இடிப்பதைத் தவிர வேறென்ன தெரியும் உனக்கு?

கொலை செய்வீர்!

கொள்ளையடிப்பீர்!

கலவரம் செய்து

ரத்த ஆற்றை ஓட வைப்பீர்!

செய்ய வாய்ப்பில்லாததை

செய்வேன் என்று

பொய் சொல்வீர்!

நடக்காத ஒன்றை

நடந்ததாய்ச் சொல்லி

வதந்திகளைப் பரப்பி

வெறுப்பை வளர்ப்பீர்!

ஆக்கபூர்வமாய் ஏதும்

சிந்திக்க மாட்டீர்!

அறிவென்பதே

சிறிதும்  இல்லாத

அழிவு சக்தி அல்லவா நீங்கள்!

எதையும் உருவாக்க

இயலாத உங்களால்

இடிக்கவும் உடைக்கவும்

மட்டுமே முடியும்!

அன்று  பாபர் மசூதி

இன்று  லெனின்  சிலை

விபத்தாய் ஆட்சிக்கு வந்ததன்

விபரீத விளைவன்றி

வேறென்ன இது!

சிலையை இடித்தால்

சித்தாந்தம் மறையாது.

முன்னைக்  காட்டிலும்

இன்னும் வேகமாய்

உறுதியாய் பரவும்.

மூடர்கள் உமக்கு

இதெல்லாம் எங்கே புரியும்?

நாச வேலைகளையும்

நச்சைக் கலப்பதையுமன்றி

வேறென்ன உமக்கு தெரியும்?

எவ்வளவு முடியுமோ

அத்தனை ஆட்டத்தையும்

இன்றே ஆடி முடித்திடு.

நாளை எங்களின் நாள்.

உங்கள் கணக்கை முடிக்கும்

இறுதித் தீர்ப்பெழுதும் நாள்.