Wednesday, January 30, 2013

தமிழகத்தில் இது சாத்தியமா?



தூய்மையின் மறுபக்கம் மாணிக்சர்க்கார்
 

அகர்தலா, ஜன. 25-நாட்டிலேயே மிகவும் கைசுத்தமான, மிகவும் ஏழ்மையான முதலமைச்சர் என்று திரிபுரா முத லமைச்சர் மாணிக்சர்க்காரை உறுதியாகக் குறிப்பிடலாம். இன்றைய நிலவரப்படி அவரது அசையும் மற்றும் அசையா சொத்துக்களின் மொத்த மதிப்பு வெறும் ரூ.2.5 லட்சத்திற்கும் குறைவானதே.திரிபுராவின் தான்பூர் தொகுதியிலிருந்து இடது முன்னணியின் வேட்பாளராக சட்டமன் றத்திற்கு மீண்டும் போட்டியிடுகிற மார்க்சிஸ்ட் கம்யூனிஸ்ட் கட்சியின் இந்தத் தலைவர், வியா ழனன்று தனது வேட்புமனுவோடு தாக்கல் செய்த சொத்துக்கள் பற்றிய விபரத்திலிருந்து பெறப்பட்ட தகவல்கள் உண்மையிலேயே ஆச்சரியம் அளிக்கின்றன. அவரது கை யிருப்பு வெறும் ரூ.1,080 மட்டுமே. அவரது வங்கிக் கணக்கில் இருப்பு ரூ.9.720 மட்டுமே.64 வயது நிரம்பிய மாணிக் சர்க்காருக்கு அவரது தாயார் அஞ்சலி சர்க்கார் மறைந்த போது விட்டுச் சென்ற சொத்து, ஒரேயொரு செண்ட்டுக்கும் சற்று அதிகமான (432 சதுர அடி) இடத்தில் கட்டப்பட்ட தகரக் குடிசை மட் டுமே. 

இந்த இடத்தின் இன்றைய சந்தை மதிப்பு ரூ.2 லட்சத்து 20 ஆயிரம்.மாணிக்சர்க்காரின் மனைவி பெயர் பாஞ் சாலி பட்டாச்சார்யா. ஒரு நடுத்தர குடும்பத்தைச் சேர்ந்தவர். இவர் சமீபத்தில்தான் மத்திய அரசுப் பணியிலிருந்து ஓய்வு பெற்றார். மத்திய அரசுத்துறையில் அதிகாரியாக பணியாற்றி யவர் இவர். ஓய்வு பெற்றபோது பணிப் பலனாக கிடைத்த ரூ.23 லட்சத்து 58 ஆயிரத்து 380-ஐ வைப்புநிதியில் போட்டு வைத்துள்ளார். இரண்டரை பவுன் (20 கிராம்) தங்க நகை வைத்திருக்கிறார். இதன் இன்றைய மதிப்பு ரூ.72 ஆயிரம். இது தவிர கையிருப்பாக ரூ.22 ஆயிரத்து 15 வைத்துள்ளார். மாணிக் சர்க்கார் - பாஞ்சாலி பட்டாச்சார்யா தம்பதியி னருக்கு கார்கள் போன்ற அசையும் சொத் துக்கள் எதுவும் இல்லை. மாணிக் சர்க்காரின் தகரக் குடிசை, பாஞ்சாலி பட்டாச்சார்யாவின் பணி ஓய்வு நிதி என அனைத்தையும் சேர்த்து மொத்தம் இவர்கள் கையில் இருப்பது ரூ.24 லட்சத்து 52 ஆயிரத்து 395

.மார்க்சிஸ்ட் கம்யூனிஸ்ட் கட்சியின் திரிபுரா மாநிலக் குழுவின் நிதிப்பொறுப்பை கையாள் பவர் ஹரிபாததாஸ். மாநிலக் குழு உறுப்பின ரான இவர், முதலமைச்சரைப் பற்றிக் குறிப் பிடுகிறார்: “கட்சியின் இதர சட்டமன்ற உறுப் பினர்களை போலவே தனது முழு சம்பளத்தை யும், இதர அலவன்ஸ்களையும் கட்சியின் மாநிலக்குழுவிடமே ஒப்படைக்கிறார்; முழு நேர ஊழியர் என்ற முறையில் அவருக்கு கட்சி மாதம் ரூ.5 ஆயிரம் ஊதியம் அளிக்கிறது”.இந்த அளவிற்கு மிகவும் குறைவான மாதச் சம்பளம் பெறுகிற ஒரே முதலமைச்சர் இந்தியா வில் மாணிக்சர்க்கார் மட்டுமே.

