துன்பம் வரும் வேளையிலே சிரிங்க. . .

 நெரிசல் மரணங்கள் உருவாக்கியுள்ள துயரத்திலிருந்து மனதைச் சற்று மாற்ற . . .

கரூர் மரணங்கள் - யாரெல்லாம் பொறுப்பு?

 

நேற்று கரூரில் நடைபெற்ற நெரிசல் மரணங்கள்  மனதை மிகவும் பாதித்தது. எல்லா அழிவுகளைப் போலவும் இங்கேயும் பெண்களும் குழந்தைகளும்தான் அதிக அளவில் மரணமடைந்துள்ளனர்.

இதனை ஒரு துயர சம்பவம், துன்பியல் நிகழ்வு என்றெல்லாம் கடந்து போய் விட முடியாது.

இதனை வெறும் விபத்து என்றும் சுருக்கிட முடியாது, கூடாது. கண்டிப்பாக தவிர்த்திருக்க வேண்டிய சோகம் இது.

இச்சம்பவத்தின் முதல் குற்றவாளி கண்டிப்பாக விஜய் மற்றும் அவருக்கு ஆலோசனை கூறும் அறிவிலி தலைவர்களும்தான்.

அந்த காலத்தில் எம்.ஜி.ஆருக்காக மக்கள் மணிக்கணக்கில் காத்திருந்து அவரை பார்த்து விட்டு போவார்கள் என்று சொல்லி உசுப்பேத்தி விஜய்க்கும் தான் ஒரு எம்.ஜி.ஆர் என்ற நினைப்பு வந்து விட்டது. அதனால்தான் 12 மணிக்கு வர வேண்டிய கூட்டத்திற்கு மாலை ஏழு மணிக்கு வருகிறார். 

அத்தனை நேரம் சோறு, தண்ணி இல்லாமல் வெயிலில் காத்து நிற்பவன் சோர்வாகி விழாமல் என்ன செய்வான்? கூட்டத்தை காக்க வைக்காமல் குறித்த நேரத்திற்கு வருவதற்கு விஜய்க்கு என்ன கேடு? 

ஆயிரக்கணக்கான மக்கள் திரள்வார்கள் என்று தெரிகிற போது எதற்கு சாலையில் கூட்டம் நடத்த வேண்டும்? ஒரு மைதானத்தில் நாற்காலிகள் போட்டு நடத்த வேண்டியதுதானே!

எந்த ஒரு கட்டுப்பாட்டிற்கும் உட்படாத தற்குறிகளாகத்தான் தன் ரசிகர் கூட்டம் இருக்கிறது என்பதைக் கூட புரிந்து கொள்ளாத விஜய்க்கு எதற்கு அரசியல் பிரச்சாரக் கூட்டங்கள்?

இந்த மரணங்களுக்கான முதல் குற்றவாளி கண்டிப்பாக விஜய்தான். 

விஜய் மீது மட்டும் பழி போட்டு தமிழ்நாடு அரசோ  காவல்துறையோ தப்பித்துக் கொள்ள முடியாது.

கரூரின் துயரங்கள் விஜயின் முந்தைய கூட்டங்களில் கூட நிகழ்ந்திருக்க வாய்ப்பிருந்தது. ஏதோ அந்த மக்களின் அதிர்ஷ்டம் அவர்கள் உயிர் தப்பித்து விட்டனர். அந்த அனுபவத்தை அடிப்படையாகக் கொண்டு விஜயின் சாலையோரக் கூட்டங்களுக்கு அரசு அனுமதி மறுத்திருக்க வேண்டும்.  "என்ன பயந்துட்டீங்களா ஸ்டாலின் அங்கிள்?" என்று விஜய் பேச வாய்ப்பு தரக்கூடாது என்று விஜய் கூட்டங்களை அனுமதித்த அரசும் இந்த மரணங்களுக்கு பொறுப்பு.

அனுமதிக்கப்பட்ட அளவைக் காட்டிலும் மக்கள் திரளும் போதே காவல்துறை  அந்த சாலையை தன் கட்டுப்பாட்டில் எடுத்துக் கொண்டிருக்க வேண்டும். கட்டுக்கடங்காமல் கூட்டம் சேரும் போது கலைத்து விட்டிருக்க வேண்டும்.  அதையும் விஜய் கலாய்ப்பாரே என்ற பயத்தில் தங்களுக்கென்ன என்று அலட்சியமாக இருந்த காவல்துறையும் இந்த மரணங்களுக்கு பொறுப்பானவர்கள்தான்.

பொறுப்பின் சதவிகிதம் வேண்டுமானால் 80:10:10 என்று இருக்கலாம். ஆனால் அனைவரும்தான் பொறுப்பு.

அதே சமயம் கொஞ்சம் கூட பொறுப்பில்லாதவர் விஜய் என்பது அவர் சம்பவ இடத்தை விட்டு ஓடி சென்னைக்கு பறந்ததில் என்பதில் புரிகிறது. 

பெரும் தவறிழைத்த விஜயுடன் நாங்கள் இருக்கிறோம் என்பதை WE STAND WITH VIJAY என்று அவரது ரசிகக் கண்மணிகள் சொல்லலாம். ஏனென்றால் அவர்கள் அரசியல் புரிதல் அற்ற மூடர்கள். அப்படித்தான் சொல்வார்கள். நாதக வும் பாஜக வும் ஏன் அப்படிப்பட்ட நிலை எடுக்கிறார்கள்? ஏனென்றால் அவர்கள் மூவருமே கூட்டாளிகள். . . .

கொலைகார சாமியாரை பாதுகாக்கும் . . . .

