சிங்கத்தின் கால்கள் பழுதுபட்டாலும்.

 

இன்று எல்.ஐ.சி யின் 66 வது உதய தினம்.

எப்போதும் போல இன்றும் இந்தியா முழுதும் எல்.ஐ.சி தினம் அதன் ஊழியர்களால், அதிகாரிகளால், வளர்ச்சி அலுவலர்களால், முகவர்களால் உற்சாகமாக, உணர்வு பூர்வமாக கொண்டாடப்பட்டது.

இந்தியாவில் வேறு எந்த நிறுவனத்திலாவது இது போல ஊழியர்கள் தங்கள் இல்ல விழா போல தங்கள் நிறுவனத்தின் பிறந்த நாளை மகிழ்ச்சியாக கொண்டாடுகிறார்களா என்பது தெரியாது.

எங்களைப் பொறுத்தவரை எல்.ஐ.சி எங்கள் வாழ்வோடு கலந்தது. 66 வது வருடத்தையும் தாண்டி நூற்றாண்டு கொண்டாடும். அப்போதுள்ள ஊழியர்களும் அன்றைக்கும் இதே உற்சாகத்துடன் கொண்டாடுவார்கள்.

ஏனென்றால் எங்கள்  வாழ்வோடு கலந்தது எல்.ஐ.சி. LIC is the ideological commitment of AIIEA என்று எங்கள் மூத்த தலைவர் தோழர் அமானுல்லா கான் சொல்வார். அதுதான் இன்றைய கொண்டாட்டங்களில் வெளிப்பட்டது. வெறும் கொண்டாட்டத்தில் மட்டுமல்ல, எல்.ஐ.சி யை பொதுத்துறை நிறுவனமாக பாதுகாக்கும் இயக்கங்களிலும் வெளிப்படும்.

மூன்றரை சதவிகித பங்குகள் விற்கப்பட்டதால் எல்.ஐ.சி மீதான உடமை உணர்வு மாறி விடுமா என்ன?

 சிங்கத்தின் கால்கள் பழுது பட்டாலும் சீற்றம் குறையாதல்லவா !!!!