ட்ரம்பின் குரு சீமான் . . .

 

ட்ரம்ப் உதிர்த்த லேட்டஸ்ட் முத்து கீழே உள்ளது.

இப்படியெல்லாம் பேச அவர் சீமானிடம்தான் கற்றுக் கொண்டிருக்க வேண்டும். மோடியையும் சீமானையும் தவிர இப்படியெல்லாம் கதை அளக்க உலகில் வேறு யார் இருக்கிறார்கள்!

ட்ரம்ப் சொன்னதை இரான் மறுத்துள்ளதாக அதே செய்தி சொல்கிறது. இந்தியா-பாகிஸ்தான் போரை நிறுத்தியது நாந்தான் என்று ட்ரம்ப் அன்றாடம் சொன்னாலும் ஒரு வார்த்தை கூட மறுத்து பேச மோடி அரசால் ஏன் முடியவில்லை?

கண்ணதாசன் பாடலால் கதையளந்த மோடி

 

திருச்சியில் நடைபெற்ற கூட்டத்தில் எண்ணற்ற உருட்டுக்களை அர்ப்பணித்த மோடி, ஒரு கதை ஒன்றையும் அளந்துள்ளார்.

அதென்ன கதை?

மதுரை விவசாயி காலையில் விளைவிக்கும் மல்லியை  மாலையிலேயே நியூயார்க்கிலும்  பாரீஸிலும் விற்பது சாத்தியமா?

இப்போது சென்னையிலிருந்து நியூயார்க்கிற்கும் பாரீஸிற்கும் விமானங்கள் செல்கின்றன. அதன் பயண நேரம் என்ன என்பதை கீழே பாருங்கள். சென்னை நேரத்திற்கும் மதுரை நேரத்திற்கும் வித்தியாசம் அதிகபட்சம் ஒரு மணி நேரம் இருக்கலாம். அது கூட பயண நேரம் அதிகம்தான் ஆகும்.

சென்னையிலிருந்து நியூயார்க் செல்ல குறைந்த பட்சம்  23 மணி நேரமும் பாரீஸ் செல்ல குறைந்த பட்சம் 18 மணி நேரமும் ஆகிறது. 

பிறகு எப்படி காலையில் விளைவித்தது மாலையிலேயே விற்பனை ஆகும்? 

ஆனால்

தவறு மோடியுடையது அல்ல.

மோடிக்கு பேச்சு எழுதிக் கொடுக்கும் பூத எழுத்தாளர் (GHOST WRITER)  யாரோ, மூத்த்த்த்தவர் மாலனோ?) அவருக்கு "நினைத்தாலே இனிக்கும்" படத்தில் வரும் "எங்கேயும் எப்போதும்" பாடலில் வரும் "காலை ஜப்பானில் காஃபி, மாலை நியூயார்க்கில் காபரே, இரவில் தாய்லாந்தில் ஜாலி" வரிகள் நினைவுக்கு வந்து அந்த அடிப்படையில் மோடிக்கு உரை எழுதிக் கொடுத்திருப்பார்.

பாவம் மோடி, அவரை திட்டாதீங்க . . .

மோடி ரோபோ விஞ்ஞானியாம் . . .

 

 மோடியை ஒப்பிடுகையில் அண்டப்புளுகன், ஆகாயப்புளுகன் என்ற வார்த்தையெல்லாம் ஜுஜுபி. 

கொஞ்சம் கூட கூச்ச நாச்சம் இல்லாமல் அவருடைய லேட்டஸ்ட் பொய் ஒன்றை பாருங்கள்

நான் கூட  யாரோ மோடியை கலாய்க்க போட்டோஷாப் செய்தார்களோ என்று முதலில் யோசித்தேன்.

அந்த படத்தின் மேலே உள்ள கலாம் சென்டர் என்பதை வைத்து கொஞ்சம் இணையத்தில் தேடினேன்.

அது லக்னோவில் உள்ள ஒரு சங்கி என்.ஜி.ஓ. அங்கேதான் மோடி தான் பள்ளியில் படிக்கும் போதே ஒரு ரோபோவை உருவாக்கியதாகவும் அதற்காக பள்ளியில் அவருக்கு மெடல் கொடுத்ததாகவும் சொல்லி உள்ளார்.  அந்த கம்பி கட்டும் கதையை எப்படி விவரித்துள்ளார்கள் என்று பாருங்கள்.

நரேந்திர மோடி 1950 ல் பிறந்ததாக இப்போது சொல்கிறார்கள். ஒரு வேளை அவர் பனிரெண்டாவது படித்திருந்தால், பள்ளியில் படித்திருந்தால், 1968 ல் பனிரெண்டாவது படித்திருப்பார். 

இந்தியாவின் முதல் ரோபோ 1982 ல் உருவாக்கப்பட்டது என்றுதான் இணையம் சொல்கிறது. ஆனால் மோடி 14 வருடங்கள் முன்பாகவே ஒரு ரோபோவை தயார் செய்தார் என்று கூறினால், சிரிப்பதைத் தவிர வேறு என்ன செய்ய முடியும்? 

