செம காமெடி சீமான் . . .

 

முகநூலில் நான் பார்த்து ரசித்த, வாய் விட்டு சிரித்த ஒரு சீமான் காமெடி, கீழே, நீங்களும் சிரிக்க . . .

சீமான், ஆட்டுக்காரன், வடிவேலு, மனோபாலா

 

சமீபத்தில் சீமானும் ஆட்டுக்காரனும் ஒரே மேடையில் பேசியுள்ளார்கள்.  அதிலே ஆட்டுக்காரன் சீமான் பற்றி ஆட்டுக்காரன் பேசியதுதான் மேலே உள்ளது. அந்த பேச்சை கேட்ட போது நினைவுக்கு வந்த காட்சிதான் மேலே உள்ளது. 

சீமானும் ஆட்டுக்காரனும் நிறைய மேடைகளில் ஒன்றாக பேச வேண்டும். அப்போதுதான் நிறைய காமெடி காட்சிகள் கிடைக்கும் .. .

நான் வேலூர் எம்.பி. Meta AI காமெடி

 

முகநூலைப் பார்த்தால் ஒரே Meta AI யிடம் தங்களைப் பற்றி கேள்வி கேட்டு அது சொல்லும் பதிலை பதிவு செய்வதுதான்.

ஆசை யாரை விட்டது!

நானும் முயற்சி செய்தேன்.

அது சொன்ன பதிலை பாருங்கள்

இதில் மிகப் பெரிய காமெடி என்னவென்றால் 2009 மக்களவைத் தேர்தலில் வேலூர் தொகுதியில் அதிமுக வெற்றி பெறவே இல்லை. திமுக கூட்டணியில் முஸ்லீம் லீக் வேட்பாளராக நின்ற எம்.அப்துல்ரஹ்மான் வெற்றி பெற்றார். 

பெயர், கட்சி என்று எதுவுமே சரியில்லை. இந்த நுண்ணறிவை முழுமையாக எதற்கும் நம்ப வேண்டாம் என்றுதான் சொல்ல விழைகிறேன்.

Meta இத்தேர்தல் குறித்த சில நினைவுகளை கிளறி விட்டது.

2009 மக்களவைத் தேர்தலில் வாக்கு எண்ணிக்கைக்கு நுண் பார்வையாளராக சென்றிருந்தேன். நான் அமர்ந்திருந்த மேஜையில் மொத்தம் 18 சுற்றுகளில் முதல் சுற்றில் மட்டும்தான் அதிமுக வேட்பாளர் எல்.கே.எம்.பி வாசு முன்னிலை பெற்றிருந்தார். மற்ற அனைத்து சுற்றுக்களிலும் முஸ்லீம் லீக் வேட்பாளர்தான் முன்னிலை பெற்றார்.

சில மோசடிப்பேர்வழிகள் தேர்தலை பயன்படுத்தி அவரிடமிருந்து லம்பாக ஒரு தொகையை ஆட்டையப் போட்டிருந்தார்கள் என்பதை பின்னர் அறிந்து கொண்டேன். பாவம் அவர்!

பிகு: Meta AI ஐ ஏன் நம்ப வேண்டாம் என்பதற்கு இன்னொரு உதாரணமும் சொல்கிறேன். வாட்ஸப்பில் அறிமுகமான போது அதை கேட்ட கேள்விக்கு அப்போது சொன்ன பதிலும் அதே கேள்விக்கு இப்போது சொன்ன பதிலும் கீழே

தமிழ்நாட்டின் Mr Bean சீமான்.

 

விளக்கம் ஏதும் தேவையில்லை. காணொளியை பாருங்கள் புரியும்.

 

வடிவேலு இல்லாத குறையை போக்கும் சீமானுக்கு மனமார்ந்த நன்றி.

ஆசிரியர் தினமும் நேரு, காந்தி திலகரும்

 

பதிவுகள் ரொம்பவுமே சீரியஸாக இருந்து கொண்டிருப்பதால் மாறுதலுக்கு ஒரு பழைய அனுபவத்தை பகிர்ந்து கொள்கிறேன்.