மார்க்சிஸ்ட் கம்யூனிஸ்ட் கட்சியின் மாநி லச் செயலாளர் பிஜன் தர்ரிடம் கேட்டோம். “தோழர் மாணிக் சர்க்கார் தனது வாழ்க்கை முழுவதையும், கட்சிக்கும், மக்களுக்கும் அர்ப் பணித்தவர். தனக்கென்று சொத்துக்களை உருவாக்கிக் கொள்ளவோ, அதிகரித்துக் கொள்ளவோ அவர் சிந்தித்ததுகூட கிடையாது” என்று அவர் பதிலளிக்கிறார்.எதிர்க்கட்சியான காங்கிரசின் மூத்த தலை வர்களும் கூட இதை ஒப்புக் கொள்கிறார்கள்.

பொதுவாழ்வில் தூய்மையானவர் மாணிக்சர்க் கார் என்று ஒளிவுமறைவின்றிக் கூறுகிறார்கள்.ஒரு முதலமைச்சரின் மனைவி என்ற “பெருமை” எதுவும் இல்லாதவர் பாஞ்சாலி பட்டாச்சார்யா. எல்லா பெண்களையும் போலவே அவர், மார்க்கெட்டுக்கு நடந்தே செல் கிறார். அல்லது எப்போதாவது ரிக்ஷாவில் செல்கிறார். அவர் ஒருபோதும் அரசு வாக னத்தைப் பயன்படுத்தியதில்லை.திரிபுரா மாநிலத்தில் அதிக காலம் முதல மைச்சர் பொறுப்பை வகித்துக் கொண்டிருப்ப வர் மாணிக்சர்க்கார்.

 1998ம் ஆண்டு முதன் முறையாக, வடகிழக்கு இந்தியாவின் கடைக் கோடியில் அமைந்துள்ள, முற்றிலும் வங்க தேச எல்லையால் சூழப்பட்டுள்ள இந்தச் சின் னஞ்சிறிய மாநிலத்தில் முதலமைச்சராகப் பொறுப்பேற்றார்.திரிபுராவில் ஆட்சியிலிருந்த இடது முன் னணி அரசை 1988ம்ஆண்டு காங்கிரஸ் - திரி புரா உபசாதி சமிதி கூட்டணி தோற்கடித்தபோது, முதலமைச்சரின் இல்லத்திலிருந்து ஒரே யொரு தகரப்பெட்டியோடு வெளியில்வந்த மகத்தான தலைவர் நிருபன்சக்கரவர்த்தியின் காலடித்தடத்தை பின்பற்றி, 1998 முதல் இன்றுவரை பொதுவாழ்வில் தூய்மை, மக்கள் நலனுக்காக அயராத உழைப்பு என மாநி லத்தை முன்னேற்றப் பாதையில் கொண்டு செல்கிறார். (பிடிஐ)

நன்றி 
தீக்கதிர் நாளிதழ்  

தமிழகத்திலும் சாத்தியம்தான் மக்களின் பயணம் இடது திசை 
நோக்கி நடக்கும் போது  

3 comments:

  1. தமிழகத்திலும் சாத்தியம்தான் மக்களின் பயணம் இடது திசை
    நோக்கி நடக்கும் போது ,////

    சென்னையில், ஏனைய கட்சிகளின் அலுவலகத்தை விட கம்யூனிஸ்ட் கட்சிகளின் அலுவலகங்கள் தான் ஸ்டார் ஹோட்டல் கணக்கா ஜொலிக்குதாமே.

    ReplyDelete
  2. You Come, Visit and Tell. Our Buildings are constructed not just with Bricks but with the sweat of Our Comrades. It is Our Labour, Our Pain. Not with Hefty Donations of Rich. Understand Mr Coward

    ReplyDelete
  3. YOU ARE CORRECT THOZHAR! WITHOUT VISITING THE BUILDING NO BODY CAN COMMENT. LEAVE IT!

    ReplyDelete