அதிமுக விற்கு 'வட" போச்சே

புலி வருது என்று சொல்லப்பட்டு வந்தது. கடைசியில் புலி வந்து விட்டது. வேலூர் மக்களவைத் தொகுதிக்கான தேர்தல் ரத்து செய்யப்பட்டு விட்டது.

இதன் மூலம் வேலூரைத் தவிர மீதமுள்ள முப்பத்தி எட்டு 

தொகுதிகளிலும் தமிழகத்தில் பணப்புழக்கம் இல்லாமல்  நேர்மையாக தேர்தல் நடக்கப் போவது போன்றதொரு தோற்றத்தை  உருவாக்க தேர்தல் ஆணையம் முயற்சிக்கிறது.

இதுதான் நேர்மையற்ற செயல்.

இந்த முடிவின் மூலம் யாருக்கு பாதிப்பு?

வேலூர் தொகுதியைச் சேர்ந்தவன் என்ற முறையில் நிச்சயமாகச் சொல்வேன்.

பாதிப்பு, பாவம் இரட்டை இலை சின்னத்தில் நிற்கும் ஏ.சி.சண்முகத்திற்குத்தான்.

பல இடங்களிலிருந்து கிடைக்கும் தகவல் படி அதிமுக தான் தன்னுடைய பணப் பட்டுவாடாவை கடந்த சனி, ஞாயிறு அன்றே முடித்து விட்டது. ஐநூறு முதல் ஆயிரத்து ஐநூறு வரை ஒரு வோட்டுக்கு தரப்பட்டதாக தகவல். கூடுதல் தொகை என்பது வேலூர் மக்களவைக்கு உட்பட்ட சட்டப் பேரவைத் தேர்தல் நடைபெறவுள்ள ஆம்பூர், குடியாத்தம் தொகுதிகளுக்கு.

ஆக மொத்தம் அவர்கள் கொடுத்த பணம்தான் விரயம்.

அவங்களுக்குத்தான் "வட போச்சே" நிலை.