எனக்கு தெரிந்த ஒரு நிறுவனம் ஆசிரியர் தினத்தை கொண்டாடி நல்லாசிரியர் விருது வாங்கிய சில ஆசிரியர்களை கௌரவித்தது. அதிலே ஒரு ஆசிரியர் எனக்கு தெரிந்தவர். அந்த நிறுவனத்தில் உள்ளவர்களும் கூட நன்றாக தெரிந்தவர்கள்தான். அதனால் அந்த விழாவிற்கு சென்றிருந்தேன்.

அந்த நிறுவனத்தின் உயரதிகாரி ஆசிரியர்களின் மேன்மை குறித்து உணர்ச்சிகரமாக உரையாற்றிக் கொண்டிருந்தார். அவர் ஒரு சம்பவத்தை வேறு மேற்கோள் காட்டினார்.

அவர் பேசியதை அப்படியே தருகிறேன்.

“இந்தியாவிற்கு சுதந்திரம் கிடைத்து விட்டது. ஆகஸ்ட் 14 ம் தேதி அன்று காந்தியும் நேருவும் பால கங்காதர திலகரிடம் செல்கிறார்கள். இந்த நாட்டை நீங்கள்தான் தலைமை தாங்க வேண்டும். ஜனாதிபதி பதவியா இல்லை பிரதமர் பதவியா எது வேண்டுமோ அந்த பதவியை எடுத்துக் கொள்ளுங்கள். நீங்கள் எடுத்துக் கொண்டது போக மீதமுள்ள பதவிகள்தான் மற்றவர்களுக்கு. என்ன வேண்டும் என்று சொல்லுங்கள் என வலியுறுத்துகிறார்.

ஆனால் திலகரோ மறுக்கிறார். நான் இப்போது பார்த்துக் கொண்டிருக்கும் ஆசிரியர் பணியே மேன்மையானது. பொறுப்பான இந்தியப் பிரஜைக்களை உருவாக்கும் பணியை   நான் மிகவும் நேசிக்கிறேன். இளைஞர்களுக்கு ஒளிமயமான எதிர்காலம் அமைய ஒரு ஆசிரியரால்தான் வழி காட்ட முடியும். அதனால் எனக்கு எந்த பதவியும் வேண்டாம் என்று அவர்  மறுக்கிறார்.

பிரதமர் பதவியை விட, ஜனாதிபதி பதவியை விட  ஆசிரியராக இருப்பதுதான் முக்கியம் என்று பால கங்காதர திலகர் சொன்னதை நாம் மறக்கக் கூடாது”

அவர் அப்படியே பேசிக் கொண்டே போக நான் அந்த விழாவை விட்டு வெளியேறி விட்டேன். அதற்கு முன்பாக அந்த உயரதிகாரிக்கு ஒரு நிலை கீழே இருந்த அதிகாரிக்கு மட்டும் ஒரு குறுஞ்செய்தி அனுப்பினேன்.

அந்த குறுஞ்செய்தி

“:இந்தியாவிற்கு சுதந்திரம் கிடைப்பதற்கு 25 வருடங்கள் முன்பாகவே பால கங்காதர திலகர் இறந்து விட்டார்”                            

 

படிச்சிட்டு சிரிக்கக் கூடாது.

 

கீழேயுள்ள பதிவை ஆட்டுக்காரனின் ஒரு அல்லக்கையின் ட்விட்டர் பக்கத்தில் பார்த்தேன். அதை படித்து முடித்ததும் சிரிக்கக் கூடாது.

என்ன? சிரிப்பை அடக்க முடியலையா?

பில்ட் அப் கொடுத்து கொடுத்து அடி வாங்கிய பின்பும் திருந்த மாட்டாங்க போல!

என்ன செய்ய நாய்களின் வால் எப்போதுமே நிமிராதே!

சிரிக்க வைத்தமைக்கு நன்றி வாசன்

 

வாசன் சொன்னதற்கெல்லாம் பதில் எழுத வேண்டிய அவசியமில்லை. நான் மனம் விட்டு சிரித்தேன். நீங்களும் சிரிக்கவே பகிர்ந்து கொண்டுள்ளேன்.

என்ன சொன்னாரா?

