எப்போதுமே போதையா சீமான்?

 

எத்தனை முறை அடி வாங்கினாலும் திருந்தாத ஜென்மம் சீமான். பாலியல் குற்றவாளியான சீமான் மீண்டும் ஒரு அனைத்திந்திய ஜனநாயக மாதர் சங்கத்தை வம்புக்கு இழுத்து வாங்கிக் கட்டிக் கொண்டுள்ளான். 24 மணி நேரமும் போதையிலேயே இருப்பான் போல. அதானி துறைமுக சரக்காக இருக்குமோ?

மாதர் சங்கத்தின் மாநிலச் செயலாளர் தோழர் ராதிகா அவர்களின் பதிவு கீழே . . .

கழுதைக்கு தெரியுமா கற்பூர வாசனை..

சீமானே சுயநினைவை இழந்து இத்தனை நாள் எங்கே கிடந்தீர்கள்?

வரதட்சணை கொடுமையால் உயிரிழந்த ரிதன்யாவின் மரணம் தமிழகத்தையே உலுக்கியது.

உடனடியாக பாதிக்கப்பட்ட குடும்பத்தினரை சந்தித்து பேசி மறுநாள் திருப்பூர் மாவட்டத்தில் அனைத்திந்திய ஜனநாயக மாதர் சங்கத்தின் சார்பாக தற்கொலைக்கு காரணமான ரிதன்யாவின் மாமியார் சித்ராவை கைது செய்ய வேண்டும் என ஆர்ப்பாட்டம் நடத்தப்பட்டது.

ஆர்ப்பாட்டத்தில் ரிதன்யாவின் குடும்பத்தினரும் கலந்து கொண்டனர்.

தமிழக அரசும் காவல்துறையும் உடனடியாக நடவடிக்கை எடுக்க வேண்டும்.என வலியுறுத்தப்பட்டது. அதன் பிறகு சித்ரா கைது செய்யப்பட்டு சிறையில் அடைக்கப்பட்டுள்ளார்.

20 நாள் கழித்து தெளிந்த சீமான்..

வழக்கம்போல வாடகை வாயால் வடைசுட ஆரம்பித்து விட்டார்.

மாதர் சங்கம் எங்கே போனது?

நினைவை இழந்து திடீரென வந்து மைக் முன் நின்றால் நடந்தது எதுவும் தெரியாது சீமானே..

கொஞ்சம் தெளிந்த உங்கள் தம்பிகளிடம் கேட்டு தெரிந்து பேசவும்.

எங்களுக்கு உங்கள் பேச்சை கேட்கிற போது

எங்கள் மேல் நீங்கள் கொண்ட பயம் இன்னும் தீராமல் இருப்பது தெரிகிறது.

அநாகரீகமாக பொதுவெளியில் பெண்களைப் பற்றி பேசுவதும் எழுதுவதும் உங்களுக்கும் உங்கள் கட்சிக்கும் புதிதல்ல..

அண்ணன் எவ்வழியோ தம்பிகளும் அவ்வழியே பின்பற்றுகிறார்கள்.

உங்களை போலவே எங்களுக்கும் திருப்பி பதில் சொல்லத் தெரியும்.

ஆனால் அரசியல் நாகரீகமும் பொது மரியாதையும் அறம் சார்ந்த விமர்சனங்கள் மட்டுமே பண்பின் அடையாளம் என இயங்கி வருகிறோம்.

நாவை அடக்கி பேசாவிட்டால் அடக்கும் வல்லமை மாதர் சங்கத்திற்கு இருக்கிறது.

தமிழகத்தில் எங்கு பெண்களுக்கு அநீதி நடந்தாலும் உங்களைப் போன்றவர்கள் கேட்கிற கேள்வி

மாதர் சங்கம் எங்கே போனது?

ஆண்ட கட்சிகள் பல இருக்கிறது.

நாளை நாங்கள் தான் ஆட்சிக்கு வருவோம் என்று சொல்கிற கட்சிகள் இருக்கிறது.

ஆளும் கட்சி இருக்கிறது

அதையெல்லாம் தாண்டி பெண்கள் பிரச்சனை என்றால் போராட்ட களத்தில் இருக்கும் ஒரே அமைப்பு மாதர் சங்கம் தான் என்கிறதை தொடர்ச்சியாக சொல்லி எங்களை வலிமையாக்கி கொண்டிருக்கிறீர்கள்.

அநீதிக்கு எதிரான போராட்டம் என்பது எங்கள் உயிரில் கலந்தது.

உங்களைப் போல நாள் ஒரு பேச்சும் பொழுது ஒரு கொள்கையும் என நெறிகெட்டவர்களுக்கு தமிழக பெண்கள் தகுந்த பாடம் புகட்டுவார்கள்.

அ.ராதிகா

AIDWA

மதுரை போலீஸுக்கு மட்டும் காவி சீருடையா முதல்வரே?

