தமிழ்நாட்டு ஆட்டுத்தாடி அநியாயமாக நிறுத்தி வைத்திருந்த மசோதாக்களுக்கு உச்ச நீதிமன்றம் ஒப்புதல் கொடுத்தமைக்கு கேரளாவின் புதிய ஆட்டுத்தாடி பொங்கியுள்ளது.
நீதிமன்றம்
முடிவெடுத்தால் சட்டமன்றம் எதற்கு, நாடாளுமன்றம் எதற்கு என்று அறிவிலித்தனமாக கேள்வி
எழுப்பியுள்ளது.
கூமுட்டைகளையெல்லாம்
ஆட்டுத்தாடியாக்கினால் அவை இப்படித்தான் அபத்தமாக உளறும்.
சமீப காலமாக உச்ச நீதிமன்றம் மொட்டைச்சாமியாரின் ஆட்சியை தொடர்ந்து கண்டித்துக் கொண்டே இருக்கிறது. புல்டோசர் இடிப்புக்களுக்கு இழப்பீடு கொடுக்கச் சொன்னது.
இப்போது ஒரு சிவில் வழக்கை கிரிமினல் வழக்காக மாற்றியதை கண்டிக்கையில்
வெ.மா.ரோ.சூ.சொ உள்ளவராக மொட்டைச்சாமியார் இருந்தால் இந்நேரம் ராஜினாமா செய்து கோரக்நாதர் கோயிலுக்கு பூசாரியாகி இருப்பார்.
அதெல்லாம் இல்லாததால் தலைமை நீதிபதிக்கு லோயா சிகிச்சை கொடுக்கலாமா என்று சிந்தித்துக் கொண்டு இருப்பார்.
19, நவம்பர், 2021
கடந்தாண்டு
மும்பை உயர்நீதிமன்றத்தின் நாக்பூர் கிளை ஒரு அபத்தமான தீர்ப்பை அளித்தது.
ஒரு சிறுமியை ஒரு கிழவன் பாலியல் சீண்டல் செய்தான் என்று போக்ஸோ சட்டத்தின் கீழ் தொடுக்கப்பட்ட வழக்கில்
அந்த சிறுமி ஆடைகள் அணிந்திருந்ததால், நேரடியான தொடுதல் இல்லாத காரணத்தால் வழக்கை தள்ளுபடி செய்தார் ஒரு பெண் நீதிபதி.
நல்ல வேளையாக அந்த தீர்ப்பிற்கு தடை விதிக்கப்பட்டது மட்டுமல்லாமல் தற்காலிக நீதிபதியாக இருந்த அந்த அம்மையாரை நிரந்தர நீதிபதியாக்காமல் பதவியிலிருந்து அகற்றினர்.
நேற்று உச்ச நீதிமன்றம் நாக்பூர் தீர்ப்பை ரத்து செய்துள்ளது. அது அபத்தமான ஒன்று என்றும் உச்ச நீதிமன்ற தீர்ப்பில் குறிப்பிடப்பட்டுள்ளது.
"ஆடைகள் இருந்ததா, நேரடி தொடுதல் இருந்ததா இல்லையா என்பதெல்லாம் முக்கியமே இல்லை, பாலியல் சீண்டல் நோக்கம் இருந்ததா என்பது மட்டுமே முக்கியம்"
என்று மிகத் தெளிவாக குறிப்பிட்டுள்ளனர்.
குற்றவாளிகள் சட்டத்தின் குறைபாடுகளை பயன்படுத்தி தப்பிக்க அனுமதிக்கப் படக் கூடாது.
கீழேயுள்ள செய்தியை படியுங்கள்
கடைசி தீர்ப்பென்றால், இதை சொன்னதும் அவர் தற்கொலை செய்து கொண்டு இறந்து விட்டதாக கற்பனை செய்யாதீர்கள். அவர் பணியின் இறுதி நாள் நேற்றுதான்.
ஆக பாஜக செயல்திட்டத்திற்கு உகந்த ஒரு தீர்ப்பைக் கொடுத்த அஜய் கிருஷ்ண விஸ்வேஷாவிற்கு நல்ல வெகுமதி வேண்டுமல்லவா! கவர்னர் பதவியைத்தவிர வேறு என்ன பொருத்தமாக இருக்க முடியும்!
