இவர் சிங்கம் 3 கதாநாயகர் இல்லை

மேலே படத்தில் உள்ளவரை பார்த்தீர்களா?

பார்த்தால் ஏதோ சிங்கம் 3 படத்தில் கதாநாயகராக நடிப்பவர் உள்ளது அல்லவா? படத்தில் நடிப்பதற்காக மீசை வளர்த்துக் கொண்டவர் போல தோன்றுகிறது அல்லவா?

ஆனால் உண்மை மிகவும் வித்தியாசமானது.

இவர் எங்களது மதுரைக் கோட்டத் தோழர் ஆர்.தண்டபாணி. மதுரை கோட்டத்தின் சுடர் கலைக்குழுவின் முக்கியமான தோழர். அடுத்த படத்தில் உடன் இருப்பவர் எங்கள் மதுரைக் கோட்டத் தலைவர் தோழர் ஜி.மீனாட்சி சுந்தரம். தோழர் தண்டபாணி ஆசையாய் மீசை வளர்ப்பார். ஆனால் அந்த ஆசை மீசையை சுடர் கலைக்குழு நடத்தும் முருக விஜயம் நாடகத்திற்காக அவ்வப்போது எடுத்து விடுவார். என்ன செய்வது முதன்முதலாக  முருகர் படத்தை படைத்தவர்கள் முருகருக்கு மீசை வைக்கவில்லையே!

காசு கொட்டும் நடிப்பிற்காக மீசை வளர்த்து எடுப்பது பெரிய விஷயம் அல்ல. கொள்கைகளைச் சொல்வதற்காக மட்டுமே நடத்தப்படும் நாடகங்களுக்காக ஆசையாக வளர்க்கும் மீசையை துறப்பது பாராட்ட வேண்டிய விஷயமல்லவா?

என்ன சொல்கிறீர்கள்?