எங்ககிட்ட ஏண்டா கேட்கறீங்க?

மோடி அபிமானிகள் நாகரீகமாகவும் அநாகரீகவும் ஆபாசமாகவும் ஒரு கேள்வியை கேட்டுக் கொண்டே இருக்கிறார்கள்.

“மோடி மீண்டும் வந்தால் என்ன செய்வீர்கள்?”

என்பதுதான் அந்த அதி மேதாவித்தனமான கேள்வி

“மோடி மீண்டும் வந்தால் தீக்குளித்து விடுவீர்கள் போல” என்று இன்னொரு அனானி உள்ளமெல்லாம் வக்கிரமாக சொன்னது.

பாவம் அவர்களுக்கெல்லாம் ஒரு விஷயம் தெரியவில்லை.

கம்யூனிஸ்டுகளைப் பொறுத்தவரை அவர்களின் பல்வேறு பணிகளில் தேர்தலும் ஒன்று.

கம்யூனிஸ்டுகள் தேர்தலில்  போட்டியிடுவது என்பது நாடாளுமன்ற, சட்டப் பேரவைகளை பயன்படுத்திக் கொண்டு மக்களுடைய வாழ்க்கைத் தரத்தை முன்னேற்ற பாடுபடுவது.

முதலாளிகளுக்கு சேவகம் செய்யவோ, அவர்களிடம் வாங்கிய எலும்புத் துண்டுகளுக்கு விசுவாசமாக வாலாட்டவோ பதவிக்கு வர முயற்சிக்கவில்லை.

கம்யூனிஸ்டுகள் பொறுப்பிற்கு வந்தால் அது மக்களுக்குத்தான் நல்லது. அப்படி வரவில்லையென்றால் அது மக்களுக்குத்தான் இழப்பு.

எனக்கு ஓட்டு போடாவிட்டால் எதுவும் செய்ய மாட்டேன் என்று மிரட்டும் மேனகா காந்தி போன்ற பாஜக ஆட்கள் கிடையாது கம்யூனிஸ்டுகள்.

ஆனால்

தேர்தலை அரசியல் மூலதனமாக கருதும் பாஜகவினர்தான் தோல்வி அடைந்து விட்டால் இடிந்து போய் விடுவார்கள். ஆளுங்கட்சி என்ற ஆணவத்தில் ஆட முடியாதே என்று ஏங்கிப் போய் விடுவார்கள். 

அதிலும் ஐந்தாண்டு காலம் உல்லாச வாழ்வை மக்களின் வரிப்பணத்தில் அனுபவித்து வந்த மோடியின் மன நிலை என்ன ஆகும்?

தோற்றுப் போய்விட்டால் என்ன செய்வீர்கள் என்ற கேள்வியை மோடியிடம் கேளுங்கள்.

எடுபிடி எடப்பாடியிடம் கேளுங்கள்

எங்களிடம் கேட்காதீர்கள்.

தேர்தலில் வென்றாலும் சரி, தோற்றாலும் சரி, வருகிற ஆட்சி மக்களுக்கு எதிராக செயல்பட்டால் மக்களை திரட்டிப் போராடுவோம், முன்னை விட உறுதியாக, முன்னை விட வேகமாக