Thursday, September 21, 2017

தேசிய கீதம் தெரியாட்டி குத்தமாய்யா?



ரஷ்யா போன போது தேசிய கீதம் ஒலிக்கையில் அதை கண்டு கொள்ளாமல்  மோடி போய்க்கொண்டே இருந்து விட்டார் என்று கீழே உள்ள வீடியோவை அனுப்பி பலரும் நையாண்டி செய்கிறார்கள்.


video

பாவம் மோடி.

சுதந்திரம் பெற்று ஐம்பதாண்டுகள் வரை ஆர்.எஸ்.எஸ் இயக்கம் மூவர்ணக் கொடியையோ  தேசிய கீதத்தையோ, அரசியல் சாசனத்தையோ ஏற்கவேயில்லை.  அதனால் பாவம் மோடிக்கு ஜனகன தான் இந்தியாவின் தேசிய கீதம் என்பது தெரிந்திருக்க வாய்ப்பில்லை.

ரஷ்யர்கள் ஏன் பாட்டாக பாடாமல் இசையை மட்டும் கொடுத்தார்கள். அதனால் அது ஏதோ அவரை வரவேற்பதற்கான பின்னணி என்று நினைத்துக் கொண்டிருப்பார்.

தென் ஆப்பிரிக்காவில் "ஜீ பூபாம்பா" என்றெல்லாம் மந்திரம் சொல்லி ஒரு பெண்மணி வரவேற்றது நினைவில் உள்ளதல்லவா? அது போல ஏதோ ஒரு இசை என்று நினைத்திருப்பார். 

பிரதமராக இருந்து கொண்டு மக்களுக்காக உருப்படியாக எதுவும் செய்யவில்லை. இனிமேலும் செய்யப் போவதில்லை. மாட்டின் பெயரால் கொலை, ஜி.எஸ்.டி யின் பெயரால் வழிப்பறி, அன்றாடம் பெட்ரோல் விலை உயர்வு, இப்படி எத்தனையோ குற்றம் செய்து விட்டார். அதை விட பெரிசாய்யா இது?

ஏதோ சாதாரணமான ஆள் மாதிரி சினிமாக்கு போயிருந்தாலாவது தெரிஞ்சிருக்கும். அதானிக்கும் அம்பானிக்கும் முறைவாசல் செய்யவே அவருக்கு நேரம் பத்தலை.  


உனக்கு கல்யாணமாச்சா இல்லையா என்ற கேள்விக்கே ஒழுங்கா பதில் சொல்ல முடியாத ஒரு ஆளுக்கிட்ட தேசிய கீதம் தெரியாதா என கேட்கறதுதான் குத்தம்.  


Tuesday, September 19, 2017

டி.ஆரு இங்கே பாரு



பீப் சாங்கிற்கு எதிராக போராடிய மாதர் சங்கம் இந்த பிரச்சினையில் என்ன செய்தது? அந்த பிரச்சினையில் என்ன செய்தது? என்று கேட்பதே காழ்ப்புணர்வில் ஊறிப் போன சிலருக்கு பொழுது போக்காக மாறி விட்டது. அவர்கள் சொன்ன பிரச்சினையில் மாதர் சங்கம் தலையிட்டு இருக்கும், போராடி இருக்கும். அதைப் பற்றியெல்லாம் தெரிந்து கொள்ள அவர்களுக்கு அக்கறை இருக்காது. ஆனால் மாதர் சங்கத்தை திட்டி ஒரு ஸ்டேட்டஸ் போடுவதும் அதன் மூலம் சில லைக்ஸ் பெறுவதும் அவர்களைப் போலவே பொழுது போகாத சிலரின் வக்கிர கமெண்ட்ஸை பெறுவதும்தான் அவர்களின் நோக்கம்.

பீப் பாடல் எனும் உயர்தர இசை வேள்வியை நடத்திய சிம்புவை மகனாகப் பெற்ற டி.ஆரும் அவ்வப்போது இந்த கேள்வியை எழுப்பிக் கொண்டே இருக்கிறார்.

அவருக்கு இந்த பதிவு அர்ப்பணம்

டி.ஆரு, மாதர் சங்கம் இங்கே இருக்கு பாரு.

மதுரை மாவட்டம் பொதும்புவில் உள்ள அரசு உயர்நிலைப் பள்ளியின் தலைமை ஆசிரியராக இருந்த ஆராக்கியசாமி என்பவன் பல காலமாக பல சிறுமிகள் மீது பாலியல் சீண்டலும் பாலியல் வன் கொடுமையும் செய்து வந்திருக்கிறான்.

இப்பிரச்சினை பற்றி தகவல் தெரிந்ததும் அனைத்திந்திய ஜனநாயக மாதர் சங்கம் தலையிட்டது. போராடியது. மாவட்ட நிர்வாகம் ஆரோக்கியசாமியை பாதுகாக்க முயன்றது. மாதர் சங்கம் வழக்கு தொடுத்தது. தோழர் பிருந்தா காரத் புதுடெல்லியிலிருந்து பொதும்பு வந்தார். மாநில டி.ஜி.பி யை நேரில் சந்தித்தார். அதன் பின்பே நிர்வாகம் அசைந்தது. ஆரோக்கியசாமியை இடை நீக்கம் செய்தது. உயர்நீதி மன்றத்தின் மதுரை கிளை ஆரோக்கியசாமியை கைது செய்யவும் மாணவிகளுக்கு இடைக்கால இழப்பீடு கொடுக்கவும் உத்தரவிட்டது.

அவ்வழக்கில் மதுரை மாவட்ட நீதிமன்றம் இன்று தீர்ப்பளித்துள்ளது. ஆரோக்கியசாமிக்கு ஐம்பத்தி ஐந்து வருடம் சிறைத்தண்டனை வழங்கி உள்ளது. அதாவது அந்த மனிதன் இறக்கும்வரை கம்பி எண்ணிக் கொண்டு இருக்க வேண்டும். பாதிக்கப்பட்ட மாணவிகளுக்கு மேலும் ஒரு ஐம்பதாயிரம் ரூபாய் நிவாரணம் வழங்க வேண்டும் என்றும் தீர்ப்பு கூறியுள்ளது. 

இந்த வழக்கை தொடுத்தது அனைத்திய ஜனநாயக மாதர் சங்கம். வாதாடியது மாதர் சங்கப் பொறுப்பாளரான தோழர் உ.நிர்மலாராணி. 

பாதிக்கப்பட்ட மாணவிகளுக்கு நியாயம் கிடைக்க களத்தில் உறுதியாக இருந்தது அனைத்திந்திய ஜனநாயக மாதர் சங்கம் என்பதை டி.ஆர் புரிந்து கொள்ளட்டும்.

நியாயத்தை நிலைநாட்டிய மாதர் சங்கத்தோழர்கள் அனைவருக்கும் மனமார்ந்த பாராட்டுக்கள். அச்சப்படாமல் சாட்சி சொன்ன மாணவிகளுக்கும் பாராட்டுக்கள்.

இப்பிரச்சினை பற்றி அறிந்ததும் எங்கள் மதுரைக் கோட்டச்சங்கம் இருபத்தி ஐயாயிரம் ரூபாய் வழக்குச் செலவுகளுக்காக அளித்தது. வழக்கு நடத்த தேவையான பிரமாண வாக்குமூலங்களை தயார் செய்யவும் மதுரைக் கோட்டத் தோழர்கள் உதவினார்கள். அவர்களுக்கும் பாராட்டுக்கள்.

 

வரலாற்றுக்கே துரோகம் - புரிகிறதா ஜெயமோகன்?




கீழடி ஆய்வு பற்றி அரசியல்வாதிகள், மேடைப் பேச்சாளர்கள் பேசிக் கொண்டிருக்கின்றனர்.

அவர்கள்

தமிழ் பாசிஸ்டுகள்,
அரை வேக்காடுகள்,
அசடுகள்

என்று தமுஎகச அமைப்பை நேரடியாக குறிப்பிடாமல் ஆனால் அவர்களைப் பற்றி ஜெயமோகன் கடுமையாக வசை பாடியிருந்தார்.  

 நேற்றைய தீக்கதிரில் தமுஎகச பொதுச்செயலாளர் தோழர் சு.வெங்கடேசன் விரிவான நேர்காணல் அளித்திருந்தார். மத்தியில் ஆளும் பாஜக கீழடி ஆய்வை மூடுவதற்கு ஸ்ரீராமன் மூலம் முயல்வதை அம்பலப்படுத்தியிருந்தார்.

வரலாற்றில் துரோகத்தைப் பார்த்துள்ளோம். வரலாற்றுக்கே துரோகம் இழைப்பவர்கள் இவர்கள் என்ற அவரது விமர்சனத்தை துரோகச் செயலுக்கு முட்டுக் கொடுத்து எழுதிக் குவித்த ஜெயமோகனுக்கு அர்ப்பணிக்கிறேன்.

இனி நேர்காணலை படியுங்கள். 

 கீழடி: மூன்றாம் கட்ட ஆய்வும் முடித்து வைக்கும் ஏற்பாடும்


கீழடி மூன்றாம் கட்ட ஆய்வு முடிவடைந்துள்ளதாகவும் செப்டம்பர் 30 அன்றுடன் ஆய்வுக்காலம் முடிவடைவதாகவும் இந்த ஆய்வில் உருப்படியாக எதுவும் கிடைக்கவில்லை என்றும் கீழடி அகழாய்வை இத்தோடு சீர்குலைத்து மூடுவிழா நடத்தும் நோக்கத்துடன் அகழாய்வுப் பணி இயக்குநர் பு.சு.ஸ்ரீ ராமன் ஞாயிறன்று அறிக்கை வெளியிட்டுள்ளார். இதன் பின்னணியையும் மோசடிகளையும் அம்பலப்படுத்தி, கீழடியைப் பாதுகாக்க அணிதிரள்வோம் வாரீர் என அழைக்கிறார் தமிழ்நாடு முற்போக்கு எழுத்தாளர்-கலைஞர்கள் சங்கத்தின் பொதுச் செயலாளர் சு.வெங்கடேசன் 

அவரது நேர்காணல்.
கீழடியில் மூன்றாம் கட்ட அகழாய்வின் முடிவுகளை அதன் பொறுப்பாளர் பு.சு.ஸ்ரீராமன் வெளியிட்டுள்ளார். இது தொடர்பான உங்களது கருத்தென்ன?