கீழேயுள்ளது.

ஜனாதிபதி - ரொம்பவுமே நல்லவங்க . . .

 

நாடாளுமன்றக் கட்டிட திறப்பு விழாவில் புறக்கணிக்கப்பட்டது போலவே ராமர் கோயில் பிராண பிரதிஷ்டையிலும் புறக்கணிக்கப்பட்டார் இந்திய முதல் குடிமகள்.

ஆனாலும் அவர் தன் குடியரசு தின உரையில் ராமர் கோயிலை விதந்தோந்தி பேசினார். இந்திய நீதித்துறையின் மீது மக்கள் வைத்த நம்பிக்கையின் அடையாளம்தான் ராமர் கோயில் என்று வேறு காமெடியாக பேசினார். அதை எழுதிக் கொடுத்த ஆளுக்கே எழுதும் போது சிரிப்பு வந்திருக்கும்.

எவ்வளவுதான் அரசால் இழிவு படுத்தப்பட்டாலும் அதை வெளிப்படுத்திக் கொள்ளாமல் அரசை பாராட்டவே செய்கிறார்.

பாவம் ரொம்பவே நல்லவர்!

ஒவ்வொரு வருஷமுமா? முடியல

 

கீழே உள்ள செய்தி தனிப்பட்ட முறையில் மூவரிடமிருந்து வந்தது.  நான்கு குழுக்களிலும் வந்தது.

மிகவும் புகழ் மிக்க விசயம் (2024) 

இந்த வருடம்

01-01-2024 வெள்ளி கிழமை

02-02-2024- வெள்ளி கிழமை

03-03-2024- வெள்ளி கிழமை

04-04-2024- வெள்ளி கிழமை

05-05-2024- வெள்ளி கிழமை

06-06-2024 - வெள்ளி கிழமை

06-06-2024- வெள்ளி கிழமை

07-07-2024 வெள்ளி கிழமை

08-08-2024- வெள்ளி கிழமை

09-09-2024- வெள்ளி கிழமை

10-10-2024- வெள்ளி கிழமை

11-11-2024 - வெள்ளி கிழமை

12-12-2024- வெள்ளி கிழமை

    வரும் பிப்ரவரி மாதம் கடைசியாக இருக்கும் பிப்ரவரி மாதமாகும் என்று தெரிகிறது. ஏன் என்றால் இந்த பிப்ரவரி மாதம் 823 வருடங்களில் ஒரு முறை மட்டுமே இந்த மாதிரி இருக்கும்:- 

4 - ஞாயிற்றுக்கிழமை

4- திங்கட்கிழமை

4- செவ்வாய் கிழமை

4- புதன்கிழமை

4- வியாழக்கிழமை

4- வெள்ளி கிழமை

4- சனி கிழமை

இதைத் தான் அழைக்கப்படுகிறது மீராக்கல்  இன்

   அதனால் குறைந்தது 5 பேருக்காவது அல்லது 5 குருப்புகளுக்கு  அனுப்பி மற்றும் 4 நாட்களில் உங்களுக்கு நன்மைகள் பயக்கும். 

  விபரிக்கின்ற  முடியாத மகிமையை நடக்கும். படித்து 11 நிமிடங்களில் சேர் செய்யவும். 

நன்றி

 கன்னடத்தில் இருந்து தமிழ் மொழிக்கு மொழிமாற்றம் செய்து உள்ளேன். 

🙏🙏🙏🙏🙏🙏🙏🙏

 

இதில் குறிப்பிடப்பட்டுள்ள நாட்களில் 02.02.2024 ஒரு நாள் மட்டுமே வெள்ளிக்கிழமையில் வருகிறது. கொஞ்சம் கவனித்திருந்தால் இந்த போலிச் செய்தியை பகிராமல் தவிர்த்திருக்க முடியும். ஆனால் செய்திகளை முந்தித் தரும் வேகம் அறிவை பின்னுக்கு தள்ளி விடுகிறது.