 

நேற்று மதுரை திருப்பரங்குன்றத்தில் இந்திய மாணவர் சங்கம், இந்திய ஜனநாயக வாலிபர் சங்கம், அனைந்திய ஜனநாயக மாதர் சங்கம், தமிழ்நாடு முற்போக்கு எழுத்தாளர்கள் கலைஞர்கள் சங்கம் ஆகிய அமைப்புக்கள் இணைந்து மத நல்லிணக்கத்தையும், மக்கள் ஒற்றுமையையும் வலியுறுத்தியும் திருப்பரங்குன்றத்தின் அமைதியை குலைக்க சதி செய்யும் அழிவு சக்திகளை முறியடிக்க வேண்டும் என்பதை வலியுறுத்தியுமான பிரசுரத்தை மக்கள் மத்தியில் வினியோகித்தனர்.

ஆனால் இதனை மக்களிடம் கொடுக்க விடாமல் திருப்பரங்குன்றம் போலீஸ் தலையிட்டு அதனை பறித்துக் கொண்டு போய் அராஜகம் செய்தார்கள்.

திருப்பரங்குன்றம் பிரச்சினைக்கு மூல காரணம் அரசு நிர்வாகமும் போலீஸும்தான். 

காவல்துறையில் காவி ஆடுகள் ஊடுறுவியுள்ளது என்பது தொடர்ந்து நிரூபணமாகிக் கொண்டிருக்கிறது. 

இதனை முதல்வர் மு.க.ஸ்டாலின் தல்லையிட்டு களையெடுக்காவிட்டால் நாளை அவருக்குத்தான் சிக்கல்...

"தமிழன்னை" விருதுக்கு வாழ்த்துக்கள்

 அனைத்திந்திய் ஜன்நாயக மாதர் சங்கத்தின் அகில இந்திய் துணைத்தலைவரும்  மார்க்சிஸ்ட் கம்யூனிஸ்ட் கட்சியின் மத்தியக்குழு உறுப்பினருமான தோழர் உ.வாசுகி அவர்களுக்கு அவள் விகடன் பத்திரிக்கை நேற்று "தமிழன்னை" விருது கொடுத்து கௌரவித்துள்ளது. 

அந்த விருது தொடர்பாக அப்பத்திரிக்கை வெளியிட்டுள்ள செய்தி கீழே . ..

தோழர் உ.வாசுகி அவர்களுக்கு பாராட்டுக்களும் வாழ்த்துக்களும்.

தமிழன்னை - உவாசுகி

பெண்களுக்கான போராட்டங்களில் முதல் வரிசை முகம், உ.வாசுகி. இந்திய கம்யூனிஸ்ட் கட்சியின் (மார்க்சிஸ்ட்) அரசியல் தலைமைக்குழு உறுப்பினராக இருந்த ஆர்.உமாநாத், அனைத்திந்திய ஜனநாயக மாதர் சங்கத்தின் முன்னோடித் தலைவர்களில் ஒருவரான பாப்பா உமாநாத்தின் மகள். 

அச்சங்கத்தில் தானும் தொண்டராக இணைந்தார், உ.வாசுகி. பத்தாண்டுகள் அதன் பொதுச்செயலாளர், தற்போது துணைத் தலைவர்களில் ஒருவர், சி.பி.எம் கட்சியின் மத்தியக் குழு உறுப்பினர், மாநிலச் செயற்குழு உறுப்பினர் எனப் பொறுப்புகளுக்கும், போராட்டங்களுக்கும் தன்னை ஒப்புக்கொடுத்தார். இந்திய அளவில் ஒரு கோடி உறுப்பினர்களும், தமிழகத்தில் 7 லட்சம் உறுப்பினர்களும் கொண்டது மாதர் சங்கம். 

அதன் மீடியா விமர்சனக் குழுவின் அமைப்பாளரான இவர், திரைப்படங்களில், விளம்பரங்களில், பாடப் புத்தகங்களில் பெண்களின் மலிவான சித்திரிப்பை எதிர்த்து, சமூகத்தின் கவனத்தில் புகுத்திய முன்னோடி. காவல்துறையினர் கூட்டு பாலியல் வன்கொடுமை செய்த சிதம்பரம் பத்மினி வழக்கு, • பிரேமானந்தா சாமியாரின் வன்கொடுமை வழக்கு 5 உள்ளிட்ட ஏராளமான வழக்குகளில் முன்னின்று, தமிழகம் முழுக்க அளந்துள்ளன இவரது போராட்ட - பாதங்கள்.

 மத்திய, மாநில அரசாங்கங்களின் மக்கள் விரோத நடவடிக்கைகள் மற்றும் கொள்கைகளை எதிர்க்கும் இவரது உக்கிரம், குறையாமல் கனன்று கொண்டே இருக்கிறது கால் நூற்றாண்டாக.

சமூக, அரசியல் போராட்டங்களில் சமரசமின்றி இயங்கும் இந்தப் போர்வாளுக்கு, 'தமிழன்னை' விருது வழங்கி, தலைவணங்குகிறது அவள் விகடன்.

இன்னும் ஆபாசம் குஷ்பு

 

சேரி மொழி என்பதற்கு குஷ்பு அம்மையார் ஒரு விளக்கம் கொடுத்துள்ளார். சேரி என்றால் அன்பு என்று ஃபிரஞ்சு மொழியில் அர்த்தமாம். அந்த அர்த்தத்தில்தான் அவர் அந்த வார்த்தையை தன்னுடைய நேசத்தை வெளிப்படுத்த பயன்படுத்தினாராம்.