மூன்றாம் கட்ட அகழாய்வு தொடங்கப்பட்டவுடன் கீழடி அகழாய்வு மையம் ஒரு இராணுவமுகாம் போல மாற்றப்பட்டது. அங்கு என்ன நடக்கிறது என்று எந்தவிதமான தகவலும் ஊடகத்துக்கும், பார்வையாளருக்கும் எந்தக்கட்டத்திலும் வெளியிடப்பட வில்லை. ஒளிப்பதிவு கருவிகள் எதுவும் அகழாய்வுக்குழிகளை நெருங்காமல் அதன் பொறுப்பாளர் ஸ்ரீராமன் பார்த்துக் கொண்டார். இப்பணியில் ஈடுபட்டுள்ள கடை நிலை ஊழியர்கூடபார்வையாளர்களிடம் பேச அவர் அனுமதிக்க வில்லை. சரி, என்ன தான் நடக்கிறது பார்ப்போம் என்றுதான் நாங்களும் காத்திருந்தோம். இப்பொழுது முழு உண்மையும் வெளிவந்து விட்டது.

இந்த ஆண்டின் ஆய்வு முடிவுகளை அவர் வெளியிட்டுள்ளார். என்ன நோக்கத்துக்காக அமர்நாத் இராமகிருஷ்ணன் மாற்றப்பட்டு இவர் அப்பணிக்கு அமர்த்தப்பட்டாரோ அந்த நோக்கத்தை தெளிவாக நிறைவேற்றியுள்ளார். “இவ்விடத்தில் (கீழடியில்) கட்டிடங்கள் தொடர்ச்சியாகவோ அல்லது பரவலாகவோ கட்டப்பெறவில்லை என்று தெரியவருகிறது” என்ற முடிவினை அறிவித்துள்ளார். மத்திய ஆட்சியாளர்கள் எதிர்பார்த்தது போல கீழடி அகழாய்வை இழுத்துமூடவேண்டிய வாசகத்தை ஸ்ரீராமன் எழுதி முடித்துள்ளார். அவரை கொண்டு வந்ததன் நோக்கம் நிறைவடைந்தது.

இந்த ஆண்டு நடந்த ஆய்வினைப் பற்றிய உங்களின் கருத்தென்ன?

மூன்றாம் ஆண்டு அகழாய்வுக்கு அனுமதி மறுப்பு,பின்னர் ஆய்வின் தலைவர் அமர்நாத் இராமகிருஷ்ணன் இடமாற்றம், ஸ்ரீராமன் நியமனம், ஆய்வினை துவக்கி வைக்க வந்த மத்திய அமைச் சர்களின் பேச்சு - எல்லாமே பட்டவர்த்தனமான அரசியலாக அமைந்ததை நாம் பார்த்தோம்.
இதன் தொடர்ச்சியாகத் தான் இந்த ஆண்டு ஆய்வின் செயல்பாடு அமைந்துள்ளது என்பதையே ஸ்ரீராமன் வெளியிட்டுள்ள அறிக்கையில் இருந்து அறிய முடிகிறது. இந்த ஆண்டு அகழாய்வுப் பணி நடந்த தன்மையை எடுத்துக் கொள்வோம். கடந்த இரண்டு ஆண்டுகளில் 2500 சதுர மீட்டர் பரப்பளவில் அகழாய்வு நடந்தது. ஆனால் இந்தாண்டு ஆய்வு நடத்தப்பட்டதென்னவோ வெறும் 400 சதுர மீட்டர் பரப்பளவு மட்டுமே.இதற்கு ஸ்ரீராமன் சொல்லும் காரணம் ஆய்வு துவங்கியதே ஐந்து மாத தாமதத்தில் தான் என்பது. முதலாமாண்டு ஆய்வு மூன்று மாத தாமதத்தில் தான் துவங்கியது. (மார்ச் 2-2015) ஆனால் அப்படியிருந்தும் அமர்நாத் இராமகிருஷ்ணனால் 43 அகழாய்வுக் குழிகளை தோண்ட முடிந்தது. ஆனால் ஐந்துமாத தாமதத்தில் துவங்கிய ஸ்ரீராமன் வெறும் 10 குழியை மட்டுமே தோண்டியுள்ளார்.

இங்கு தான் நாம் முக்கியமாக கவனிக்க வேண்டிய செய்தியே உள்ளது. கடந்த ஆண்டு அகழாய்வுப் பணியில் ஈடுபடுத்தப்பட்ட தொழிலாளர்களின் எண்ணிக்கை சராசரியாக 80 க்கும் மேல் இருந்தது. ஆனால் இந்த ஆண்டு அந்த எண்ணிக்கை 25க்கும் மேல் இல்லை. எந்த ஒரு நாளும் 80 பேர் பணியில் அமர்த்தப்படவில்லை. இது தற்செயலல்ல, இதுதான் அவர்களின் நோக்கமே. இதில் மிக முக்கியமான விசயம் என்னவென்றால், இந்த ஆண்டுக்கான அனுமதி வழங்கப்பட்ட பின்னும், நிதி ஒதுக்காமல் இருந்ததால், நாடாளுமன்றத்தில் தமிழக உறுப்பினர்கள் குரல் கொடுத்த தன் விளைவாக மிக அதிக நிதி இவ்வாண்டு தான் ஒதுக்கப்பட்டுள்ளது. ரூ. 25 லட்சம் நிதி ஒதுக்கப்பட்ட 2015 ஆம் ஆண்டில் 43 குழிகள் தோண்டப்பட்டுள்ளது. ஆனால் ரூ.40 லட்சம் ஒதுக்கப்பட்டுள்ள இந்த ஆண்டு 10 குழிகள் மட்டுமே தோண்டப்பட்டுள்ளது.

மழையின் குறுக்கீடு அகழாய்வுக்கு இடையூறாக இருந்ததாக ஸ்ரீராமன் தெரிவித்துள்ளாரே?

இதைவிட அபத்தமான ஒரு காரணத்தை யாரும் சொல்லிவிட முடியாது. அமர்நாத் ஆய்வு மேற்கொண்ட இரண்டு ஆண்டும் கீழடியில் மழையே பெயவில்லையா? இதே செப்டம்பர் மாதத்தில் தானே அவரும் ஆய்வினை முடித்தார். இந்த ஆண்டு மட்டும் மழையை எப்படி காரணம் சொல்லமுடியும். முதலில் கூறியதைப்போல உரிய பணியாளர்களை வேலைக்கு அமர்த்தாமல் திட்டமிட்டே வேலையை மந்தப்படுத்தும் செயல் முதல் நாளில் இருந்து நடைமுறையானதை கீழடியில் உள்ள அனைவரும் அறிவர்.இதில் மிகுந்த கவலைக்குரிய விசயம் என்ன வென்றால் இவ்வாண்டு அகழாய்வு செய்யப்பட்ட ஒரு குழிகூட இயற்கை மண்படிமம் (கன்னி மண் – Virgin soil) வரை தோண்டப்படவில்லை. அதாவதுஎந்த ஒரு அகழாய்வுக் குழியும் முழுமையடைவில்லை என்பதை இதன் மூலம் அறிய முடிகிறது. ஒரு குழியைக்கூட முழுமையாக தோண்டாமல் தான் பல முடிவுகளை ஸ்ரீராமன் அறிவித்துள்ளார்.கடந்த ஆண்டுகளில் இயற்கை மண் அடுக்குகளுக்கு கீழே மணல் அடுக்குகளும் கண்டறியப்பட்டன. அதை வைத்துத்தான், வைகை நதி முதலில் இப்பகுதியில் ஓடியுள்ளது; பின்னர் நதியின் போக்கு மாறியவுடன் வளமிக்க வண்டல் மண் படிவம் தோன்றியுள்ளது; அந்த வளமிக்க மண்ணின் பரப்பில் தான் இந்நகரம் உருவாகியுள்ளது என்று ஆய்வாளர்கள் கூறினர். 

இவ்வாண்டு ஆய்வினில் சேகரிக்கப்பட்ட கரித்துகள் மாதிரிகளை கரிமப் பகுப்பாய்வுக்கு உட்படுத்தி காலநிர்ணயம் செய்யப்படும் என்று ஸ்ரீராமன் கூறியுள்ளது பற்றி உங்களது கருத்தென்ன?

ஒரு குழி கூட இயற்கை மண்படிமம் வரை தோண்டப்படவில்லை என்பதை அவரே தெரிவித்துள்ளார். அப்படியென்றால் இவர் அகழாய்வுக்குழியின் எந்த நிலையில் எடுக்கப்பட்ட கரிமத்துகளை மாதிரிக்கு அனுப்பப் போகிறார் என்ற கேள்வி எழுகிறது.குழியின் மேற்புறத்தில் இருக்கிற மாதிரிகளை அனுப்பி கால நிர்ணயத்தை மிக அருகாமையில் கொண்டுவருவதற்கான வாய்ப்பும் இதில் உள்ளதாகவே கருதுகிறேன்.கடந்த ஆண்டு அமர்நாத் இராமகிருஷ்ணன் குழு,20 மாதிரிகளை சேகரித்து ஆய்வுக்கு அனுப்ப மத்தியஅரசிடம் அனுமதி கோரியது. ஆனால் மத்திய அரசுகொடுத்ததோ இரண்டு மாதிரிகளை ஆய்வு செய்வ தற்கான அனுமதிதான். மீதமுள்ள பதினெட்டு மாதிரிகள் இன்னும் ஆய்வு செய்யப்படாமல் இருக்கின்றன.அதனை ஆய்வுக்கு உட்படுத்தாமல் இந்த ஆண்டு ஸ்ரீராமன் குழு சேகரித்துள்ள மாதிரிகளை ஆய்வுக்கு அனுப்பக்கூடாது. தவறான கால நிர்ணயத்தை உருவாக்குவதற்கான வாய்ப்பை அனுமதிக்க முடியாது.

