ஆப்பிரிக்கான்னா அசிங்கமா மோடி?

 

காங்கிரஸ் கட்சியின் சாம் பிட்ரோடா கூறியதில் எந்த தவறும் இல்லை. நிறங்களில், உருவ அமைப்புக்களில் வேறுபாடு இருந்தாலும் நாம் இந்தியர் என்ற உணர்வோடு ஒற்றுமையாக இருக்கிறோம் என்பதே. வேற்றுமையில் ஒற்றுமை என்பதுதான் அதன் அர்த்தம். சங்கி தருண் விஜய் பேசியதுதான் நிற வெறியின் வெளிப்பாடு . . .

ஒற்றுமை என்ற வார்த்தையே அயோக்கிய நாய்களுக்கு பிடிக்காதே! அதனால்தான் குரைக்க ஆரம்பித்து விட்டன. நாய்களை கல்லைக் கொண்டு அடிப்பதற்கு பதிலாக சாம் பிட்ரோடா  பதவியை விட்டு விலகி ஒதுங்கி விட்டார். விலகியது கூட சரியென்பேன். ஆனால் ஒதுங்காமல் சங்கிகளை உதைக்க வேண்டும்.

சாம் பிட்ரோடா  தமிழர்களை ஆப்பிரிக்கர்களோடு ஒப்பிட்டு இழிவுபடுத்தி விட்டார் என்று மட சங்கிகள் சத்தம் போட்டுக் கொண்டிருக்கிறார்கள். பிரதம முட்டாள் கூட மு.க.ஸ்டாலினுக்கு சவால் விட்டுள்ளார்.

என் கேள்வி எளிதானது.

ஏன்யா மோடி.

அப்படி என்ன நீங்க எல்லாம் ஒஸ்தி? ஆப்பிரிக்கர்கள் எல்லாம் மட்டம்?

சொகுசுப் பேர்வழியே. ஆப்பிரிக்கர்களின் உழைப்பில் கொஞ்சமாவது உழைக்க உன்னால் முடியுமா? 

ஆப்பிரிக்கர்கள் அசிங்கம் என்ற நினைப்பிருந்தால் ஆப்பிரிக்க நாட்டு தலைவர்களை எல்லாம் எப்படி மதித்திருப்பாய்?

ஒபாமாவுக்கு டீ போட்டு கொடுத்து  டிராமா போட்டியே, ஆப்பிரிக்க அமெரிக்கரான அவருக்கு கொடுத்த டீயில எதை கலந்து கொடுத்தாய்? சர்க்கரையையா? வெறுப்பையா?

உன் மானம் உலகெங்கும் பறக்குது. அதை மடை மாற்ற தமிழர்களை உசுப்பேத்தறயா உருப்படாத ஜந்துவே! 

அவனுக்கு நாய், இவனுக்கு பேய்

சில மாதங்கள் முன்பாக நாக்பூரில் நடைபெற்ற எங்கள் சங்கத்தின் அகில இந்திய மாநாட்டில் எங்கள் அகில இந்திய தலைவர் தோழர் அமானுல்லாகான் அவர்களின் உரையை பகிர்ந்து கொண்டிருந்தேன். தென் ஆப்பிரிக்காவில் நிற வெறி உச்சத்தில் இருந்த காலத்தில் நடைபெற்ற ஒரு நிகழ்வை அவர் அப்போது கூறினார்.

அச்சம்பவம் இதுதான்

“வெள்ளையர்களுக்கான பூங்கா ஒன்றில் நுழைந்த ஏழு வயது கறுப்பின பெண் குழந்தையை ஒரு வெள்ளையன் சுட்டுக் கொன்றான். அந்த பெண் குழந்தை நாய் போல இருந்தது என்று காரணமும் சொன்னான். நீதிமன்றத்தில் வழக்கு நடந்தபோது “அந்த குழந்தையை கொன்றதில் தவறில்லை, அது நாய் போலத்தான் இருந்தது” என்று நீதிபதியும் தீர்ப்பளித்தார். ஆட்சியாளர்களுக்கு ஆதரவாகத்தான் நீதிபதிகளும் இருப்பார்கள். நீதிமன்றங்களும் இருக்கும்.”