மழை பெய்யும் போது போர் விமானங்கள் போனால் ரேடாரில் தெரியாது என்று விமானப்படைக்கு ஆலோசனை சொன்ன விஞ்ஞானி அல்லவா அவர்!

பிகு: இது தொடர்பாக இன்னொரு பதிவும் எழுதுவேன். 

நாக்கு அழுகிடும் மோடி

 

பதில் சொல்ல முடியாமல் மோடி ஓடி ஒளிந்ததற்கு ஓம் பிர்லா அயோக்கியத்தனமான ஒரு பொய்யை சொன்னதைப் பற்றி எழுதி இருந்தேன்.

ஓம் பிர்லாவின் அயோக்கியத்தனமான பொய்க்கு அலிபி தேட மோடியும் ஒரு அபாண்டமான, அயோக்கியத்தனமான பொய்யை சொல்லியுள்ளார்.

தேவர் மகன் படத்தில் அபாண்டமான குற்றச்சாட்டு வைக்கிற போது நாசரைப் பார்த்து சிவாஜி "நாக்கு அழுகிடும்டா" என்று சொன்ன காட்சிதான் எனக்கு நினைவு வந்தது.

மோடி ஒரு வேளை இயற்கையான முறையில் பிறந்திருந்தால் அவரது பெற்றோர் "பொய் சொன்னால் போஜனம் கிடைக்காது" என்று சொல்லி வளர்த்திருப்பார்கள்.

ஆனால் இவர்தான் தெய்வக்குழந்தை ஆயிற்றே!

பிரபாகரனை செஃபாகவே முன்னிறுத்தும் சீமான்

 

பிரபாகரனை சீமான் வெறும் பத்து நிமிடம்தான் சந்தித்தார் என்று விஷயம் தெரிந்தவர்கள் முன்பே சொல்லியுள்ளனர். ஒரே ஒரு புகைப்படம் மட்டும்தான் எடுத்துக் கொண்டுள்ளார். அது கூட இவர் பெருமையுடன் காண்பிக்கும் படமல்ல, அது  போட்டோஷாப் செய்யப்பட்டது என்று போட்டோஷாப் செய்தவரே சொல்லியுள்ளார்.

ஒரு இயக்கத்தின் தலைவராக இருந்தவரை சீமான் இதுவரை எப்படியெல்லாம் முன்னிறுத்தியுள்ளார்.

இவருக்கு ஆமைக்கறி செய்து கொடுத்ததாக சொல்லியுள்ளார்.

அடுத்து இட்லிக்குள் கறியை வைத்து கொடுத்ததாக சொல்லியுள்ளார்.

இவர் சாப்பிடும் பொருட்களை துல்லியமாக கவனித்து அதற்கேற்றார் போல அடுத்த வேளை சாப்பாடுகளை போட்டார் என்றும் சொல்லி உள்ளார்.

இதோ இப்போது மான் ஊறுகாய் சாப்பிடச் சொன்னதாக சொல்லியுள்ளார். 

அந்த காணொளியை இங்கே பாருங்கள்.

"அடேய் சீமான், நான் ஒரு இயக்கத்தின் தலைவனடா! என்னை ஒரு செஃப் என்ற அளவில் சுருக்கிவிட்டாயடா"

என்று கேட்க பிரபாகரன் இல்லாத துணிவுதான் சீமானுக்கு. . .

எல்லோரும் தற்குறி வெட்டிக் கழகத்தைப் பற்றி மட்டுமே பேசுகிறார்கள் என்று கவன ஈர்ப்புக்காகக் கூட சீமான் இந்த கதையை உருட்டியிருக்கலாம். 

பிகு என்னத்தான் கதை விட்டாலும் சீமான் எச்சரிக்கையான மனிதர்தான். இதே மான் ஊறுகாயை இந்தியாவில் சாப்பிட்டதாக உருட்டியிருந்தால் சிறைக்கு போக வேண்டியிருக்கும் என்று தெரிந்தவர் அல்லவா அவர்!

மோடி அரசு - நேற்றைய உண்மையும் இன்றைய பொய்யும்

 

நேற்றைய ஆங்கில இந்துவின் முதல் பக்கத்தில் வெளியான செய்தி கீழே. 

பன்னாட்டு நிதி நிறுவனமான ஐ.எம்.எஃப், இந்தியாவின் கணக்கிடும் முறைகளுக்கும் புள்ளி விபரங்களை சேகரிக்கும் விபரங்களுக்கும்  'சி" தரம் அளித்துள்ளது. ஒட்டு மொத்த உற்பத்தி உட்பட பல்வேறு முக்கியமான அளவீடுகளை கணக்கிடுவதில் ஏராளமான குறைபாடுகள், தவறுகள், தில்லுமுல்லுகள் இருப்பதால்தான் இந்தியாவிற்கு "சி" தரம் கொடுக்கப்பட்டுள்ளது.

இன்றைய முதல் பக்கத்து செய்தி நேற்றைய செய்தியுடன் தொடர்பானது. ஆமாம்.  இந்தியாவின் ஒட்டு மொத்த உற்பத்தியில் இரண்டாவது காலாண்டில் 8 % வளர்ச்சி ஏற்பட்டுள்ளதாக சொல்கிறது.