கடந்த ஆண்டு கண்டறியப்பட்ட கட்டு மானங்களின் தொடர்ச்சியோ அல்லது அதனுடன் தொடர்புடைய எவ்விதக் கூறுகளோ இவ்வாண்டு ஆய்வு செய்த குழிகளில் கிடைக்கவில்லை. எனவே இவ்விடத்தில் கட்டிடங்கள் தொடர்ச்சியாகவோ அல்லது பரவலாகவோ கட்டப்பெறவில்லை என்று ஸ்ரீராமன் தெரிவித்துள்ளாரே?

இவர்களின் நோக்கம் முழுமையாக வெளிப்பட்டு நிற்கும் இடம் இதுதான். கடந்த ஆண்டு மிக விரிந்த கட்டுமான அமைப்பு கண்டறியப்பட்டது. அது குடியிருப்பல்ல; தொழிற்கூடம், ஈனுலைகள், மூன்று விதமான வடிகால்கள், சதுரவடிவ தொட்டிகள், வட்டவடிவத் தொட்டிகள் எனப் பலவும் இருந்ததைப் பார்த்தோம். அந்த கட்டுமானத்தின் தொடர்ச்சி தென்திசை நோக்கி பூமிக்குள் போயிருந்தது. 

அதன் தொடர்ச்சியை கண்டறிய வேண்டும் என்றால் தென்திசையில் குழி அமைத்திருக்க வேண்டும். ஆனால் தென் திசையில் ஒரு குழி கூட அமைக்கப்படவில்லை. அதற்கு நேர் எதிராக வடதிசையில் தான் இவ்வாண்டின் அனைத்துக் குழிகளும் தோண்டப்பட்டுள்ளன.கடந்த ஆண்டு கண்டுபிடிக்கப்பட்ட கட்டு மானத்தின் பிற மூன்று பகுதியில் தோண்டாமல், கட்டுமானப்பகுதியின் தொடர்ச்சி இருக்கும் தென்திசை யில் தோண்டாமல், கட்டுமானப் பகுதியின் தொடர்ச்சி இல்லாத பகுதியில் மட்டும் தோண்டியது ஏன் என்பதுதான் முக்கியமான கேள்வி.

அது மட்டுமல்ல, முதலாமாண்டு ஆய்வு மூன்று இடங்களில் தோண்டப்பட்டது, இரண்டாமாண்டு ஆய்வு ஆறு இடங்களில் தோண்டப்பட்டது. ஆனால் இவ்விரு ஆண்டிலும் கிடைத்த நிதியை விட இவ்வாண்டு அதிக நிதி ஒதுக்கப்பட்டும் ஒரேஒரு இடத்தில் மட்டும் தோண்டப்பட்டது ஏன்?

100 ஏக்கர் பரப்பளவு கொண்ட அந்த மேட்டில்எவ்வளவோ இடங்களிருந்தும் இவர்கள் தோண்ட வில்லை. கட்டிடத்தின் தொடர்ச்சியற்ற அந்த குறிப்பிட்டஇடத்தில் மட்டுமே தோண்டியுள்ளனர். அங்கும் முழுமையாக இயற்கை மண்படிமம் வரை தோண்டவில்லை.அப்படியிருக்க, இவ்விடத்தில் கட்டிடங்கள் தொடர்ச்சியாகவோ அல்லது பரவலாகவோ கட்டப்பெறவில்லை என்று ஆய்வாளர் ஸ்ரீராமன் தெரிவித்துள்ளதென்பது என்ன நோக்கத்துக்காக இவர் நியமிக்கப்பட்டாரோ அந்த நோக்கத்தை நிறைவேற்றியுள்ளார் என்பதை தெளிவாகக் காட்டுகிறது.

அருங்காட்சியம் அமைத்தல், கட்டுமானங்களை பொதுப்பார்வைக்கு கொண்டுவருதல் ஆகியப் பணிகள் நீதிமன்ற அறிவுறுத்தலின்படி மேற்கொள்ளப்படும் என்று ஸ்ரீராமன் கூறியுள்ளாரே?

கள அருங்காட்சியகம் அமைக்க இரண்டு ஏக்கர் நிலம் மே மாதமே மாவட்ட நிர்வாகத்தால் தரப்பட்டுவிட்டது. ஆனால் இன்று வரை, அதனை ஏற்றுக்கொண்டு நிர்வாக நடவடிக்கையைக் கூட மத்திய அரசு செய்யவில்லை. அப்புறம் எங்கே இருந்து அருங்காட்சியம் அமைக்கப்படும்?

மூன்றாம் கட்ட அகழாய்வின் விபரங்களை ஆய்வாளர் ஸ்ரீராமன் தெரிவித்துள்ள பின்னணியில் அடுத்து என்ன செய்யவேண்டும் என்று நினைக்கிறீர்கள்?

திராவிட நாகரிகத்தின் மிகமுக்கிய அடையாளம் கீழடி. உலகின் மிகச் சிறப்புமிக்க இலக்கியத் தொகுதிகளில் ஒன்றான சங்க இலக்கியம் சொல்லும் மனித வாழ்வின் வளமையை நிரூபிக்கும் ஆதாரம். சுமார் 100 ஏக்கர் பரப்பளவில் கண்டறியப்பட்டுள்ள இத்தொல்லியல் மேடு என்பது நமது வரலாற்றுக்கு மிக மிக முக்கியமான இடம்.இந்துத்துவா அரசியல் முழுவிசையோடு வரலாற்றின் கட்டமைப்புகளை குலைத்துப் போட்டுக்கொண்டிருக்கும் இன்றைய நிலையில் கீழடியைப்பாதுகாப்பது, அதன் ஆய்வினை அறிவியல்பூர்வமாக முன்னெடுத்துச் செல்வது மிகமுக்கியம். 

தமிழகத்தில் உள்ள பலரும் சந்தேகப்பட்டது போலவே, இவ்வாண்டு அகழாய்வு என்பது அவர்களின் அரசியல் நோக்கத்தை நிறைவேற்றும் பகுதியாக அமைந்துள்ளதைப் பார்க்கிறோம். ஒரு அகழாய்வில் எதுவும் கிடைக்கவில்லை என்று நிரூபிக்க என்னனென்ன வழிகளுண்டோ அத்தனை யும் இந்த ஆண்டு செய்து முடித்துள்ளனர்.எனவே மிகுந்த விழிப்புணர்வோடு இதனை அணுகவேண்டும். அகழாய்வு தொடரவேண்டும் என்பதைவிட திசைதிருப்பவிடக் கூடாது என்பதிலும் நாம் எச்சரிக்கையாக இருக்க வேண்டும். ஸ்ரீராமன் போன்ற ஆய்வாளர்கள் ஆய்வினை திசை திருப்பும் வேலையைச் செய்து முடிப்பார்கள் என்பது நிரூபிக்கப்பட்டுவிட்டது. அதை அனுமதிக்கக்கூடாது.

Monday, September 18, 2017

இன்று இவர் எங்களோடு




மார்க்சிஸ்ட் கம்யூனிஸ்ட் கட்சியின் மாநில செயற்குழு உறுப்பினர் தோழர் கே.கனகராஜ் அவர்கள் அளித்த உரையின் காணொளி கீழே உள்ளது.

வானமே அதிகார எல்லையாக மனதில் கொண்டு வரம்பு மீறும் நீதியரசர்களிடம் அவர் சில கேள்விகள் கேட்டுள்ளார்.

நீதிபதிகளால் பதில் சொல்ல முடியாது. வேண்டுமானால் நீதிமன்ற அவமதிப்பு வழக்கு தொடுக்கலாம்.

அவசியம் காணொளியை முழுமையாக பாருங்கள். மிகவும் அற்புதமான, அர்த்தம் மிக்க உரை. மீண்டும் சொல்கிறேன். தவற விடாதீர்கள்.

அகில இந்திய இன்சூரன்ஸ் ஊழியர் சங்கத்தின் மகத்தான தலைவர் தோழர் சுனில் மைத்ரா அவர்களின் நினைவு நாளான இன்று நாங்கள் விழுப்புரத்தில் நடத்தும் சிறப்புக்கருத்தரங்களில் தோழர் கனகராஜ் "மதவெறியை மாய்த்து மனித நேயம் வளர்ப்போம்" என்ற தலைப்பில் சிறப்புரையாற்றவுள்ளார்.



வாய்ப்புள்ள அனைவரும் இந்நிகழ்ச்சிக்கு வருமாறு அன்புடன் வரவேற்கிறேன்.

இப்போது காணொளியைப் பாருங்கள்.
 




video

Sunday, September 17, 2017

பிரெட் பால் அல்வா -இரண்டு நேயர் விருப்பம்

நீண்ட நாட்களாக சமையல் பதிவு எதுவும் எழுதவில்லை. அதனால் சமையலறை பக்கம் போகவில்லை என்று அர்த்தமல்ல. புதிய முயற்சி எதுவும் செய்யவில்லை. அவ்வளவுதான். 

கடந்த ஞாயிறு மகனின் நேயர் விருப்பம் புதிய முயற்சிக்கு வித்திட்டது. அவன் கேட்ட பிரெட் அல்வாவை புதிய முறையில் முயற்சித்தேன். ஏற்கனவே ஒரு முறை பிரெட் பேரிச்சம்பழ அல்வா செய்துள்ளேன். பிரெட்டில் வேறு சில உணவு வகைகளும் கூட.

பார்க்காதவர்கள் இணைப்பினை பயன்படுத்திக் கொள்ளவும்






சரி இப்போது பிரெட் பால் அல்வாவை பார்ப்போம். 

பிரெட்டை சிறு துண்டங்களாக்கி ஒரு பெரிய பாத்திரத்தில் நெய் ஊற்றி வதக்கவும். அதிலே காய்ச்சிய பாலை ஊற்றி கிளறவும். பிறகு சர்க்கரை சேர்த்து நன்றாக கிளறவும். அவ்வப்போது நெய் ஊற்றிக் கொள்ளவும். பிறகு ஏற்கனவே வறுத்து வைத்த முந்திரியை சேர்த்து ஏலக்காய் பொடி போட்டு இறக்கி வைத்து விடவும்.

திருப்திகரமாக வந்திருந்தது. 



இரண்டு நேயர் விருப்பம் என்று தலைப்பில் உள்ளதே என்று கேட்கிறீர்கள் அல்லவா?