அது அன்பைக் குறிக்கிறது என்றால் "உன்னுடைய சேரி மொழியில் என்னால் பேச முடியாது" என்று ஏன் சொல்ல வேண்டும்,

செய்த தவறை ஒப்புக் கொண்டு மன்னிப்பு கேட்பதற்குப் பதில் சம்பந்தமே இல்லாமல் ஃபிரெஞ்ச் மொழியை எல்லாம் இழுத்து கொடுத்திருக்கிற விளக்கம், அவரது முந்தைய ட்வீட்டை விட இன்னும் ஆபாசமாக இருக்கிறது. 

பாஜக கட்சியில் உள்ளவர்கள் யார் நேர்மையாக இருப்பார்கள். செய்த அசிங்கத்தை மறைக்க அடுத்த அசிங்கம், அதற்கடுத்த அசிங்கம் என்று போய்க் கொண்டே இருப்பதுதானே அந்த கட்சியின் கேவலமான பாரம்பரியம். . . .

பிகு 1 : இதே குஷ்பு அம்மையார் அனைத்திந்திய ஜனநாயக மாதர் சங்கத்தை சீண்டி வாங்கிக் கட்டிக் கொண்டதை இந்த இணைப்பின் மூலம் பாருங்கள். அந்த இணைப்பின் இறுதியில் அப்போது குஷ்பு அம்மையார் போட்ட ஒரு ட்வீட் இருக்கும். "அடி செருப்பாலே"  என்ற வார்த்தையை அப்போது பயன்படுத்தியிருப்பார். "அடி செருப்பாலே" என்பதுதான் குஷ்புவின் கண்ணியமான, நாகரீக மொழி போலும். 

பிகு : ஆமாம். அந்த டிக்சனரியை புரட்டி உங்களுக்கு சொன்ன அந்த அதிமேதாவி யாருங்க மேடம்? அவனுக்கும் உங்களுக்கு கட்டின மாதிரியே ஒரு கோயில் கட்டனும் !

கண்ணியம் உங்களுக்கு வேண்டாமா குஷ்பு மேடம்

 

தேசிய மகளிர் ஆணைய உறுப்பினரான திருமதி குஷ்பு சுந்தர், மீண்டும் தலைப்புச் செய்திகளில் இடம் பிடித்து விட்டார். அவரை ஆபாசமாக பேசிய திமுக பேச்சாளர் சிவாஜி கிருஷ்ணமூர்த்தி, திமுகவிலிருந்து நிரந்தரமாக  நீக்கப்பட்டு கைதும் செய்யப்பட்டுவிட்டார்.

 சிவாஜி கிருஷ்ணமூர்த்தி பேச்சு தொடர்பாக அனைத்திந்திய ஜனநாயக மாதர் சங்கத்தின் தமிழ்நாடு மாநிலப் பொதுச்செயலாளர் தோழர் ராதிகா, குஷ்புவிடம் சில கேள்விகள் கேட்டிருந்தார்.

அன்புச்சகோதரி

#குஷ்பு அவர்களுக்கு,

வணக்கம்..!

நேற்று உங்கள் ஊடகப் பேட்டியை பார்த்தேன். தங்களை மிக மோசமாக விமர்சித்தத் திராவிட முன்னேற்றக் கழகத்தின் பேச்சாளர் சிவாஜிமீது நடவடிக்கை எடுக்க கோரிய உங்கள் கோபம் மிக நியாயமானது.

பொதுவெளியில் இயங்கும் பெண்களை அவதூராக பேசுவதை, இழிவு படுத்துவதை ஒருபோதும் அனுமதிக்க கூடாது.

அப்படிப்பட்ட கயவர்களுக்கு சட்ட ரீதியாக அவர் சார்ந்திருக்கிற கட்சியின் ரீதியாகவும் நடவடிக்கை எடுக்க வேண்டும் என்பதேயே மாதர் சங்கமும் வலியுறுத்தி வருகிறது.

இன்னும் கூட ஒரு விஷயத்தை உங்களுக்கு நினைவூட்ட விரும்புகிறேன்.

கற்பு குறித்து நீங்கள் தெரிவித்த ஒரு கருத்திற்காக தமிழகம் முழுவதும் சங்கிகள் குறிப்பாக பிஜேபி தலைவர் எச். ராஜா உங்கள்மீது சேற்றை வாரி இறைத்தப்போது, விஷமத்தைக் கக்கியபோது அதற்கு எதிராக முதல் எதிர்ப்புக் குரல் கொடுத்தது அனைத்திந்திய ஜனநாயக மாதர் சங்கம்தான்.

துரதிஷ்டம் பாருங்கள்...

இப்போது அக்கட்சியின் முக்கிய பொறுப்பில் இருக்கிறீர்கள்.

ஆனால் அன்றும் இன்றும் என்றும் பெண்களை இழிவுபடுத்தும், ஆபாசமாக பேசும் எந்த ஒரு செயலையும், யார் செய்தாலும் எந்த சமரமும் இன்றி, முதல் எதிர்ப்பு குரலை கொடுப்பது அனைத்திந்திய ஜனநாயக மாதர் சங்கம் என்பதை நாடறியும். தாங்களும் அறிவீர்.

ஆனால் உங்கள் சம்பந்தப்பட்ட பிரச்சனைக்கு உடனடியாக எதிர்வினையாற்றிய அதேவேகத்தில் உங்களிடம் சில கேள்விகளை முன் வைக்க விரும்புகிறேன்.