 இதில் மிகப் பெரிய கொடுமை என்பது இது போன்ற செய்திகள் ஒவ்வொரு வருடமும் ஆண்டு துவங்கும் வேளையில் வருகிறது என்பதுதான். போன வருடம் அனுப்பி பல்பு வாங்கியவர்கள் கூட இந்த வருடமும் அனுப்புவது என்பதெல்லாம் மிகப் பெரிய கொடுமை.

 இப்படியெல்லாம் பொய்யை உண்மையென்று நம்பி ஏமாற மக்கள் தயாராக இருப்பதால்தான் பாஜக ஐ.டி விங் தொடர்ச்சியாக பொய்களை உற்பத்தி செய்து பரப்பிக் கொண்டே இருக்கிறது.

நல்லா வாங்கறானுங்கய்யா சத்தியம் . . .

 

ஒரு காணொளி ஒன்று பார்த்தேன். செம காமெடி அது.

வள்ளிக்கும்மி நடனம் என்று சமீபத்தில் ஆட்டுக்காரனின் சொகுசுப்பயணம் மூலம் செய்திகளில் அடிபட்டது. அப்படிப்பட்ட ஒரு நடன நிகழ்வில்  ஒரு விஷயத்தில் நடனமாடும் பெண்களிடம் ஒரு சத்தியம் வாங்குகிறார்கள்.

அதென்ன சத்தியம் ? காணொளியை பாருங்கள் . . .

பிற்போக்குத்தனமான இந்த சத்தியத்தை காப்பாற்றுவார்களா என்பது ஒரு புறம் இருக்கட்டும். அதை திருப்பிச் சொல்லக்கூட பெரும்பாலான பெண்கள் தயாராக இல்லை என்பது அவர்களிடமிருந்து வந்த சப்தத்தில் இருந்தே தெரிந்தது.

சத்தியம் கேட்பது சங்கித்தனம். அதை அந்த பெண்கள் மதிக்கவில்லை என்பது இன்னொரு செய்தியையும் சொல்கிறது.

தமிழ்நாட்டில் ஆட்டுக்காரன் கட்சிக்கும் நோட்டாவுக்கும்தான் போட்டி . . .

கேடிக்கு போட்டியா ஈ.பி.எஸ்?

 எடப்பாடி பழனிச்சாமியின் இந்த மாறு வேடப் போட்டி புகைப்படத்தை இப்போதுதான் பார்த்தேன்.

தன் முதலாளி "வெறும் நரேந்திரா" வித வித கெட் அப்புகளில் போட்டோ எடுத்து போடுவதைப் பார்த்து பழனிக்கும் சபலம் வந்து விட்டது போல . . .

நல்ல காமெடியாக இருக்கு. 

இவ்வளவுதான் சரக்கு சங்கிங்களுக்கு

 

க்ளோடன் க்ளோப் என்று ஒரு விருது உள்ளது என்று தெரிந்த சங்கிக்கு அது யாருக்கு கொடுக்கப்பட்டது என்று தெரியவில்லையே!

அவங்களை சொல்லி என்ன செய்யறது!

சங்கிங்க என்றாலே முட்டாள்கள்தானே!

பிகு: ஒரு வார இடைவெளிக்குப் பின் வந்தவனுக்கு நல்ல காமெடியை கொடுத்த அந்த சங்கிக்கு நன்றிதான் சொல்ல வேண்டும். 

அதிர்ச்சியூட்டும் அரசியல் திருப்பம்..!!

 

தோழர் சம்சூதீன் ஹீரா, தோழர் சாத்திரியின் பதிவை பகிர்ந்து கொண்டிருந்தார். அதை நானும் பகிர்ந்து கொள்கிறேன். கடைசி வரை கண்டிப்பாக படிக்கவும்.

அதிர்ச்சியூட்டும் அரசியல் திருப்பம்..!!

எலிசபெத் மகா ராணியின் இறுதிக் கணங்கள் ..

...............

