திவாகருக்கு சூப்பர் சிங்கர் விருதே இனி வேண்டாம்

சூப்பர் சிங்கர் நிகழ்ச்சியை நான் அவ்வளவாக பார்ப்பதில்லை.
இன்றும் கூட முழுமையாக பார்க்கவில்லை. ஆனால் திவாகர்
என்ற பையன் பலே பாண்டியா படத்தின் சிறந்த பாடல்களில்
ஒன்றான " நீயே உனக்கு என்றும் நிகரானவன்" என்ற பாடலை
பாடத் தொடங்கிய போது இது ரொம்ப கஷ்டமான பாடலாச்சே
என்று பார்க்க உட்கார்ந்தேன்.

ஹா, என்ன பாட்டு... 

பையன் நல்லாவே பாடினான், எம்.ஆர்.ராதா, சிவாஜி ரெண்டு
பேருமே கண் முன்னாடி வந்தாங்க. ஜதி, ஸ்வரம் இரண்டையுமே
அனாசயமாக பாடி அசத்தினான். சூப்பர்

ஜானகியம்மா மேடைக்கு வந்து திவாகரை உச்சி முகர்ந்து
ஆயிரம் ரூபாய் பணம் கொடுத்து வாழ்த்தியதே
சூப்பர் சிங்கர் விருது வென்றதாக கருதுகிறேன்.

திவாகருக்கே அந்த விருதும் கிடைக்கும் என்று நம்புகிறேன்.

பார்ப்போம் என்ன நடக்கிறது என்று.