்டு விடுகிறோம் என்று சொலிகிறார்கள். அவர்கள் கேட்ட பத்து ரூபாய் என்னிடம் இல்லை என்கிறேன். வீட்டுக்கு போய் வாங்கிக் கொடு என்று சொல்கிறார்கள். பொறுப்பில்லாமல் தூங்கி விட்டு ஆட்டோவில் வந்தாயா என்று நள்ளிரவில் திட்டு வாங்க தயாராக இல்லை.
பனிரெண்டு மணிக்கு மேல் டவுன் பஸ்ஸில் இருபத்தி ஐந்து பைசா கட்டணத்தில் சென்று எழுபத்தி ஐந்து பைசா கையிருப்போடு வீட்டுக்குப் போன சொந்தக்கதை, சோகக்கதை இது.
எதிர்பாராத பயணத்தால் ஒரே மாநிலத்தில் பட்ட அவதி இது.
படிக்கச் சென்ற உக்ரைன் மாணவர்களால் திடிரென விமானச் செலவுக்கான கட்டணத்தை எப்படி திரட்ட முடியும் என்று சிந்தித்தால் இந்த கேள்வி வராது.
உக்ரைன், ரஷ்யா என்று பல நாடுகளில் மருத்துவப் படிப்பு படிக்க இந்திய மாணவர்கள் எல்லா மாநிலத்திலிருந்தும்தான் செல்கிறார்கள். அவர்கள் கோடிக்கணக்கில் செலவு செய்து ஒன்றும் செல்லவில்லை. கோடிக்கணக்கில் செலவு செய்ய முடியாமல்தான் செல்கிறார்கள். தனியார் மருத்துவக் கல்லூரிகளின் நிர்வாகக் கோட்டாவிற்கான கோடிக்கணக்கான கட்டணத்தை கட்ட முடியாமல் குறைந்த கட்டணத்தில் படிக்க கடன் வாங்கிச் செல்பவர்கள்தான்.
இந்தியாவிற்கான அரசு விமான நிறுவனம் இல்லாத நிலைமையில் தனியார் விமானக் கம்பெனிகள் சூழலைப் பயன்படுத்தி மூன்று மடங்கு அதிகமாக கட்டணம் வசூலிப்பதால் அவர்கள் கதி அதோகதியாக மாறி விட்டது.
இந்நிலையில் அவர்களின் பாதுகாப்பான பயணத்தை உறுதி செய்ய வேண்டியது அரசின் கடமை.
அரசு நிறுவனமாக ஏர் இந்தியா இருந்திருந்தால் மூன்று மடங்கு கட்டணக் கொள்ளை நடக்காது. அதனால் அந்த கட்டணத்தை ஏற்றுக் கொள்ள வேண்டியது ஏர் இந்தியாவை விற்றுத் தின்ற அரசின் கடமைதான்.
எல்லாமும் இலவசமாக இருக்க முடியாது என்பதெல்லாம் விளக்கெண்ணெய் உபதேசம். முதலாளிகளுக்கு கொடுக்கும் வரிச்சலுகை, தள்ளுபடி உள்ளிட்ட எல்லா எழவுகளும் கூட இலவசம்தான். சொற்றொடர் வேறு.
உக்ரைனில் தவிப்பவர்கள் நம்மவர்கள் என்ற உணர்வுள்ளவர்கள் இப்போது செலவுக்கணக்கு பார்க்க மாட்டார்கள். நமக்கு எந்த பாதிப்பும் இல்லை என்று சொகுசாக இருப்பவர்கள்தான் பொருளாதார மேதைகளாக வியாக்யானம் செய்து கொண்டிருப்பார்கள்.
அவர்களுக்கு மாணவர்களின் தவிப்பு புரியாது. அவர்கள் யார் என்பதை அடையாளம் கண்டு கொள்ளும் வாய்ப்பை காலம் நமக்கு கொடுத்துள்ளது.
என்ன இவர்கள்தான் தங்களை தேச பக்தர்கள் என்று பீற்றிக் கொள்வார்கள்.
ரஷ்யா போரை நிறுத்தனும்.. அவங்களும் . . .
"ஒரு நாடு இன்னொரு நாட்டுக்கு அழைப்பேதும் இல்லாமல் டாங்கிகளை, வீரர்களை அனுப்பினால் அதன் பெயர்
என்ற கேள்விக்கு பதில் மிகவும் நச்சென்று இருந்தது.
ரஷ்யா - உக்ரைன் போரால் பதற்றம் நிலவும் சூழலில் ஒரே ஒரு கூட்டம் மட்டும் உற்சாகமடைந்துள்ளது. (போர் பற்றி விரிவாக மாலையில் எழுத வேண்டும்)
இன்னமும் 56 இஞ்ச் மார்பன், வல்லவன், நல்லவன், திறமையானவன், உலகத் தலைவன் என்று நம்பிக் கொண்டிருக்கும் முட்டாள் சங்கிகள் கூட்டம்தான் அது.
மோடி தலையிட்டு போரை நிறுத்திடுவார் என்று அந்த கூட்டம் நிஜமாகவே நம்பிக் கொண்டிருக்கிறது.
அந்த கூட்டத்திடமும் மோடியிடமும் நாம் சொல்ல விரும்புவது ஒன்றே ஒன்றைத்தான்.
இந்த சமாதான தூதுவர் ஆணியெல்லாம் அவசியமில்லை. உக்ரைனில் சிக்கியுள்ள இந்திய மாணவர்கள் 25,000 பேரை பாதுகாப்பாக இந்தியாவுக்கு கொண்டு வந்தால் போதுமானது.
தனக்கு மட்டும் ஒரு விமானத்தை அரசு நிதியில் வாங்கிக்கொண்டு அரசின் விமானநிறுவனத்தை விற்றுத்தின்ற ஊதாரியால் உக்ரைனில் தவிக்குது நம் பிள்ளைகள்.
என்ற தோழர் ஆதவன் தீட்சண்யாவின் வார்த்தைகள் நூற்றுக்கு நூறு சரியானது. அதனால் ரத்தன் டாடாவின் காலில் விழுந்தாவது மாணவர்கள் திரும்ப வருவதை உத்தரவாதம் செய்யவும். அப்படி கட்டணம் செலுத்த அரசிடம் பணமோ, மனமோ இல்லையென்றால் சொல்லவும். ஒன்றிய அரசுக்கு நாங்கள் பிச்சையெடுத்தாவது பணம் தருகிறோம்.