ஸ்கொட் லாண்டின் பல்மோரால் அரண்மனை . முதலாம் மாடியில் ராணியின் படுக்கையறையில் இருதய துடிப்பு மற்றும் இரத்த அழுத்தம் கணிக்கும் கருவிகள் பொருத்தப் பட்ட நிலையில் கட்டிலில் படுத்திருக்கிறார் . அவரைச்சுற்றி இங்கிலாந்தில் சிறந்த வைத்தியர்கள் குழு ஒன்று அவரின் உடலின் ஒவ்வொரு அசைவையும் கண்காணித்தபடியிருக்கின்றார்கள் . இளவரசர் சார்ள்ஸ் சோகமாக மனைவி கமீலாவின் கைகளை பற்றியபடி நின்றிருக்க . அவரின் மகன் வில்லியம் அப்போ தான் உள்ளே வந்தவர். அப்பா ..தம்பி ஹென்றிக்கு தகவல் சொல்லியாச்சா என்று கேட்க்கிறார் . சார்ள்ஸ் அதுக்கு ஆம் என்று தலையசைத்து விட்டு யன்னல் வழியாக வெளியே எட்டிப் பார்க்கிறார் . தகவல் பரவி உள்ளூர் பத்திரிகையிலிருந்து உலக பத்திரிகையாளர் எல்லோரும் அரண்மனை வாசலில் கூட தொடங்கியதோடு கேமராக்களை அரண்மனை பக்கம் நீட்டியபடியே செய்திகளை முந்திக்கொடுக்கும் வெறியோடு காத்திருக்கிறார்கள் ..

மக்களும் கூடத் தொடங்க காவல்துறை தடுப்புக்களை அமைத்து அவர்களை ஒழுங்கு பண்ணத் தொடங்கியிருந்தனர் . அமெரிக்காவிலிருந்த பேரன் ஹென்றிக்கு பாட்டி நிலைமை மோசம் என்று தகவலறிந்ததுமே அவரின் மனைவி மார்க்கெல். என்னை அவமதித்த அந்த கிழவி முகத்தில் முழிக்க மாட்டேன் நீ வேண்டுமானால் தனியாகப் போ . என்று கணவன் ஹென்றியிடம் கோபமாக சொல்லிவிட அவரும் அவசரமாக தனி விமானத்தில் லண்டன் புறப்பாட்டு விட்டிருந்தார் .

ராணி இடைக்கிடை கண் விழிப்பதும் எதோ சொல்ல வருவதும் பின்னர் மயக்க நிலைக்கு போவதுமாக இருந்தார் . சார்ள்ஸ் வைத்தியர்களை பார்க்க . அவர் என்ன சொல்ல வருகிறார் என்பதை புரியாமல் வைத்தியர்கள் கைகளை பிசைந்தபடி நிற்க .. இப்போ இரவாகி விட்டிருந்தது . வெளியே பொது மக்கள் எல்லோரும் மெழுகு வர்த்தி ஏந்தி ராணிக்காக பிரார்த்தனை செய்து கொண்டிருக்க ஒரு பாதிரியாரும் ராணியே எழுந்து வா .. என்று அருகில்நின்ற ஒரு பெண்ணின் தலையில் கை வைத்து செபித்துக் கொண்டிருந்தார் .

ராணி கடைசியாக எதோ சொல்ல நீண்ட நேரமாக போராடிக்கொண்டிருக்கிறார் அது என்னவென்று எல்லோரும் தவித்துக்கொண்டிருக்க . அப்போ வந்து சேர்ந்த ஹென்றிக்கு தான் அந்த யோசனை வந்தது. ராணியிடம் நீண்டகாலமாக உதவியாளராக இருந்த பிலிப் என்பவருக்கே ராணியின் அனைத்து அசைவுகளும் புரியும் ஆனால் வயதான அவரும் படுத்த படுக்கையாகி கிடக்கிறார் அவரை கொண்டு வந்தால் ராணி சொல்ல வருவதை புரிந்து கொள்வார் என்றதுமே ஒரு அம்புலன்ஸ் வண்டி வேகமாய் போய் பிலிப்பை அள்ளிப் போட்டுக்கொண்டு வந்தது .