சென்னை கலாஷேத்ரா கல்லூரியில் பயிலும் மாணவிகள் பேராசிரியர் ஹரி பத்மன் என்பவரால் பாலியல் துன்புறுத்தல்களுக்கு ஆளாக்கப்பட்ட செய்தி தமிழகத்தை பெரும் அதிர்ச்சிக்கு உள்ளாக்கியது. அப்போது அமைதியாகவே கடந்துப் போனீர்கள்.

டெல்லியில் ஒலிம்பிக் பதக்கம் வென்ற மல்யுத்த வீராங்கனைகள்... நீங்கள் பொறுப்பு வகிக்கும் பிஜேபி கட்சியின் நாடாளுமன்ற உறுப்பினர் பிரிஜ் பூஷன் சரண்சிங் என்ற கயவனால் பாலியல் ரீதியாக துன்புறுத்தலுக்கு ஆளாகினர்.

அதற்கு நியாயம் நீதி கேட்டுத் தொடர் போராட்டத்தை நடத்தி வருகின்றனர். நாடு முழுவதும் பெண்கள் அமைப்புகள் அப்போராட்டத்திற்கு தங்கள் ஆதரவை தெரிவித்து இருந்தபோதும், நீங்கள் இது குறித்து பேச மறுத்துவிட்டீர்கள்.

தேசிய பெண்கள் ஆணையத்தின் உறுப்பினர் என்ற முறையில், தாங்கள் தமிழகத்தில் முன்னெடுத்த பெண்கள் நலன் காக்கும் நடவடிக்கைகள் என்ன?

மேற்கண்ட கேள்விகளுக்கு எல்லாம் உங்களிடம் பதில் இருக்காது என்பது நன்கு தெரியும். ஏனென்றால் நீங்கள் சாந்திருக்கும் பிஜேபி எந்த காலத்திலும் நியாயத்தின் பக்கம் நிற்கும் கட்சி அல்ல.

எல்லாவற்றிலும் சுய லாபம் தேடும் பிஜேபியில் அங்கம் வகிக்கும் உங்களை போன்றோரின் நாடகபாணி அரசியலை மக்கள் நன்கு அடையாளம் கண்டு வைத்துள்ளனர் என்பதை மட்டும் இப்போதைக்குத் தங்களின் காதில் போட்டு வைக்கிறேன். நன்றி.

-#ராதிகா, கோவை...

அதற்கு திருமதி குஷ்பு சுந்தர் அவர்கள் ஆற்றிய எதிர்வினை கீழே.

Good morning. Finally, you wake up my dear sister. Was wondering how come you haven't jumped into it as yet. Let me appraise you n brush your rested mind a bit. #Kalashetra is an autonomous body. NCW cannot just jump into it. We have rules to follow. And our Chairperson of @NCWIndia was here to meet the students. But obviously, you and others are blind & deaf to that since #Khushbu was not present.

Secondly, our wrestlers have been protesting since Jan n I took charge at NCW in March, by the time it had gone to SC, after which one can not interfere with court proceedings. I expect people in CPIM to read some laws before you raise a question. But to jump in the crowd to attack me is fashionable, so I will give you leniency. Hope this helps you to learn but please make sure you educate your counterparts too about it. And did I hear you appreciating me when I spoke in support of #BilkisBano ??

Oh, sorry, all of you were in deep slumber then n react only when you think you have to be in limelight, to tag along & make some noise. Keep rattling the empty box. Good luck Sister.

திருமதி குஷ்புவின் எதிர்வினை மிகவும் அபத்தமானது, சுய நலமானது என்பதை தன் முக நூல் பதிவின் மூலம் அம்பலப்படுத்தினார் அனைத்திந்திய ஜனநாயக மாதர் சங்கத்தின் அகில இந்திய துணைத்தலைவரும் மார்க்சிஸ்ட் கம்யூனிஸ்ட் கட்சியின் மத்தியக்குழு உறுப்பினருமான தோழர் உ.வாசுகி. அவரின் பதிவு கீழே.  ஆங்கிலம் அறியாதவர்கள் கூட தோழர் உ.வாசுகி அவர்களின் பதிவிலிருந்து குஷ்பு என்ன எதிர்வினையாற்றினார் என்பதை புரிந்து கொள்ளலாம்.

தோழர் உ.வாசுகி அவர்களின் பதிவு கீழே

அன்புள்ள குஷ்புவிற்கு,

அனைத்திந்திய ஜனநாயக மாதர் சங்க தமிழ்நாடு மாநில குழுவின் பொதுச் செயலாளர் ராதிகாவுக்கு நீங்கள் அளித்திருந்த பதிலை நான் பார்க்க நேர்ந்தது, இது பற்றிய எனது சில கருத்துக்களை உங்களுடன் பகிர்ந்து கொள்ள விரும்புகிறேன்.

