ஆணவத்தால் ஆடும் சிதம்பரமே - நன்றாக ஆடுங்கள்

சிவகங்கைச் சீமான், முதலாளிகளின் எடுபிடி, பன்னாட்டுத் 
தரகர்  ப.சிதம்பரம் இன்று உதிர்த்துள்ள வார்த்தைகளைக்
கேட்கும் போது அளவு கடந்த  கோபம் வருகிறது.

வங்கி ஊழியர்கள் இன்றும் நாளையும் வேலை நிறுத்தம்
செய்கிறார்கள். சில ஊடகங்கள் சொல்வது போல இது
ஒன்றும் திடீர் வேலை நிறுத்தம் அல்ல. உரிய நோட்டீஸ்
கொடுத்து செய்யப்படும் வேலை நிறுத்தம்.

பாதிப்பு வரும் என்று தெரிந்தும் பிரச்சினையை தீர்க்க
முயலாதது வங்கி நிர்வாகத்தின் குற்றம். அரசின் 
குற்றம்.

அப்படி இருக்கையில் வங்கி வருமானம் அனைத்தையும்
ஊழியர்களுக்கே ஊதியமாய் கொடுக்க முடியாது என
ப.சி சொல்லியிருப்பது ஆணவத்தின் உச்சகட்டம். எந்த
ஒரு தொழிற்சங்கமும் எந்தக்காலத்திலும் அத்தனை
வருமானத்தையும் எங்களுக்கே கொடுங்கள் என்று
கேட்டத்தில்லை, கேட்கப் போவதுமில்லை.

உழைப்பிற்கு ஏற்ற, வருமானத்திற்கு ஏற்ற ஊதியம்
கேட்பதையே இந்த அற்ப மனிதனால் ஏற்றுக் கொள்ள
முடியவில்லை. அதனால் ஆத்திரத்தில் வார்த்தைகளை
கொட்டுகிறார். ஏதோ அபாண்டமான, அநியாயமான
கோரிக்கைகளை வங்கி ஊழியர்கள் வைப்பது போன்ற
பொய்த் தோற்றத்தை உருவாக்கும் கீழ்த்தரமான உத்தியும்
இதில் அடங்கி இருக்கிறது.

ஐந்தாவது ஊதியக்குழு  சமயத்தில் " அந்தக் குரங்குகளுக்கு
சிறிது பட்டாணிகளை வீசியெறியுங்கள்" என்று திமிரோடு
பேசிய சிதம்பரத்திடம் நல்லதாக எதையும் எதிர்பார்க்க முடியாது.

ஆடு கண்ணா ஆடு,
உமது ஆட்டமெல்லாம் தேர்தல்வரைதானே.
உமது  அரசியல் வாழ்வின் முதல் தேர்தல் 1977 ல்
காரைக்குடி சட்டமன்றத் தொகுதியில் தோல்வி.
அரசியல் வாழ்வின் அஸ்தமனமாக இந்த முறை
இந்தியாவில் எங்கே நின்றாலும் படு தோல்வி.
அது வரை ஆடு கண்ணா ஆடு.