ராணிக்கு அருகில் இருந்த பிலிப் அவரின் கைகளை லேசாக தொட்டதும் லேசாக கண் விழித்த ராணியின் உதடுகள் அசைந்தது . உடனே சார்ள்ஸ் ஒரு பேப்பரையும் பேனையையும் பிலிப்பின் கைகளில் கொடுக்க நடுங்கிய கைகளால் பிலிப் அதில் எழுதினார் .. அதோடு ராணி கண்களை மூடினார் . அவரில் பொருத்தப்பட்டிருந்த கருவிகள் அனைத்தும் பீப் என்ற சத்தத்தோடு ஒரே நேர் கோட்டில் இயங்க . எல்லோரும் தலை குனிந்து சிலுவை போட்டுக் கொண்டார்கள் .இங்கிலாந்திலிருந்த அத்தனை தேவாலயங்களினதும் மணிகள் ஒலிக்க விடப்பட்டிருந்தது ..

பிலிப் தான் எழுதிய துண்டு காகிதத்தை சார்ள்ஸிடம் கொடுக்க கலங்கிய கண்களோடு அதை வாங்கியவர் மாடியின் பால்கனிக்கு வரவே அதுவரை காத்திருந்த அத்தனை மக்களும் ஊடகங்களின் காமராக்களும் பால்கனியை நோக்கித் திரும்பவே. இதோ மகா ராணியின் இறுதிச் செய்தி என்றபடி சார்ள்ஸ் கையிலிருந்த துண்டுக்காகிதத்தை உயர்திக் காட்டினார் .. அதில் சீமானுக்கும் எனக்கும் எவ்வித சம்பந்தமும் இல்லை அவரை எனக்குத் தெரியாது என்று எழுதியிருந்தது ...

- Sathiri Sri -

என்னால் சிரிப்பை கட்டுப்படுத்த முடியவில்லை. நீங்கள்???

ஏனோ நினைவுக்கு வந்தது சாரு . ..

 

ஆஜானும் சாரு நிவேதிதாவும் கூட்டணி அமைத்துள்ளார்கள். மோடியும் மம்தாவும் அமைக்கும் கூட்டணீ போல ஆபத்தான கூட்டணி இது.

நிற்க

ஆஜான் சாரு நிவேதிதாவுக்கு விருது அளிக்கவுள்ள செய்தியை படித்தவுடன் ஏனோ ஐந்தாண்டுகளுக்கு முன்பு எழுதிய ஒரு பதிவு நினைவுக்கு வந்தது. 

இதோ அது மீண்டும்.

Monday, January 16, 2017

புத்தகக் கண்காட்சியில் கண்டு கொள்ளப்படாத பிரபல . . . . .

நேற்று ஒரு அவசர அலுவலாக சென்னை போக வேண்டியிருந்தது. அந்த வேலை முடிந்ததும் இரண்டாவது முறையாக புத்தகக் கண்காட்சிக்கு சென்றேன். முதல் முறை சென்ற அனுபவம் பற்றி இன்னும் எழுதவில்லை. ஆனாலும் இந்த இரண்டாவது முறை பற்றி எழுதுவதற்கு ஒரு காரணம் இருக்கிறது.

நான் சென்ற மாலை நேரத்தில் வம்சி அரங்கில் அப்போதுதான் ஒரு புத்தக வெளியீட்டு விழா முடிந்திருந்தது. மார்க்சிஸ்ட் கம்யூனிஸ்ட் கட்சியின் கடலூர் மாவட்ட செயற்குழு உறுப்பினரும் இந்திய ஜனநாயக வாலிபர் சங்கத்தின் முன்னாள் மாநிலத் தலைவருமான தோழர் எஸ்.ஜி.ரமேஷ்பாபு அவர்கள் எழுதிய நூலின் வெளியீட்டு விழா முடிந்திருந்த நேரம் அது.

அரங்கில் நல்ல கூட்டம் இருந்தது. மார்க்சிஸ்ட் கட்சியின் தோழர்கள் இருந்தார்கள். மலையாள எழுத்தாளர் பால் சக்காரியா அரங்கில் அமர்ந்திருந்தார். ஈழ எழுத்தாளர் ஷோபா சக்தி வந்திருந்தார். பால் சக்காரியாவுடன் சிலர் புகைப்படம் எடுத்துக் கொண்டிருந்தார்கள். ஷோபா சக்தியுடன் சிலர் பேசிக் கொண்டிருந்தார்கள்.