ஒரு வழியாக நாங்கள் விழித்துக் கொண்டோம் என குறிப்பிட்டிருக்கிறீர்கள். நாங்கள் எப்பொழுதும் விழிப்போடும், எச்சரிக்கையோடும் தான் இருக்கிறோம் சகோதரி. பாலினப் பிரச்சினைகளில் - அவர்களின் அரசியல், பொருளாதார மற்றும் சமூகப் பிரச்சினைகளில் நாங்கள் தொடர்ந்து தலையீடு செய்வதால், விழித்துக் கொள்ளவோ அல்லது எதிலும் குதிக்கவோ அவசியமில்லை. நீங்கள் விரும்பினால், நாங்கள் உங்களுக்கு விவரங்களைத் தர முடியும். எங்கள் சிந்தனை ஓய்வெடுக்கவும் இல்லை, துருப்பிடிக்கவும் இல்லை என உறுதிபட கூறுகிறோம்.

கலாக்ஷேத்ரா பிரச்சனையில், தேசிய பெண்கள் கமிஷனின் விதிகளைப் பற்றிக் குறிப்பிடுகிறீர்கள். தேசிய பெண்கள் கமிஷன் என்பது ஒரு சட்டப்பூர்வமான, தன்னாட்சி அதிகாரம் கொண்ட அமைப்பாகும். இதன் தலையீடு அரசு நிறுவனங்களோடு நின்றுவிடும் என்றும், தனியார் மற்றும் தன்னாட்சி அமைப்புகள் அதன் வரம்புக்குள் வராது என்றும் சொல்லாதீர்கள். பிறகு ஏன் தேசிய மகளிர் ஆணைய தலைவர் கலாக்ஷேத்திராவிற்கு வந்தார்? ஒரு தன்னாட்சி அதிகாரம் பெற்ற அமைப்பில் பாதிக்கப்பட்டவர்களுக்கு ஆதரவாக தேசிய பெண்கள் கமிஷன் உறுப்பினர்கள் கருத்து கூட தெரிவிக்க முடியாது என்று எந்த விதிமுறை குறிப்பிடுகிறது? அல்லது கலாக்ஷேத்ரா புகார்தாரர்களை பாதிக்கப்பட்டவர்களாக தேசிய மகளிர் ஆணையம் கருதவில்லையா? உண்மையில் கலாக்ஷேத்ரா மத்திய அரசால் நிதியளிக்கப்பட்டு அண்ணா பல்கலைக்கழகத்துடன் இணைக்கப்பட்டுள்ளது. அவர்கள் NCW க்கு பதிலளிக்க வேண்டியவர்கள் இல்லையா? உங்கள் வாதத்தில் தெளிவு இல்லை. ஆனால் மாதர் சங்கம், துவக்கத்திலிருந்தும், குற்றம் சுமத்தப்பட்டவர்களுக்கு ஜாமீன் அளிப்பதை எதிர்ப்பது வரையும் போராடும் மாணவர்களுடன் இருந்தது.

நீதிமன்ற நடவடிக்கைகளை மேற்கோள் காட்டி மல்யுத்த வீரர்களின் போராட்டத்தின் போது தலையிடாததை நீங்கள் நியாயப்படுத்துவது நியாயமானதாகத் தெரியவில்லை. மல்யுத்த வீரர்கள் தங்கள் கோரிக்கைகளை வலியுறுத்துவதை அல்லது கிசான் சபா மற்றும் மாதர் சங்கம் உள்ளிட்ட பிற அமைப்புகள் மல்யுத்த வீரர்களின் கோரிக்கைகளை மீண்டும் வலியுறுத்தி, ஆதரவு தெரிவிப்பதை நீதிமன்ற நடவடிக்கைகள் தடுக்கவில்லையே.. அப்புறம் எப்படி உங்களை மட்டும் அமைதியாக்க முடியும்?

நாங்கள் சட்டங்களைக் கற்றுக்கொள்ள வேண்டும் என்று நீங்கள் கூறுகிறீர்கள். சரி, நாங்கள் அதற்குத் திறந்த மனதோடு இருக்கிறோம். ஆனால் நீங்கள் எந்த சட்டங்களை குறிப்பிடுகிறீர்கள்? தயவுசெய்து எங்களுக்கு தெளிவுபடுத்துங்கள்.

அதே சமயம், blind மற்றும் Deaf போன்ற வார்த்தைகளை இழிவான முறையில் பயன்படுத்துவது குற்றம் என்பது உங்களுக்குத் தெரியாதா? மாற்றுத்திறனாளிகளை நீங்கள் புண்படுத்துவது இது முதல் முறை அல்ல. பா.ஜ.க.வில் சேர்ந்த உடனேயே காங்கிரசை விமர்சிக்க இதுபோன்ற வார்த்தையை பயன்படுத்தியது நினைவிருக்கிறதா? அப்போது, மாற்றுத்திறனாளிகளுக்காக செயல்படும் TARATDAC என்ற சங்கம், எதிர்ப்பு தெரிவித்து புகார் அளித்தது. பின்னர் நீங்கள் மன்னிப்புக் கேட்டு, இதுபோன்ற சொற்களைப் பயன்படுத்தி மாற்றுத்திறனாளிகளை இனி ஒருபோதும் புண்படுத்த மாட்டீர்கள் என்று உறுதியளித்தீர்கள். ஆனால் இங்கே நீங்கள் மீண்டும் அதே குற்றத்தைச் செய்துள்ளீர்கள். திரும்பத் திரும்ப செய்யப்படும் ஒரு குற்றத்திற்கு சட்டம் என்ன சொல்கிறது என்பதைப் படிக்க நான் உங்களுக்கு அறிவுறுத்துகிறேன்.

