அண்ணாச்சி இன்னும் மிரட்டுகிறார்.....

சிறந்த நடிகர்களில் ஒருவரான திலகன் காலமானது
வருத்தமளிக்கிறது. ஏற்றுக் கொண்ட கதாபாத்திரமாக
வாழும்  சில கலைஞர்களில் அவரும் ஒருவர்.

கமல்ஹாசன் நடித்த மலையாளப் படமான
சாணக்யன் தான் நான் பார்த்த அவரது முதல் படம்.
மோசமான முதல்வராக அதிலே அவர் கலக்கி
இருப்பார். 

அவர் நடித்த முதல் தமிழ்ப்படம் என்பதற்காகவே
விஜயகாந்த் நடித்த சத்ரியன் பார்த்தேன். 
அருமைநாயகம் அண்ணாச்சியாக அதிலே
அவரது நடிப்பு மிக அருமை.

' பன்னீர் செல்வம், நீ மறுபடி போலீஸா வரனும்'
என்று அவர் சொல்லும் போதெல்லாம் அரங்கில்
கைத்தட்டல் குவியும்.

நாசர், பிரகாஷ்ராஜ், ரகுவரன் போல எல்லாவித
கதாபாத்திரங்களுக்கும் பொருந்தக் கூடியவர்.
உண்மையிலேயே அவரது இறப்பு திரையுலகிற்கு
ஒரு இழப்புதான். 

அவரது புகைப்படத்தை பார்க்கையில்
அருமைநாயகம் அண்ணாச்சியாக இன்னும்
அவர் மிரட்டுவது போலவே எனக்கு தோன்றுகிறது.