அட்வான்ஸ் வாழ்த்துக்கள் அஜய் ...
பிகு: ஒரு எம்.பி பதவியை கொடுத்து உங்களை ஏமாத்திட்டாங்களே ரஞ்சன் கோகாய் அவர்களே!
புது டெல்லி நோய்டாவிற்குப் பக்கத்தில் நித்தாரி என்றொரு சின்ன ஊர். உத்தரபிரதேச மாநிலத்தைச்
சேர்ந்தது. நோய்டாவே உத்தரப்பிரதேசம்தான்
“இந்த
வழக்கு மனிதர்களின் நடத்தையின் இருண்ட பக்கத்தை வெளியில் கொண்டு வந்துள்ளது. ஜாதிய
அமைப்பு முறை, மத வெறி, விளிம்பு நிலை மக்கள் மீதான மனிதத்தன்மையற்ற தாக்குதல்கள் என்று
நம் சமூகத்தின் அசிங்கமான உண்மைகளின் மீது நமது கவனத்தை முன்னிறுத்துகிறது.
சாட்சிகளை
நொடிப் பொழுதில் தடம் மாற வைப்பதன் மூலம் நம் நீதி அமைப்பை எப்படி மோசமாக கையாள முடியும்
என்பதற்கான சான்று இது போன்ற வழக்குகளே”
.jpg)
ஜிக்னேஷ் மேவானி, குஜராத் மாநில சட்டப்பேரவை உறுப்பினரும் தலித் செயற்பாட்டாளாரும் ஆவார். மோடியை விமர்சித்து ட்வீட் போட்டதற்காக அஸ்ஸாம் போலீஸ் கைது செய்தது. பிணை கிடைத்தது, வேனில் செல்கையில் பெண் போலீஸை பாலியல் வன் கொடுமை செய்தார் என்று மீண்டும் கைது செய்து உயர்நீதி மன்றத்தில் அசிங்கப்பட்டு நின்றது அஸ்ஸாமின் பாஜக போலீஸ்.
அவர் வீடு திரும்பிய உடன் ஐந்து வருடத்துக்கு முந்தைய வழக்கில் அனுமதி இல்லாமல் பேரணி சென்றார் என்று மூன்று மாத சிறைத் தண்டனை கொடுத்துள்ளது ஒரு குஜராத் நீதிமன்றம்.
ஐந்து வருடமாக உறங்கிக் கொண்டிருந்த ஒரு வழக்கிற்கு அஸ்ஸாம் பாஜக ஆட்சி அசிங்கப்பட்ட பின்பு தீர்ப்பு வருகிறது.
உபியில் பாஜகவிலிருந்து ஒரு அமைச்சர் கட்சி மாறிய பின்பு எட்டு வருஷத்துக்கு முந்தைய வழக்கில் அவர் கைது செய்யப்படுகிறார்,
A 2 அதிமுக சட்டமன்றக்குழு தலைவராக தேர்ந்தெடுக்கப்பட்டு முதல்வராக நியமிக்குமாறு கடிதம் கொடுத்த மூன்றாவது நாளில் சொத்து குவிப்பு வழக்கின் தீர்ப்பு வந்தது.
ஏன் எல்.ஐ.சி யில் கூட பல வருடங்களாக இழுத்துக் கொண்டிருந்த ஒரு தற்காலிக ஊழியர்கள் வழக்கிற்குக் கூட நிர்வாகத்திற்கு சாதகமான தீர்ப்பு, பங்கு விற்பனை தொடங்குவதற்கு ஒரு வார காலம் முன்பு வருகிறது.
இந்த டைமிங் எல்லாம் நெருடலா இருக்கே ஜட்ஜய்யா.
இன்று வந்த நல்ல செய்தி இது.
ஆணவக் கொலையும் செய்து விட்டு எவ்வளவு திமிராக காவல்துறைக்கு வாய்ஸ் மெஸேஜ் அனுப்பிக் கொண்டிருந்தான். இந்த புகைப்படத்திலேயே அவனின் ஆணவம் தெரிகிறது.