இறுதியாக, உங்களை விமர்சிப்பது எங்களை வெளிச்சத்திற்கு கொண்டு வரும் என்று ஏன் நினைக்கிறீர்கள்? இது உங்களைப் பற்றி நீங்களே கொஞ்சம் அதீதமாக மதிப்பீடு செய்வதாக தெரிகிறது. AIDWA என்பது ஒரு கோடிக்கும் அதிகமான உறுப்பினர்களைக் கொண்ட ஒரு தேசிய அமைப்பாகும், மிஸ்டுகால் அழைப்பு மூலம் சேர்க்கப்பட்ட உறுப்பினர் அல்ல, மேலும் அதன் ஸ்தாபகத் தலைவர்கள் சுதந்திர இயக்கத்திலிருந்து ஈர்க்கப்பட்டவர்கள். விளம்பர வெளிச்சத்தில் இருக்க வேண்டும் என்பது பற்றி நாங்கள் ஒருபோதும் கவலைப்படுவதில்லை.

பிரச்சினைகளில் தலையிடும்போது உண்மையில் நாங்கள் ஆபத்துகள், காவல்துறை மற்றும் சமூக விரோதிகளின் தாக்குதல்களுக்கு ஆளாகிறோம். எஃப்.ஐ.ஆர் பதிவு செய்வதற்கும், பாதிக்கப்பட்டவர்களுக்கு ஆதரவளிப்பதற்கும், நீதிமன்றங்களில் நீதியைப் பெறுவதற்கும், அவர்களுக்கு எல்லா வழிகளிலும் உதவுவதற்கும் நாங்கள் கடுமையாகப் போராடிய நூற்றுக்கணக்கான வழக்குகளை மேற்கோள் காட்ட இயலும். ஏழை பெண்கள், தலித் பெண்கள் மற்றும் பழங்குடியினப் பெண்களுக்காக நாங்கள் இருக்கிறோம். நீங்கள் அதை அறிந்திருப்பீர்கள் என நான் உறுதியாக நம்புகிறேன். நாங்கள் அடிக்கடி தாக்கப்பட்டு, அவதூறுகளுக்கு ஆளாக்கப்பட்டுள்ளோம். நீங்கள் விளம்பர வெளிச்சத்தைப் பற்றி பேசுகிறீர்கள்...அதுவும் AIDWA பற்றி!

உங்கள் கட்சியான பிஜேபியின் சித்தாந்தம் மனு ஸ்மிருதியை அடிப்படையாகக் கொண்டது, பெண்கள், தலித்துகள், ஆதிவாசிகள் மற்றும் சூத்திரர்களைப் பற்றி மனு ஸ்மிருதி என்ன சொல்கிறது என்பதை நாங்கள் விவரிக்க வேண்டியதில்லை. இந்துத்துவா அமைப்புகளால் சிறுபான்மையினர் எவ்வாறு குறிவைக்கப்படுகிறார்கள் என்பதை நீங்கள் நன்கு அறிவீர்கள். பல வல்லுறவு மற்றும் வன்முறை வழக்குகளில், பாஜக உறுப்பினர்கள் மற்றும் ஆதரவாளர்கள் குற்றவாளிகள் என்பது உங்களுக்குத் தெரியும். எனவே பாலின பிரச்சனைகளில் உங்கள் நிலைபாட்டை, அதேபோன்று உங்களது கட்சியின் நிலைபாட்டை மறுபரிசீலனை செய்யுங்கள்.

- உ.வாசுகி, AIDWA

தன்னை ஆபாசமாக, கண்ணியக்குறைவாக பேசியதற்காக திருமதி குஷ்பு கோபப்பட்டது, நடவடிக்கை எடுக்கச் சொன்னதெல்லாம் மிகவும் சரி, நியாயமானது. ஆனால் திருமதி குஷ்பு தன்னிடம் மற்றவர்கள் காண்பிக்க வேண்டும் என்று எதிர்பார்க்கும் கண்ணியத்தை அவர் மற்றவர்களிடம் கடைபிடிக்கிறாரா

சுந்தர்.சி அவர்களின் பணத்தை பாதுகாக்கத்தான் நீங்கள் பாஜகவில் இணைந்துள்ளீர்கள் என்று எழுதிய ஒருவருக்கு அவர் கொடுத்துள்ள பதிலை பாருங்கள்.

பாஜகவில் இணைந்துள்ளீர்கள் என்பதற்கு அடி செருப்பாலே என்று ஆரம்பித்து அவர் வீட்டுப் பெண்களை இழிவு படுத்தியுள்ளீர்களே இதுதான் நீங்கள் மற்றவர்களிடம் எதிர்பார்க்கும் கண்ணியமா? தேசிய மகளிர் ஆணைய உறுப்பினர் செய்யும் செயலா இது?  வெட்கக்கேடு.

பிகு: அனைத்திய ஜனநாயக மாதர் சங்கத்தைப் பற்றி திருமதி குஷ்பு சுந்தர் ஆணவத்துடன் தெரிவித்த கருத்துக்களுக்காக தனியாக ஒரு பதிவு எழுதுவேன்.

