எடப்பாடி கோஷ்டியும் சரி, வேலுமணி சரி ரெண்டு பேருமே கொள்கைக் குன்றுகள் கிடையாது. மோடியின் கட்டளைகளை நிறைவேற்ற தயங்காதவர்கள். பிறகு ஏன் அவர்களுக்குள் மோதல்?
மோடிக்கு எடப்பாடியையோ அல்லது வேலுமணியை பிடிக்காமல் போயிருக்கிறது.
அதனால் அவர்கள் சண்டை செய்கிறார்கள்.
மோடியின் செல்லப்பிள்ளை யார் என்பது விரைவிலேயே தெரிந்து விடும்.
கடந்த 2021 சட்டப்பேரவை தேர்தலுக்குப் பின்பு தன் தோல்விக்கு காரணம் யார் என்று முன்னாள் அதிமுக அமைச்சர் டி.ஜெயகுமார் விளக்கமாக சொல்லும் காணொளி இங்கே உள்ளது.
பாவம் ஜெயகுமார்!2026 தேர்தலிலும் ஜெயகுமார் அதே வேஸ்ட் லக்கேஜ் பிஜேபியால்தான் தோற்கப் போகிறார்.
இருபத்தி நான்கு மணி நேரமும் போதையில் இருக்கிறாரா என்ற சந்தேகம் அதிமுகவின் முன்னாள் மந்திரி திண்டிவனம் சி.வி.சண்முகம் பேசுவதை கேட்கும் போதெல்லாம் வரும்.
சந்தேகமே தேவையில்லை. அவர் எப்போதும் அப்படித்தான் என்பதை அந்த ஜந்துவின் இன்றைய பேச்சு நிரூபித்துள்ளது.
தமிழ்நாட்டை விட்டு துரத்த வேண்டும். வேண்டுமானால் பாலியல் குற்றங்களின் சொர்க்கமான உத்திரப்பிரதேசத்திற்கு செல்லட்டும்.
இதில் மிகப் பெரிய கொடுமை என்னவென்றால் அந்த ஆள் பேசியது :பெண்களுக்கு பாதுகாப்பு இல்லை" என்பதை கண்டித்து நடக்கும் ஆர்ப்பாட்டத்தில்.
இது போன்ற ஜந்துக்கள் இருக்கும் வரை எப்படி பெண்கள் பாதுகாப்பாக இருக்க முடியும் !
பாலியல் ஜல்சா கட்சியின் கூட்டாளி வேறெப்படி பேசுவார்!
மதுரை என்.டி.ஏ கூட்ட அரங்கின் முகப்பில் வைக்கப்பட்டிருந்த தந்தை பெரியார் படத்தை பாஜக கட்டளையின் பேரில் நீக்கியது பற்றி நேற்று எழுதியிருந்தேன்.
அந்த பதிவை ட்விட்டர் பக்கத்தில் பகிர்ந்து போது பாஜக மாநிலத் தலைவர் நயினார் நாகேந்திரன் பக்கத்தைப் பார்த்தேன்.
இன்று நடைபெறவுள்ள கூட்டத்திற்கான பின்னணித்திரையின் படத்தை அவர் பகிர்ந்தார்.
அதையெல்லாம் பாருங்கள்.
முதல் கூட்டத்திலேயே ஒரு சாதாரண ட்விட்டர் பதிவில் கூட எடப்பாடியை மதிக்காத பாஜக மாநிலத்தலைவர் தயாராக இல்லை. போகப் போக இன்னும் என்னென்ன அவமானங்கள் எடப்பாடிக்கும் அதிமுகவிற்கும் காத்திருக்கிறதோ?
பாவம் அந்த கட்சியின் தொண்டர்கள் !!!!
பிகு: நேற்று பகிர்ந்து கொள்வதற்காக நேற்று முன் தினம் எழுதியது. தோழர் தயாநிதி அவர்களின் மறைவினால் இன்று பகிர்ந்து கொள்கிறேன்.
நாளை மதுரையில் தேசிய ஜனநாயகக் கூட்டணியின் கூட்டத்தில் மோடி பேசுகிறார். அதற்காக அமைக்கப்பட்ட அரங்கின் முகப்பில் வைக்கப்பட்டிருந்த தந்தை பெரியாரின் படத்தை பாஜகவினரின் கட்டளைப்படி அதிமுக அகற்றியுள்ளது.