"எழுத்தாளர் பெருமாள் முருகன் இறந்து விட்டான்" என்று வெறுத்துப் போய் அறிக்கை கொடுத்ததிலும் இவனுக்கு முக்கிய பங்கு உண்டாம்.
ஆணவம் பிடித்தவர்கள் தலையில் சம்மட்டி அடியாக விழுந்துள்ள இத்தீர்ப்பு வாழ்க!
இத்தீர்ப்பிற்காக கடுமையாக சட்டப்போராட்டம் நடத்திய வழக்கறிஞர் தோழர் ப.பா.மோகன் அவர்களுக்கு பாராட்டுக்கள்.
இத்தீர்ப்பு உயர் நீதிமன்றத்தில் நீர்த்துப்போகாமல் மாநில அரசு பார்த்துக் கொள்ள வேண்டும்.
இவ்வழக்கை கையாண்ட டி.எஸ்.பி விஷ்ணுபிரியாவை தற்கொலைக்கு தூண்டிய அயோக்கியர்களையும் கண்டு பிடித்து தண்டிக்க வேண்டும்.
வெண்மணியில்
இறந்தவர்கள் 44 பேர் மட்டுமல்ல. கோபால கிருஷ்ண நாயுடு போன்ற செல்வந்தர்கள் எல்லாம்
கொலை செய்திருக்க மாட்டார்கள் என்று சொல்லி குற்றவாளிகளை விடுதலை செய்யப்பட்ட போது
தலை துண்டாகி ரத்தம் கொப்பளிக்க நீதி தேவதையும்
மண்ணில் விழுந்து இறந்து போனது.
கடந்தாண்டு மும்பை உயர்நீதிமன்றத்தின் நாக்பூர் கிளை ஒரு அபத்தமான தீர்ப்பை அளித்தது.
ஒரு சிறுமியை ஒரு கிழவன் பாலியல் சீண்டல் செய்தான் என்று போக்ஸோ சட்டத்தின் கீழ் தொடுக்கப்பட்ட வழக்கில்
அந்த சிறுமி ஆடைகள் அணிந்திருந்ததால், நேரடியான தொடுதல் இல்லாத காரணத்தால் வழக்கை தள்ளுபடி செய்தார் ஒரு பெண் நீதிபதி.
நல்ல வேளையாக அந்த தீர்ப்பிற்கு தடை விதிக்கப்பட்டது மட்டுமல்லாமல் தற்காலிக நீதிபதியாக இருந்த அந்த அம்மையாரை நிரந்தர நீதிபதியாக்காமல் பதவியிலிருந்து அகற்றினர்.
நேற்று உச்ச நீதிமன்றம் நாக்பூர் தீர்ப்பை ரத்து செய்துள்ளது. அது அபத்தமான ஒன்று என்றும் உச்ச நீதிமன்ற தீர்ப்பில் குறிப்பிடப்பட்டுள்ளது.
"ஆடைகள் இருந்ததா, நேரடி தொடுதல் இருந்ததா இல்லையா என்பதெல்லாம் முக்கியமே இல்லை, பாலியல் சீண்டல் நோக்கம் இருந்ததா என்பது மட்டுமே முக்கியம்"
என்று மிகத் தெளிவாக குறிப்பிட்டுள்ளனர்.
குற்றவாளிகள் சட்டத்தின் குறைபாடுகளை பயன்படுத்தி தப்பிக்க அனுமதிக்கப் படக் கூடாது.
தமிழகத்தை அதிர வைத்த ஒரு ஜாதி ஆணவக் கொலைக்கு ஒரு வழியாக தீர்ப்பு வந்துள்ளது. மரண தண்டனையும் ஆயுள் தண்டனையும் அந்த இரக்கமற்ற வெறியர்களுக்கு வழங்கப்பட்டது சரியே என்பதை கீழே உள்ள பதிவை படித்தால் நீங்களும் உணர்வீர்கள். கொடூரத்தை மூடி மறைக்க துணை நின்ற காக்கிச்சட்டைகளும் ஆயுள் தண்டனைப் பட்டியலில் இடம் பெற்றது மகிழ்ச்சியே. . .
