ஒவ்வொரு வருடமும் சிவில் சர்வீஸஸ் தேர்வு, ஐ.ஐ.டி நுழைவுத் தேர்வு முடிவுகள் வந்ததும் பயிற்சிப் பள்ளிகள் தங்கள் வெற்றி மாணவர்கள் என்றொரு பட்டியலை நாளிதழ்களின் முதல் பக்கத்தில் பல வண்ண விளம்பரமாக அளிப்பார்கள்.
பல மாணவர்கள் எல்லா பட்டியலிலும் இருப்பார்கள்.
இந்த வருடம் சிவில் சர்வீஸஸ் தேர்வு முடிவுகளுக்குப் பின் வெளியான மூன்று விளம்பரங்களைப் பாருங்கள்.
6, 9, 12 இடங்களில் வந்தவர்கள் மூன்று விளம்பரங்களிலும் உள்ளார்கள்.
2,15,16,19 இடங்களில் வந்தவர்கள் தங்கள் பள்ளியில் படித்ததாக இரண்டு விளம்பரங்கள் சொல்கிறது.
ஏம்பா, நீங்க நிஜமாக எங்கதான் படிச்சீங்க? ஒன்றிலா? இரண்டிலா? இல்லை மூன்றிலுமா?
இல்லை மூன்றிலும் பணம் கட்டி கோனார் நோட்ஸ் போல ஏதாவது வாங்கிக் கொண்டீர்களா?
ஒன்றுக்கும் மேற்பட்ட இடத்தில் படிக்க எப்படித்தான் நேரம் கிடைத்ததோ? செலவு செய்ய பணம் கிடைத்ததோ?
பயிற்சி மையங்களில் படித்தால்தான் தேர்வு என்றொரு நிலை வந்தால் நாளை சிவில் சர்வீஸஸ் தேர்வுகளிலும் பணம் படைத்தவர்கள்தான் வெற்றி பெற முடியும் என்றாகி விடும்.
இந்த விளம்பரங்களைப் பார்த்தால் அந்த கவலைதான் வருகிறது.
No comments:
Post a Comment