ஒட்டு மொத்த உற்பத்தியை கணக்கிடுவதில்  இந்தியா தில்லுமுல்லு செய்வதாக நேற்றைய செய்தி சொன்னது. ஒட்டு மொத்த உற்பத்தியில் வளர்ச்சி ஏற்பட்டுள்ளதாக இன்றைய செய்தி சொல்கிறது.

மோடி அரசு எதைச் சொன்னாலும் அது டுபாக்கூர் செய்திதான். 

மோடி, ட்ரம்ப் பொய்யன் யார்?

 

கடந்த செவ்வாயன்று ட்ரம்ப் மோடியை தொலைபேசியில் அழைத்து தீபாவளி வாழ்த்து சொல்லியுள்ளார். 

அந்த தொலைபேசி பேச்சு பற்றி ட்ரம்ப் சொன்னது 

"நாங்கள் இருவரும் ஏராளமான விஷயங்கள் பற்றி பேசினோம். ஏராளமான விஷயங்களைப் பற்றி பேசினாலும் கூட வர்த்தக பேரங்களில்தான் அவர் அதிக கவனம் செலுத்தினார். ரஷ்யாவிலிருந்தான எண்ணெய் இறக்குமதியை குறைப்பது, பாகிஸ்தானுடன் போர் இல்லாமல் இருப்பதை உறுதி செய்வது ஆகியவை குறித்து விரிவாக பேசினோம்"

இது ட்ரம்ப் கூறியது.

அதுவும் எங்கே? யாரிடம்?

வெள்ளை மாளிகையில் அமெரிக்க வாழ் இந்திய கோடீஸ்வரர்களுக்கு அளித்த தீபாவளி விருந்தின் போது.

ரஷ்யாவிலிருந்தான எண்ணெய் இறக்குமதியை இந்தியா குறைத்துக் கொண்டு விட்டது என்று இந்த வாரத்தில் மட்டும் நான்கு முறை ட்ரம்ப் கூறினாலும் இந்தியா அது பற்றி வாய் திறக்கவேயில்லை என்று ஆங்கில இந்து நாளிதழ் சொல்கிறது.

மோடி என்ன சொல்கிறார்?

தீபங்களின் திருவிழாவான இன்று நம் இரண்டு பெரிய ஜனநாயக நாடுகளும் உலகெங்கும் நம்பிக்கை தீபம் ஏற்றுவதை தொடர்ந்து அனைத்து வடிவிலுமான தீவிரவாதத்திற்கு எதிராக ஒன்றுபட்டு நிற்போம்" 

இதிலே  யார் சொல்வது உண்மை? யார் சொல்வது பொய்?

இரண்டு பேர் சொல்வதும் உண்மையாக இருக்கலாம். இரண்டு பேர் சொல்வதும் பொய்யாகவும் இருக்கலாம்.

ஏனென்றால் அடிப்படையில் இருவருமே பொய்யர்கள், கிறுக்கர்கள், முட்டாள்கள், சந்தர்ப்பவாதிகள், மோசடிப்பேர்வழிகள்.

இரண்டு நாட்டு மக்களைக் குழப்ப இருவருமே பேசி வைத்துக் கொண்டு கூட பொய் சொல்லியிருக்கலாம்.

ட்ரம்ப் சொல்வதெல்லாம் பொய் என்று சொல்லும் தைரியம் மோடிக்கு வராத வரை ட்ரம்ப் சொல்வதுதான் உண்மை என்று எடுத்துக் கொள்ள வேண்டும்.

சரி அப்படி மோடி சொல்லி விட்டால், மோடி உண்மையை பேசுகிறார் என்று ஒப்புக் கொள்வீர்களா என யாராவது அனாமதேயம் கேட்கலாம்.

அப்படி மோடி தைரியமாக சொல்லட்டும்.

அதற்குப் பிறகு நீங்கள் பார்ப்பீர்கள் "பேய்க்கும் பேய்க்கும் சண்டை"

பொய்யாவது பொருத்தமா சொல்லுங்க சங்கிங்களா

 

மத்யமர்  ஆட்டுக்காரன் குழுவில் சங்கிகள் பெருமிதத்தோடு பகிர்ந்து கொண்டுள்ள படம் கீழே உள்ளது.

நான் சொல்லித்தான் மோடி போரை நிறுத்தினார் என்று இருபதுக்கும் மேற்பட்ட முறை ட்ரம்ப் சொல்லியும் இது வரை மோடியோ அல்லது அவரது மந்திரி மந்திகளோ வாய் திறக்கவே இல்லை. 50 % வரி விதிப்பிற்கும் அப்படியேதான்.   அல்லக்கைகள்தான் சும்மா அளந்து கொண்டிருக்கின்றன.

ட்ரம்ப் என்றால் நடு நடு என்று நடுங்குகிற மோடி, ட்ரம்ப்போடு பேச மறுத்து விட்டாராம். ட்ரம்ப் கூப்பிட்டால் போனாக இருந்தால் கூட நின்று கொண்டே பவ்யமாக பேசும் மோடி, அவரது அழைப்புக்களை நிராகரித்து விட்டாராம்.

