இதுதான் ஒரிஜினல் தொழிலா ஆட்டுக்காரா?

 

அண்ணா அறிவாலயத்தின் ஒவ்வொரு செங்கல்லையும் உருவாமல் நான் இங்கிருந்து செல்ல மாட்டேன் என்று சொல்லியுள்ள ஆட்டுக்காரா, இதற்கு முன்பும் கோவையில் லூலூ மாலில் ஒரு செங்கல்லைக் கூட விட மாட்டேன் என்று சொல்லியிருந்தாய்.

 

அப்படியென்றால் நீ

அரசியல் காமெடியன் கம் வில்லனாகும் முன்பு

அதற்கு முன்பு

ஆடு வளர்ப்பதாக சீன் போடும் முன்பு

அதற்கும் முன்பு

சிரிப்பு போலீஸாகும் முன்பு

 

வீடுகளில் கன்னக்கோல் வைத்து கொள்ளையடிக்கும் கூட்டத்தில் இருந்தாயோ நீ?

அந்த பழைய நெனப்பில்தான் செங்கல்லை உருவுவேன், ஒரு செங்கல்லை கூட விட மாட்டேன் என்று பிதற்றிக் கொண்டிருக்கிறாயோ!

கப்பர் சிங் மண் அது . . .

 

மேலே உள்ள படத்தை எந்த திரைப்படத்திலாவது பார்த்த நினைவு உள்ளதா?

காரணம் பிறகு சொல்கிறேன். கீழே உள்ள புகைப்படங்களையும் பாருங்கள்

மறைந்த என் அம்மாவின் அஸ்தியை ஸ்ரீரங்கப்பட்டிணத்தில் காவிரியில் கரைத்து விட்டு வருகையில் என் அக்கா பையன், இந்த இடத்தை கடந்த போது நான் மேலே கேட்ட அதே கேள்வியை கேட்டான்.

ஷோலே திரைப்படத்தின் ஷூட்டிங் நடந்த ராம் நகரா இதுதான். இங்கதான் கப்பர் சிங் காட்சியெல்லாம் எடுத்தார்களாம் என்றான்.

40 % கமிஷன் வாங்கும் பசவராஜ் பொம்மை இங்கே பிரம்மாண்டமான கோயில் கட்டுவது பொருத்தம்தான். . .

கப்பர்சிங் கொள்ளையடித்தை விட 1000 மடங்கு கொள்ளையடிக்கும் திருட்டுக்கூட்டம்தானே இது!

ஏடிஎம் கொள்ளை - தனியார்மயத்தின் விளைவு

 

திருவண்ணாமலை ஏ.டி.எம் கொள்ளை தொடர்பான நேற்றைய பதிவின் தொடர்ச்சி

 

ஏடிஎம் ம்மை உடைத்தவர்கள் யார் என்பது அங்கிருந்த சி.சி,டிவி காமராக்களில் பதிவாகவில்லை.,

 

ஏடிஎம்மை உடைத்தால் காவல் நிலையத்திலும் வங்கியிலும் ஒலிக்க வேண்டிய அலாரம் ஒலிக்கவில்லை.

 

இந்த ஏ.டி.எம் களில் காவலர்களும் இல்லை.

 

என்ன காரணம்?

 

பணம் வைப்பது முதற்கொண்டான ஏ.டி.எம் தொடர்பான பராமரிப்பு சேவைகள் அனைத்தும் இப்போது வங்கிகளால் அரசு வங்கிகளும் சரி, தனியார் வங்கிகளும் சரி அவைகளால் நேரடியாக செய்யப்படுவதில்லை. அவை ,அனை,த்தும் சில ,தனியார் ஏஜென்ஸிகளுக்கு அவுட்சோர்ஸிங் முறையில் ஒப்பந்தத்திற்கு கொடுக்கப்ப்பட்டு விட்டன.

 

காமெரா இயங்குகிறதா, அலாரம் இயங்குகிறதா என்பதைப் பற்றியெல்லாம் அவர்களுக்கு கவலையே இல்லை.

 

கொள்ளையடிக்கப்பட்ட ஏ.டி.எம் களில் மட்டுமா?

 

பெரும்பாலான ஏ.டி.எம் களில் இதுதான் நிலை என்று சொல்கிறது போலீஸ்.

 

அதே போல இப்போதெல்லாம் ஏ.டி.எம் களில் செக்யூரிட்டிகளை பார்ப்பதும் அரிதாகி வருகிறது. எதற்கு சம்பளம் கொடுப்பது என்று நிறுத்தி விட்டார்கள் போல..

 

தனியார்மயம் என்றால் அலட்சியம் என்பதற்கு பல உதாரணங்கள் ஏற்கனவே இருக்கிறது. ஏ.டி.எம் பராமரிப்பு புதிய உதாரணம்.

 

இந்த சமயத்தில் இன்னொரு திரைப்படம் நினைவுக்கு வருவதை தவிர்க்க முடியவில்லை. விக்ரம் பிரபு நடித்த ஒரு படத்தில் .ஏ.டி.எம் பராமரிப்பு சேவை நிறுவன ஊழியர்கள் எப்படி போலி கார்டுகளை உருவாக்கி வாடிக்கையாளர்களின் பணத்தை சூறையாடுவார்கள் என்பதைக் காண்பித்திருப்பார்கள்.

 

வங்கிகள் பராமரிப்பு சேவைகளை தாங்களே செய்யாவிட்டால் இந்த மோசடிகள் கூட எதிர்காலத்தில் அதிகமாகி விடும்.

ஏ.டி.எம் கொள்ளை- இன்னொரு தீரன் அதிகாரமா?