இப்பதிவை முக நூலில் பகிர்ந்து கொண்ட தோழர் வெண்புறா சரவணனுக்கு நன்றி சொல்லி பகிர்ந்து கொள்கிறேன்.
உடுமலைப் பேட்டை சங்கர் வழக்கில் மாவட்ட நீதிமன்ற தீர்ப்பு உயர் நீதிமன்றத்தில் தடுமாறியது போல இந்த வழக்கில் நடக்காமல் தமிழ்நாட்டு அரசு பார்த்துக் கொள்ள வேண்டும்.
சாதிவெறியர்களின் பிடியில்
ஒன்றிய அரசின் இந்தி திணிப்பு வெறிக்கு எதிராக மார்க்சிஸ்ட் கம்யூனிஸ்ட் கட்சியின் மதுரை தொகுதி மக்களவை உறுப்பினர் தோழர் சு.வெங்கடேசன் தொடுத்த வழக்கில் ஒன்றிய அரசின் தலையில் தட்டி சென்னை உயர்நீதி மன்றத்தின் மதுரை கிளை தீர்ப்பளித்துள்ளது.
அதனை மற்ற நாடாளுமன்ற உறுப்பினர்கள் பாராட்டியுள்ளது மகிழ்ச்சி அளிக்கிறது.
இப்போதாவது ஒன்றிய அரசு அடங்குமா? அல்லது நீதிமன்ற அவமதிப்பு வழக்கு தொடுக்க வைக்குமா?
அமித்தின் கட்டுப்பாட்டில் உள்ள டெல்லி போலீஸ் நேற்று அசிங்கப்பட்டுள்ளது.
விவசாயிகளின் போராட்டத்தில் சர்வதேச சதி உள்ளது என்று போலியாக சித்தரிக்க சூழலியல் செயற்பாட்டாளர் டில்ஷா ரவி கைது செய்யப்பட்டார்.
சதி அம்பலமாகி அசிங்கப்பட்டு நிற்கிறார்கள் பில்லா ரங்கா கிரிமினல் கூட்டாளிகள்
அவர் நேற்று பிணையில் விடுவிக்கப்பட்டுள்ளார். அவர் பகிர்ந்து கொண்ட டூல் கிட் தீங்கற்றது (INNOCUOUS என்ற வார்த்தை நீதிபதியால் பதிவு செய்யப்பட்டுள்ளது)
காலையில்
எழுதிய பதிவிலேயே, பாபர் மசூதி இடிக்கப்பட்ட வழக்கில் தீர்ப்பு வருமே தவிர நீதி கிடைக்காது
என்று எழுதியிருந்தேன்.
மைசூர் போண்டாவில் மைசூர் இருக்காது என்பது எந்த அளவிற்கு உண்மையோ அது போலவே நீதிமன்றங்களில் நீதி கிடைக்காது என்பதும் உண்மையே . . .
பாபர் மசூதி இடிப்பு தொடர்பான குற்றச் செயலுக்கான வழக்கில் இன்று தீர்ப்பு வரப் போகிறது.
தீர்ப்பு வரும். ஆனால் நீதி வருமா?
பாபர் மசூதி இடத்தை கோயில் கட்ட தாரை வார்த்துக் கொடுத்த தீர்ப்பில் மசூதியை இடித்தது குற்றச் செயல். கிரிமினல் நடவடிக்கை என்று சொல்லப் பட்டுள்ளது. ஆனால் அந்த குற்றச் செயல் செய்தவர்களிடமே இடத்தை ஒப்படைத்தது நீதிமன்றம்.
இன்றுள்ள சூழலில் அத்வானிக்கு எதிராக தண்டனை வரும் என்ற எதிர்பார்ப்பு சிறிதும் இல்லை.
"அயோத்தியில் பாபர் மசூதி இருந்ததா என்ன?"
என்று கேட்காமலும்
"பாபர் மசூதி இடிப்பு சமயத்தில் எடுக்கப்பட்ட புகைப்படங்கள், வீடியோக்கள் எல்லாம் கிராஃபிக் வேலை"
என்று சொல்லாமலும்
இருந்தாலே அதுவே பெரிய விஷயம்.
