ஆளுனரை நீக்கு, அவைக்குறிப்பை நீக்கு . .

யெட்டி ராஜினாமா நல்ல விஷயம். 

நீண்ட  நாட்களுக்குப் பிறகு நடந்த நல்ல தரமான சம்பவம்.

பதினைந்து நாள் அவகாசம் இருபத்தி நான்கு மணி நேரமாக குறைக்கப்பட்டதால் குதிரை பேர டீலிங்கிற்கு வாய்ப்பில்லாமல் வேறு வழியில்லாமல் நடந்த சம்பவம்.

"அசிங்கப்பட்டான் ஆட்டோக்காரன்"

என்பது இப்போது யெட்டியை விட மோடியை விட

கர்னாடக ஆட்டுத்தாடிக்குத்தான் மிகவும் அசிங்கம்.

தன் விசுவாசத்தைக் காண்பிக்க யெட்டியை பதவியேற்க அழைத்த,

தன்னைப் போலவே இன்னொரு மோசடிப் பேர்வழியை தற்காலிக சபாநாயகரை நியமித்த

ஆளுனர், வெட்கம், மானம், ரோஷம் இருந்தால் அவரே ராஜினாமா செய்ய வேண்டும்.

அதெல்லாம் அவர்களுக்கு இருக்க வாய்ப்பில்லை.

ராஜினாமா செய்வது என்று முடிவெடுத்த பின்பு எதற்கு உணர்ச்சி பொங்க உரை நிகழ்த்த வேண்டும்? அது எல்லாமே பொய், பொய்யைத் தவிர வேறொன்றுமில்லை.

அவசியமற்ற அந்த உரை கர்னாடக சட்டப்பேரவை ஆவணங்களில் பதிவாக வேண்டிய அவசியமில்லை.

அதையும் நீக்கிட வேண்டும்.

இறுதியாக காங்கிரஸ் மற்றும் மதச்சார்பற்ற ஜனதா தளக் கட்சிக்கு ஒரு வார்த்தை.

உங்களுக்கான உண்மையான சோதனை இப்போதுதான் தொடங்குகிறது. அடிபட்ட நரி மூர்க்கத்துடன் திருப்பித் தாக்கும். உங்களின் ஒற்றுமை மூலமும் மக்களுக்கான நல்லாட்சி மூலமும்தான் இப்போது கிடைத்துள்ள வெற்றிக்கனியை தக்க வைத்துக் கொள்ள முடியும். 

அதை மட்டும் மறந்து விடாதீர்கள்.