மாட்டுக்கறி மட்டும் அவங்களுக்குத்தானாம்

 

அஸ்ஸாமில் அமித்ஷா கொடுத்துள்ள தேர்தல் ஜூம்லா கீழே உள்ளது. ஒவ்வொருவருக்கும் 15 லட்சம் கொடுப்போம் என்ற வாக்குறுதியை ஜூம்லா என்று சொன்னது அவர்தானே!

இதை படிக்கையில் மனதில் தோன்றியது  . . .

தேர்தல் வாக்குறுதியை நாங்கள் நிறைவேற்ற மாட்டோம்.

அப்படி தப்பித்தவறி யாராவது சிலருக்கு கொடுத்தால் அவர்கள் அந்த மாட்டிலிருந்து பால் வேண்டுமானால் கறந்து கொள்ளலாம்.

ஆனால் மாட்டுக்கறியை அவர்கள் சாப்பிடக்கூடாது. அதை பாஜகவிற்கு தாராளமாக நிதியளிக்கும் மாட்டுக்கறி ஏற்றுமதி கம்பெனிகளுக்கு கொடுத்து விட வேண்டும்.

ஆமாம். அமித்ஜி, மாட்டுக்கறி ஏற்றுமதி நிறுவனங்களில் பல இஸ்லாமிய பெயர்களில் இருந்தாலும் அவற்றின் உரிமையாளர்கள் பூண்டு, வெங்காயம் கூட சாப்பிடாத ஜெய்ன்கள்தானாமே! 

அது சரி நாய் விற்ற பணம் குரைக்காதல்லவா! 

சாதாரண மனிதர்கள் மாட்டுக்கறி சாப்பிட்டால்தான் அடித்துக் கொல்வீர்கள்! அதை செல்வந்தர்கள் வெளி நாட்டினர் சாப்பிட ஏற்றுமதி செய்வது பொருளாதார நடவடிக்கை அல்லவா!

தனியார் பள்ளிகளோடு நிறுத்தாதே ஆட்டுக்காரா

 

திருச்சியில் ஆட்டுக்காரன் பேசியது கீழே உள்ளது.

எதுக்கு ஆட்டோக்காரா, தனியார் பள்ளிகளுக்கு அனும்தி தர மாட்டோம் என்பதோடு நிறுத்திக் கொண்டாய்?

ஏற்கனவே உள்ள தனியார் பள்ளிகளை அரசுடமையாக்குவோம்.

நாங்கள் ஆட்சிக்கு வந்தால் தனியார் கல்லூரிகள் (பொறியியல், மருத்துவக் கல்லூரிகள் உட்பட)  இருக்காது.

தனியார் பேருந்துகள் இருக்காது,

தனியார் மருத்துவமனைகள் இருக்காது.

இப்படியெல்லாமும் அளந்து விட வேண்டியதுதானே!

எப்படியும் ஆட்சிக்கு வரப் போவதில்லை, அதனால் வாக்குறுதி கொடுக்க கஞ்சத்தனம் ஏன்?

ஆட்சிக்கு வந்தாலும் தனியாரை பாதிக்கும் எந்த முடிவையும் பாஜக எடுக்காது. ஏனென்றால் பாஜக தனியார்களின் தரகர்கள். 

டுபாக்கூர் டானும் மோடியும் . . .

 வளர்ச்சி நடவடிக்கைகள் நடக்க எங்களுக்கே மீண்டும் வாக்களியுங்கள் என்று மோடி ஹிமாச்சல் பிரதேச மக்களிடம் கேட்டது படிக்காதவன் பட டுபாக்கூர் டான் விவேக்கைத்தான் நினைவுபடுத்தியது,

           மோடியின் குரங்குக் குளியல்   கீழ்ற் . . . .

ஆக மொத்தம் 15,18,000. சியர்ஸ்

 

 

முதலில் இந்த வடிவேலு காமெடி காட்சியை பார்த்து விடுங்கள்.

 

ஒவ்வொரு இந்தியனுக்கும் 15 லட்சம் ரூபாய் தருவதாக 2014 தேர்தலில் வாக்குறுதி கொடுத்தார் மோடி. அது சும்மா ஜும்லா என்று சொல்லி பிரச்சினையை முடித்து விட்டார் அமித் ஷா.

 அதே ஜும்லா அமித் ஷா, மேற்கு வங்க மக்களுக்கு 18,000 ரூபாய் தருவதாக சொல்கிறார்.