 

உபியின் பாலியல் வன்முறைகளின் தலைநகர் ஹாத்ராஸில் 121 பக்தர்களின் உயிரை பலி கொண்ட சம்பவத்தில் ஆறு பேர் மீது போலீஸ் வழக்கு பதிந்துள்ளது. அவர்கள் எல்லோரும் அந்த போலிச்சாமியார் நடத்திய சத்சங்கத்தின் ஒருங்கிணைப்பாளர்கள்.

ஆனால் அந்த சத்சங்கத்தை நடத்தி மரணங்களுக்கு காரணமாக இருந்த போலே பாபா என்ற போலிச்சாமியார் மீது எந்த வழக்கும் கிடையாது.

அவரை விசாரிப்பீர்களா என்று பத்திரிக்கையாளர்கள் கேட்டதற்கு "ஒரு வேளை அவரை விசாரிக்க வேண்டிய அவசியம் உருவானால் மட்டுமே விசாரிப்போம்" என்று பதில் சொல்கிறார் உபியின் ஒரு ஐ.ஜி.

கொரோனா இரண்டாம் அலை காலகட்டத்தில் இந்த சாமியார் இது போன்ற சத்சங்கம் நடத்த அனுமதி கேட்ட போது 50 பேர் கலந்து கொள்ள அனுமதி கொடுக்கப்பட்டதாம். ஆனால் 50,000 பேர் கலந்து கொண்டுள்ளனர்.

கொரோனா இரண்டாம் அலையில் உ.பி யில் கொத்து கொத்தாக மரணங்கள் நிகழ்ந்ததும் சடலங்களை எரிக்க சுடுகாடுகள் போதவில்லை என்பதும் நினைவில் உள்ளதா? 50,000 பேர் கலந்து கொண்ட சத்சங்கம் எத்தனை பேரின் மரணத்திற்கு காரணமாக இருந்ததோ!

ஏன் இந்த சாமியார் மீது போலீஸ் நடவடிக்கை எடுக்கவில்லை?

அதெப்படி முடியும்!

மாநில முதல்வர் மொட்டைச்சாமியாரே ஒரு கொலைகார சாமியார்தானே!

ஒரு போலிச்சாமியாரால் எப்படி இன்னொரு போலிச்சாமியார் மீது நடவடிக்கை எடுக்க முடியும்!

இருவரும் ஒரே இனம் அல்லவா! 

பிணந்தின்னி சங்கிக் கழுகுகள் . . .

 

குழந்தையின் மரணத்துக்காக காத்திருக்கும் அந்த பிணந்தின்னிக் கழுகுக்கும் சங்கிகளுக்கும் வித்தியாசம் கிடையாது.

ஹெச்.வசந்தகுமார் மருத்துவமனையில் உயிருக்கு போராடிக் கொண்டிருந்த போது "மீண்டும் அமைச்சராகப் போகும் பொன்னாருக்கு வாழ்த்துக்கள்" என்று  பதிவு போட்ட காட்டுமிராண்டிகள்தான் சங்கிகள்.

திரு ஈ.வி.கே.எஸ்.இளங்கோவன் நேற்று மருத்துவமனையில் அனுமதிக்கப்பட்ட பின்னணியில் "மத்யமர் ஆட்டுக்காரன்" குழுவில் நடந்த விவாதங்கள் கீழே.

பிணந்தின்னிக் கழுகுகளைப் போன்ற இந்த ஜந்துக்களை என்ன சொல்வது!

அடுத்தவர் மரணத்தை ஆவலோடு எதிர்பார்த்தவர்கள், அதற்கு முன்பே இறந்துள்ளார்கள் என்பதுதான் வரலாறு.

தந்தை பெரியார் இறக்க வேண்டுமென்று சத்ரு சம்ஹார யாகம் நடத்திய திருவிதாங்கூர் அரசனின் மரணம் கடந்த கால வரலாறென்றால்

கலைஞரின் மரணத்துக்கு பல முறை நாள் குறித்த ஜெ அவருக்கு முன்பே இறந்தது சமீபத்திய வரலாறு,

சங்கிகளுக்கு இதெல்லாம் தெரியாது, புரியாது.

போங்கடா, நீங்களும் உங்க டெக்னாலஜியும்.

          

சந்திரனுக்குப் பாய்ந்தது ஒரு விண்கலம்,

செவ்வாய்க்கும் கூட

விரைவில் செல்லுமாம்.          

                                                 

ஒரு ராக்கெட்டில் ஒரே நேரத்தில்

நூற்றுக்கும் மேல் செயற்கைக் கோள்கள்

விண்ணில் சீறிப் பறந்து

வட்டப்பாதையில் நிலை கொண்டதும்

இந்தியாவின் தலை நிமிர்ந்ததாம்.

கசங்கிப் போகும் ரூபாயைத் தவிர்க்க

கணிப்பொறியில்தான் இனி பரிமாற்றமாம்.

காகிதப் பயன்பாடே இல்லாமல்

மின்னஞ்சலில்தான் எல்லாமே.    

ஆதார் அட்டையைத் தேய்த்தால்தான்

கழிவறைக் கதவும் திறக்குமாம்.

மூச்சு விடுவதும் முனகுவதும் கூட

அரசு கண்காணிப்பில் வருமாம்.  

டிஜிட்டலில் இந்தியாவில்

எல்லாமே மாறுமாம்.  

இந்தியா வேகமாய்

முன்னேறவும் செய்யுமாம்.

கழிவை சுத்தம் செய்ய

சாக்கடைக் குழியில் இறங்கி

மரணிப்பது மட்டும் மாறாதாம்.

                                                        

எது எதற்கோ இயந்திரம் வந்தாலும்

இதற்கு மட்டும் வாராதாம்.

போங்கடா,   

நீங்களும் உங்க டெக்னாலஜியும்.    

(கடலூர் சம்பவத்தின் போது எழுதியது)