அந்த ஆட்டோக்காரர் என்ன நினைத்தாரோ?

நேற்று முன் தினம் அலுவலகத்திலிருந்து வீடு திரும்புகையில் வேலூர் மாவட்ட ஆட்சியரகம் அருகில் போக்குவரத்து போலீசார், ஹெல்மெட் அணியாதவர்களை வளைத்து வளைத்து பிடித்துக் கொண்டிருந்தார்கள். 

அப்போது அந்த வழியே பள்ளிக்குழந்தைகளை ஏற்றிய ஆட்டோ ஒன்று கடந்தது.

அந்த ஆட்டோவில் இருந்த குழந்தைகள் காவலர்களைப் பார்த்து

"போலீஸ், போலீஸ், எங்க ஆட்டோக்காரரையும் பிடிங்க" 

என்று உரத்த குரலில் சத்தம் போட

கடந்து கொண்டிருந்த அனைவருமே சிரித்து விட்டோம்.

குறும்புக்கார குழந்தைகள் என்று என் மனதில் தோன்றியது.
அந்த ஆட்டோக்காரர் என்ன நினைத்தாரோ?

பிகு 1 : இணையத்திலிருந்து எடுத்த படம். அதனால் ஆட்டோக்காரர் முகம், ஆட்டோ எண் ஆகியவற்றை மறைத்து விட்டேன்.

பிகு2 : தலைப்பைப் பார்த்து ஆட்டோ ஓட்டிய மாணிக்கம் பற்றிய பதிவு என்று நினைத்திருந்தால் I AM SORRY.