அவர்கள் சமூக விரோதிகள்தான் மோடி. நீங்கள்தானே ???????

காலைல எழுந்தவுடனேயே  இப்படி அரிவாள தூக்க வைக்கிறீங்களே மோடி? 

பசு மாதா பாதுகாப்பு என்ற பெயரில் செயல்படுபவர்கள் எல்லாம் வெறும் சமூக விரோதிகள் என்று பொங்கி இருக்கிறீர்கள். அவர்கள் மீதெல்லாம் கடுமையாக நடவடிக்கை எடுக்க வேண்டும் என்றும் கூறி உள்ளீர்கள்.

அந்த சமூக விரோதிகள் எல்லாம் யார்?

உங்கள் கட்சிக் காரர்கள், உங்கள் குருபீடம் ஆர்.எஸ்.எஸ் காரர்கள். உங்களால் என்ன நடவடிக்கை எடுக்க முடியும்? இல்லை நடவடிக்கை எடுக்க வேண்டும் என்ற வார்த்தை உங்களது உள்ளத்தில் இருந்து வந்ததா? 

வெறியூட்டும் பேச்சுக்களை பேசினால் நடவடிக்கை எடுக்கப்படும் என்று சொன்னீர்கள். என்ன கிழித்தீர்கள். அத்தனை வெறியர்களும் அன்றாடம் விஷம் கக்கிக் கொண்டுதான் இருக்கிறார்கள். 

அவர்கள் சமூக விரோதிகள்தான். அந்த சமூக விரோதிகளின் கூட்டத்தின் தலைவரே நீங்கள்தானே.

உங்கள் கண்ணசைவில்தான் அத்தனை அயோக்கியத்தனமும் அரங்கேறுகிறது என்பது அனைவருக்கும் தெரியும் என்பது உங்களுக்கும் தெரியும். பிறகு எதற்கு இந்த உத்தமர் வேடம்? உங்களின் கள்ள மௌனத்தை விட இந்த வாய்ச்சவடால் படிப்பு இன்னும் அசிங்கமாக, அறுவெறுப்பாக இருக்கிறது. 

இந்தியாவை அழித்தொழிப்பது என்பதுதான் உங்கள் கொள்ளைக் கூட்டத்தின் செயல் திட்டம். முடிந்தால் எங்களை நாங்கள் பாதுகாத்துக் கொள்கிறோம். இல்லையேல் மாண்டு போகிறோம். 

இந்த உத்தம வேஷம் போடுவதை விட்டு விட்டு வழக்கம் போல் வெளிநாடு போய் விடுங்கள். ஓபாமாவுக்கு இன்னும் மூன்று மாதம்தான் பதவிக்காலம். போய் அவரோடு காலத்தை கழித்து விட்டு அது பற்றி கதை சொல்லுங்கள். நல்லவன் வேடம் எல்லாம் உங்களுக்கு பொருந்தாது. திரைப்படங்களில் வேண்டுமானால் வில்லன் வேடத்தில் நடித்தவர்களுக்கு கதாநாயகனாகும் வாய்ப்பு கிடைக்கலாம்.

நீங்கள் என்றுமே வில்லன்தான்.