ஜெய் பீம் இன்னும் பார்க்கவில்லை. பல தோழர்களின் விரிவான விமர்சனம் பார்க்கத் தூண்டுகிறது. நேரத்தை கண்டுபிடித்து எப்படியாவது இந்த வாரத்தில் பார்த்து விட வேண்டும்.
படத்தைப் பார்க்க தூண்டும் இன்னொரு காரணி வயிற்றெரிச்சல் பதிவுகள்.
செங்கொடி இயக்கத்தின் போராட்டம் அழுத்தமாக பதிவாகும் காரணத்தால் மதிமாறன் ரத்த அழுத்தம் அதிகமாகி விட்டது. பட்டியலின சாதிகள் மட்டுமே சாதிய ஒடுக்குமுறைக்கு எதிரான ஜெய் பீம் என்ற முழக்கத்தை பயன் படுத்த வேண்டும். பழங்குடி இன மக்களுக்கு எதிராக சாதிய பாகுபாடு ஏதுவும் கிடையாது என்பது அவரின் அரிய கண்டுபிடிப்பு. இதனை ஆக்ஸ்போர்ட் பல்கலைக்கழகத்தில் சமர்ப்பித்து டாக்டர் பட்டம் வாங்கலாம். டாக்டர் மதிமாறன் என்றால் யூட்யூப் ஹிட்ஸ் அதிகமாகும். சில்லறை இன்னும் தேறும்.
கதறல் அதிகமென்று பரத்வாஜ் ரங்கன் எனும் ஒரு விமர்சகர் பேசுகிறார். அவரை லாக்கப்பில் வைத்து லாடம் கட்டினால் அவர் கதறல் இன்னும் அதிகமாக இருக்கும் வாய்ப்புண்டு.
தேவரய்யாவின் கதாபாத்திரத்தை ஏற்று நடித்த சூர்யாவுக்கு வாழ்த்து என்று ஒருவர் கதையையே மொத்தமாக மாற்றி விட்டார். படத்தை முழுதும் பாராட்டி விட்டு கம்யூனிஸ்டுகள் என்ற வார்த்தையை பயன்படுத்தக் கூடாது என்ற உறுதியோடு களத்தில் நின்றோர் என்று எழுதி விட்டு இது பா.ரஞ்சித் இழுத்த தேர் என்று முடிக்கும் ஓர் பதிவு..
ஜெய் பீம் என்பது இந்தி வார்த்தை. சும்மா சொன்னேன் என்று ஒரு பிட்டை வீசுகிறார் அர்ஜூன் சம்பத்.
திரௌபதி, ருத்ர தாண்டவம் மாதிரி மக்களால் ஆதரிக்கப்படாமல் மீடியாக்களால் தூக்கிப் பிடிக்கப்படும் படம் என்று மத்யமர் சங்கி ராகவேந்திரன் ஷர்மா.
இவர்களுக்கெல்லாம் வயிற்றெரிச்சல் வந்ததற்கு என்ன காரணம்?
அடுக்கப்பட்ட மூட்டைகளில் அடி மூட்டைகளாக இருக்கிற பழங்குடி மக்களின் துயர் துடைக்க செங்கொடி இயக்கம் நடத்திய போராட்டம் பற்றி ஒரு திரைப்படம் வருபதுதான்.
இவர்கள் கடுப்பாவதைப் பார்க்கையில் ரொம்பவே சந்தோஷமா இருக்கு.
தின
மலர் வேறு கதை கட்டியுள்ளது. அது தனி பதிவாக நாளை
No comments:
Post a Comment