நேரம் இல்லாத காரணத்தால் இதனை பதிவு செய்யவில்லை. வெள்ளி அன்று போளூர் ஆண்டுப் பேரவைக் கூட்டம். கூட்டம் முடிந்து சிற்றுண்டி சாப்பிடுகையில் போளூர் கிளைச்செயலாளர் தோழர் சங்கர், "நீங்க சமையல் போட்டு ரொம்ப நாளாச்சு தோழர்" என்றார்.

அவரது குறையையும் இப்போது தீர்த்து விட்டேன்.


 

Saturday, September 16, 2017

யாரந்த நாற்பத்தி ஆறு அதிமேதாவிகள்?




இன்றைய நாள் மிகவும் நல்ல நாள்.

நல்லதொரு செய்தியை அளித்துள்ளது.

சாரணர் இயக்கத்திற்கு காவிச்சாயம் பூச நினைத்த நச்சு ராசாவை மண்ணை கவ்வ வைத்துள்ள நாள்.

எடப்பாடி, பன்னீர் எனும் இரண்டு அடிமைகள் துணை கொண்டு தமிழகத்தில் காலூன்ற நினைக்கும் பாஜகவிற்கு கிடைத்துள்ள சரியான சவுக்கடி.

நச்சு ராசாவின் ஆணவத்திற்கு கிடைத்துள்ள மரண அடி.

ராசாவிற்கு எதிராக வாக்களித்த அனைத்து நல்ல உள்ளங்களுக்கும் மனமார்ந்த நன்றி. 

மத்திய, மாநில அரசுகளின் சதிகளை மீறி வெற்றிவாகை சூடிய திரு மணி அவர்களுக்கு நெஞ்சார்ந்த வாழ்த்துக்களும் பாராட்டுக்களும்.

ஆனாலும் ராசா நாற்பத்தி ஆறு வாக்குகள் பெற்றது கவலை அளிக்கத்தான் செய்கிறது.

அவர்கள் காவிகளா? 
அல்லது அடிமைகளின் ஆட்களா?

யாராக இருந்தாலும் அவர்கள் ஒரு விஷயத்தை உணர வேண்டும்.
பாம்பிற்கு பால் ஊற்றியுள்ளார்கள்.
அந்த பாம்பு அவர்களையும் கொத்தும் நாள் தூரத்தில் இல்லை.
 

எச்.ராசாவை தோற்கடியுங்கள்

உடலெங்கும் மனமெங்கும் விஷமேறிப் போய், ஒவ்வொரு வார்த்தையிலும் நச்சை மட்டுமே வெளிப்படுத்துகிற சமூக விரோதி, மக்கள் விரோதி, அமைதியை சீர்குலைக்கும் பயங்கரவாதி எச்.ராசா, சாரணர் இயக்கத்தின் தலைவர் பொறுப்புக்கு போட்டியிடுகிறாராம். 

வாக்களிக்கும் தகுதி படைத்த அனைவருக்கும் அன்பான வேண்டுகோள். 

மனிதன் அல்ல, மிருகம் என்று கூட சொல்ல முடியாத இந்த மோசமான பிறவியை தோற்கடியுங்கள்.

மாணவர்களை வழிநடத்தும் மகத்தான பொறுப்பிற்கு இந்த இழிபிறவியா?

இன்றைய தீக்கதிர் கட்டுரை, எச்.ராசா ஏன் தோற்கடிக்கப்பட வேண்டும் என்பதை விரிவாக விளக்குகிறது.



 சாரணிய இயக்க தலைமை ஏற்க எச். ராஜாவுக்கு அருகதை உள்ளதா?
திருவாரூர், செப்.15-

தொண்டுள்ளத்தையும், நல்லொழுக்கத் தையும் மாணவப் பருவத்திலிருந்தே வளர்த்தெடுப்பதுதான், ஸ்கவுட் எனப்படும் சாரணிய இயக்கத்தின் நோக்கம். இந்த உன்னத நோக்கங்களுக்கும், மதவெறியைக் கிளப்பி கலவரத் தீ மூட்டும் ஆர்எஸ்எஸ் பேர்வழி எச். ராஜாவுக்கும் என்ன சம்பந்தம் இருக்க முடியும்? ஆனால், கள்ளங் கபடமற்ற குழந்தைகளின் உள்ளத்திலும் மதவெறி விஷத்தை ஏற்றுவதற்காக, தமிழக சாரணிய இயக்கத்தையே கைப்பற்றும் சதித் திட்டத்துடன், அதன் தலைவர் பதவிக்கு எச். ராஜா போட்டியிடுகிறார். 

சாரணிய இயக்கத்தின் மாட்சிமை காப்பாற்றப்பட வேண்டுமானால், எச். ராஜா தோற்கடிக்கப்பட்டாக வேண்டும்.1907-இல் பேடண்ட் பவல் என்பவரால் பிரிட்டனில் உருவாக்கப்பட்ட மாணவர் தொண்டு அமைப்புதான் ‘ஸ்கவுட்’ எனப்படும் சாரணியம் இயக்கம். அநேகமாக உலகநாடுகள் அனைத்தி லும் கல்வி நிறுவனங்கள் தோறும் இந்த சாரணியர் படை அமைப்புகள் உள்ளன. துவக்கப்பட்ட சில ஆண்டுகளிலேயே உலகம் முழுவதும் கோடிக்கணக்கான சிறுவர்கள், குழந்தைகள், மாணவர்களை கொண்ட பேரியக்கமாக சாரணிய இயக்கம்வளர்ந்தது. இந்தியாவில் 1909-இல் பெங்களூரு பிஷப் காட்டன் பாய்ஸ் பள்ளியில் ஆரம்பிக்கப்பட்ட சாரண - சாரணியர்இயக்கம் பின்னர் நாட்டின் அனைத்துப் பள்ளிகளுக்கும் கிளை விரித்தது. 

சாரணிய இயக்கம் உலகளாவிய மாணவர் - இளைஞர் பேரியக்கமாக வளர்ந்திருந்தாலும், அந்தந்த நாடுகளின் சமூகச் சுழல் மற்றும் இறையாண்மைக்கேற்ப சில நோக்கங்கள் திட்டங்களையும்- தேவையான மாற்றங்களையும் தன்னகத்தே சுவீகரித்துக் கொண்டு இயங்கி வருகின்றன.பல்வேறு இன, மொழி, மதங்களால் பின்னப்பட்ட அழகிய தேசமான இந்தியாவில், அதன் தனிச்சிறப்பான வேற்றுமையில் ஒற்றுமை என்பதன் அடிப்படையிலான இறையாண்மையையும் உள்வாங்கியே சாரணிய இயக்கம் செயல்பட்டு வருகிறது. மாணவர்கள், இளைஞர்கள் தங்களின் ஆக்கப்பூர்வமான; பாத்திரத்தை வகிப்பதன் மூலம் இந்திய நாட்டையும், அதன் ஒருமைப்பாட்டையும் பாதுகாப்பதற்கான பணிகளில் ஈடுபடுவதே இந்திய சாரணிய இயக்கத்தின் நோக்கம் என்றால் அது சரியானதாகும். 

சாரணியம் சாரணர் பயிற்சி 

அந்த வகையில்தான், தில்லியை தலைமையிடமாகக் கொண்ட பாரத சாரணிய இயக்கத்தின் மாநில, மாவட்ட அளவிலானஇந்திய கட்டமைப்பு மற்றும் அதன் பிரிவுகள், அதன் செயல்முறைகள் அனைத்தும், மாணவர்களை இனிமையான பண்புகளைக் கொண்டவர்களாக, அவர்களை நாட்டின் எதிர்கால நல்குடிமக்களாக உருவாக்கும் நோக்கம் கொண்டவை. 

அதற்கான பயிற்சிகளை அளித்து, சமூகத்திற்கு உதவும் தொண்டுள்ளங்களை உருவாக்குகின்றன. அடிப்படை பண்பு, நல்லொழுக்கம், நாட்டுப் பற்றுடன் கூடிய பொதுநல செயல்களில் ஈடுபடும் எதிர்காலத் தலைமுறையை உருவாக்குகின்றன. நாட்டின் ஒற்றுமைக்கான படை வீரர்களை உருவாக்குகின்றன. சமூக இடர்பாடுகளில் மக்களைக் காப்பாற்றுவது, பாம்பு, நாய் விஷக்கடிகளுக்கு முதலுதவி அளிப்பது, நோய்த் தடுப்பு முறைகளை விளக்குவது உள்ளிட்ட ஏராளமான பயிற்சிகளையும் அளிக்கின்றன. அவற்றைப் பெறும் மாணவர்கள், தங்களின் அறிவை சமூகத்துடன் பகிர்ந்து கொள்கிறார்கள்.

ஆகவே, இந்தியச் சிறுவர்கள் மற்றும் மாணவர்களை உற்சாகப்படுத்தி சாரணிய இயக்கத்தில் ஈடுபடுத்தி பயிற்சி அளிப்பது முக்கியமான பணியாகும்.ஏழு வயது சிறுவர்கள் முதற்கொண்டு செயல்படும் சாரணிய இயக்கம் பல பிரிவுகளை கொண்டு உள்ளது. இன்று 36 லட்சத்து 87 ஆயிரத்து 127 சாரணிய பிரிவுகளில், 56 லட்சத்து 95 ஆயிரத்து 800 சாரண - சாரணியர் உள்ளதாக புள்ளி விபரங்கள் கூறுகின்றன.சாரணர் - சாரணியர்களுக்கென மூவிதழ் மலர் வடிவில் சின்னங்கள் உள்ளன. பச்சைத் துணியில் மஞ்சள் நூல் எந்திரப் பின்னலால் உருவாக்கப்பட்ட இணைப்புச் சின்னத்தை தங்கள் சீருடைகளில் சாரணிய இயக்க மாணவர்கள் அணிந்து கொள்கிறார்கள். இந்த மஞ்சள் வண்ணத்தை காவியாக மாற்றும் உள்நோக்கத்துடன்தான் ஆர்எஸ்எஸ் பேர்வழியான எச். ராஜா சாரணிய இயக்கத்தின் தலைமைக்குப் போட்டி போடுகிறார். இதற்கான தேர்தல் சனியன்று (செப்.16) நடைபெறுகிறது. 

