நண்பரிடம் சண்டை போடுவாரா மோடி?

 

 நேற்று  மீண்டும் அமெரிக்க  ஜனாதிபதியாக பதவியேற்ற மோடியின் நண்பர் டொனால்ட் ட்ரம்ப் இரண்டு முடிவுகளை அறிவித்துள்ளார்.

 அமெரிக்காவில் பிறக்கிற காரணத்தாலாயே யாருக்கும் இனி அமெரிக்க குடியுரிமை வழங்கப்பட மாட்டாது என்பது முதல் முடிவு.

 இதன் மூலம் ஹெச்1 விசாவில் அமெரிக்காவில் பணி செய்து கொண்டிருக்கும் வெளிநாட்டவர்களுக்கு அங்கே குழந்தை பிறந்தால் அந்த குழந்தைகளுக்கு அமெரிக்க குடியுரிமை கிட்டாது. இதன் மூலம் சில லட்சம் இந்தியர்கள் கடுமையாக பாதிக்கப்படுவார்கள் என்று சொல்லப்படுகிறது. இந்தியாவில் பிறந்து அமெரிக்க நிறுவனங்களுக்கு தங்கள் மூளையை விற்பவர்களுக்கு சிக்கல் வருவதைப் பற்றி நாம் இங்கே பெரிதாக மண்டையை உடைத்துக் கொள்ள வேண்டியதில்லை. அவர்களில் பெரும்பாலானவர்கள் மோடியின் தீவிர ஆதரவாளர்கள் என்பதால் அதைப் பற்றி கவலைப்பட வேண்டியது மோடிதான்.

 இரண்டாவது மிகவும் மோசமான முடிவு.

 டாலருக்கு மாற்றாக ஒரு புதிய நாணயத்தை உருவாக்க முயன்ற (இப்போது அந்த முயற்சி இல்லை என்பதுதான் யதார்த்தம்) பிரிக்ஸ் (BRICS) நாடுகளின் பொருட்களுக்கு 100 % வரி விதிப்பது என்-பதுதான் அந்த முடிவு. பிரேசில், ரஷ்யா, சீனா, தென் ஆப்பிரிக்கா மற்றும் இந்தியா மட்டும் இப்போது பிரிக்ஸ் இல்லை. மேலும் 23 நாடுகள் பிரிக்ஸ் அமைப்பில் சேர்ந்துள்ளது.

 அந்த அனைத்து நாடுகளின் பொருட்களுக்கும் 100 % வரி என்றால் அவை அமெரிக்காவிற்கு ஏற்றுமதி செய்வது குறைந்து போகும். அதன் மூலம் உற்பத்தி குறைவு என்று தொடங்கி தொடர்ச்சியாக பணி இழப்பு என்று சங்கிலித் தொடர் போல பாதிப்புக்கள் உண்டாகி பொருளாதார நெருக்கடி உருவாகும்.

 முதல் முடிவால் மோடி ஆதரவாளர்களுக்கு பாதிப்பு என்றால் இரண்டாவது முடிவால் நாட்டின் பொருளாதாரத்திற்கே பாதிப்பு.

 56 இஞ்ச் மாவீரன் மோடி என்ன செய்யப் போகிறார்?

 பதவியேற்பிற்கு அழைப்பு கூட அனுப்பாத நண்பனோடு சண்டை போட்டு முடிவுகளை மாற்ற வைப்பாரா இல்லை என்ன நடந்தால் எனக்கென்ன என்று மழையை பொருட்படுத்தாத எருமையாகி விடுவாரா?

 சீனா பெயரையே சொல்ல பயப்படும் மோடி எங்கே ட்ரம்போடு சண்டை போடப் போகிறார்! 

ஒரு வேளை அம்பானி, அதானிக்கு பிரச்சினை வரும் என்றால் இம்சை அரசன் இருபத்தி மூன்றாம் புலிகேசி வல்லவராயன் காலில் விழுந்தது போல ட்ரம்பிடம் சரணாகதி அடையலாம்.