கொஞ்சமாவது பொருத்தமா பொய் சொல்லுங்க சங்கிகளா!

குருஜியே பொய் சொன்னா மோடி?

 

எம்.ஏ (என்டயர் பொலிட்டல் சைன்ஸ்) படித்ததாக மோடி பொய் சொல்வதற்கு தனக்குத்தானே "வீர" என்று அடைமொழி கொடுத்துக் கொண்ட மகாத்மா காந்தி கொலை அக்யூஸ்ட் சாவர்க்கரிடமிருந்துதான் என்று இத்தனை நாள் நினைத்துக் கொண்டிருந்தோம்.

ஆனால் சாவர்க்கருக்கு முன்பே இது போன்ற வெட்டி பீற்றலை சங்கிகளின் முக்கியமான தலை ஒன்று செய்துள்ளது இப்போது அம்பலமாகியுள்ளது.

ஆர்.எஸ்.எஸ் அமைப்பின் இரண்டாவது சர்சங்சாலக்கான குரு கோல்வாக்கர்தான் அது.

பனாரஸ் இந்து பல்கலைக் கழகத்தில் வெறும் ஆய்வக உதவியாளராக இருந்த கோல்வாக்கர், தன்னை முன்னால் பேராசிரியர் என்றே முன்னிலைப் படுத்திக் கொண்டிருக்கிறார். அதை சங் பரிவாரங்களை தொடர்ந்து அம்பலப்படுத்தி வரும் தீரெந்திர ஜா அம்பலப்படுத்தியுள்ளார். 

சங்கி என்றாலே பொய்யர்தான் என்பதற்கு இதுவும் ஒரு சான்று.

கோல்வாக்கரே போலி பேராசிரியர் என்றால் நான் செய்வதும் தப்பே இல்லை என்று போலிப் பேராசிரியன் ராம.சீனுவாசன் மகிழ்ச்சியடைவான் அல்லவா!

ஒரு பொய் – இரண்டு சண்டை

 

தைப்பூச விடுமுறை நாளில் மத்யமர் ஆட்டுக்காரன் குழுவில் சங்கிகளோடு போட்ட சண்டை.

 தமிழ்நாட்டு சட்டப்பேரவை நிறைவேற்றிய மசோதாக்களுக்கு ஒப்புதல் தராமல் கழுத்தறுக்கும் ஆட்டுத்தாடியின் அடாவடி தொடர்பான வழக்கு உச்ச நீதிமன்றத்தில் நடந்து கொண்டிருக்கிறது. நீதிபதிகள் ஆட்டுத்தாடியின் நடவடிக்கைகள் குறித்து ஆட்டுத்தாயின் சார்பில் வழக்காடும் மத்தி சரமாரியாக  கேள்வி எழுப்பியுள்ளனர். ( இப்படி கேள்வி கேட்டதாலேயே ஆட்டுத்தாடிக்கு எதிராக தீர்ப்பு வரும் என்றெல்லாம் எதிர்பார்க்க் முடியாது)

 ஆனால் மத்யமர் ஆட்டுக்காரன் குழுவில்  இரண்டு பதிவுகள். இரண்டும் ஒரே செய்தியைத்தான் சொன்னது. நீதிமன்றத்தில்  என்ன நடந்ததோ அதற்கு முற்றிலும் மாறான ஒரு தவறான செய்தியை பாஜகவின் ஜனம் தொலைக்காட்சி போட்ட ஒரு பொய் கார்டைத்தான் இருவரும் பகிர்ந்திருந்தார்கள்.

 

அது தவறான செய்தி என்று இரு பதிவுகளிலும் சுட்டிக்காட்டினேன். அதன் பிறகு நடந்த உரையாடல்களை பாருங்கள்.

 முதல் சண்டை

 

இரண்டாவது சண்டை

 

 

சங்கிகள் தாங்கள் அடி முட்டாள்கள், பொய்யர்கள், அயோக்கியர்கள் என்பதை ஒவ்வொரு சந்தர்ப்பத்திலும் நிரூபித்துக் கொள்கிறார்கள்.

கணக்கு உதைக்குதே ஆட்டுக்காரா?

 

கீழேயுள்ள செய்தியை நேற்றிலிருந்து சங்கிகள் பரப்பி புளகாங்கிதம் அடைந்து கொண்டிருக்கிறார்கள்.

அந்த பார்வையில்லாத இளைஞருக்கு இப்போது எவ்வளவு வயது இருக்கும்?

குறைந்த பட்சம் இருபத்தி ஐந்து வயதாவது இருக்கும். அதிகமாக இருக்கத்தான் வாய்ப்புள்ளதே தவிர குறைய வாய்ப்பே இல்லை.

ஆட்டுக்காரன் பற்றி முதன் முதலில் எப்போது செய்தி வந்தது?

