மே தினம் - அ முதல் ஔ வரை

 

  

அடிமை விலங்கை அறுத்தெறிந்து
ஆர்ப்பரித்தெழுவோம்.
இப்பூவுலகின் உரிமையாளர்கள் எங்களை
ஈனர்களாய் நடத்த
உரிமை இல்லை உடமையாளருக்கென
ஊரெங்கும் கேட்க உரக்கச் சொல்வோம்.
என்றென்றும் போராட்டம்தானா என
ஏக்கத்துடன் கேட்போருக்கு
ஒற்றுமையின் வலிமையில்
ஓங்கிடும் நம் கரங்கள் என்றே நம்பிக்கையளிப்போம்.
ஔடதமாய் நாம் திகழ்வோம் வலி சுமந்த தொழிலாளிக்கு.
 
வரலாற்று நாயகர்களை நினைவில் கொண்டு
நிகழ்காலத்தில் புது வரலாறு படைப்போம்
எதிர்காலம் என்றும் நமதே.
  

 மே தின வாழ்த்துக்கள்.