மதவெறி நஞ்சை விதைக்கும்எச். ராஜா

மதவெறி மூலம் கலவரத் தீயை பற்ற வைத்து, மக்களைத் துண்டாடும் எச். ராஜா,சாரணிய இயக்கத்தின் தலைமைக்கு தகுதி யற்றவர் என்பது இடதுசாரிகளுக்கு மட்டுமல்ல; லட்சக்கணக்கான மாணவர்கள், ஆசிரியர்களின் பொதுக் கருத்தாகவும் இன்று உருவாகியுள்ளது. பாசிச இந்துத்துவா கருத்தை போற்றியும், மற்ற மதங்களை இகழ்ந்து பேசியும்; மக்கள் ஒற்றுமையை சிதைக்கும் குணம் கொண்ட எச்.ராஜா சாரணிய இயக்கத் தலைமையை கைப்பற்ற நேர்ந்தால் சாரண - சாரணியர்களின் மென்மையான தொண்டு உள்ளங்கள் நஞ்சாக்கப்படும். மதவாத வெறுப்பு கொண்ட வேலைத்திட்டங்கள் திணிக்கப்படும். ஆர்எஸ்எஸ்-சின் காவி அணிவகுப்புக்கு ஆள்பிடிக்கும் மைதான மாக தமிழக சாரணிய இயக்கம் மாறும். மகத்தான சர்வதேச இயக்கங்களில் ஒன்றான சாரணிய இயக்கம் அதன் மாண்பை இழக்கும். சாரணிய இயக்கம் கேலிக்கூத்தாகி விடும்.

செய்தி தொகுப்பு : பி. கந்தசாமி, திருவாரூர்.

Friday, September 15, 2017

பெருமையாய் உள்ளது மணி. சூப்பர்



வழக்கறிஞர் தோழர் பிரதாபன் ஜெயராமன் அவர்களின் முக நூல்
பதிவிலிருந்து எடுத்தது. 


இன்று சிறார் நீதிமன்றத்தில்...

நீதிபதி:- NEETக்கு எதிராக போராடினீர்களா?

இளம்தோழர்:- ஆம்

நீதிபதி:- ஏன் எதிர்க்கிறீர்கள்?

இளம்தோழர்:- நீட் என்னைப்போன்ற மாநில பாடத்திட்டத்தில் பயின்றவர்களுக்கு அநீதியளிக்கிறது.

நீதிபதி: அப்ப உங்க மாநில பாடதிட்டம் தரமாக இல்லையா?

இளம்தோழர்: அப்படியெல்லாம் இல்ல. சிபிஎஸ்இ ல படிக்க வைக்கறவங்க காசு செலவு செய்து தனியா கோச்சிங் கொடுப்பாங்க. எங்களுக்கு யார் செலவு செய்வாங்க?

நீதிபதி:- அப்படியெனில் உங்க படிப்புக்கு கோச்சிங் சரியில்ல.

இளம்தோழர்:- அப்படியில்ல. நாங்களும் நன்றாக படித்து மார்க் எடுத்தோம்..நீட்டில் வெறும் 10% மட்டுமே எங்கள் பாடத்திட்டத்தில் இருந்து கேள்வி கேட்டால் எப்படி சரியாகும்?

நீதிபதி:- நீங்க முன் வைக்கும் தீர்வு என்ன?
இளம்தோழர்: நீட்டை நீக்கனும்.

நீதிபதி:- இனிமே போராடுவீங்களா?

இளம்தோழர்:- நீட்டை நீக்கும்வரை போராடுவோம்.

நீதிபதி:- என்ன படிக்கிறீங்க?
இளம்தோழர்:- பி.காம்

நீதிபதி:- அதன்பின் என்ன படிக்க போறீங்க?

இளம் தோழர்:- பி.எல் படிப்பேன்.

நீதிபதி:- அப்பா அம்மா என்ன வேலை செய்கிறார்கள்? அவர்களுக்கு நீங்க போராடியது?

இளம் தோழர்:- அப்பா கூலி, அம்மா வீட்டுவேல. அவங்களுக்கு தெரியும்.
நீதிபதி:- நீங்க பி.எல் படிங்க!

மணிக்குமாருக்கு ரெட் சல்யூட்...

நெஞ்சுரத்தோடு நீதிமன்றத்தை சந்தித்த தோழன் மணியை நினைத்தால் பெருமையாக உள்ளது. சூப்பர்.

Thursday, September 14, 2017

கொலையெல்லாம் ஒரு மேட்டரா. . .

சற்று நேரம் முன்பு வீடு திரும்புகையில் காகிதப்பட்டறை பகுதியில் உறியடி திருவிழா என்று போக்குவரத்து நெரிசல் ஏற்பட்டிருந்தது. 

இரண்டு வருடங்கள் முன்பாக இதே பகுதியில் வேலூரின் ஒரு பெரிய தாதாவை கொலை செய்ய முயற்சி நடந்தது. கொலை செய்ய முயற்சி செய்த நபரை தாதாவின் ஆட்கள் துரத்திக் கொண்டு ஓட, ஒரு கட்டத்தில் அவன் சிக்கிக் கொள்ள தாதாவின் இரு மகன்கள் கல்லை முகத்தில் போட்டு கொன்று விட்டார்கள். அந்த கொலை தொடர்பான படங்கள் சமூக வலைத்தளங்களில் தீயாய் பரவியது. அதிலே ஒரு படம் கீழே உள்ளது. முகங்களை, சடலத்தை நான் மறைத்துள்ளேன்.


அந்த தாதாவும் சில மாதங்கள் முன்பு கொலை செய்யப்பட்ட ஆட்களின் கோஷ்டியால் கொல்லப்பட்டு விட்டார்.

போக்குவரத்து நெரிசலின் போது சாலையின் இருபக்கமும் கட்டப் பட்டிருந்த ஃப்ளெக்ஸ் பேனர்களைப் பார்த்தேன்.

கல்லைத் தூக்கிப் போட்டு கொலை செய்த அந்த இரண்டு மகன்களும் பேனர்களில் மீசையை முறுக்கிய படி சிரித்துக் கொண்டிருந்தார்கள்.

பின் குறிப்பு : ஒரு ஜாதி சங்கம் பெயரில் அந்த பேனர்கள் வைக்கப் பட்டிருந்தது.

 

Wednesday, September 13, 2017

தொழுகை - தெப்பக்குளம் - தங்கக் கிரீடம்




தென் மண்டல இன்சூரன்ஸ் ஊழியர் கூட்டமைப்பு நடத்திய மத நல்லிணக்க சிறப்பு மாநாடு பற்றி நேற்று எழுதியிருந்தேன். அதிலே தோழர் ஆளூர் ஷாநவாஸ் பேசிய போது பகிர்ந்து கொண்ட சில தகவல்கள்.


சென்னை மண்ணடி இஸ்லாமியர்கள் நிரம்பிய பகுதி. பக்ரீத் போன்ற திருநாட்களின் போது அவர்கள் ஒன்றாக தொழுகை நடத்த அங்கே உள்ள மசூதிகளில் இடம் போதாது. அவர்களுக்குச் சொந்தமான மைதானமும் கிடையாது. ஆனால் அவர்கள் தொழுகை நடத்த ஒரு மைதானம் கிடைத்தது. புகைப்படத்தில் பார்த்தால் அவர்கள் தொழுகைக்குப் பின்னணியில் ஒரு சிலுவை தெரியும். ஆம் டான் பாஸ்கோ பள்ளி நிர்வாகம் தங்கள் பள்ளி மைதானத்தை தொழுகை நடத்த அனுமதித்தது. இதுதான் மத நல்லிணக்கம்.

வரலாறு முழுதும் இதைக் காணலாம்.

மயிலாப்பூரில் கபாலீஸ்வரருக்கு ஆலயம் கட்டிவிட்டார்கள். கோயில் அருகே தெப்பக்குளம் உருவாக்க ஆசைப்பட்டார்கள். கோயிலுக்கு அருகே உள்ள நிலம் வேறு ஒருவருடையது. அவரிடம் கேட்க தயங்கினார்கள். இருந்தும் கேட்டார்கள். அவர் முழுமனதோடு தெப்பக்குளத்திற்கான இடத்தை எந்த விலையும் பெற்றுக் கொள்ளாமல் வழங்கி விட்டார். இப்போதும் மயிலை தெப்பத்திருவிழாவின் முதல் நாள் முதல் மரியாதை அந்த மனிதரின் பரம்பரைக்குத்தான். நிலமளித்த அந்த நபர் ஆற்காடு நவாப்.

மராட்டிய மன்னர்கள் சிருங்கேரி சங்கர மடத்தின் மீது அவ்வப்போது தாக்குதல் நடத்தி கொள்ளையடித்துப் போக தன்னை பாதுகாக்க வேண்டும் என்று சங்கராச்சாரியார் யாருக்கு கடிதம் எழுதினார் தெரியுமா? திப்புசுல்தானுக்கு. திப்பு சுல்தான் தனது படைகளை அனுப்பி உதவியது மட்டுமல்லாமல் இருநூறு வராகன் தங்கமும் அளித்தார். சங்கராச்சாரியார்கள் இப்போதும் அணிந்து கொள்ளும் கிரீடம் அந்த தங்கம் கொண்டு செய்யப்பட்டதுதான்.

இதுதான் இந்தியாவின் பாரம்பரியம். இந்த வரலாறை நாம் சொல்லாவிட்டால் மற்றவர்கள் பொய்களை பரப்பிக் கொண்டிருப்பார்கள்.

ஆம் உண்மைதான். 

உண்மையான வரலாற்றை நாம் உரக்கச் சொல்லாவிட்டால் ராசாக்களும் சமஸ்கிருத சங்கீதங்களும் அனாமதேய முதியவரும் பொய்யான தகவலைச் சொல்லி விஷத்தை பரப்புவார்கள். 

Tuesday, September 12, 2017

கோவையில் மூன்று பேர் . . .