அங்கே அரங்கில் இன்னொரு பிரபல எழுத்தாளரும் இருந்தார். அவர் தன்னை பால் சக்காரியாவுடன் புகைப்படம் எடுக்கச் சொன்னார். அதன் பின்பு அந்த பிரபல எழுத்தாளரை யாருமே கண்டு கொள்ளவில்லை. அவரோடு புகைப்படம் எடுத்துக்கொள்ளவும் யாரும் முன்வரவில்லை.

நான்கைந்து நிமிடங்கள் அங்கேயே நின்று விட்டு அப்படியே மெதுவாக மெதுவாக தளர்ந்த நடையோடு அங்கிருந்து நழுவி விட்டார். மனைவி இறந்த செய்தியை சொன்னவுடன் எஸ்.பி.சௌத்ரி ஒரு நிமிடம் தடுமாறுவாரே அது போல அவர் அங்கிருந்து நடந்து போன காட்சியைப் பார்க்கையில் மிகவும் வருத்தமாக இருந்தது.

ஈழ எழுத்தாளனையும் மலையாள எழுத்தாளனையும் கொண்டாடி தமிழ் எழுத்தாளனுக்கு முக்கியத்துவம் அளிக்காத தமிழ்ச் சமூகம் உருப்படுமா என்று அவர் அடுத்து எழுதுவாரே என்பதை நினைக்கையில் இன்னும் வருத்தமாக இருக்கிறது.

அந்த எழுத்தாளர்

சாரு நிவேதிதா.

சிரிப்பை வரவைத்த அழுவாச்சி

 

கீழேயுள்ள செய்தியை படித்த போது சிரிப்புதான் வந்தது.

மொட்டைச்சாமியார் மாநிலத்தில் செய்ய வேண்டிய அடாவடியை தமிழ்நாட்டில் செய்து விட்டு கைதானால் அழுதால் எப்படி!

இது போல எச்.ராசாவையும் ஆட்டுக்காரனையும் தூக்கி உள்ளே வைத்தால் அடங்குவார்கள். ...

ஒரு திணறல்- எத்தனை பாட்டு !

 

இது ஒரு ஜாலியான பதிவு.

 டெலி ப்ராம்ப்டர் பழுது காரணமாக பேச்சு தடைபட்டு மோடியிடமிருந்து காற்று மட்டும் வந்த தருணத்தை நினைவு கூறும் விதமாக ஃப்ரண்ட்லைன் ஆசிரியர் தோழர் விஜயசங்கர், இரண்டு முக நூல் பதிவுகளில் இரண்டு பாடல் வரிகளை எழுத, அதற்கு எத்தனையெத்தனை பாடல் வரிகள் பின்னூட்டமாக வந்தது தெரியுமா?

 அத்தனையையும் இங்கே தொகுத்து தந்துள்ளேன்.

 சுவாரஸ்யமான ஒன்று என உறுதியளிக்கிறேன். மோடியின் மாண்பு இங்கே குழி தோண்டி புதைக்கப்பட்டுள்ளது என்பதை மட்டும் ஆட்டுக்காரரிடம் அவசியம் சொல்லி விடவும்.

 தோழர் விஜயசங்கரின் பதிவுகள்

 ஐயையய்யோ… அடுத்தது என்ன? 

மறந்து போச்சே…

வாயிருந்தும்….
சொல்வதற்கு…
வார்த்தையின்றி… தவிக்கிறேன்

பின்னூட்டங்கள்.

கிளியைப் புடிச்சு கூண்டில் அடைத்து பாடச் சொல்லுகிற உலகம்..

வாய்மொழியும் எந்தன் தாய்மொழியும் இன்று

வசப்படவில்லையடி...

வயிற்றுக்கும் தொண்டைக்கும் உருவமில்லாதொரு உருண்டையும்

உருளுதடி...

கண்மணியே பேசு, மௌனம் என்ன கூறு 

உன்னை எண்ணிப் பார்க்கையில் கவிதை கொட்டுது, 

அதை 'பேச' நினைக்கையில் வார்த்தை முட்டுது

மெளனமான நேரம்...

ஊமை நெஞ்சின் ஓசைகள்

காதில் கேளாதோ?

