டாஸ்மாக் வாசலில்

இரு கழகங்கள் அளித்த பரிசு.

கடந்த ஞாயிறு அன்று நடந்த சம்பவம் இது.

தேமுதிக – மக்கள் நலக்கூட்டணியின் முதல் தேர்தல் பிரச்சாரக் கூட்டத்திற்காக மாமண்டூர் சென்று கொண்டிருந்தோம்.

ஏதாவது ஒரு இடத்தில் சில நிமிடங்கள் இளைப்பாறி விட்டு செல்வோம் என காஞ்சியிலிருந்து செங்கல்பட்டு செல்லும் வழியில் ஒரு பூட்டிக் கிடந்த கட்டிடம் வாசலில் காரை நிறுத்தினோம்.

காரை நிறுத்திய இரண்டு நிமிடங்களுக்குள்ளாக அங்கே ஏழெட்டு ஆட்கள் வந்து விட்டார்கள். ஒரு வயதான நபர் கொஞ்சம் தள்ளாட்டத்துடன் வந்து “என்ன சார் இன்னிக்கு கடை கிடையாதா?” என்று கேட்டவுடன்தான்  அந்த பூட்டிக் கிடந்த கட்டிடம் “டாஸ்மாக்” என்று புரிந்தது.

இதற்கு மேல் இங்கிருந்தால் சரிப்படாது என்று உடனடியாக புறப்பட்டு விட்டோம்.

புறப்படும் முன்பாக அந்த இடத்தை சில புகைப்படங்கள் எடுத்துக் கொண்டேன்.

தமிழகம் கழகங்களின் ஆட்சியில் எவ்வளவு மோசமாக சீரழிந்துள்ளது என்பதை இப்படங்கள் சிம்பாலிக்காக உணர்த்துகிறது.

 

தமிழக மக்களை டாஸ்மாக் குடிமகன்களாக மாற்றியதுதான் தமிழகத்திற்கு இரு கழகங்கள் அளித்துள்ள பரிசு.

இந்த லட்சணத்தில் ஒருவர் படிப்படியாகவும் இன்னொருவர் ஒரேயடியாகவும் மது விலக்கை கொண்டு வரப் போகிறார்களாம்.

காலக் கொடுமை.