தொழிற்சங்கமாய் ஒன்றிணைவோம் - மோடியிடம் லூலா

 

இன்று காலையில் ஆங்கில இந்து நாளிதழின் முதல் பக்க தலைப்புச் செய்தியை பார்க்கையில் மகிழ்ச்சியாக இருந்தது. கொஞ்சம் சிரிப்பும் வந்தது.

ஏன்?

முதலில் அந்த செய்தியை பாருங்கள்.

தொழிற்சங்கவாதியும் பிரேசில் தொழிலாளர்கள் கட்சியின் தலைவரும் அமெரிக்க ஏகாதிபத்தியத்தின் சதிகளை முறியடித்து ட்ரம்ப், மோடி போன்ற கிறுக்கு பிடித்த தலைவர்களின் வரிசையில் வரும் போல்சனரோவை தோற்கடித்து இப்போது பிரேசிலின் ஜனாதிபதியாக மீண்டும் தேர்ந்தெடுக்கப்பட்டுள்ள தோழர் லூலா பத்திரிக்கையாளர்கள் கூட்டத்தில் மோடியை பக்கத்தில் வைத்துக் கொண்டு என்ன சொன்னார்?

டொனால்ட் ட்ரம்பின் அராஜக வரி விதிப்பால் பாதிக்கப்படும் நாடுகள், தனியாக அவரோடு பேசுவதற்குப் பதிலாக ஒரு தொழிற்சங்கம் போல ஒன்றிணைந்து பேசினால் நிச்சயம் பலன் கிடைக்கும். ஒரு தொழிற்சங்கவாதியாக என் அனுபவமும் இதுதான். ஒரு தனி தொழிலாளி, ஒரு கம்பெனி நிர்வாகத்தின் கொள்கைக்கு எதிராக பேசினால் எந்த பயனும் கிடைக்காது. அதுவே தொழிற்சங்கமாக ஒன்றிணைந்து போராடும் போது அந்த கூட்டு சக்தியால் நிச்சயம் வெற்றி கிடைக்கும்.

இதுதான் லூலா சொன்னது. 

அப்போது மோடியின் மைண்ட் வாய்ஸ் என்னவாக இருந்திருக்கும்?

என் அனுமானங்கள் இரண்டு.

முதல் அனுமானம் மேலே உள்ள படத்தில் உள்ளது.

இரண்டாவது குரங்குக் குளியல் கீழே உள்ளது. 

"நானே வாய்ப்பு கிடைக்கும் போதெல்லாம் ட்ரம்பை குஷிப்படுத்த எனென்னம்மோ செஞ்சிக்கிட்டு இருக்கேன். இதிலே இந்த ஆளு பேசினது ட்ரம்புக்கு தெரிஞ்சா அதுக்கு என்ன திட்டுவாரோ?"

பருத்தியில் சிக்கிக்கொண்ட மோடி மந்திரி

 

அமெரிக்காவுடன் இந்தியா ஏற்படுத்திக் கொண்ட அடிமாட்டு, அடிமை ஒப்பந்தத்தின் மூலம் இந்தியாவின் விவசாயிகளுக்கு எந்த பாதிப்பும் கிடையாது என்று புரோக்கர் மந்திரி பியூஷ் கோயல் கதை விட்டுக் கொண்டிருந்தார். 

ஆனால் அவர் ஒரு ஒப்புதல் வாக்குமூலம் கொடுத்து "இந்திய விவசாயிகளின் நலனை அமெரிக்க கட்டளைக்கு அடிபணிந்து விட்டுக் கொடுத்து விட்டோம்" என்று ஒப்புக் கொண்டு விட்டார்.

இந்திய ஆடைகளின் இறக்குமதிக்கு 18 % வரி விதிக்கும் அமெரிக்கா, வங்க தேச ஆடைகளின் இறக்குமதிக்கு 0 % வரி மட்டுமே விதித்துள்ளதே, அதனால் இந்திய ஆடைத் தயாரிப்பாளர்கள் பாதிக்கப்படுவார்களே என்று கேள்வி கேட்டதற்கு 

"வங்க தேசம் போல நாமும் மூலப் பொருளை அமெரிக்காவிலிருந்து இறக்குமதி செய்து அதனை பதப்படுத்தி, ஆடையாக்கி ஏற்றுமதி செய்யும் போது நமக்கும் 0 % வரிதான் விதிக்கப்படும். இதற்கான உடன்பாடு விரைவிலேயே எட்டப் படும்? 