சேகர் ரெட்டி போன்ற சின்ன லெவல் களவாணிகளே தப்பிக்கையில் அத்வானி மட்டும் மாட்டிக் கொள்வாரா என்ன!
உச்ச நீதிமன்றத்தை இரு ட்விட்டர் பதிவுகள் மூலமாக பிரஷாந்த் பூஷன் இழிவு படுத்தினார் என்று உச்ச நீதிமன்றம் பதிவு செய்த செல்ஃபி அவமதிப்பு வழக்கில் தீர்ப்பு அளித்து விட்டார்கள்.
பிரஷாந்த் பூஷன் ஒரு ரூபாய் அபராதம் செலுத்த வேண்டும் என்று சொல்லி தீர்ப்பளித்து விட்டார்கள்.
ஆம்,
வெறும் ஒரு ரூபாய் தான்.
ஒரு கோடி ரூபாய் என்று முதலில் புளகாங்கிதம் அடைந்த தினமலர் பின்பு சத்தமில்லாமல் பழைய செய்தியை நீக்கி விட்டது.
தீர்ப்பைப் பற்றி ஒன்றும் சொல்ல விரும்பவில்லை. உச்ச நீதிமன்றமே தனது மதிப்பை வெறும் ஒரு ரூபாய் அளவிற்கு குறைத்துக் கொண்ட பின்பு நாம் சொல்ல என்ன இருக்கிறது!
காழ்ப்புணர்வின் காரணமாக அதிகாரத்தை தவறாக பயன்படுத்தினால் இப்படிப்பட்ட பரிதாபமான நிலைதான் வரும் என்பதை அனைவரும் புரிந்து கொண்டு நடக்க வேண்டும்.
இன்று காலை நாளிதழ் வர கால தாமதம் ஆனதால் நேற்றைய நாள்தழை படித்துக் கொண்டிருந்தேன்.
மோடியின் மர்ம நிதி குறித்த உச்ச நீதி மன்றத்தின் தீர்ப்பைப் பற்றி கூறிய பாஜக தலைவர் நட்டா "இத்தீர்ப்பு ராகுல் காந்திக்கு பலத்த அடி" என்று சொல்லியிருந்தார்.
அந்த மனிதனிடம் சிலவற்றை பேச வேண்டியுள்ளது.
முதலில் அந்த தீர்ப்பு அபத்தமானது, உண்மைக்கு மாறானது. அதிகார துஷ்பிரயோகத்தை காணாமல் கண்ணை மூடிக்கொண்டு, ஆட்சியாளர்களின் உள்ளக்கிடக்கைக்கு ஏற்ப அளிக்கப்பட்ட தீர்ப்பு.
தீர்ப்பு கண்டு கொள்ளாத உண்மைகள் பற்றி நேற்றே எழுதினேன். மீண்டும் அதனை பகிர்ந்து கொள்கிறேன்.
பொது அறக்கட்டளை நிதி என்றால் அதற்கு ஏன் பி.எம்.கேர்ஸ் நிதி என்று பெயர் வைத்து அரசு நிதி போலவே தோற்றம் தர வேண்டும்?
பொது அறக்கட்டளை நிதிக்கு ஏன் அரசு அடையாளங்களாக அசோகச் சின்னம் போன்றவற்றை பயன்படுத்த வேண்டும்?
நிதி வழங்குவது தனி நபர் விருப்பம் என்றால் மத்தியரசு ஊழியர்கள் ஊதியத்திலிருந்து கட்டாயமாக பிடித்து பி.எம் கேர்ஸ் நிதிக்கு அனுப்ப வேண்டும்?
ரயில்வேஸ், எல்.ஐ.சி உள்ளிட்ட நிறுவனங்கள் தங்கள் நன்கொடையை மர்ம நிதிக்கு மட்டும்தான் அனுப்ப வேண்டும் என்று வலியுறுத்த வேண்டும்?