நான் பேச வந்தேன்

சொல்லத்தான் ஓர் வார்த்தை இல்லை

பொத்தி வச்சா அன்பு இல்ல

சொல்லிப்புட்டா வம்பு இல்ல

சொல்லத்தானே தெம்பு இல்ல

இன்ப துன்பம் யாரால !!! 

கொடியிலே மல்லியப்பூ மணக்குதே மானே

எடுக்கவா தொடுக்கவா துடிக்கிறேன் நானே

ஏன் எனக்கு மயக்கம்

ஏன் எனக்கு தயக்கம்

ஏன் எனக்கு இந்த உறக்கம்

மௌனமே ஜாடையால் ஒரு வார்த்தை பேச வேண்டும் .

ஊமைப்பெண்ணொரு கனவு கண்டாள்,

அதை உள்ளத்தில் வைத்தே வாழ்ந்திருந்தாள்

நீ... சொல்லாவிடில்.. யார்.... சொல்லுவார் நிலவே..

இந்தி தெரிந்தால் அமெரிக்காவிலும் கூட . . .

 

 

ஒரு மத்யமர் சங்கியின் ஒப்புதல் வாக்குமூலம் கீழே.

 

ஆக இந்தி தெரிந்தவர்களுக்கு அமெரிக்கா போனாலும் பெட்ரோல் பங்க் வேலையோ அல்லது வால் மார்ட்டில் சுமை தூக்கும் தொழிலாளி வேலைதான் கிடைக்கிறது போல.

 

அதே போல தமிழ் பேசுபவர்கள் என்றால் அவர்களுக்கு ஆங்கிலமும் நன்றாக தெரியும் என்பதால் ஆங்கிலத்தில் பேசுகிறார்கள். இந்தி பேசுபவர்களுக்கு ஆங்கிலம் தெரியாது என்பதையும் ஒப்புக் கொள்கிறார்.

 

இப்படித்தான் பல சமயம் சங்கிகள் யாரையோ மட்டம் தட்டுவதாக நினைத்து தாங்களே மாட்டிக் கொள்கிறார்கள்.

சங்கிகளே, கற்பனை வியாதிக்கு அளவில்லையா?

 

இன்று  காலை என்னை சிரிக்க வைத்த ஒரு பதிவும் ஒரு பின்னூட்டமும்.  தங்களை மிகவும் பிரம்மாண்டமாக நினைத்துக் கொண்டிருக்கிற ஒரு வியாதி (Megalomania) யால் பாதிக்கப்பட்டவர்களாக ஒருவர் இருந்தால் பரவாயில்லை. அத்தனை பேருமே வியாதியஸ்தர்களாக இருந்தால் என்ன செய்வது?

பொன்னியின் செல்வன் – வந்துட்டார்யா வடிவேலு

 

மணிரத்தினம் எடுத்துக் கொண்டிருக்கிற பொன்னியின் செல்வன் படத்தில் நடிப்பவர்களின் தோற்றங்களை வெளியிட்டார்கள். அப்போதே ஒருவர் சொன்னார், அத்தனை பாத்திரங்களிலும் வடிவேலுவை வைத்து கூடிய சீக்கிரம் படம் வரும் பாருங்கள் என்று சொன்னார்.

 அது போலவே வந்துட்டாருய்யா வடிவேலு . . .

 அருண்மொழிவர்மன், ஆதித்ய கரிகாலன் வேடத்திற்கு மட்டுமல்ல, குந்தவை, நந்தினி கதாபாத்திரங்களுக்குக் கூட வடிவேலு . . .

 

எஞ்சாய் . . . .

அமித்ஷா இடத்தில் ஓ.பி.எஸ்

 

முக நூலில் பார்த்த மூன்று பதிவுகளை மேலே ஒன்றாக மாற்றி உள்ளேன். 

இது போன்ற செண்டிமெண்டுகள் மூட நம்பிக்கை என்று மூளை சொன்னாலும் 

மோடியின் நம்பர் இரண்டாக ஓ.பி,எஸ் வர வேண்டும் என்று மனம் விரும்புகிறதே!

ஏன்?