கர்னாடகாவில் ஏதோ பிரச்சினை காரணமாக ஐ.பி.எஸ் பதவியிலிருந்து ஓடி வந்து ஆட்டு வியாபாரம் செய்த போது பசுமை விகடன் வெளியிட்ட கட்டுரைதான் ஆட்டுக்காரனுக்கு தமிழ்நாட்டில் முதல் அறிமுகம்.

அந்த கட்டுரை எப்போது வந்தது?

இதோ அதையும் தருகிறேன்.

10 ஜூலை 2020 இதழில்தான் முதலில் செய்தி வருகிறது.

அந்த செய்தியை அப்போதே அந்த சிறுவன் படித்ததாக எடுத்துக் கொள்வோம். அப்போது ஆறாவது படித்த சிறுவன் இப்போது பத்தாம் வகுப்புதான் படித்துக் கொண்டிருக்க வேண்டும்.

பத்தாம் வகுப்பு படிக்கும் சிறுவனா போட்டோவில் இருப்பது?

சங்கிகள் எதைப் பேசினாலும் பொய். எதை செய்தாலும் அது திருட்டுத்தனம். 

மோடின்னா பொய், பொய்யைத்தவிர வேறில்லை

 

காஷ்மீரில் மோடி திறந்த ஜீப்பில் இறுகிய முகத்துடன் போனது பற்றி நேற்று எழுதியிருந்தேன். அது பற்றி இன்னொரு தகவலும் உள்ளது. கீழேயுள்ள படத்தை பாருங்கள்.

மேலேயுள்ள பதிவில் மட்டுமல்ல, சங்கிகள் எல்லோருமே "70 வருடங்களில் காஷ்மீரில் திறந்த ஜீப்பில் சென்ற முதல் பிரதமர் மோடிதான்" என்று பீற்றிக் கொண்டிருந்தார்கள்.

ஆனால் வழக்கம் போல அதுவும் பொய்தான் என்பது சில நிமிடங்களிலேயே நிரூபணமாகி விட்டது.

1996 லியே ஹெச்.டி.தேவேகௌடா, பிரதமராக இருந்த போது காஷ்மீரில் திறந்த ஜீப்பில் போயிருக்கிறார். உடன் அன்றைய ஜம்மு-காஷ்மீர் முதல்வர் ஃபரூக் அப்துல்லாவும் இருக்கிறார்.

எதையெடுத்தாலும் பொய், பொய்யைத்தவிர வேறு எதுவுமில்லை. இந்த பிழைப்பிற்கு சங்கிகள் பிச்சையெடுக்கலாம். 

சவுக்கால அடிச்சிக்கோ ஆட்டுக்காரா

 

மார்க்சிஸ்ட் கம்யூனிஸ்ட் கட்சியின் மக்களவை உறுப்பினர் தோழர் சு.வெங்கடேசன் அவர்களின் பதிவு கீழே உள்ளது.

"தமிழ்நாட்டின் திட்டத்திற்கு துரோகமும்,

தமிழ்நாட்டின் செய்தியாளர்கள் மீது பழியும்"

இரயில்வே அமைச்சர், மற்றும் இரயில்வே நிர்வாகத்தின் கண்டனத்திற்குரிய செயல்.

சு. வெங்கடேசன் எம் பி

ரயில்வே அமைச்சர் மாண்புமிகு அஸ்வினி வைஷ்ணவ் அளித்த பேட்டியில் மதுரை அருப்புக்கோட்டை தூத்துக்குடி புதிய பாதை திட்டத்திற்கு மாநில அரசு எதிர்ப்பு தெரிவித்ததால், அதை கைவிடக் கூறியதால் அது கைவிடப்பட்டது என்று செய்தியாளர்களிடம் தெரிவித்திருந்தார். கடந்த இடைக்கால பட்ஜெட்டில் 100 கோடியும் வழக்கமான பட்ஜெட்டில் 18 கோடியும் ஒதுக்கி இருப்பதை நான் ஏற்கனவே சுட்டிக்காட்டி விமர்சித்துள்ளேன். அதற்கு முழு நிதி ஒதுக்க வேண்டும் என்று கோரி யுள்ளேன். இப்போது அந்தத் திட்டமே கைவிடப்பட்டது என்று அவர் அறிவித்தது அதிர்ச்சியை அளித்தது. அதுவும் தமிழக அரசு கேட்டுக் கொண்டதற்கு இணங்க அது கைவிடப்பட்டதாக அவர் அறிவித்தது சந்தேகத்தை எழுப்பியது. இதற்கு தமிழக அரசு பதிலளிக்கட்டும் என்று காத்திருந்தேன். தமிழக அமைச்சரும் இந்த திட்டத்தை கைவிடச் சொல்லி தாங்கள் கூறவில்லை என்றும் ரயில்வே அமைச்சர் கூறுவது பொய் என்றும் விளக்கியுள்ளார். தாங்கள் கூடுதலாக நிதி ஒதுக்க வேண்டும் என்று தான் கோரியிருந்தோம் என்று விளக்கி இருந்தார்.