சங்கிகளுக்கு தந்தை பெரியாரை மட்டுமல்ல, அறிஞர் அண்ணாவையும் பிடிக்காது. அறிஞர் அண்ணாவை இழிவு படுத்தியவர்களோடு இனி எந்த காலத்திலும் கூட்டணி கிடையாது என்று சொல்லித்தான் கடந்த மக்களவைத் தேர்தலின் போது என்.டி.ஏ விலிருந்து வெளியே வந்தார்கள். மக்கள் அதையெல்லாம் மறந்திருப்பார்கள் என்று நினைத்துத்தான் இப்போது மீண்டும் கூட்டணிக்குள் நுழைந்துள்ளார் எடப்பாடி.
இன்று தந்தை பெரியார் படத்தை நீக்கச் சொன்ன பாஜக உங்கள் கட்சியிலின் பெயரிலிருந்தும் கட்சியின் கொடியிலிருந்தும் அண்ணாவை நீக்கச் சொல்வார்கள். நீங்களும் வெட்கமில்லாமல் அதை செய்வீர்கள். பாஜக சொல்லி செய்வதற்குப் பதிலாக நீங்களே உங்கள் கட்சியின் பெயரை எ.தி.மு.க என மாற்றி விடுங்கள்.
எதிமுக என்றால் எடப்பாடி திமுக என்றும் சொல்லலாம். எட்டப்பன் திமுக என்றும் சொல்லலாம்.
"என்னம்மா கண்ணு" என்ற திரைப்படத்தில் ஸ்த்ரீ லோலனான சத்யராஜ், எஸ்.பி வடிவேலை புரோக்கர் வடிவேலு என்று நினைத்து அசிங்கம் அசிங்கமாக திட்டுவார், வடிவேலுவின் மனைவி கோவை சரளாவையும் அசிங்கமாக பேசுவார்.
சத்யராஜ் போனதும் வடிவேல் கோவை சரளாவிடம்
"அவன் என் ஃப்ரெண்டு. படிக்கற காலத்துலேயே அவன் குடும்பத்தை நான் அசிங்கமா பேசுவான். அவன் என் குடும்பத்தை அதை விட கேவலமா பேசுவான். இதை நாங்க ஒரு பொழுது போக்காவே வச்சிருக்கோம்"
உங்களோடு கூட்டணி வைப்பதை விட தூக்கில் தொங்கலாம் என்று சொன்ன டி.டி.வி.தினகரனோடும் டயர் நக்கி என்ற அன்புமணியோடும் கூட்டணி வைத்துள்ளீர்களே, அவர்கள் பேசியது உங்களை பாதிக்கவில்லையா என்று கேட்டால்
வடிவேலின் வசனத்தைத்தானே சொல்வீர்கள் வடிவேல்!
வேறு என்ன வழி உங்களுக்கு இருக்கிறது !!!!
மோடியின் அமலாக்கப் பிரிவு நேற்று முன் தினம் தேர்தல் சகுனி பிரஷாந்த் கிஷோரின் ஐ.பேக் நிறுவனத்தின் கொல்கத்தா அலுவலகத்திலும் பிரஷாந்த் கிஷோரின் கூட்டாளி பிரதீக் ஜெயின் வீட்டிலும் ரெய்ட் நடத்தியுள்ளது. மம்தாவிற்கு இப்போது வழிகாட்டுவது பிரதீக் ஜெயின் தான்.
ரெய்ட் நடத்திய இரண்டு இடங்களுக்கும் தன் குண்டர்களோடு சென்ற மம்தா பானர்ஜி பல முக்கியமான ஆவணங்களை தூக்கிக் கொண்டு வெளியே வந்து விட்டார்.
அந்த ஆவணங்களில் என்ன ரகசியம் இருந்தது என்பது அவருக்கே வெளிச்சம்.
அமலாக்கப்பிரிவை ஏவுவது என்பது மோடியின் அராஜகம். உள்ளே புகுந்த ஆவணங்களை தூக்கி வருவது மம்தாவின் அராஜகம்.
இது போல முன்பு எப்போதாவது நடந்துள்ளதா?
ஆம்.
அதுதான் தமிழ்நாட்டின் பெருமை.
ஜெயலலிதா ஆட்சியில் சட்டப்பேரவையில் கலைஞரின் உடல் குறைபாட்டை நக்கலடித்து அமைச்சர் பதவியை பெற்றவர் விஜயபாஸ்கர். எடப்பாடி காலத்திலும் அவர் சுகாதாரத்துறை அமைச்சர்.
