அனைத்தும் சிவாஜிக்குத்தான் பொருத்தம்

சில வாரங்களுக்கு முன்பு ஆனந்த விகடன் இதழில் தற்போதைய நடிகர்களுக்கு இந்தியாவின் முக்கியத் தலைவர்களின் வேடங்களைப் போட்டிருந்தது.

அவர்களுக்கெல்லாம் ரொம்பவே மெனக்கெட்டால்தான் அந்த தலைவர்களின் வேடம் பொருந்தும். அதிலும் ஒருத்தருக்கு ஒரு தலைவர் வேடம்தான்.

ஆனால் அனைத்து வேடங்களும் பொருந்தக் கூடிய ஒரே முகம் நடிகர் திலகம் சிவாஜி கணேசன் அவர்களுடையதுதான். அந்த தலைவர்களாக அவர் நடிக்கவும் செய்துள்ளார்.

கீழே உள்ள படத்தைப் பாருங்கள்.

வ.உ.சி யாக,

பகத்சிங்காக,

நேதாஜியாக,

விவேகானந்தராக,

எவ்வளவு பொருத்தம் பாருங்கள்!

தாகூராக அவர் தோன்றவில்லை. ஆனால் சாக்ரடீஸ் வேடப் பொருத்தத்தை பார்க்கையில் அவருக்கு தாகூர் வேடம் போட்டிருந்தால் அதுவும் கூட பொருந்திருக்கும் என்பதை உணர்த்துகிறது.

கடைசியில் உள்ள படம் “கை கொடுத்த தெய்வம்” படத்தில் “சிந்து நதியின் மிசை”  பாடலில் ஒரிரு நொடிகள் மட்டுமே வரும் “சிங்க மராட்டியர் தம் கவிதைகட்கு” என்ற வரிக்காக அவர் திலகர் போல காட்சியளித்தது.  அந்த பாடலிலேயே பாரதி தவிர வேறு சில தோற்றங்களிலும் வருவார். அந்த நேர்த்தியும் உழைப்பும் மெனக்கெடலும் இன்றைய நடிகர்களுக்கு இல்லை என்பதையும் கூட சொல்லித்தான் ஆக வேண்டும்.