 

திருவண்ணாமலையில் நான்கு ஏடிஎம்கள் உடைக்கப்பட்டு   எழுபத்தி ஐந்து லட்ச ரூபாய்க்கு மேல் கொள்ளையடிக்கப் பட்டுள்ளது.                                                                                                                                                                                        அந்த கொள்ளை பற்றி காவலர்கள் கொன்னது சுவாரஸ்யமாகவும் தீரன் அதிகாரம் ஒன்று  படத்தை  நினைவு படுத்துவதாக அமைந்திருந்தது.

 திரைப்படத்தில் ராஜஸ்தான் பவாரியா கும்பல் கொள்ளையடித்தது. திருவண்ணாமலையில் கொள்ளையடித்தது ராஜஸ்தான் மேவார் கும்பலாம். 

 தீரன் படம் போலவே ராஜஸ்தான் தொடங்கி மத்தியப் பிரதேசம், சத்திஸ்கர், மஹாராஷ்டிரா, கர்னாடகா என்று வரிசையாக ஜனவரி கடைசி வாரம் தொடங்கி பிப்ரவரி இரண்டாம் வாரம் வரையில் 13 ஊர்களில் ஏடிஎம் கள் கொள்ளையடிக்கப்பட்டுள்ளனவாம்.  

 திரைப்படத்தில் கொள்ளையர்கள் லாரியில் வருவார்கள் என்றால் இங்கே ஒரே ஒரு சொகுசு கார் மட்டுமே.

 திரைப்படத்தில் ஊருக்கு ஒதுக்குப்புறமான வீடுகளில் கொள்ளையடிப்பார்கள் என்றால் இந்த கொள்ளையர்களோ சிசி டிவி காமெர கண்காணிப்பு உள்ள நெடுஞ்சாலைகளைத் தவிர்த்து கிராமப்புற சாலைகளில்தான் பயணிப்பார்களாம்,

 மேவார் கும்பலைப் பிடிக்க எந்த தீரன் ராஜஸ்தான் செல்லப் போகிறாரோ?

 பிகு: ரொம்பவும் சீரியஸாகவே எழுதிக் கொண்டிருக்கிறோமே என்று கொஞ்சம் ரிலாக்ஸ்டாக எழுதிய பதிவு இது. இதே செய்தியிலேயே கவலைப் படக் கூடிய விஷயம் ஒன்றுண்டு. அது நாளை. .                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                       

டோல்கேட் இரட்டைக் கொள்ளை

 

நேற்று சென்னை சென்றிருந்தேன்.

ஸ்ரீபெரும்புதூர் டோல்கேட்டில்  காலை எட்டு மணிக்கு கடந்த போது அதற்காக ஃபாஸ்ட் டேகில் கட்டணம் பிடிக்கப்பட்டதற்கான செய்தி தாமதமாக வந்தது. 

இரவு புறப்பட்டு வரும் வேளையில் பூந்தமல்லி அருகில் வரும் போது இன்னொரு செய்தி. காலை 8.30 மணிக்கு ஸ்ரீபெரும்புதூரை கடந்ததாக இன்னொரு 50 ரூபாய் பிடிக்கப்பட்டதாக அந்த செய்தி சொன்னது.

ஸ்ரீபெரும்புதூர் டோல்கேட்டில் குறுஞ்செய்திகளை காட்டினால் அங்கே இருந்த ஆள் "க்யா, க்யா" என்று சொல்ல

தமிழ்நாட்டில் தமிழ் தெரியாத ஆளோடு மாரடிப்பது நேர விரயம் என்று வந்து விட்டோம். 

டோல் கட்டணமே கொள்ளை. இதில் இப்போது இரட்டைக் கொள்ளை அடிக்கத் தொடங்கியுள்ளார்கள்.

அமேசான் ஆன்லைன் அக்கிரமங்கள்

இந்திய மூவர்ணக் கொடி போல மிதியடி விற்ற அமேசானின் அக்கிரமத்தை  மறந்திருக்க மாட்டீர்கள். சுஷ்மா ஸ்வராஜ் சொன்னது போல மன்னிப்பு கேட்டார்களா என்று தெரியவில்லை.

நான் எழுதப் போவது வேறு ஒரு விஷயம்.

கீழே உள்ள படம் வாட்ஸப்பில் வந்தது.

அதன் படி பார்த்தால்  ஒரே ஒரு மாவிலையின் விலை என்ன தெரியுமா? 

இதயக் கோளாறுகள் உள்ளவர்கள் படிக்க வேண்டாம்.

ஒரு மாவிலையை அமேசானில் நீங்கள் ரூபாய்   220 கொடுத்துதான் வாங்க வேண்டாம். 

தகவல் சரியா என்று அமேசான் தளத்தில் தேடினால் இந்திய சந்தை நிலவரம் தெரியவில்லை. 

ஆனால் அமெரிக்காவில் விற்கப்படும் மாவிலை பற்றிய விபரம் கிடைத்தது.

நாற்பது மாவிலைகள் 24.95 டாலர்கள். இந்திய மதிப்பில் கணக்கிட்டுப் பார்த்தால் (இன்று ஒரு டாலருக்கு 68.18 ரூபாய்) ஒரு மாவிலையின் ரூபாய் 42.52. 

இதையெல்லாமும் சேர்த்துதான் பொங்கலுக்கு மூன்று லட்சம் பொருட்கள் என்று விற்கிறார்கள் போல.

இதையும் வாங்க சில கனவான்கள் இருப்பார்கள் என்பதும் இந்திய யதார்த்தம்தானே. 

வறட்டியைக் கூட ஆன்லைனில் விற்றதை நாம் மறந்து விட முடியுமா என்ன?