அவர் வீட்டில் வருமான வரித்துறை ரெய்ட் நடத்திய போது அவரது செயலாளர்களில் ஒருவர், பல முக்கியமான ஆவணங்களை தூக்கி வந்து வெளியே வீச, காத்திருந்த தோண்டர்கள் அதனை தூக்கிக் கொண்டு ஓடி விட்டார்கள்.
ஆக அடாவடி செய்வதில் விஜயபாஸ்கர் முன்னோடியாக இருந்துள்ளார்.
அதிமுகவுடன் இப்போது கூட்டணி வைத்துள்ளது பாமகவின் அன்புமணி கோஷ்டி. ஜெயலலிதா காலத்தில் அமைச்சர்களாக இருந்து இப்போது அதிமுகவை நடத்திக் கொண்டிருப்பவர்கள், குறிப்பாக எடப்பாடி பழனிச்சாமி உள்ளிட்டவர்களைப் பற்றி அன்புமணியின் மதிப்பீடு என்ன?
கீழேயுள்ள காணொளியை பாருங்கள்.
அரசியல்ல இதெல்லாம் சாதாரணமப்பா . . .
அதிமுக முன்னாள் அமைச்சர் ஆர்.பி.உதயகுமார் சொன்னதை "ஒப்புதல் வாக்குமூலம்" என்று சொல்லாமல் வேறென்ன சொல்ல முடியும்.
தான் நடத்திய பொதுக்கூட்டத்தின் வழியே சென்ற ஆம்புலன்ஸ் ஓட்டுனரை எடப்பாடி எனும் எடுபிடி மிரட்டிய காணொளியை பார்த்தேன்.
ஆம்புலன்ஸ் கடந்து சென்றால் அதற்கு வழி விட வேண்டும் என்பது மனிதர்கள் பின்பற்ற வேண்டிய சாதாரண விதி. நோயாளி சிகிச்சைக்காக விரைவில் செல்ல வழி விட வேண்டும் என்பதெல்லாம் ஒருவரின் ரத்தத்தில் கலந்திருக்க வேண்டிய குணம்.
அந்த குணம் கூட இல்லாமல் ஆம்புலன்ஸ் ஓட்டுனரை மிரட்டுவது, பின்பு கவனித்துக் கொள் என்று கட்சிக்காரர்களுக்கு உத்தரவு போடுவதெல்லாம் கேவலம். இதை செய்துள்ள எடுபிடியை மனிதன் என்று சொல்வது மனித குலத்திற்கு அவமானம். ம்னுசன் என்று சொல்ல முடியாத ஒரு ஆள் முதல்வராக இருந்தது என்பதெல்லாம் தமிழ்நாட்டிற்கு அவமானம்.
காலி ஆம்புலன்ஸ் என்றொரு ...... பிளக்கும் வாதம் வைக்கப்படுகிறது. அட முட்டாள்களே! நோயாளியை வீட்டிலிருந்தோ, விபத்தானால் ரோட்டிலிருந்தோ அழைத்துச் செல்ல ஆம்புலன்ஸ் காலியாகத்தான் செல்ல வேண்டும்.
நான் விபத்துக்குள்ளான சமயத்தில் அடுத்த கட்ட சோதனைகளுக்காக மூன்று முறை மருத்துவ மணைக்கு ஆம்புலன்ஸில்தான் சென்றேன். என்னை வீட்டிலிருந்து அழைத்துச் செல்ல ஆம்புலன்ஸ் காலியாகத்தான் வந்தது.
இன்னொன்று இவர் கூட்டத்திற்கு வேண்டுமென்றே இடையூறு செய்கிறார்களாம்.
அதற்கெல்லாம் அவர் வொர்த்தில்லை என்பதை அவரிடம் யாராவது சொல்லுங்களேன்.
காலி ஆம்புலன்ஸ்
பாஜகவின் புதிய மாநிலத் தலைவராக நயினார் நாகேந்திரன் அறிவிக்கப் பட்டு விட்டார். ஆட்டுக்காரன் இல்லாதது உண்மையிலேயே வருத்தம்தான். அவருக்கு புடிக்காத அதிமுகவோட கூட்டணி வேற.
புள்ள மூஞ்சியை பாருங்க! எப்படி சோகத்துல இடிஞ்சு போயிருக்கு பாருங்க! பதிவுகள் எழுத, மீம்கள் உருவாக்க தொடர்ந்து கண்டெண்ட் கொடுத்துக் கொண்டிருந்த ஒரு ஆள் இனி இல்லை என்றால் வருத்தம் இருக்காதா என்ன?