முற்போக்கு இயக்கங்களுக்கு பேரிழப்பு

 

தோழர் ஆர்.சாவித்ரி - வேலூர் மாவட்ட பொதுவுடமை இயக்கத்தின் மூத்த தலைவர். மார்க்சிஸ்ட் கம்யூனிஸ்ட் கட்சியின் முக்கியத் தலைவர், அனைத்திந்திய ஜனநாயக மாதர் சங்கத்தை வேலூர் மாவட்டத்தில் உருவாக்குவதிலும் வளர்ப்பதிலும் பிரதானமான பங்களிப்பை நல்கியவர். அவர் இன்று மாலை மறைந்தார் என்ற துயரச் செய்தி சற்று முன் கிடைத்தது.

அஞ்சல் ஊழியராக பணியாற்றியவர் ஒரு கட்டத்தில் விருப்ப ஓய்வு கொடுத்து விட்டு தன்னை அரசியல், சமூகப் பணிக்கு அர்ப்பணித்துக் கொண்டவர்.

பாரதி புத்தகாலயத்தின் வேலூர் பொறுப்பாளராக சிறப்பாக செயல்பட்டவர். பல மாநாடுகளில் புத்தகக் கண்காட்சி அமைக்க உற்சாகம் தந்தவர்.

எங்கள் சங்கத்தோடு நெருக்கமான உறவு கொண்டவர். எங்களின் ஏராளமான இயக்கங்களில் பங்கேற்றவர்.

உச்ச நீதிமன்ற உத்தரவின் படி பணியிடங்களில் பாலியல் அச்சுறுத்தலுக்கு எதிராக ஒரு குழு அமைக்க வேண்டும். அதிலே நிறுவனத்தில் உள்ளவர்களைத் தவிர வெளியார் ஒருவரும் இடம் பெற வேண்டும். அப்படி எங்கள் வேலூர் கோட்டத்தின் குழுவில் நீண்ட காலம் இடம் பெற்றவர் அவர். அவர் பங்கேற்ற விசாரணைகளில் பாதிக்கப்பட்டவர்களுக்கு நீதி கிடைக்க நியாயத்தின் பக்கம் உறுதியாக நின்றவர்.

தன் வாழ்நாளுக்குப் பிறகு தன்னுடைய வீடு மார்க்சிஸ்ட் கட்சிக்கே சொந்தம் என்று எழுதி வைத்தவர்.

தோழர் ஆர்.எஸ் என்றழைக்கப்படும் தோழர் சாவித்ரி அவர்களின் மறைவு வேலூர் மாவட்டத்தின் முற்போக்கு இயக்கங்களுக்கு பேரிழப்பு.

செவ்வணக்கம் தோழர் ஆர்.எஸ்

பிகு ;

முதல் படம் இரண்டாண்டுகள் முன்பாக தொலைபேசி ஓய்வூதியர் சங்கம், தோழர் ஆர்.எஸ் அவர்களை கௌரவித்த போது எடுத்த படம்.

இரண்டாவது படம் பத்தாண்டுகள் முன்பாக மகளிர் மசோதாவை அமலாக்க வேண்டும் என்று எங்கள் சங்கத்தின் சார்பாக நடந்த கையெழுத்து இயக்கத்தை தோழர் ஆர்.எஸ் துவக்கி வைத்த போது எடுத்த படம்.

மூன்றாவது படம் 2011 ல் வேலூரில் நடைபெற்ற ஐந்தாவது எல்.ஐ.சி மாநில மகளிர் மாநாட்டில் தோழர் ஆர்.எஸ், எங்கள் மூத்த தலைவர் தோழர் என்.எம்.எஸ் அவர்களால் கௌரவிக்கப்பட்ட போது எடுக்கப்பட்ட படம். 

தினமும் தரும் மூதேவியே . . . .

நேற்றைய இரவு முழுதும் வெட்டித்தனமாக விதண்டாவாதக்காரர் ஒருவருக்கு பதில் சொல்வதிலேயே கழிந்தது.

“பீப் சாங் வந்தாலோ, லெக்கின்ஸ் போடலாமான்னு கேட்டாலோ பொங்குகிற மாதர் சங்கங்கள் இப்ப இருக்கிற இடமே தெரியல.....

எதாச்சும் குரல் கொடுத்தா அந்தக்காவுக்கு விழுந்த மாதிரி நம்ம கன்னத்துலயும் பளார்னு விழுந்திருமோன்னு பயந்திருப்பாங்களோ?”

என்று ஒருவர் முக நூலில் எழுதியிருந்ததைப் பார்த்ததும் கோபம் வந்தது. அனைத்திந்திய ஜனநாயக மாதர் சங்கத்தை வெறும் பீப் சாங்கிற்கு எதிராக போராட்டம் நடத்தும் அமைப்பு என்று சுருக்கிக் கொள்ள வேண்டாம் என்று மரியாதையாகவே பின்னூட்டம் இட்டிருந்தேன். இப்பிரச்சினையிலும் மாநிலம் முழுதும் ஆர்ப்பாட்டங்கள் நடக்கப்போகிறது என்றும் குறிப்பிட்டிருந்தேன். கடலூர் மாவட்டத்தில் மாதர் சங்கத்தின் தலையீடு குறித்த எனது அனுபவம் குறித்த பீப் சாங்கிற்கு எதிராக மட்டுமல்ல என்ற எனது சமீபத்திய பதிவையும் பகிர்ந்து கொண்டிருந்தேன்.