காலம் வேகமாக உருண்டாலும் நிற வெறி என்பது மாறவில்லை, மறையவில்லை என்பதை அமெரிக்க சம்பவம் உணர்த்துகிறது.

கையில் எந்த ஆயுதமும் இல்லாத மைக்கேல் பிரவுன் என்ற கறுப்பின இளைஞனை அமெரிக்காவில் டாரென் வில்சன் என்ற காவல்துறை அதிகாரி சுட்டுக் கொன்று விட்டான். நீதி விசாரணை நடத்தி அந்த போலீஸ்காரர் மீது தவறு எதுவுமில்லை என்று வழக்கு பதியாமலே விடுதலை செய்து விட்டார்கள்.

அந்த நீதிமன்ற விசாரணையில் அந்த போலீஸ்காரன் "மைக்கேல் பிரவுன் பார்ப்பதற்கு பேய் போலவும்  ஹல்க் குரங்கு போலவும் அச்சுறுத்தும் தோற்றத்தில் இருந்ததாக சொல்லியுள்ளான். விடுதலையும்  ஆகியுள்ளான். 

ஆப்பிரிக்காவில் ஒரு நிற வெறியன் தான் கொன்ற குழந்தையைப் பார்க்க நாய் போல இருந்தது என்று சொன்னான்.

இப்போது தான் கொன்ற வாலிபன் பார்க்க பேய் போல இருந்ததாக டாரென் வில்ஸன் கூறியுள்ளான்.

வெறி தலைக்கேறி மனிதத்தன்மை இழந்தவர்களுக்கு மனிதர்கள் கண்ணில் படமாட்டார்கள் போல. 

இந்த வெறியனை விடுதலை செய்துள்ளதுதான் அமெரிக்க நீதி.

மனித உரிமை வேதத்தை  அமெரிக்க சாத்தான் ஓதுவது எவ்வளவு பெரிய கொடுமை.....

தமிழர்கள் பற்றி அமெரிக்க அதிகாரியின் கொழுப்பெடுத்த நையாண்டி - இன்னமும் நீடிக்கும் நிற வெறி!

அமெரிக்க தூதரக துணை அதிகாரி மௌரீன் சோ 

என்ற அம்மையார்  எஸ்.ஆர்.எம் பலகலைக் 

கழகத்தில் பேசுகிற போது  தமிழர்களை நக்கல் 

செய்து   பேசியுள்ளார். 

அவர் இந்தியாவில் 72  மணி நேரம் ரயிலில்

 பயணம் செய்து     இறங்கும் போது  அவர்

தமிழர்கள்  போல அசிங்கமாகவும்  கறுப்பாகவும்

இருந்தாராம்.

என்ன ஒரு கொழுப்பெடுத்த பேச்சு?

தாங்கள்தான் உயர்வானவர்கள், மற்றவர்கள்

கேவலமானவர்கள்  என்ற  வக்கிரமான 

 நிறவெறியின்  வெளிபாடல்லவா இது!

இதிலே  வட இந்திய மாணவர்கள் 

கைதட்டி விசிலடித்து  கொண்டாடினார்களாம்!

 நினைக்கவே  எரிச்சலாக உள்ளது. ஒரு

மாநில மக்களை இழிவு படுத்துவதை  

வரவேற்கும்  மாணவர்கள்  எங்கே 

இந்திய  ஒருமைப்பாட்டை  பாதுகாக்கப்

போகின்றார்கள்?

அவர்  நகைச்சுவையாகத்தான் பேசினார் 

என எஸ்.ஆர்.எம்  பல்கலைக்கழகம்  

சப்பைக்கட்டுவது  அவர்களிடம்  

ஊறிப்போயுள்ள  அடிமைப்புத்தியையே 

உணர்த்துகின்றது.

அமெரிக்க  தூதரகம்  இப்போது  மன்னிப்பு

கேட்டுள்ளது. தமிழர்களை  இழிவு  படுத்திய

அந்த அதிகாரியை  தமிழ் மண்ணிலிருந்தே 

அப்புறப்படுத்த வேண்டும்.

தமிழ்  அமைப்புக்கள் இப்பிரச்சினையை 

கையிலெடுக்க வேண்டும்