என்று பியூஷ் கோயல் சொல்லியுள்ளார்.

ஆடைக்கான மூலப் பொருள் எது?

பருத்தி.

பியூஷ் கோயல் சொல்லியபடி அமெரிக்கப் பருத்தியை நாம் இறக்குமதி செய்யப் போகிறோம்.

அமெரிக்க பருத்தியை இறக்குமதி செய்வதால் இந்திய பருத்தி விவசாயிகள் கடுமையான பாதிப்புக்கு உள்ளாவார்கள்.

இந்தியாவில் பருத்தி முக்கியமான பணப் பயிர்.

130 லட்சம் ஹெக்டேர் நிலத்தில் இந்தியாவில் பருத்தி பயிரிடப் படுகிறது. பத்து மாநிலங்களில் 60 லட்சம் விவசாயிகள், பருத்து விவசாயத்தில் ஈடுபட்டு வருகின்றனர். 

உள் நாட்டு ஆடை உற்பத்திக்கு அமெரிக்காவிலிருந்து இறக்குமதி செய்யப்படும் பருத்தி பயன்படத்தப்படும் என்றால் இந்தியாவில் உற்பத்தி செய்யப்படும் பருத்தியின் நிலை என்ன? இந்திய பருத்தி விவசாயிகளின் நிலை என்ன ஆகும்?

ஆக இந்திய பருத்தி விவசாயிகளின் நலனை பின்னுத் தள்ளி அமெரிக்காவிலிருந்து பருத்தி வாங்கப் போகிறது மோடி அரசு. 

வங்கதேசத்தில் கூட  பருத்தி விளைகிறதே! அந்த விவசாயிகளுக்கு பாதிப்பு கிடையாதா என்று எவனாவது மூடச்சங்கி அனாமதேயமாக ஆங்கிலத்தில் பின்னூட்டம் இடுவான். அந்த அனாமதேயம் ஒரு விஷயத்தை தெரிந்து கொள்ள வேண்டும்.

வங்க தேசத்தில் வெறும் 45000 ஹெக்டேர் நிலத்தில்தான் பருத்தி விளைகிறது.  அதிலும் 1,70, 000 விவசாயிகள்தான் ஈடுபடுகின்றனர். வங்க தேச ஆடைத்தொழில் எப்போதுமே இறக்குமதி செய்யப்படும் பருத்தியை நம்பித்தான் இருக்கிறது.

ரப்பர் மரங்களுக்கு ரணங்கள் புதிதல்ல

என்பது போல

மோடி அரசுக்கு துரோகங்கள் புதிதல்ல . . .

வேலூரில் சென்னை சில்க்ஸ் – அதிர்ந்தது வேலூர், அதிர்ச்சியில் ???

சென்னையின் பிரபல துணிக்கடை சென்னை சில்க்ஸ் மூன்று தினங்கள் முன்பாக வேலூரில் தனது கிளையை திறந்துள்ளது. பிரபல நகைக்கடைகளான ஜோஸ் ஆலுக்காஸ், ஜாய் ஆலுக்காஸ், கல்யாண், நாதெல்லா, கஸானா ஆகியோர் ஏற்கனவே வேலூரில் கிளைகள் திறந்துள்ளனர். ஆனால் இவைகள் எல்லாவற்றையும் விட சென்னை சில்க்ஸ் க்கு கிடைத்துள்ள வரவேற்பு மிகவும் பெரியது.

ஊரெல்லாம் இதே பேச்சு என்று பொதுவாக சொல்வார்களே, அது இந்த விஷயத்திற்கு மிகவும் பொருத்தம். வீடு, அலுவலகம், கடை வீதி, டீக்கடைகள் என்று சென்னை சில்க்ஸ் பற்றி பேசுபவர்கள் எண்ணிக்கை அதிகம். இயல்பாகவே பெண்கள் மத்தியில் கொஞ்சம் கூடுதல்தான்.

