சீமான் கட்சி பெண் வேட்பாளர்களுக்கோர் வேண்டுகோள்

 

117 பெண் வேட்பாளர்களை நிறுத்துவதல்ல முக்கியம்

 சீமான் கட்சி 117 பெண் வேட்பாளர்களை தேர்தலில் நிறுத்திய போது அதை மூத்த பத்திரிக்கையாளர் உட்பட ஏராளமானவர்கள் பாராட்டினார்கள். சீமானின் காணொளிகள் சிலவற்றைப் பார்த்ததால், சீமானின் தம்பிகள் முக நூலில் பயன்படுத்தும் வாசகங்களை படித்ததால், சீமான் மீது பாலியல் குற்றம் சுமட்டிய நடிகைக்கு நிகழ்ந்த கதியைப் பற்றி அறிந்ததால் அச்செய்தி என்னவோ ஈர்க்கவே இல்லை.

 நாதகவின் பேராவூரணி தொகுதி வேட்பாளர் திலீபன் பேசிய காணொளியை காண நேர்ந்த கொடுமை நிகழ்ந்தது.

 நாதகவின் சார்பில் போட்டியிடும் பெண் வேட்பாளர்களுக்கு என் பணிவான வேண்டுகோள் ஒன்று உண்டு.

 தயவு செய்து அந்த காணொளியை பாருங்கள். உங்கள் சக வேட்பாளர் பேசிய கருத்துக்களில் உடன்பாடு உண்டா என்று சொல்லுங்கள். உடன்பாடு உண்டு என்று சொல்பவர்களோடு பேச எனக்கு ஏதுமில்லை.

 உடன்பாடு இல்லாதவர்கள் உங்கள் தலைவர் சீமானிடம் சொல்லி அந்த திலீபனை கட்சியிலிருந்து விலக்கச் சொல்லுங்கள்.

 அப்படி அவர் நீக்க மறுத்தால் நீங்கள் அக்கட்சியிலிருந்தும் தேர்தல் களத்திலிருந்தும் உடனடியாக விலகுங்கள்.

 பெண்களை மதிப்பதென்பது பெண் வேட்பாளர்களை நிறுத்துவதை விட மிகவும் முக்கியம் என்பதை உணர்த்துங்கள்.