எம்.பி சீட்டிற்காக தவித்தது மாறன் பிரதர்ஸ் அத்தைதான், மார்க்சிஸ்ட் கட்சி அல்ல.

இன்றைய தினகரன் நாளிதழ் ராஜ்யசபா சீட்டிற்காக மார்க்சிஸ்டுகள் தவிப்பதாக செய்தி வெளியிட்டுள்ளது. அதை சுவரொட்டிச் செய்தியாய் விளம்பரமும் செய்துள்ளது.

எம்.பி, எம்.எல்.ஏ பதவிக்காக மார்க்சிஸ்ட் கட்சி எப்போதும் ஏங்குவதில்லை. அது எங்களின் இறுதி இலக்கும் இல்லை. எங்கள் கொள்கைகளை மக்களிடம் எடுத்துச் செல்ல தேர்தலையும் ஒரு வாய்ப்பாக கருதுகிறோம். வெற்றி கிடைக்கும் பட்சத்தில் அந்த பதவிகளை பொறுப்பாக கருதி மக்களுக்கும் நாட்டுக்கும் எவ்வளவு நன்மை செய்ய முடியுமோ அத்தனை நன்மைகளையும் செய்கிறோம். ஆகவே தினகரன் செய்தி அதன் கற்பனை வளத்திற்கு மீண்டும் ஒரு சான்று.

அழகிரி கூட்டம் போல மார்க்சிஸ்டுகள் அலுவலகத்தை எரித்து மூன்று உயிர்கள் பறி போக காரணமாக இருக்க மாட்டார்கள் என்ற தைரியத்திலும் தாத்தாவின் வேண்டுகோளை நிராகரித்து விட்டார்களே என்ற கோபமும் பேனாவில் மைக்கு பதிலாக பொய்யை ஊற்றி எழுதி உள்ளார்கள்.

மாறன் பிரதர்ஸ் ஒன்றை மட்டும் நினைவில் கொள்ளட்டும்.

2 ஜி, கலைஞர் டிவி பங்கு பிரச்சினை, திஹார் ஜெயில் ஆகிய காரணங்களுக்காக எம்.பி யாக வேண்டும் என்று அவர்களின் அத்தை கனிமொழிதான் தவித்தார். அதற்காக அவர்கள் தாத்தா காங்கிரஸ் கட்சியிடம் கையேந்தினார். பாமகவின் மன்றாடினார்.

ஆக பாதுகாப்பிற்காக பதவி வேண்டும் என்று தவித்தது தினகரன் வகையறாக்கள்தான்.