கார்ப்பரேட் சோஷியல் ரெஸ்பான்ஸிபிலிட்டியாக பி.எம்.கேர்ஸ் நிதிக்கு பணம் அனுப்பினால் போதும் என்று ஏன் சொல்ல வேண்டும்?
இவை மட்டுமல்ல, நாடாளுமன்ற உறுப்பினர்களின் தொகுதி மேம்பாட்டு நிதியும் இரண்டாண்டுகளுக்கான தொகையும் மர்ம நிதிக்கு மடை மாற்றப் பட்டுள்ளது.
இத்தனைக்குப் பிறகும் பி.எம் கேர்ஸ் என்பது ஒரு தனியார் அறக்கட்டளை நிதி என்று சொல்லுமானால்
அது
நீதிக்கு விழுந்த அடி
நேர்மைக்கு விழுந்த அடி,
வெளிப்படை நிர்வாகத்திற்கு விழுந்த அடி
உண்மைக்கு விழுந்த அடி
மக்கள் மீது விழுந்த அடி.
முன்பெல்லாம் அரசு என்ன விரும்புகிறதோ, அதை அப்படியே பரிந்துரையாக கொடுக்க கமிட்டிகள் நியமிப்பார்கள்.
இப்போதெல்லாம் அர்சு என்ன விரும்புகிறதோ அதையே . . . .
எனக்கேன் வம்பு, அவமதிப்பு வழக்குக்கு நான் தயாராக இல்லை.
மோடி திரட்டி வைத்துள்ள பல்லாயிரக்கணக்கான கோடி ரூபாய் மர்ம நிதி பற்றி நேற்று உச்ச நீதிமன்றம் ஒரு தீர்ப்பு கொடுத்துள்ளது.
அந்த நிதி ஒரு பொது அறக்கட்டளை நிதி, அதற்கு பணம் வழங்குவது தனி நபர் விருப்பம். இது ஒன்றும் அரசு நிதி கிடையாது, ஆகவே அதனை அரசு தணிக்கையாளர் தணிக்கை செய்ய வேண்டியது அவசியமில்லை. தேசிய பேரிடர் நிதிக்கு பிஎம் கேர்ஸ் நிதியை மாற்ற வேண்டிய அவசியமில்லை என்றெல்லாம் அந்த தீர்ப்பு சொல்கிறது.
நமக்கு சில கேள்விகள் உள்ளது.
பொது அறக்கட்டளை நிதி என்றால் அதற்கு ஏன் பி.எம்.கேர்ஸ் நிதி என்று பெயர் வைத்து அரசு நிதி போலவே தோற்றம் தர வேண்டும்?
பொது அறக்கட்டளை நிதிக்கு ஏன் அரசு அடையாளங்களாக அசோகச் சின்னம் போன்றவற்றை பயன்படுத்த வேண்டும்?
நிதி வழங்குவது தனி நபர் விருப்பம் என்றால் மத்தியரசு ஊழியர்கள் ஊதியத்திலிருந்து கட்டாயமாக பிடித்து பி.எம் கேர்ஸ் நிதிக்கு அனுப்ப வேண்டும்?
ரயில்வேஸ், எல்.ஐ.சி உள்ளிட்ட நிறுவனங்கள் தங்கள் நன்கொடையை மர்ம நிதிக்கு மட்டும்தான் அனுப்ப வேண்டும் என்று வலியுறுத்த வேண்டும்?
கார்ப்பரேட் சோஷியல் ரெஸ்பான்ஸிபிலிட்டியாக பி.எம்.கேர்ஸ் நிதிக்கு பணம் அனுப்பினால் போதும் என்று ஏன் சொல்ல வேண்டும்?
இந்த கேள்விகளைப் பற்றியெல்லாம் ஏன் உச்ச நீதிமன்றம் பரிசீலிக்காமல் கள்ள மௌனம் சாதித்தது என்று நாம் கேட்கலாம்.
ஆனால் யார் வாயைத் திறந்தாலும் நீதிமன்ற அவமதிப்பு வழக்கு போடும் மூடில் உச்ச நீதிமன்றம் உள்ளதால் நமக்கேன் வம்பு? நான் எதுவும் கேட்கலைங்க!