கடந்த சனிக்கிழமையன்று கோவையில் எங்கள் தென் மண்டலக் கூட்டமைப்பின் சார்பில் மத நல்லிணக்க சிறப்பு மாநாடு நடைபெற்றது. எங்கள் கோட்டத்திலிருந்து 13 தோழர்கள் பங்கேற்றோம். புகைவண்டியில்  முன்பதிவு இல்லாததால் வேன் மூலம் சென்றோம். சோர்வளிக்கும் பயணம்தான். ஆனால் அந்த சிரமத்தை தோழர் அருணன், தோழர் ஆளூர் ஷானவாஸ், திரு பீட்டர் அல்போன்ஸ் ஆகியோரின் அருமையான உரைகள் போக்கி விட்டது. முக்கியப் பேச்சாளர்கள் அனைவருமே கலக்கலாக பேசினார்கள்.  உரைகளின் முக்கியமான அம்சங்களை தீக்கதிர் நாளிதழில் பிரசுரித்துள்ளனர். அதனை கீழே பகிர்ந்து கொண்டுள்ளேன்.

தோழர் ஆளூர் ஷாநவாஸ் பகிர்ந்து கொண்ட ஒரு தகவலும் மாநாடுத் தீர்மானமும் மிக முக்கியமானது. அதனை நாளையும் நாளை மறுநாளும் பகிர்ந்து கொள்கிறேன்.

 
 இந்துக்களுக்கும் எதிரானது ஆர்எஸ்எஸ் மதநல்லிணக்க மாநாட்டில் தலைவர்கள் எச்சரிக்கை



கோயம்புத்தூர், செப்.10-
“இந்துக்களுக்காக நாங்கள் இருக்கிறோம் என்கிற சங்பரிவாரங்கள் அனிதாவின் மரணத்திற்கு நீதிகேட்டோ, கௌரி லங்கேஷ் படுகொலையை கண்டித்தோ ஏன் கிளர்ந்தெழவில்லை. பெரும் பான்மை மக்களை அச்சப்படுத்தி வாக்கு வங்கியை பலப்படுத்துவது மட்டுமே இவர்களின் நோக்கம். ஆர்எஸ்எஸ் கூட்டம் சிறுபான்மை மதங்களைச் சேர்ந்தோருக்கு மட்டுமல்ல இந்துமக்களுக்கும் எதிரானவர்கள்” என கோவையில் நடைபெற்ற மதநல்லிணக்க மாநில சிறப்பு மாநாட்டில் தலைவர்கள் உரையாற்றினர். தென்மண்டல இன்சூரன்ஸ் ஊழியர் கூட்டமைப்பின் சார்பில் நடைபெற்ற மாநாட்டிற்கு கூட்டமைப்பின் துணைத் தலைவர் க. சாமிநாதன் தலைமை தாங்கினார். கோவைப் பகுதி பொதுச் செயலாளர் கே.துளசிதரன் வரவேற்றார்.

இந்திய தேசிய காங்கிரஸ் கட்சியின் மூத்த தலைவர் பீட்டர் அல்போ ன்ஸ், தமிழ்நாடு முற்போக்கு எழுத்தாளர்-கலைஞர்கள் சங்க த்தின் கவுரவத் தலைவர் பேராசிரியர் அருணன், விடுதலை சிறுத்தைகள் கட்சியின் தலைவர்களில் ஒருவரான ஆளூர் ஷா நவாஸ் ஆகியோர் சிறப்புரையாற்றினர்.பேராசிரியர் அருணன் பேசுகையில்,“இந்து மதம் என சொல்லப்படுவது கூட்டமைப்பு. பல பிரிவுகள் ஒன்றிணைக்கப்பட்டு நடைமுறையில் இந்து மதம் என அழைக்கப்படுகிறது. ஆறு சமயங்களை இணைத்து வழிபாட்டு முயற்சி எட்டாம் நூற் றாண்டுக்கு பிறகு உருவாக்கப் பட்டது என மதவரலாறு சொல்கிறது. ஒரு குலதெய்வ வழிபாட்டுக் குள்ளேயே சைவச்சாப்பாடு, அசைவ சாப்பாட்டு முறை உள்ளது. இதுதான் வாழ்க்கை என்பதை அங்கீகரிக்க வேண்டும்” என்றார். ஒரே மதம் என்று இவர்கள் சொல்லுகிற இந்து மதத்தில் பிரிவுகள் உள்ளது என்பதை மறைத்து அதன் பன்மைத்துவத்தை ஒழித்து 130 கோடி மக்கள் மீது ஒற்றைப் பண் பாட்டை திணிக்க முயற்சிக்கிறார்கள். 

மூன்றாண்டுகளில் 30க்கும் மேற்பட் டோர் மாட்டுக் கறியின் பேரால் படுகொலை செய்யப்பட்டிருக்கிறார்கள். இதில் ஐந்து இந்துக்களும் உள்ளனர் என்றும் அவர் குறிப்பிட்டார்.உ.பியில் ரோமியோ எதிர்ப்பு படை உருவாக்கப்படுகிறது. இதன் நோக்கம் மதமறுப்பு, சாதி மறுப்பு காதல் உருவாகிவிடக் கூடாது என்பதுதான் எல்லோரும் இந்துக்கள் என்றால் சாதி மறுப்பு காதலை ஏன் மறுக்கிறீர்கள்? ஏனென்றால் சாதியை ஒழிக்க இவர்கள் தயாராக இல்லை. கௌரி லங்கேஷ் படுகொலை யை ஒரு கூட்டம் சமூக வலைத்தளத் தில் கொண்டாடுகிறது. அப்படி கொண்டாடுகிறவரை பின்தொடர்கிற வராக பிரதமர் மோடி இருக்கிறார் என்பதுதான் வேதனை. தாழ்த்தப்பட்ட, பழங்குடியின, பிற்படுத்தப்பட்ட, மிகவும் பிற்படுத்தப்பட்ட ஏழை, எளிய, அடித்தட்டு இந்து மக்களுக்கு மட்டுமல்ல உயர்சாதி இந்துக்களுக்கும் இவர் கள் எதிரானவர்கள்தான். 

உயர் சாதியில் பிறந்தவர்கள் அனைவரும் மதவெறியர்களோ, சாதி வெறியர்களோ இல்லை. அவர்களிலும் முற்போக்கு ஜனநாயக மதச் சார்பின்மை சிந்தனை கொண்டோர் உள்ளனர். மிகக்கொடூரமான மும்பை கலவரத்தை முன்னின்று நடத்திய பால்தாக்ரே பிராமணர் அல்லாதவர். நடந்த கொடூரத்தை ஆதாரத்துடன் பட்டியலிட்ட சிறீகிருஷ்ணா கமிசன் தலைவர் சிறீகிருஷ்ணா பிராமணர் என்பதை புரிந்து கொள்ள வேண்டும். உண்மையில் மதக்கலவரங்கள் அனைத்து சாதி, மதத்தினருக்கும் வாழ்விற்கும் கேடுவிளைவிக்கக்கூடியதே. மதச்சார்பின்மை என்பதன் அர்த்தம் பொதுவாழ்வில் இருந்து மதத்தை பிரித்து வைப்பது, கல்வியில், அரசியலில், அரசிடம் இருந்து மதத்தை பிரித்துவைப்பது என்பதே உண்மையான பொருள் என்றார் அருணன்.


வேறுபாடு என்னவெனில்

பீட்டர் அல்போன்ஸ் பேசுகையில், “21 ஆம் நூற்றாண்டில் ஒவ்வொரு நாளும் மனிதன் புதிய புதிய கிரகங்களை கண்டுபிடித்துக் கொண்டு வருகிறான். பூமிக்கு அடியில் ஆறாயிரம் அடி கீழே என்ன இருக்கிறது என்பது குறித்து ஆய்வு செய்கிற அளவிற்கு விஞ்ஞானம் அறிய கண்டுபிடிப்புகளை நிகழ்த்திக் கொண்டிருக்கிறது. ஆனால் இங்கு நாட்டை மதத்தை சொல்லி பின்னோக்கி இழுத்துச்சென்று கொண்டிருக்கிறார்கள். எங்கே எதற்கு அழைத்து செல்கிறார்கள் என்று கேள்வியை எழுப்ப வேண்டியுள்ளது. இதுகுறித்து பேசினால் இந்து விரோதிகள் என குற்றம் சாட்டுகிறார்கள். நாங்கள் இந்து மதத்துக்கோ மக்களுக்கோ எதிரானவர்கள் கிடையாது. மனிதர்களை பாகுபடுத்தும் இந்துத்துவ கோட்பாட் டிற்குத்தான் எதிரானவர்கள் விரோதிகள். 

அனைத்து மதங்களிலும் உள்ள மூட நம்பிக்கைகளுக்கு நாங்கள் எதிரானவர்கள்” என்றார்.வைகை ஆற்றில் அழகர் இறங்கும் நிகழ்வில் பல லட்சக்கணக்கான மக்கள் கூடுகிறார்கள். அந்த இடங்களில் இஸ்லாமிய வணிக நிறுவனங்கள், கிருஸ்துவ தேவாலயங் கள் என பல தெருக்களில் உள்ளது. பல லட்சக்கணக்கான மக்கள் கூடுகிற இந்த திருவிழா முடிந்த மூன்று மணி நேரத்தில் ஒருவர் கூட இருக்க மாட்டார்கள். அனைவரும் அமைதியாக கலைந்து சென்று விடுவார்கள். யாரும் யார் மீது கல்லை வீசவில்லை, காவல்துறையின் பாதுகாப்பும் கிடையாது. ஆனால் பத்து பேர் கலந்து கொள்ளும் ராமகோபாலன் தலைமையில் நடைபெறும் பிள்ளையார் ஊர்வலத்தில் ஐநூறு காவலர்கள் பாதுகாப்பு வழங்க வேண்டியுள்ளது. இதுதான் இந்துவிற்கும், இந்துத்துவத்திற்குமான வேறுபாடு என்றும் அவர் குறிப்பிட்டார் 