அத்தனைக்குப் பிறகும் விதண்டாவாதமாக பல்வேறு கேள்விகள்.

இந்த வழக்கில் அதைச் செய்தாயே, இதில் ஏன் அப்படி இல்லை.

இதற்கு பணம் எங்கிருந்து வந்தது என்று மீண்டும் மீண்டும் வன்மத்தை மட்டுமே அடிப்படையாகக் கொண்ட கருத்துக்கள். அதற்கு கூஜா தூக்கிய வேறு சிலர்.

சரி, நீங்கள் என்ன செய்தீர்கள், உங்கள் அமைப்பு எது? அது என்ன செய்தது என்றெல்லாம் கேள்வி கேட்டால் அதற்கெல்லாம் பதில் கிடையாது.

,மாதர் சங்கத்தையும் இதர முற்போக்கு சக்திகளையும் “இதற்கு என்ன செய்தாய், அதற்கு என்ன செய்தாய்” என்று கேட்கிற முக நூல் போராளிகள், அவர்கள் முகனூலைத் தாண்டி வேறு எந்த களத்திற்கும் சென்றிருக்க மாட்டார்கள். வேறு எந்த ஒரு அமைப்பிடமும் வாய் திறக்கவே மாட்டார்கள். நாம் நாகரீகமாக பதில் சொல்வது போல அல்லாமல் அவர்கள் வீட்டிற்கு ஆட்டோ அனுப்புவார்கள் என்ற அச்சம் கூட காரணமாக இருக்கலாம்.

ஒரு கதை ஒன்று நினைவுக்கு வருகிறது.

ஒரு பிச்சைக்காரனுக்கு ஒரு வீட்டில் மாமியார் எதுவும் கிடையாது என்று திட்டி துரத்தப்பார்ப்பார். ஆனால் மருமகள் தினமும் ஏதாவது பிச்சை போடுவார். ஒரு நாள் மாமியார் துரத்த, அன்று ஏதோ சிந்தனையில் இருந்த மருமகளும் எதுவும் கிடையாது என்று மறுத்து விட்டார்.

உடனே அந்த பிச்சைக்காரனுக்கு கோபம் வந்து விட்டது.

“எப்பவுமே முடியாதுன்னு சொல்ற அந்த மகராசி, இன்னிக்கும் முடியாதுன்னுட்டாங்க. தினமும் போடும் மூதேவி, உனக்கென்ன கேடு”

என்று பொறிந்து தள்ளி விட்டான்.

அந்த பிச்சைக்காரனைப் போலத்தான் சிலர் சிந்தனையும் இருக்கிறது. உண்மையாக பணி செய்பவர்களை மட்டுமே பார்த்து நீளும் வெட்டி வாய், மக்களின் அனைத்துப் பிரச்சினைகளிலும் பொறுப்பை தட்டிக் கழிக்கும் பெரிய மனிதப் போர்வை போர்த்தியவர்களைக் கண்டாலோ பயந்து ஒதுங்கி விடுகிறது.

பாவம், முக நூல் மட்டும் இல்லையென்றால் இந்த போராளிகள் எல்லாம் எங்கே போய் புரட்சி நடத்துவார்களோ?

பின் குறிப்பு 1 : இந்தியாவில் உருவாகும் அத்தனை பிரச்சினைகளிலும் மாதர் சங்கம் தலையிடவேண்டும் என்று சொல்வதன் மூலம் மற்ற கட்சிகள், அவர்களின் அமைப்புக்கள் எல்லாம் வேஸ்ட் பீஸ்கள் என்று ஒப்புதல் கொடுக்கிறார்கள் என்று தெரிகிறது.

பின் குறிப்பு 2: அடி வாங்கிய பெண்ணுக்கு ஆதரவாகத்தான் இப்படி பொங்குகிறார் போல என்றுதான் நினைத்திருந்தேன். அந்த நபர் இன்று ஒரு பதிவு போட்டிருந்தார். பீப் சாங்கில் எந்த ஒரு வார்த்தை பீப் சத்தத்தால் மறைக்கப்பட்டு இருந்ததோ, அந்த வார்த்தையை எழுதாமல், ஆனால் அதை நீங்கள் புரிந்து கொள்ள உதவும் விதத்தில் வேறு ஒரு வார்த்தையை (சம்பந்தமே இல்லாமல்) பயன்படுத்தியிருந்தார். இதிலே உலகத்தரமான அரசியல் பற்றியெல்லாம் உபதேசம்.

பிறகுதான் புரிந்தது. அவர் கோபமெல்லாம் பீப் சாங்கிற்கு எதிராக போராடியதுதான். அவ்வளவு நல்ல தரம் வாய்ந்த ரசிகர். இவங்க எல்லாம்தான் அரசியலில் தரம் வேண்டும் என்று எழுதுவாங்க. போலிகள்.  

பின் குறிப்பு 3 : நான் குறிப்பிட்ட நபர் மட்டுமல்லாமல் பல்வேறு பீப்சாங் பார்ட்டிகள், மீம்ஸ் போடுமளவு பொங்கியுள்ளனர் என்பது தோழர் வெண்புறா சரவணன் அவர்களின் பதிவு மூலம் தெரிந்தது. அவர் கொடுத்த பதிலடிதான் மேலே உள்ள படம்.