பொதுவாக வேலூர் கோட்டை மைதானத்தில் நடைபெறும் கண்காட்சிகளுக்கு அதிகமான அளவில் மக்கள் திரள்வார்கள். அந்த அளவிற்கு மக்கள் திரள் சென்னை சில்க்ஸ் கடையிலும் ஒவ்வொரு நாளும் பார்க்க முடிந்தது. என் மகனின் பிறந்த நாளுக்கு சட்டை வாங்கலாம் என்று நாங்களும் சென்றிருந்தோம்.

வேலூரில் ஒரு கடைக்கு அவ்வளவு கூட்டம் என்பது இதுவரை நான் பார்த்ததே கிடையாது. பிரம்மாண்டமான அந்த கடையில் நிற்க இடமில்லை என்று சொன்னால் அது மிகையான வார்த்தை இல்லை. கிட்டத்தட்ட முக்கால் கிலோ மீட்டர் தூரத்திலிருந்தே கார்கள் நிறுத்தப் பட்டிருந்தன என்றால் பார்த்துக் கொள்ளுங்களேன். அந்தப் பகுதியில் போக்குவரத்து நெரிசல் என்பது தொடங்கி விட்டது.

ஒரு புதிய கடை என்பதால் துவக்கத்தில் ஒரு மோகம் இருக்கும் என்று பார்த்தாலும் கூட நகைக்கடைகளுக்கு இல்லாத பரபரப்பு ஏன் துணிக்கடைக்கு?

நான் யோசித்தவரை சில காரணங்கள்.

முதல் காரணம் விருப்பம் . நகைகளைக் காட்டிலும் பெண்களை அதிகம் ஈர்க்கும் சக்தி உடைகளுக்குத்தான் உண்டு. ஆக இது முக்கியக் காரணம்.

இரண்டாவது காரணம் விலை. நகைக்காக செலவிடுவதில் பத்தில் ஒரு பங்கு செலவு செய்தாலே நல்ல தரமான உடைகளை வாங்க முடியும். நகைக்காக செலவழிப்பதற்கு சேமிப்பு இருந்தால் மட்டுமே முடியும். உடை என்றால் சேமிப்பு அவசியமில்லை. மாத சம்பளத்திலிருந்தே வாங்க முடியும். ஆக நிதி என்பது இரண்டாவது காரணம்.

மூன்றாவது ; சாய்ஸ் மற்றும் வெரைட்டி ; ஆடைகளில் கிடைக்கிற சாய்ஸ் மற்றும் வெரைட்டி நிச்சயமாக நகைகளில் கிடையாது.

ஆடைகளை நினைத்த போது வாங்குவது போல நகைகள் வாங்க முடியாது. வாங்கிய நகையை மாற்றுவதில் இழப்பும் அதிகம்.

சென்னை சில்க்ஸ் போல மற்ற பெரிய கடைகள் வந்தாலும் அவைகளுக்கும் நிச்சயம் வரவேற்பு இருக்கும் என்றே தோன்றுகிறது. இருப்பினும் இப்போது அதிர்ச்சியில் உள்ளது வேலூரில் உள்ள துணிக்கடைகள்தான்.. துணிக்கடைகள் அதிகம் உள்ள லாங் பஜார், ஆபிஸர்ஸ் லைன், பர்மா பஜார் ஆகிய பகுதிகளுக்கு மாலை சென்று வந்தேன். பெரும்பாலான கடைகள் வாடிக்கையாளர்கள் கடைகள் வெறிச்சோடிக் கிடந்தன. இந்த வருடம் தீபாவளிக்கு அவைகளின் விற்பனையில் கண்டிப்பாக பாதிப்பு இருக்கும்.

அதே போல பெரிய நகைக்கடைகள் வந்ததால் வேலூரில் உள்ள சிறிய நகைக்கடைகள் பாதிப்பு அடைந்துள்ளன என்பதும் யதார்த்தம்.