.ஆளூர் ஷா நவாஸ் தமது உரையில், “நான் ஒரு மதத்தை பின்பற்று கிறேன்.  இதேபோல் இந்த அரங்கத்தில் இருப்பவர்கள் அவரவர் மதத்தை பின்பற்றுபவர்களும் உள்ளனர். மதத்தை மறுப்பவர்களும் இந்த அரங்கில் இருப்பார்கள். மதநல்லிணக்கம் என்றால் என்னுடைய மதத்தில் உள்ள சடங்குகளை மற்ற மதத்தை சார்ந்தவர்களிடம் வலியுறுத்துவதோ, மற்ற மதத்தினரின் சடங்குகளை என்னை ஏற்கச் சொல்வது அல்ல. அவரவர் பின்பற்றுகிற மத சடங்குகளை பின்பற்றவும், மதமே வேண்டாம் என்ற கருத்தைக் கொண்டிருப்பவர்களுக்கும் இடையூறு செய்யக் கூடாது என்பது மட்டுமல்ல ஒத்து ழைக்க வேண்டும் என்பதே மதநல்லிணக்கத்தின் அடையாளம்” என்றார் 

நாட்டில் தற்போது, மத நல்லிணக்கம் திட்டமிட்டு சீர்குலைக்கப் படுகிறது. ஒவ்வொருவரும் தன்னுடைய மதத்தை சுதந்திரமாகப் பின்பற்ற முடியுமா என்கிற கேள்வி எழுந்துள்ளது. நாட்டின் பன்மைத்துவத்தை சிதைத்து ஏகத்துவத்தை நிலைநாட்டுகிற அதையே சட்டமாக்க துடிக்கிற நிலையில் நாடு போய்க்கொண்டி ருக்கிறது. எந்தப் புறத்தில் இருந்து வந்தாலும் மதவெறியை அனுமதிக்க முடியாது. அம்பேத்கரியம், பெரியாரியம், மார்க்சியம் என்றால் என்ன என்று மக்களுக்கு எடுத்துச்சொல்ல வேண்டிய பொறுப்பு நமக்கு இருக்கிறது என்றும் கூறினார்.

Monday, September 11, 2017

அது கோமாதா இல்லியா எச்.ராசா?





"முதல் போகத்தில் தான் ஈன்ற காளைக் கன்றோடு மூன்றாவது போகத்தில் புணரும் பசு மாட்டைப் போன்றவர்கள் கம்யூனிஸ்டுகள்"

இது பாஜக அதி மேதாவி எச்.ராசா உதிர்த்த தத்துவ முத்து.

ஆக மகா ஜனங்களே, இப்போது புரிந்ததா?

பசு மாநாட்டின் மீது காவிக்கயவர்களுக்கு உள்ள பக்தி, பாசம் எல்லாம் இவ்வளவுதான்.

பசுவை கோமாதா என்று சொல்லி ஊரை ஏமாற்றுவதெல்லாம் அதன் மீதுள்ள பக்தியால் அல்ல. பசுவின் பெயரால் கலவரத்தைத் தூண்டும் கயமைத்தனம் தவிர வேறொன்றும் இல்லை.

பின் குறிப்பு : அவரு பசுவைச் சொல்லலை, கம்யூனிஸ்டுகளைத்தான் சொன்னாருன்னு அந்த அனாமதேயப் பெரியவர் வக்காலத்து வாங்கிக்கிட்டு வந்தா அவருக்கு மூளை கிடையாது என்பது கன்பர்ம்ட்.

Sunday, September 10, 2017

மதுரா சாமியாரும் அனாமதேயங்களும்





பல வருடங்களுக்கு முன்பு டெல்லிக்கு பயணம் சென்றிருந்தபோது பணிக்கர் டிராவல்ஸில் ஆக்ரா, மதுரா, பிருந்தாவன் ஒரு பேக்கேஜ் டூர் சென்றிருந்தோம்.

மதுராவில் உள்ள டால்மியா மந்திருக்கு (அது கிருஷ்ணன் கோயில் என்றாலும் டால்மியாவால் கட்டப்பட்டதால் டால்மியா மந்திர் என்றுதான் உள்ளூர் மக்கள் அழைக்கிறார்கள். டெல்லியிலும் ஹைதராபாத்திலும் உள்ள பிர்லா மந்திர் நினைவுக்கு வருகிறதா?) போய் விட்டு பேருந்தில் அமர்ந்த பின்பு  பேருந்தில் ஒரு சாமியார் ஏறினார்.

முஸ்லீம்களால் ஆக்கிரமிக்கப்பட்ட இடத்தை எப்படி டால்மியா புத்திசாலித்தனமாக வாங்கி மந்திர் கட்டினார் என்று சொல்லி விட்டு பக்கத்தில் உள்ள மசூதியை இடித்து விட்டு அங்கேயும் மந்திரை விரிவு படுத்த காணிக்கை தாருங்கள் என்று கேட்டு துண்டோடு ஒவ்வொரு சீட்டாக வந்தார் (உண்டியல் குலுக்கிகள் என்று சொல்பவர்களே, அந்த சாமியாரை துண்டு குலுக்கி என்று அழைக்கலாம்தானே. ஒவ்வொரு பேருந்திலும் ஒரு சாமியார் ஏறி துண்டேந்துவார். இது காலம் காலமாக நடந்து கொண்டிருக்கிறது.) 

அந்த சாமியார் ஆங்கிலத்தில்தான் பேசினார். அதனால் அவரை சில கேள்விகள் சூடாகவே கேட்டேன். அவரோ ஒன்றும் புரியாமல் திருதிருவென முழித்தார். எங்கள் பேருந்தின் கைட் அவருக்கு ஹிந்தியில் மொழி பெயர்த்ததும் கோபமாக முறைத்து விட்டு பேருந்தை விட்டு இறங்கி விட்டார். 

"அந்தாளுக்கு இங்கிலிஷெல்லாம் தெரியாது. அவருக்கு சொல்லிக் கொடுக்கப் பட்டததை அப்படியே சொல்லி விட்டு  காசை வாங்கிக் கொண்டு போய் விடுவார். இவர்களை அனுமதிக்காவிட்டால் எங்களுக்கு தேவையில்லாத பிரச்சினைகள் வரும். இது தினமும் நடக்கும் கூத்து" என்று அந்த கைட் பிறகு விளக்கமாக சொன்னார்/

மோடி பற்றியோ அவரது ஆட்சியின் அலங்கோலங்கள் பற்றியோ எழுதினால் அவருக்கு முட்டு கொடுக்க வரும் அனாமதேயங்கள் 

நீ சீனாவின் அடிமை
சீனாவிடம் சொல்,
சீனாவில் நடந்தது என்ன?

என்று ஒரே டயலாக்கையே மீண்டும் மீண்டும் எழுதி போரடிக்க வைப்பதை பார்க்கையில் எனக்கு அந்த மதுரா சாமியார்தான் நினைவுக்கு வந்தார். 

பாவம் அவங்க கிட்ட சரக்கு அவ்வளவுதான் போல!!!!
வைச்சுக்கிட்டா வஞ்சனை செய்யறாங்க?
மூளையே இல்லாதவங்களை இந்த அளவு மூளைச்சலவை செஞ்சதே பெரிய விஷயம்?

ஆமாம். மூளையுள்ள எவனாவது காவிங்களை ஆதரிப்பானா?
 

தேசத்துரோகிகளுக்கு வாழ்த்துக்கள்




மத்திய ஆட்சியாளர்களின் ஆதரவு,
பல்கலைக்கழக நிர்வாகத்தின் மிரட்டல்,
அர்ணாப் கோஸ்வாமி போன்ற நாலு கால் பிராணிகளின் பொய்ப்பிரச்சாரம்,

இவை அனைத்தையும் மீறி 

பாஜக மாணவர் அமைப்பான ஏ.பி.வி.பி யை 
தோற்கடித்து

இடதுசாரி மாணவர் அமைப்புத் தோழர்களை
மீண்டும் வெற்றி பெற வைத்த

புதுடெல்லி ஜவஹர்லால் நேரு பல்கலைக்கழக மாணவர்களுக்கும்
வெற்றி பெற்ற அன்புத்தோழர்களுக்கும்

மனமார்ந்த வாழ்த்துக்கள்.
வாழ்த்துக்கள், வாழ்த்துக்கள், வாழ்த்துக்கள்.

உண்மையான தேச பக்தர்களை
அன்று பிரிட்டிஷ் ஏகாதிபத்தியத்திடம் காட்டிக் கொடுத்த 
காவிக் கயவர் கூட்டம்
இன்று அமெரிக்க ஏகாதிபத்தியத்திடம் மண்டியிட்டு
இந்தியாவை அடமானம் வைத்துள்ளது.

அவர்கள் யாரை தேச விரோதிகள் என்று சொல்கிறார்களோ,
அவர்கள்தான் உண்மையான தேச பக்தர்கள்.

ஆகவே வெற்றி பெற்ற தேசத் துரோகிகளே,
உங்களுக்கு மீண்டும் மனமார்ந்த வாழ்த்துக்கள்
 

Friday, September 8, 2017

எண்ண முடியல! எவ்ளோ?




1994 ம் வருடம் என்று நினைக்கிறேன். சமாதி அம்மையார் வேலூர் வந்தார். அவர் வருவதற்கு நான்கு நாட்கள் முன்பிருந்தே கெடுபிடி, பரபரப்பு, ஆடம்பர ஏற்பாடுகள் எல்லாமே துவங்கி இருந்தது. அப்போது செய்யப்பட்ட ஆடம்பரங்கள்  எரிச்சலையும் வெறுப்பையும்தான் தந்தது. 

இன்று வேலூரில் எம்.ஜி.ஆர் நூற்றாண்டு விழாவிற்காக அபூர்வ சகோதரர்கள் இபிஎஸ் & ஓபிஎஸ் வருகிறார்கள். பழைய ஜெ விஜயத்தை நினைவுபடுத்தக் கூடிய விதத்தில் ஏற்பாடுகள் நடந்து கொண்டிருக்கின்றன. 

வெளி மாவட்டங்களிலிருந்து போலீஸ்காரர்கள் குவிக்கப்பட்டு காணும் இடமெல்லாம் காக்கிச்சட்டைகள்தான்.

ப்ளெக்ஸ் பேனர்களுக்கு குறைச்சலே கிடையாது. வேலூர் அண்ணா சாலையில்  மக்கான் முனையிலிருந்து அண்ணா கலை அரங்கம் வரையுள்ள அரை கிலோ மீட்டர் தூரத்தில் மட்டும் முன்னூறு பேனர்களுக்கு குறையாமல் இருக்கும்.