நேற்று எடப்பாடி - அமித்ஷா சந்திப்பு நடந்துள்ளது. மோசடி வழக்கில் சிக்கிக்கொண்ட உறவினரை பாதுகாக்கவே இந்த சந்திப்பு என்று ஊடகங்கள் சொன்னாலும் கூட்டணி பேச்சுவார்த்தை பற்றியும் பேசப் பட்டுள்ளதாக சங்கிகள் நம்புகிறார்கள்.
மத்யமர் ஆட்டுக்காரன் குழுவில் ஒரு சிகண்டி போட்டுள்ள பதிவு கீழே.
அதிமுக- பாஜ்க கூட்டணி உருவானால்
முன்பு அந்த கூட்டணி முறிய காரணமாக இருந்த ஆட்டுக்காரன் நிலைமை என்னாகும்?
அழகி படத்தில் மந்திரி பதவியையும் இழந்து ஆடைகள் கிழியும் அளவிற்கு அடி வாங்கிய பாண்டுவின் கதிதான் ஏற்படும்.
பாவம் ஆட்டுக்காரன் . . .
சி.ஏ.ஏ சட்டத்தை ஆதரித்து இஸ்லாமியர்களுக்கு துரோகம் இழைத்த அதிமுக, ஒரு நாடு, ஒரே தேர்தல் மசோதாவை ஆதரித்து இந்திய ஜனநாயகத்திற்கே துரோகம் இழைத்துள்ளது.
என்ன எடப்பாடி ரெண்டு நாள் முன்னாடி பொதுக்குழுவில பாஜகவை தாக்கினீங்களாம், அதெல்லாம் செட்டப்பா?
இந்த கேவலமான வேலைக்கு என்ன டீலிங் போட்டிருக்கீங்க?
யானை மாலை போட்டு பிச்சைக்காரன் ராஜாவானது மாதிரி தவழ்ந்து போய் முதலமைச்சரான உங்க கிட்ட எல்லாம் அரசியல் நாணயம் எல்லாம் எதிர்பார்க்க முடியுமா?
நீங்களும் ஒரு அமைதிப்படை அமாவாசைதானே!
திமுகவிற்கு எதிரான கட்சிகளுடன் கூட்டணி அமைப்போம் என்ற எடப்பாடியாரிடம் “அப்படியென்றால் பாஜக, பாமக கட்சிகளுடன் கூட்டணிக்கு கதவு திறந்துள்ளதா? “ என்ற கேள்விக்கு “அப்படியெல்லாம் யாருக்கும் கதவை மூடி விட முடியாது. தேர்தல் நேரத்தில் உரிய முடிவெடுப்போம். திமுகவிற்கு எதிரானவர்களை திரட்டுவதே எங்கள் கடமை” என்று பதில் சொல்லி பாஜகவிற்கு பச்சைக் கொடி காட்டியிருந்தார் எடப்பாடி. இது நேற்றைய ஆங்கில இந்து நாளிதழின்செய்தி.
நீதி, நேர்மை, நாணயம் ஆகிவற்றை நிலை நாட்டுவதற்காக அவதாரம் எடுத்துள்ள அமலாக்கப் பிரிவைச் சேர்ந்த உத்தம புத்திரர்களே, இங்கே வாருங்கள்.
ஒருவரை
ஒருவர் போட்டுக் கொடுத்துக் கொண்டிருக்கிறார்கள். இருவரிடமும் விசாரணை நடத்தி இருவரையுமே
தூக்கி உள்ளே போடுங்கள்.
ஆனால் பாவம், நீங்கள் என்ன செய்ய முடியும்!
மதுரையில் ஒரு அமலாக்கப்பிரிவு அதிகாரி லஞ்சம் வாங்கி கம்பி எண்ணுகிறார். மாநிலத்தின் தலைமையில் உள்ள ஆட்களோ பாஜக கயவர்களின் நில ஆக்கிரமிப்புக்கு துணை போய் அதிகார துஷ்பிரயோகம் செய்து அசிங்கப்பட்டுக் கொண்டிருக்கிறார்கள்.
சதிகாரன் சாணக்யனாக தன்னை சித்தரித்துக் கொண்டுள்ள ரங்கராஜ் பாண்டே, டிமோ தமிழ்நாட்டுக்கு என்ன சாதனை செய்தார், எந்த கோரிக்கையை நிறைவேற்றினார் என்று தம்பட்டம் அடிப்பதை பாருங்கள்.
வெட்கங்கெட்டவர்கள் . . .
