கேலிக்கூத்தாய் ஒரு 144

சட்டம் ஒழுங்கை பராமரிப்பது என்ற பெயரில் ஜன நாயகத்தை முடக்க ஆட்சியாளர்கள் பயன்படுத்தும் ஒரு மோசமான ஆயுதம் 144 தடை உத்தரவு.

அந்த பிரிவின்படி தடை உத்தரவு போடப்பட்டாலும் சவ ஊர்வலம் தவிர வேறு எந்த நிகழ்ச்சிக்கும் அனுமதி மறுக்கப்படும். நான்கு பேர் சாலையில் ஒன்றாகக் கூட செல்லக்கூடாது. மீறிச்சென்றால் போலீஸின் குண்டாந்தடி பிரயோகிக்கப்படும்.

கலவரத்தை உருவாக்கி அதிலே குளிர் காய வேண்டும் என்ற ஒரே எண்ணத்தோடு காவிகள் ராம ராஜ்ய யாத்திரை என்ற பெயரில் ஒரு ர(த்)த யாத்திரை நடத்துகிறார்கள். கர்னாடகாவிலும் கேரளாவில் மக்களால் புறக்கணிக்கப்பட்டதால் வெறி கொண்டு தமிழகத்தில் நுழைகிறது யாத்திரை.

எச்.ராசா உள்ளிட்டவர்களின் வெறித்தனமான பேச்சால் ஏற்கனவே தகித்துக் கொண்டிருக்கிற தமிழகத்தில் இந்த ரத்த யாத்திரையை அனுமதிக்கக் கூடாது என்று பல அமைப்பினர் போராடுகின்றனர். அதனால் நெல்லை மாவட்டத்தில் 144 தடை உத்தரவு போடப்படுகிறது.

அப்படியானால் ரத்த யாத்திரைக்கும் அனுமதி மறுக்கப்படுகிறது என்றுதானே அர்த்தம்?

இல்லை

ரத்த யாத்திரை தொடரும். காவிகளின் வெறியாட்டத்திற்கு காவல்துறை பாதுகாப்பு வழங்கும். ஆனால் ரத்த யாத்திரிக்கைக்கு எதிரானவர்கள் தடுத்து நிறுத்தப்படுவார்கள். கைது செய்யப்படுவார்கள்.

தடை உத்தரவு என்றால்  அது அனைவருக்கும் பொதுதானே! ஒரு பிரிவை இஷ்டம் போல என்ன வேண்டுமானால் செய்து கொள் என்று சுதந்திரமாக சுற்றித் திரிய விட்டு இன்னொரு பிரிவை தடுப்பது என்ன நியாயம்?

இவ்வளவு கேவலமாக நடந்து கொள்ள எடுபிடி வகையறாக்களால் மட்டுமே முடியும்.