எவ்வளவு பேனர் என்று எண்ணிப் பார்க்க முயன்றேன். முடியாத அளவிற்கு அவ்வளவு பேனர்கள்!

ஆட்சி செய்ய துப்பில்லாமல் அடிமைகளாய் கிடப்பவர்களுக்கு இந்த வெற்று ஆரவாரத்துக்கு மட்டும் பஞ்சமே கிடையாது. 

சத்தமின்றி கை தட்டவா யுவர் ஆனர்?




Clap without making sound

இப்படி ஒரு விளையாடு ஆசிரியர் சொன்னதாக் ஒரு நகைச்சுவை நான் மாணவனாக இருந்த காலத்தில் உலாவியுள்ளது.

இன்று அதே காமெடியை உச்ச நீதிமன்றமும் சொல்லியுள்ளது.

அதெப்படி அமைதியாக போராட்டம்?

குரலெழுப்பாமல்  இரங்கல் ஊர்வலம் போல மௌனமாய் போனாலும்  அதுவும் எங்களுக்கு பாதிப்பு  என்று ஒரு கூட்டம்  கிளம்பத்தான் செய்யும்.
ஹரியானா போல கலவரம் எதுவுமின்றி நடக்கும் போராட்டத்தில் அமைதிக்கு என்ன பங்கமென்று சொல்வீரா நீதிமான்களே?

"நீட்" டிற்கு அப்படி என்ன புனிதம் இருக்கிறது? அதற்கு எதிராக போராடினால் உங்களுக்கு ஏன் இப்படி பதறுகிறது?
"வேலை நிறுத்தம்" எனக்கு பிடிக்காத வார்த்தை என்று எந்த புரிதலும் இல்லாத ஒரு தனி நபர் சொல்லலாம்.
அனைத்தும் கற்றறிந்த நீதிபதிகள் போராட்டத்திற்கு எதிராக பேசலாமா? 
போராட்டம் இல்லாவிட்டால்
இந்தியாவிற்கு சுதந்திரம் ஏது?
அரசியல் சாசனம் ஏது?
நீதிமன்றங்கள் ஏது?
நீதிபதிகள் ஏது?
மக்களின் மன அமைதியை ஆட்சியாளர்கள் குலைக்கிற போது போராட்டம் தவிர வேறு வழிதான் ஏது?
ஆட்சியாளர்கள் ஒழுங்காய் இருந்தால் போராட்டத்திற்குத்தான் தேவை ஏது?
அதை முதலில் கவனியுங்கள் யுவர் ஆனர்.
அப்படிச் செய்தால் நாங்கள் கை தட்டுகிறோம், சத்தமில்லாமலேயே

Thursday, September 7, 2017

இது கருத்து . .அது கண்றாவி

இது கருத்துப் படம்



இது கண்றாவி புத்தியின் வெளிப்பாடு




சோ.ராமசாமி ஆசிரியராக இருந்து, இப்போது குருமூர்த்தி ஆசிரியராக இருக்கும் துக்ளக்கின் தரம் என்றுமே கீழ்த்தரம்தானே !!!!!!!!

Wednesday, September 6, 2017

தியான நடிகருக்கும் சபத நாடகத்திற்கும் மட்டுமே . . .




திரைப்படங்களில் நடித்தவர் அவர்.

அதனால்தான் அவரை
அடக்கம் செய்த சமாதியில்

அமைதியாய் தியானம் 
செய்வதாய் நடித்தார் ஒருவர்.

ஓங்கி அடித்து
சபதம் செய்வதாய்
நடித்தார் இன்னொருவர்.

பிரிந்தோம் சேர்ந்தோம்
என பாச வேஷம் கட்டி
நடித்தார்கள் இருவர்.

நாடக அரங்கமாய்
மாற்றப்பட்ட இடத்தில்
நடிகர்கள் கோலோச்சிய இடத்தில்

நேர்மையாக குரலெழுப்பி
நியாயத்திற்கு போராடினால்
ஏவல்துறை வரத்தான் செய்யும்!

சமாதி அமைந்த கடற்கரையில்
ஓயாத அலைகள் போல
அடக்குமுறைகள் தொடர்ந்தாலும்
மாணவர்கள் போராட்டம் நிற்காது. 

வாழ்த்துக்கள் தோழர்களே!!!!
 

 

சபாஷ் சி.எம்.சி. Proud of You . . .




இருபத்தி ஐந்து ஆண்டுகளாக அருகில் இருந்து பார்ப்பதாலும்  கிடைத்த ஏராளமான அனுபவங்கள் மூலமாகவும் வேலூர் சி.எம்.சி மருத்துவமனை மீது எனக்கு எப்போதுமே நல்ல மரியாதை உண்டு.

"நீட்" முறையை ஏற்க மறுத்து இந்த ஆண்டு மாணவர் சேர்க்கையை நிறுத்தி வைத்துள்ள சி.எம்.சி மருத்துவமனை நிர்வாகத்தின் மீது அந்த மரியாதை இன்னும் அதிகமாகவே உயர்ந்து விட்டது.

"மதிப்பெண்களை மட்டும் நாங்கள் பார்ப்பதில்லை. அதையும் தாண்டிய சமூகக் கடமைகள் எங்களுக்கு உண்டு. "நீட்" மூலம் வருகிற மாணவர்களால் அது சாத்தியமில்லை. ஆகவே நாங்கள் இந்தாண்டு மாணவர் சேர்க்கையை நிறுத்தி வைத்துள்ளோம்" என்ற அவர்களின் அறிவிப்பு  பாராட்டுதலுக்குரியது.

ஹிந்து நாளிதழில்  ஆங்கிலத்தில் வந்த  செய்தியை கீழே பகிர்ந்து கொண்டுள்ளேன்.

The institution’s decision is consequent to being forced to give up its own admission process and take students through single window counselling, based on NEET marks.

The Christian Medical College (CMC) in Vellore has decided to suspend admissions to its MBBS and super specialities courses for 2017-2018 as it is unable to follow its established admission process after the NEET became operational. 

It will admit just one candidate in MBBS and one student in super specialities owing to prior commitments. As a result, 99 seats in MBBS and 61 in the super specialities will not be filled, the CMC’s Council decided on Saturday.

The move is seen as a consequence of the post-NEET scenario where the government decreed that all admissions to medical courses would be filled up through single window counselling on the basis of NEET marks.

The MBBS course will be run for a single student, a Central Government nominee who happens to be the son of a martyr this year, and a single candidate will be admitted to the DM Cardiology, as mandated by a Supreme Court order earlier this year, explained Sunil Chandy, Director, CMC.

PG admissions to 182 courses were filled up as per usual admission process as the prescription of single window counselling came at the eleventh hour by which time the College had completed its admissions, and as per the Notification issued by the National Board of Examinations. The Supreme Court ratified this in favour of the college, Solomon Sathishkumar, principal-in-charge, CMC, said.

“The Council was perturbed by the position taken by the MCI and the Government of India to whittle down or obliterate the benefit of Article 30 (1) to a proven institution,” says Krishna Srinivasan, senior lawyer who has appeared for the college over several decades.

Article 30(1) guarantees minorities, both religious and linguistic, the right “to establish and administer educational institutions” of their choice. This right, incidentally, has been recognised from the year 1957 by a series of judgments of the Supreme Court, including the landmark decision rendered by the eleven-judge bench of the Supreme Court in the Pai case.
Mr Srinivasan said, “We have challenged the Regulations prescribing common counselling for both UG and PG courses in the Supreme Court, in which we have also filed two interlocutory petitions, one for under graduate admissions, and another for admission to super specialities. In October, the Court will decide the validity of our plea to make our own admissions.”

“We are not happy to do this. It will also translate to a deficit in our frontline patient management systems. It is a sacrifice we are making. But we have to judge a student by our objective of the role we envision for our candidates,” Dr. Chandy said.

“The government defines merit as marks alone. For the kind of doctors we need, we have to assess suitability criteria, including commitment to serving the public, leadership skills, and ability to work as part of our team, enshrined in our three-day selection process. This does not come through in the current admission system.”

Thomas Samuel Ram, CMC Council secretary, said, “We want to run the course, but our hands are tied. Ours is a system that has been recognised and even commended by several judgements as fair and non-exploitative. The fees (₹3000 per annum) is heavily subsidised by patient care.” He added that the assessment of a candidate is against a particular role the college expects him or her to perform.

Out of the 100 seats available for the MBBS course, 85 seats are reserved for the minority community, in this case, Christians and 15 seats are in the open category. Students admitted under the minority category are required to serve in one of the mission hospitals run by the society for two years after completing the course. 

“Even the other students are inspired, and are glad for opportunities to serve in remote locations. Ninety per cent of our students continue to stay and serve,” said Dr. Chandy. He explained that students come from all over the country, and the heavily-subsidised education allows them students from different backgrounds to take up a course. In some instances, mission hospitals support under privileged children with aptitude from their areas to study at CMC. The history of the college is replete with stories of students returning home to establish medical facilities, in some instances, for the first ever time, he adds, quoting some examples.

Mr. Srinivasan pointed out that the CMC’s admission system has been in place since 1946 and has been enriched through inputs from experts in different fields. In 1993 when CMC was asked to surrender 50% of its seats pursuant to the Unnikrishnan judgement which framed a scheme for admission to professional colleges, the court recognised the relevance of CMC’s admission process and carved it out as an exception.
 

"நீட்"டைத் திணிக்கும் மத்தியரசுக்கு  சி.எம்.சி மருத்துவமனை கொடுத்திருக்கிற சவுக்கடி இம்முடிவு.

வழக்கம் போல் காவிப்பட்டாளம், மத ரீதியான தாக்குதலை தொடங்கி விட்டது. அப்படிப்பட்ட பிரச்சாரம் நடக்கும் என்பதை அவர்களும் நிச்சயம் அறிந்திருப்பார்கள். அப்படியிருந்தும் துணிச்சலான முடிவெடுத்த அனைவருக்கும் என் வாழ்த்துக்களும் பாராட்டுக்களும்.