தனியார் பள்ளிகள் அரசுக்கு அளிக்கும் மாமூலா இது? வெட்கக்கேடு

 
ஜெ வின் விடுதலைக்காக தமிழகத்தில் நடக்கும் போராட்டங்கள் கொஞ்சம் கொஞ்சமாக எரிச்சலூட்டக் கூடியதாகவும் கேலிக்கூத்தாகவும் மாறிக் கொண்டிருக்கிறது என்பதை அதிமுககாரர்கள் உணர்ந்தால் நல்லது.

காலம் கடந்து வழங்கப்பட்ட நியாயமான தீர்ப்பு என்பதையும் தாண்டிக் கூட ஒரு பகுதி மக்களுக்கு ஜெ மீது அனுதாபம் கூட ஏற்பட்டது. ஆனால் தொடர்ச்சியாக நடத்தப்படும் போராட்டங்கள், அதிலே பேசப்படும் விஷயங்கள், போராட்டம் நடத்த அதிமுகவைத் தாண்டிய அமைப்புக்களுக்கு அளிக்கப்படும் அழுத்தங்கள் இவையெல்லாம் ஜெ மீது ஏற்பட்ட அனுதாபத்தை குறைத்துக் கொண்டு வருகிறது. 
 

போராட்டங்களில் பேசுகிற பேச்சுக்கள் நாகரீக வரம்பைத் தாண்டி போய்க்கொண்டிருக்கிறது.

இந்த நிலையில் பரவலாக எல்லோரையும் கோபப்படுத்தியுள்ள விஷயம் தனியார் பள்ளிகள் நடத்தவுள்ள  வேலை நிறுத்தம். 

ஒரு வார்த்தையில் சொல்ல வேண்டும் என்றால் "அபத்தம்"

கட்டணக் கொள்ளை அடிப்பதால் அரசுக்கு அடிபணிய வேண்டிய அவசியம் உள்ளதால் அவர்கள் இப்படி போராட்டம் நடத்த வேண்டிய அவசியம் உள்ளது போலும்.

ஆனால் 

இந்த பள்ளிகள் மாணவர்களுக்கு என்ன செய்தி சொல்லித் தரப் போகிறது?

கொள்ளையடி, தவறில்லை

ஊழல் செய், தவறில்லை.

தண்டனை அளித்தால் ஏற்க மறு

என்ற பாடத்தை பள்ளி நிர்வாகங்கள் மாணவர்களுக்கு கற்றுக் கொடுக்கவுள்ளது. 

இது எதிர்காலத் தலைமுறையை தவறான பாதையில் இட்டுச் செல்லும்.

தனியார் பள்ளிகள் தங்கள் முடிவை மாற்ற வேண்டும். அரசாங்கத்தால் மிரட்டப்பட்டால் அந்த உண்மையையும் பகிரங்கமாக பதிவு செய்ய வேண்டும். 

அப்படி அவை செய்யவில்லையென்றால்

திருடர்கள் போலீசிற்கு மாமூல் வழங்குவதாக ஜோக் வருகிறதல்லவா, 

அது போல

கட்டணக் கொள்ளையடிக்கும் கல்வி நிறுவனங்கள் அரசாங்கத்திற்கு அளிக்கும் மாமூல்தான் இந்த வேலை நிறுத்தம் என்று அர்த்தம்.