இப்போது ரயில்வே அமைச்சர், கைவிட தமிழக அரசு கோரியது தனுஷ்கோடி திட்டத்தை தான் என்றும் செய்தியாளர்களுடைய சத்தங்களால் சரியாகப் புரிந்து கொள்ளாமல் தனுஷ்கோடி திட்டம் தான் கேட்கிறார்கள் என்று நினைத்து தமிழக அரசு கைவிடக் கூறியதாக கூறிவிட்டதாகவும் உண்மையில் தூத்துக்குடி திட்டம் கைவிடப்படவில்லை என்றும் அதற்கு நிலம் கையகப்படுத்தும் பிரச்சனை இல்லை என்றும் இப்போது விளக்கம் அளித்துள்ளார். அவர் கூறியது அனைத்து ஊடகங்களிலும் ஒரே மாதிரியாக வந்துள்ள போது, குழப்பத்தில் வந்ததாக அமைச்சர் சொல்வது ஏற்கக் கூடியதாக இல்லை. செய்தியாளர் சந்திப்பின் காணொலியும் மிகத்தெளிவாகவே உள்ளது.

அமைச்சர் வேண்டுமென்றே தமிழக அரசின் மீது பழிபோடவே அவ்வாறு கூறினார் என்று எண்ணத் தோன்றுகிறது. உண்மையில் அப்படி இருக்கும் பட்சத்தில் ஊடகங்களில் வந்த செய்தியை உடனடியாக ஏன் மறுக்கவில்லை என்ற கேள்வி எழுகிறது. எல்லா விமர்சனங்களுக்குப் பிறகு ஐந்து நாட்களுக்குப் பின் இப்போது தான் ரயில்வே நிர்வாகம் பதில் அளித்துள்ளது.

இப்படித்தான் அவர்கள் நாடாளுமன்றத்தில் எந்த கேள்வி கேட்டாலும் அதற்கு திசை திருப்பும் பதில் அளிக்கிறார்கள். மழைக்கால கூட்டத்தொடரில் இரயில்வே அமைச்சர் அவையில் பேசிய ஆவேச பேச்சு மோசமான பதிலுக்கு நல்லதொரு உதாரணம். அதே போன்ற தொனியில் தான் தமிழ்நாடு அரசின் மீது பழி கூறிய அமைச்சரின் பேச்சும்.

புதிய பாம்பன் பாலத்தின் கட்டுமானம் 30 சதம் பலமற்று இருக்கிறது என இரயில்வே பாதுகாப்பு அமைப்பு குற்றம் சாட்டிய போது வாய்திறக்காத அண்ணாமலை, அமைச்சரின் பொய்யான தகவலை நம்பி வேகவேகமாக போராட்டத்தை அறிவித்துள்ளார். அவரை தொடர்ந்து அதிமுகவும் போராட்டத்தை அறிவித்தது. உண்மையில் ஒன்றிய அரசு இரயில்வே துறையில் தமிழ்நாட்டை தொடர்ந்து எப்படி புறக்கணித்து வருகிறது என்பதை பற்றி அடிப்படை புரிதல் இருக்கும் யாரும் அமைச்சரின் பேச்சு எவ்வளவு அபத்தம் என்பதை ஆராயாமலே புரிந்து கொள்ள முடியும்.

ரயில்வே அமைச்சகமும் ரயில்வே அமைச்சரும் மக்கள் மத்தியில் உண்மையைப் பேச இனியாவது முன் வர வேண்டும். அந்த அளவு முயற்சிப்பது கடினம் என்றால் குறைந்த பட்சமாக மதுரை - தூத்துக்குடி திட்டத்திற்கான நிதியையாவது வரும் பட்ஜெட்டில் போதுமான அளவு ஒதுக்கி நியாயம் வழங்க முயற்சிக்க வேண்டும்.

ரயில் விபத்து மந்திரியின் பேச்சைக் கேட்டு அருப்புக்கோட்டையில் போராட்டம் நடத்தவுள்ளதாக ஆட்டுக்காரன் அறிவித்தான்.

ரயில் விபத்து மந்திரி சொன்னதை வைத்து பொய்யான போராட்டம் நடத்துவதாக அறிவித்தமைக்காக ஆட்டுக்காரன் மன்னிப்பு கேட்டு தன்னை சவுக்கால் அடித்துக் கொள்ள வேண்டும்,

செய்வானா?

வெட்கமே கிடையாதா மோடி?

 

5500 கோடியில் நீர் பறப்பதற்காக இரண்டு புதிய சொகுசு விமானங்கள் வாங்கி விட்டு  36,328 சதுர அடியில் 467 கோடி ரூபாயில் சொகுசு மாளிகை ஒன்றை கட்டிக் கொண்டு இப்படி பேச உமக்கு வெட்கமாக இல்லையா மோடி?

அப்படி என்ன பேசினார் பதினைந்து லட்ச ரூபாய் கோட் அணியும் மோடி?

கீழே பாருங்கள். . .

இதையும் நம்பி பரப்பும் முட்டாள் சங்கிகள் இருக்கும் வரை மோடிக்கு வெட்கம், மானம், ரோஷம், சூடு, சொரணை எல்லாம் எப்படி வரும்!

பொய் சொல்வதில் டாக்டர் வாங்கியிருப்பானோ?

