Sunday, October 20, 2019

அல்வா வேண்டாம். அப்படியே சாப்பிடுங்கள்





இன்று முயற்சி செய்த இனிப்பு ஆப்பிள் அல்வா

மூன்று ஆப்பிள்களை தோல் சீவிக் கொண்டு பிறகு துருவிக் கொண்டேன். 

முந்திரியை நெய் விட்டு வறுத்து தனியாக எடுத்து வைத்துக் கொண்ட பின்பு அதே வாணலியில் துருவிய ஆப்பிளை போட்டு ஒரு ஏழு நிமிடங்கள் வரை கிளறிக் கொண்டிருந்தேன். பிறகு சர்க்கரை போட்டு இன்னும் ஒரு ஐந்து நிமிடம். நடுவில் கொஞ்சம் கொஞ்சமாய் நெய். கடைசியில் ஏலக்காய்ப் பொடி, முந்திரி போட்டு எடுத்து வைத்து விட்டேன்.

அல்வாவின் நிறத்தில் திடத்தில் வந்தாலும் ஆப்பிள் துண்டத்தை சர்க்கரை தொட்டுக் கொண்டு சாப்பிட்டது போலதான் சுவை இருந்தது. அளவும் அதிகமாக வரவில்லை. நான்கு சிறு கிண்ணங்கள் கூட வரவில்லை.

இவ்வளவு மெனக்கெட்டு அல்வா செய்ததற்கு பதிலாக ஆப்பிளை அப்படியே சாப்பிட்டிருக்கலாமே என்றுதான் தோன்றியது.

No comments:

Post a Comment