எடப்பாடியெல்லாம் மனுசனா?

 

தான் நடத்திய பொதுக்கூட்டத்தின் வழியே சென்ற ஆம்புலன்ஸ் ஓட்டுனரை எடப்பாடி எனும் எடுபிடி மிரட்டிய காணொளியை பார்த்தேன்.

ஆம்புலன்ஸ் கடந்து சென்றால் அதற்கு வழி விட வேண்டும் என்பது மனிதர்கள் பின்பற்ற வேண்டிய சாதாரண விதி. நோயாளி சிகிச்சைக்காக விரைவில் செல்ல வழி விட வேண்டும் என்பதெல்லாம் ஒருவரின் ரத்தத்தில் கலந்திருக்க வேண்டிய குணம்.

அந்த குணம் கூட இல்லாமல் ஆம்புலன்ஸ் ஓட்டுனரை மிரட்டுவது,  பின்பு கவனித்துக் கொள் என்று கட்சிக்காரர்களுக்கு உத்தரவு போடுவதெல்லாம் கேவலம். இதை செய்துள்ள எடுபிடியை மனிதன் என்று சொல்வது மனித குலத்திற்கு அவமானம். ம்னுசன் என்று சொல்ல முடியாத ஒரு ஆள் முதல்வராக இருந்தது என்பதெல்லாம் தமிழ்நாட்டிற்கு அவமானம்.

காலி ஆம்புலன்ஸ் என்றொரு  ...... பிளக்கும் வாதம் வைக்கப்படுகிறது. அட முட்டாள்களே! நோயாளியை வீட்டிலிருந்தோ, விபத்தானால் ரோட்டிலிருந்தோ அழைத்துச் செல்ல ஆம்புலன்ஸ் காலியாகத்தான் செல்ல வேண்டும்.

நான் விபத்துக்குள்ளான சமயத்தில் அடுத்த கட்ட சோதனைகளுக்காக மூன்று முறை மருத்துவ மணைக்கு ஆம்புலன்ஸில்தான் சென்றேன். என்னை வீட்டிலிருந்து அழைத்துச் செல்ல ஆம்புலன்ஸ் காலியாகத்தான் வந்தது.

இன்னொன்று இவர் கூட்டத்திற்கு வேண்டுமென்றே இடையூறு செய்கிறார்களாம்.

அதற்கெல்லாம் அவர் வொர்த்தில்லை என்பதை அவரிடம் யாராவது சொல்லுங்களேன்.

காலி ஆம்புலன்ஸ் 

தெய்வக்குழந்தையா? முட்டாப்பசங்களா . .

 

உத்தரப்பிரதேசத்தில் இன்று மெயின் கேலிக்கூத்தைத் தவிர ஒரு  கேலிக்கூத்திற்கும்  ஏற்பாடு செய்யப்பட்டுள்ளதாம். 

பல தனியார், அரசு மருத்துவமனைகளில் சிசேரியன் ஆப்பரேஷன் செய்து இன்று ஆண் குழந்தைகளை பிரசவிப்பதற்கான ஏற்பாடு. கருவின் பாலினம் கண்டறிவதே கிரிமினல் குற்றம். ஆனால் இங்கே அதற்கடுத்த நிலைக்கு செல்கிறார்கள்.

எதற்கு?

இன்று பிறக்கும் ஆண் குழந்தைகள் ராமர் போல தெய்வக்குழந்தைகளாக இருப்பார்களாம்.

அட முட்டாப்பசங்களா!

குழந்தை, தாய் இருவரின் உடல் நிலை பற்றி கொஞ்சமும் கவலை இல்லாமல் செய்யப்படுகிற முட்டாள்தனம். முழுமையாக வளர்ச்சி அடையாத குழந்தையை வெளியில் எடுத்தால் அதன் எதிர்காலம் என்னாகும்?

அப்பட்டமான ஆணாதிக்க சிந்தனை!

அதுவும் பொருத்தம்தான் ...

கட்டிய மனைவியை தீயில் இறங்க வைத்து பின் கர்ப்பிணி என்றும் பாராமல் காட்டிற்கு அனுப்பியவரைப் போல குழந்தை வேண்டும் என்று  விரும்புபவர்கள் மட்டும் சமத்துவ சிந்தனையோடா இருப்பார்கள்!

ஆணாதிக்கவாதிகள்தான் . சங்கி குணாம்சம்தானே இது!

விழுந்தே விட்டானய்யா!

 

"விழுந்தே விட்டானய்யா!" என்ற இம்சை அரசன் திரைப்பட வசனம், சாமியார்களின் கால்களில் விழுந்தால் தமிழ்நாட்டு மக்களின் ஓட்டுக்களைப் பெறலாம் என்று எந்த கூமுட்டையோ (அது விஷ மூர்த்தியோ அல்லது ஆட்டுத்தாடியாகவோ இருக்கலாம்) கொடுத்த ஆலோசனையை நம்பி மோசடி வேலை செய்யும் இன்னொரு கூமுட்டைக்கும் கனகச்சிதமாக பொருந்துகிறது என்று கருதினால் நீயும் என் தோழனே!