 

பாஜக கட்சியின் செய்தித் தொடர்பாளர் டாக்டர் எஸ்.ஜி.சூர்யா. ஆமாம், அவன்தான். தோழர் சு.வெங்கடேசன் மீது அவதூறு பரப்பி கைது செய்யப்பட்டவன். அவதூறு பரப்பும் வேறு சிலர் சகல சௌகர்யங்களோடு பாதுகாப்போடு இருக்கிறார்கள். நான் தெய்வக்குழந்தையை சொல்கிறேன். 

அவன் தன் ட்விட்டர் பக்கத்தில் ஏதோ மிகப் பெரிய கருத்தை சொல்லி விட்டதாக பீற்றிக் கொண்டிருக்கிறான்.

காங்கிரஸ் கட்சியும் ஆம் ஆத்மி கட்சியும் டெல்லியில் கூட்டணி வைத்துக் கொண்டுள்ளனர். சோனியா காந்தி வீடு உள்ள தொகுதி ஆம் ஆத்மி கட்சிக்கு ஒதுக்கப்பட்ட தொகுதி. அதனால் அவர் அங்கே கை சின்னத்துக்கு வாக்களிக்கவில்லை. கூட்டணி கட்சி சின்னத்திற்கு வாக்களித்திருப்பார்.

இதுதான் விஷயம். இதை ஏதோ பிரம்மாண்டமான அரசியல் நிகழ்வு போல பில்ட் அப் செய்வதெல்லாம் சங்கிகளின் கீழ்த்தர உத்தி. இவர்களே ஒரு கருத்தை உருவாக்கி பொதுப்புத்தியில் படிய வைப்பது. ஆட்டுக்காரனை பற்றி, அபூர்வ பிறவி பற்றி, வேலூரில் ஏ.சி.எஸ்தான் ஜெயிப்பார் போன்ற மாய பிம்பங்களை உருவாக்குகிறார்கள். 

சூர்யா கொடுத்த பில்ட் அப்பில் இன்னொரு அபத்தமும் உள்ளது. 

50 ஆண்டுகளில் முதல் முறையாக கை சின்னத்துக்கு வாக்களிக்க முடியாமல் பரிதவித்ததாக சொல்லியுள்ளதுதான் உடான்ஸ்.

1977 பொதுத்தேர்தல் வரை இந்திரா காங்கிரஸ் கட்சியின் சின்னம் "பசுவும் கன்றும்" அத்தேர்தலில் தோற்று 1978 ல் கர்னாடக மாநிலம் சிக்மகளூர் தொகுதியில் இந்திரா அம்மையார் போட்டியிட்ட போதுதான் காங்கிரஸ் கட்சி முதல் முறையாக "கை" சின்னத்தில் போட்டியிட்டது. அப்போது நடந்த தஞ்சாவூர் இடைத்தேர்தலின் போது எம்.ஜி.ஆர் பாடலான "இது நாட்டைக்காக்கும் கை" பாடல்தான் அப்போது நான் படித்த ஊரான திருக்காட்டுப்பள்ளியில் சாலைகளில் ஒலித்துக் கொண்டே இருந்தது.

சோனியா காந்தி முதல் முறையாக 1980 பொதுத்தேர்தலில்தான் கைச்சின்னத்தில் வாக்களித்திருப்பார். அப்படிப்பார்த்தால் 44 வருடங்கள்தான்.

50 என்பது தாக்கம் அதிகமாக இருக்க வேண்டும் என்பதற்காக  சொல்லப்பட்ட பொய்.

இப்படி சொல்லப்படும் பொய்களை சிலர் நம்பவும் செய்கிறார்கள் என்பதுதான் கொடுமை.

இவனுக்கெல்லாம் எந்த பல்கலைக்கழகம் டாக்டர் பட்டம் கொடுத்தது என்று தெரியவில்லை. கூசாமல் எப்படி பொய் சொல்வது என்று ஆராய்ச்சி செய்து டாகடரேட் வாங்கியிருப்பானோ? விபரம் தெரிந்தால் வேறு சில பொய்யர்கள் கூட டாக்டராகி விடுவார்கள்.

நாக்கு அழுகிடும் மோடி

 

மோடி இப்போது உதிர்த்த முத்து கீழே உள்ளது.

மோடி சிறுபான்மையினருக்கு எதிராக பேசியதே கிடையாதா?

குஜராத் முதல்வராக இருந்த போது

கலவரத்தில் கொல்லப்பட்டவர்களை “காரின் சக்கரத்தில் அடிபட்ட நாயின் மகன்கள்”  என்றார்

அகதிகள் முகாம்களை “குழந்தைகள் உற்பத்தி தொழிற்சாலை” என்றார்.

பிரதமரான பின்பு

உத்தரப்பிரதேசத் தேர்தலின் போது . . .

“கபர்ஸ்தான்கள் (இஸ்லாமியர்களின் சடலங்களை அடக்கம் செய்யும் இடம்) மின் வசதியோடு ஒளி வெள்ளத்தில் மிதக்கிறது, ஆனால் நம் கோயில்களில் இருள்தான் இருக்கிறது” என்றும்

“இந்த ரயில் விபத்தை எல்லைக்கு அப்பால் உள்ளவர்கள் திட்டமிட்டு இங்கே உள்ளவர்கள் செய்தார்கள்” என்றும் பேசினார்.