 

வடிவேலு நிலைமையில்தான் மக்கள். அவருடைய “ரெண்டு அம்பது” பறி போனது  மட்டுமல்ல, அடி வேறு கிடைத்தது. பதினைந்து லட்சமும் கிடைக்கவில்லை. பதினெட்டாயிரமும் கிடைக்கப் போவதில்லை. ஆட்சியாளர்கள் சியர்ஸ் சொல்லி தாக்கிக் கொண்டு மட்டும் இருப்பார்கள்.

 பிகு : எழுதி ரொம்ப நாளாச்சுங்க

மோடிக்கு சுகர் வந்திருக்கும் தம்பி

 

“நான் ஆட்சிக்கு வந்தால்  பீஹாரில் சம்பரன்   பகுதியில் உள்ள மூடிக்கிடக்கும் சர்க்கரை ஆலைகளை திறப்பேன். அந்த ஆலைகள் உற்பத்தி செய்யும் சர்க்கரையை கலந்துதான் டீ குடிப்பேன்” என்று 2014 தேர்தல் பிரச்சாரத்தின் போது சொன்னார். ஆனால் எந்த ஒரு மூடப்பட்ட சர்க்கரை ஆலையும் திறக்கப்படவில்லை. இப்போது மீண்டும்  அந்த பகுதிக்கு வந்துள்ள மோடி எந்த சர்க்கரை சேர்த்து டீ குடிப்பார்?

 இது பீகாரில் தேஜஸ்வி யாதவ் கேட்டுள்ள கேள்வி.

 சொன்ன வார்த்தையை தவறாமல் இருக்க  மோடி என்ன “ஜெய்ஹிந்த் கோட்டைச்சாமியா?”

 தம்பி தேஜஸ்வி யாதவ், மோடிக்கு சுகர் வந்திருக்கும். சர்க்கரை ஆலையை திறந்து அது உற்பத்தி செய்த சர்க்கரையை சேர்த்து டீ குடிச்சா, மோடியோட சர்க்கரை அளவு அதிகமாகிடாதா?

 அது மட்டுமல்லாமல் அந்த ஆலைகள் திறந்து அந்த சர்க்கரையை மத்தவங்க சேர்த்தால் அவங்களுக்கும் சுகர் வந்துரக் கூடாதில்ல.

 அந்த நல்லெண்ணத்திலதான் அவர் தேர்தல் வாக்குறுதியை மறந்துட்டாரு. அதை போய் பெரிய விஷயமா பேசறீங்களே தம்பி…

 அந்த சர்க்கரை ஆலை தொழிலாளிங்க, கரும்பு விவசாயிகள் நிலை?

 அவங்க என்ன அம்பானியா இல்லை அதானியா? அவங்களைப் பத்தி எல்லாம் மோடி கவலைப்பட முடியுங்களா?

 நீங்க சொன்ன பத்து லட்சம் வேலைகளே வாய்ப்பில்லைன்னு சொல்லிட்டாரு!

அதனால தேர்தலில் ஜெயிச்சு பத்து லட்சம் இளைஞர்களுக்கு வேலை வாய்ப்பை உருவாக்கி, தேர்தல் வாக்குறுதி என்பது நிறைவேற்றத்தான் என்று மோடிக்கு தலையில குட்டி உணர்த்துப்பா . . .

 

கொரோனா மருந்து – காசு கொடுத்துடுவோம்

 

 பீஹார் தேர்தலில் பாஜக வென்றால் கொரோனா தடுப்பு மருந்து இலவசமாக அளிக்கப்படும் என்று தேர்தல் அறிக்கையில் சொல்லியிருப்பது அப்பட்டமான பிளாக் மெயில் மிரட்டல்.

 பரவாயில்லை. நீங்கள் தோற்றுப் போங்கள்.

 தடுப்பு மருந்து வாங்க வழியில்லாத மக்களுக்கு நாங்கள் பிச்சை எடுத்தாவது மருந்து வாங்கிக் கொடுத்து விடுகிறோம்.

 கொரோனாவை விட மிகக் கொடூரமான கிருமி பாஜக ஒழிந்தால் கொரோனாவும் ஒழிந்து விடும்.

இதுதான் வோட்டுக்கு தாஜா, மோடி

சிறுபான்மை மக்கள் தாக்கப்படும் போதோ, அவர்களுக்கான உரிமைகளை பறிக்க முயற்சி நடக்கும் போதோ அவர்கள் பக்கம் நின்று அரசியல் சாசனம் அளிக்கும் உரிமைகளை அவர்கள் அனுபவித்திட வேண்டும் என்று கம்யூனிஸ்டுகள் குரல் கொடுத்தால்

சிறுபான்மையினரை தாஜா செய்கிறார்கள்,

வோட்டுக்கு தாஜா செய்கிறார்கள்.

