பிராந்தர்களின் தேசமல்ல கேரளம் . . .

காவிகள் தூக்கிப் பிடிக்கும் விவேகானந்தர்தான்

“பைத்தியக்காரர்களின் நாடு கேரளம்”

என்று கூறினார்.

பார்த்தால் தீட்டு, பேசினால் தீட்டு, நிழலுக்கும் தீட்டு என்று மிக மோசமான தீண்டாமைக் கொடுமை நிலவும் பகுதியாக கேரளம் திகழ்ந்ததைப் பார்த்து மனம் நொந்து போய் கூறியது அது.

அய்யங்காளி, நாராயணகுரு போன்ற சமூக சீர்த்திருத்தவாதிகளின் கடுமையான உழைப்பு, தோழர்கள் இ.எம்.எஸ், ஏ.கே.ஜி ஆகியோரின் தீவிரமான பணி ஆகியவை நிலைமையை மாற்றியது.

தோழர் இ.எம்.எஸ் தலைமையிலான முதல் கம்யூனிஸ அரசு, ஒடுக்கப்பட்ட மக்களுக்கு நிலத்தை பகிர்ந்தளித்து அவர்களை தலை நிமிர வைத்தது.

தொடர்ந்த இடது முன்னணி அரசுகள் மேற்கொண்ட முயற்சிகள் கேரளத்தை நூறு சதவிகிதம் எழுத்தறிவு பெற்ற முதல் மாநிலமாக மாற்றியது. தீண்டாமைக் கொடுமைகள் கட்டுப்படுத்த மாநிலமாகவும் திகழ்கிறது.

ஒற்றுமைக்கு உதாரணமாகவும் கேரளத்தைத்தான் சொல்ல முடியும். வெள்ள நிவாரணப்பணி ஒன்று போதும் சான்று சொல்ல.

இந்த நிலைமையை சீர்குலைக்க காவிக்கயவர்கள் முயல்கிறார்கள். சபரிமலைக்கு பெண்களை அனுமதிக்க வேண்டும் என்ற உச்ச நீதிமன்ற தீர்ப்பின் பின்னணியில் கலவரத் தீயை மூட்டி குளிர் காய விழைகிறார்கள்.

அன்று பார்த்தால், பேசினால், நிழல் தீண்டினால் தீட்டு என்று நடைமுறைப்படுத்தி  கேரளாவிற்கு “பைத்தியக்காரர்களின் தேசம்” என்று விவேகானந்தரிடம் யார்  பெயர் வாங்கிக் கொடுத்தார்களோ, அவர்களின் வாரிசுகள்தான் இன்று பெண்களை ஒடுக்க ஐயப்பனை ஒரு ஆயுதமாக கையில் எடுக்கிறார்கள்.

ஆனால்

இப்போது கேரளம், பைத்தியக்காரர்களின் தேசம் அல்ல.

அறிவும் அர்ப்பணிப்பும், போராட்ட உணர்வும் கொண்ட தோழர்களின் தேசம்.

அவர்கள் அனைத்து சதிகளையும் முறியடிப்பார்கள்,

கேரளத்தை பாதுகாப்பார்கள். ..