இதோ இந்த தேர்தலில்

                                                                                                                                                                                                                                                                                                                                                                                                                      

 காங்கிரஸ் கட்சி உங்களின் தாலி உட்பட அனைத்து சொத்துக்களையும் பறித்து முஸ்லீம்களுக்கு கொடுத்து விடுவார்கள்.                                                                                                                                                                                                                                                                                                                                                                                                                                                                                                                                                                                                                                                                                                                

காங்கிரஸ் ஆட்சிக்கு வந்தால் குழந்தை ராமர் கோயிலுக்கு பாப்ரி மசூதி பூட்டு போட்டு பூட்டி விடுவார்கள். 

 காங்கிரஸ் கட்சி ஆட்சிக்கு வந்தால் ராமர் கோயிலை புல்டோசர் வைத்து இடித்து விடுவார்கள். குழந்தை ராமர் மீண்டும் கூடாரத்துக்கு போய் விடுவார்.

 முஸ்லீம்களுக்கு இட ஒதுக்கீடு கொண்டு வர எஸ்.சி/எஸ்.டி, ஓபிசி இட ஒதுக்கீடுகளை ரத்து செய்ய காங்கிரஸ் திட்டமிடுகிறது.

 காங்கிரஸை முன் வைத்து மோடி விஷம் கக்கியதெல்லாம் இஸ்லாமியர்களுக்கு எதிராகத்தான்.

 மோடி கொண்டு வந்துள்ள குடியுரிமைச்சட்டமே இஸ்லாமியர்களுக்கு எதிராகத்தான்.

 இந்த லட்சணத்தில் சிறுபான்மையினருக்கு எதிராக தான் பேசியதில்லை என்று மோடி சொல்வது பொய், பொய்யைத்தவிர வேறில்லை.

 “பொய் சொன்னால் நாக்கு அழுகித்தான் போகும்” என்று அக்காலத்தில் சொல்வார்கள்.

 மோடியின் நாக்கு அழுகும் நாள் இந்தியாவிற்கு நல்ல நாள்.

மோடியின் நாக்கு மட்டுமல்ல, அழுக வேண்டிய அயோக்கியர்களின் நாக்குகள் இன்னும் நிறையவே இருக்கிறது.

மோடி பொய் சொன்னா ஆராயலாமா?

 

மோடி வாயைத் திறந்தால் வருவதெல்லாம் பொய் என்பது நிரூபணமான பிறகு அவர் சொல்வதை எல்லாம் ஆராயலாமா?

இந்த பொய்யை நம்பி "வாராது வந்த மாமணி" என்பது போல பல அடிமுட்டாள் சங்கிகள் போடும் பதிவுகள்தான் எரிச்சல் தருகிறது.

சங்கி என்றால் அயோக்கியர்களும் அடிமுட்டாள்களும்தான் என்பது தெரிந்தும் கூட எரிச்சல் வருகிறது. அரசியலில் மட்டுமல்ல, அன்றாட வாழ்வில் கூட  சில அயோக்கியர்களுக்கு முட்டு கொடுத்து முட்டாள்களாகிக் கொண்டிருக்கும் சிலரைக் கண்டும் இப்படித்தான் எரிச்சல் வருகிறது. 

என்ன செய்ய இதுதான் மனித இயல்பு!

விலகி நிற்பதே சில சமயம் தீர்வாகி விடுகிறது. 

மோடி கூட நம்ப முடியாத பொய்

 

"ஒரு மனுஷன் பொய் சொல்லலாம், ஆனா ஏக்கர் கணக்கில பொய் சொல்லக்கூடாது" என்ற கவுண்டமணி வசனத்துக்கு பொருத்தமான பொய் கீழே உள்ளது.

ஒரு மந்திரி பதவி நிலைக்க வேண்டும் என்பதற்கு மனுசன் என்னமா கூவறாரு!

மோடி டாப் 100 பொய்கள்- கடைசி 25

 பெல்ஜியம் தோழர் இ.பா.சிந்தன் தொகுத்த மோடியின் டாப் 100 பொய்களில் கடைசி 25 பொய்கள்.

முதல் 75 பொய்களையும் பின்வரும் இணைப்புக்கள் மூலம் சென்று அறியவும்.

மோடியின் டாப் 25 பொய்கள்

மோடியின் அடுத்த 25 பொய்கள்

இன்னொரு இருபத்தி ஐந்து பொய்கள் - மோடியுடையதுதான்

இவை டாப் 100 பொய்கள் மட்டுமே. இதைத்தாண்டியும் ஏராளமாக உண்டு. ஏனென்றால் அந்தாள் வாயைத் திறப்பதே பொய் சொல்லவும் வெறுப்பை கக்கவும்தான்.

இப்படி ஒரு பொய்யன் இனியும் வேண்டுமா? இந்தியா கூட்டணிக்கு வாக்களித்து இந்தியாவை பாதுகாப்போம்.