என்றெல்லாம் காவிகள் எள்ளி நகையாடுவார்கள். 

ஆனால் வோட்டுக்காக தாஜா செய்வது என்பது நாகாலாந்தில் மோடி செய்துள்ளதுதான்.

கீழே உள்ள பத்திரிக்கைச் செய்தியை படியுங்கள் தெரியும்.

ஆர்.எஸ்.எஸ் அமைப்புக்கு கோபமாகத்தான் இருக்கும். ஆனால் ஏன் வாய் திறக்கவில்லை என்றால் அவர்களுக்கு நன்றாகத் தெரியும்.

நரேந்திர மோடியின் எந்த தேர்தல் வாக்குறுதியும் நிறைவேற்றுவதற்காக அளிக்கப்படுவது அல்ல. 

பாரதீய ஜனதாவின் டுபாக்கூர் வாக்குறுதிகள்

கொடுத்த வாக்குறுதிகளுக்கும் செயல்பாடுகளுக்கும் பாரதீய ஜனதா கட்சிக்கும் சம்பந்தமே இருக்காது போல.

இந்தியாவின் பெருமை மிகு போர்க்கப்பல் ஐ.என்.எஸ் விக்ரந்த். அதனை இப்போது காயலான்கடை பொருளாக உடைத்துக் கொண்டிருக்கிறார்கள். அதை ஒரு கண்காட்சியகமாக மாற்றும் முயற்சி வெற்றிபெறவில்லை. அதை தொடர்ந்து பராமரிப்பது என்பது சாத்தியமில்லாமல் கூட இருக்கலாம்.

ஆனால் நடந்து முடிந்த மகாராஷ்டிர சட்டசபைத் தேர்தலில்   ஐ.என்.எஸ் விக்ரந்த் போர்க்கப்பலை பாதுகாப்போம் என்று பாஜக வாக்குறுதி கொடுத்தது. குடிகாரன் பேச்சு விடிஞ்சா போச்சு என்பது போல முந்தைய அரசு மீது பழியைப் போட்டு விட்டு கப்பலை உடைக்க துவங்கி விட்டார்கள். வாக்குறுதி கொடுக்கும் முன்பு அதை சாத்தியமா என்று ஆராய மாட்டார்கள் போல. வாய்க்கு வந்ததை அடித்து விட்டார்கள் போல.

இதற்கு முன்பு இப்படித்தான் இன்னொரு வாக்குறுதி.

நாங்கள் ஆட்சிக்கு வந்தால் மகாராஷ்டிர மாநிலம் டாபோலில் உள்ள என்ரான் மின் நிலையத்தை அரபிக் கடலில் தூக்கி எறிவோம் என்று தேர்தல் வாக்குறுதி சொன்னார்கள்.

ஆனால் வாஜ்பாயுடைய பதிமூன்று ஆட்சிக்காலத்தில் நம்பிக்கை வாக்கெடுப்பை சந்திக்காமல் ராஜினாமா செய்வதற்கு முன்பாக என்ரான் மின் நிலையத்திற்கு மின்சாரம் வாங்கினாலும் வாங்காவிட்டாலும் இழப்பீடு அளிக்கிற Counter Guarantee Agreement ஒப்பந்தத்தில் கையெழுத்து போட்டார் வாஜ்பாய்.

என்ரான் பின்பு மூடப்பட்டதும் என்ரானுக்கு கடன் கொடுத்த ஸ்டேட் வங்கிகள் உள்ளிட்ட வங்கிகள் தவித்ததும் வரலாறு. ராஜினாமா செய்வதற்கு சில நிமிடங்கள் முன்பாக தேசத்தை பாதிக்கும் ஒரு கோப்பில் கையெழுத்து போட்டது என்பது எப்படிப்பட்ட நெரிமுறையற்ற செயல். அரபிக்கடலில் வீசியெறிவோம் என்று தேர்தலின்போது மக்களுக்கு உறுதிமொழி அளித்து விட்டு அதே நிறுவனத்திற்கு சாதகமாக செயல்பட்டதுதான் வாஜ்பாயின் சாதனை. 

விக்ரந்தை பாதுகாப்பதாகச் சொல்லி உடைக்கிறார்கள்.

என்ரானை அரபிக்கடலில் வீசுவதாகச் சொல்லி பாதுகாத்தார்கள்,

இந்தியாவை பழி வாங்கினார்கள்.

ஆக மக்களே, இவர்கள் தேர்தல் வாக்குறுதிகள் எல்லாம் நம்மை ஏமாற்றுவதற்காக மட்டுமே. நம்பாதீங்க, உஷாரா இருங்க.