சென்னை சில்க்ஸாலேயே இந்தளவு பாதிப்பை சிறிய வணிகர்களுக்கு ஏற்படுத்த முடியும் என்றால் வால் மார்ட் வந்தால் என்ன ஆகும்? 

ஏ.சி யின் விலை எண்பது ரூபாய் ? நிஜம் நிஜம்தான்

என்ன தலைப்பு வித்தியாசமாக இருக்கிறதா?

இவ்வளவு குறைவாக ஏ.சி கிடைக்கிறதா என்று
தலை சுற்றுகிறதா? கிள்ளிப் பார்த்துக் கொண்டீர்கள்தானே?

உங்கள் வீட்டில் ஒவ்வொரு அறையிலும் வாங்கிப்
பொருத்தலாம் என்று திட்டமிட்டீர்கள்தானே?

ஆனா அம்மா கரண்ட் தரமாட்டாங்க, தந்தாலும் 
கட்டணம் ஷாக்கடிக்குமே என்ற கவலையும் வந்தது அல்லவா?

இவ்வளவு குறைவாக எப்படி ஏ.சி கிடைக்கும், இதில் ஏதாவது
தில்லுமுல்லு இருக்குமோ என்றும் கூட யோசித்திருப்பீர்கள்.

இது பத்து அல்லது பதினைந்து நிமிடம் நீங்கள் குளிர்சாதனம்
செய்யப்பட்ட அறையில் இருப்பதற்கு வசூலிக்கும் கட்டணம்.

ஹோட்டல் சரவணபவன் புரட்டாசி பிரம்மோற்சவத்தை
முன்னிட்டு தலைவாழை இலை சாப்பாடு என்று போட்டு
ஒரு கவர்ச்சிகரமான(!)  திட்டத்தை அறிவித்துள்ளது. 
அதன்படி 23 ஐட்டங்கள்  95 ரூபாய் என்று அறிவித்துள்ளது.
இருபத்து மூன்று ஐட்டங்களில் ஊறுகாய், மோர் மிளகாய்,
பொறியல், கூட்டு, குழம்பு, ரசம், சாதம், அப்பளம், போன்ற
வழக்கமான பொருட்கள் எல்லாமே அடக்கம்.

இது என்ன புதிதாக இருக்கிறதே, கட்டுப்படியாகுமா என்று
யோசிக்கும் போது கீழேயே இன்னொரு அறிவிப்பு.

அங்கதான் நிக்கறாரு நம்ம அண்ணாச்சி

ஆனால் இதே ஐட்டங்களை ஏ.சி ரூமில் சாப்பிட வேண்டுமானால்
அதன் விலை ரூபாய் ரூபாய் 175.00

பொருட்களின் தயாரிப்பு செலவில் மாற்றம் இருக்காது.
சுவையிலோ, தரத்திலோ மாற்றம் இருக்காது.
ஆனால் பத்து நிமிடம் ஏ.சி யில் உட்கார்ந்து சாப்பிட
கூடுதலாக எண்பது ரூபாய் வசூலிக்கிறார்கள். 

முதலில் இத்திட்டத்தை பார்க்கும்போது
லாபத்தில் நஷ்டம் என்று நினைத்திருந்தேன்.
இந்த ஏ.சி விஷயத்தை பார்க்கும்போது 
லாபத்தில் லாபம், கொள்ளை லாபம் 
என்பது புரிந்தது.

ஏனென்றால் எண்பது ரூபாய் கூடுதலாக கொடுத்தும்
மக்கள் சாப்பிட்டுக் கொண்டே இருக்கிறார்கள்.

இதுவே சென்னையில் ஏ.சி ரூமில் 120 ரூபாய்தான் என்று
ஒரு பதிவர் நேற்று எழுதியிருந்தார்.

ஆக சென்னையை விட வேலூரில் உள்ளவர்கள் மிகப் பெரிய
பணக்காரர்கள். அதனால் அவர்களிடம் சென்னைக்காரர்களை
விட கூடுதலாக 55 ரூபாய் வாங்குகிறார்கள்.

வேலூர் மக்களே நீங்கள் ரொம்ப நல்லவர்கள்,
நல்லாவே தாங்கறீங்க.