கலங்க வைத்த சின்னக்குயில் சித்ரா

ஒரு தோழர் அனுப்பிய காணொளி இது.

பல முறை கேட்டு ரசித்ததை உங்களோடு பகிர்ந்து கொள்கிறேன்.

உண்மையைச் சொல்ல வேண்டுமானால் பாடல் வரிகள் புரியவில்லை. ஆனால் சித்ராவின் குரலும் பாடலில் அவர் வெளிப்படுத்திய உணர்வுகளும் மனதை என்னமோ செய்கிறது. அப்படியே உள்ளத்தை உருக்குகிறது.  வெறும் குரல் ஜாலம் அல்ல. பாடலின் அர்த்தத்தை அப்படியே உள்வாங்கி குரல் வழியாக அல்லாமல் மனதின் வழியே பிரதிபலிக்கிற அற்புதம்.

நேரில் கேட்டவர்களும் வேறு ஏதோ உலகிற்கு போய் விட்டார்கள் என்பதை அவர்களின் முகக்குறிப்புகளிலிருந்து அறிந்து கொள்ள முடிகிறது. எஸ்.பி.ஷைலஜா அப்படியே உறைந்து போய் அமர்ந்திருக்கிறார். கே.விஸ்வநாத், யேசுதாஸ், எஸ்.பி.பி, பி.சுசீலா, இன்னும் பலர் அப்படியே பாடலோடு ஐக்கியமாகி விட்டார்கள் என்பது புரிகிறது. மனோவின் கண்களிலோ கண்ணீர் வடிகிறது. 

இசை மொழிகளைக் கடந்தது என்பது மிகப் பெரிய உண்மை.

அதே நேரம் மொழி மட்டும் புரிந்திருந்தால் இப்பாடல் இன்னும் பெரிய சுகானுபவமாகக் கூட  இருந்திருக்கும்.

மொழி புரிந்தவர்கள் கொஞ்சம் சொல்லுங்களேன்.

புரியாதவர்களும் பாருங்கள், ரசியுங்கள் . . .