ப்ளாக் எழுதாதே... பழி வாங்கப்படுவாய்....

காலை பத்து மணி வரை சாலை விளக்குகள் அணைக்கப்படாமல்
அலட்சியம் காண்பிக்கப் படுகிறது என்று வெள்ளிக் கிழமை அன்று
படங்களுடன் பதிவிட்டேன்.

காலையில் விளக்கு எரிகிறது என்றா எழுதுகிறாய்?
இனி இரவிலும் உனக்கு சாலை விளக்கு கிடையாது என்று
எங்கள் மாநகராட்சி முடிவு செய்து விட்டது போலும். 

அன்று முதல் இதோ இன்று இந்த நொடி வரை 
சாலை விளக்கு எரியவில்லை. வேலூர் மாநகராட்சியின்
மண்டல அலுவலகத்தின் தொலைபேசி எண்ணை தேடி
தொலைபேசி செய்தால் எடுப்பதற்கு ஆளில்லை.

இந்த இருள்மயம் எத்தனை நாள் தொடரும் என்று
பார்ப்போம்....

நல்லோர் ஒருவர் உளரேல் அவர் பொருட்டு
மழை பெய்யும் என்று திருவள்ளுவர் சொன்னார்.
ஆனால் இங்கே நல்லவன் நான்  ஒருவன்
ப்ளாக்கில் எழுதியதற்கு எங்கள் பகுதி முழுவதுமே
சாலை விளக்கு எரியவில்லை.