இசையோடு நின்றால் நல்லது ராஜா

 

மூன்று நாட்களாக பயணத்தில் இருந்ததால் எழுத முடியவில்லை.

அண்ணல் அம்பேத்கரை மோடியுடன் ஒப்பிட்டு முன்னுரை எழுதியது இளையராஜாவின் மிகப் பெரிய அபத்தம்.

அண்ணல் அம்பேத்கரின் அறிவு, களச் செயல்பாடு, ஒடுக்கப்பட்டோர், தொழிலாளர் மற்றும் பெண்கள் உரிமைகள் ஆகியவற்றில் அவரின் நிழலின் கால் தூசு அளவு கூட நெருங்க முடியாத ஒரு அற்பனை அவரோடு ஒப்பிட்டால் "இசை ஞானி"யாகவே இருந்தாலும் எதிர்ப்போம். 

மோடியை மட்டும் புகழ்ந்தால் கூட சிரித்து விட்டு கடந்திருக்கலாம். ஆனால் இந்த பொருத்தமற்ற ஒப்பீடு எரிச்சலைத்தான் தருகிறது. நீங்கள் என்னத்தான் முயன்றாலும் உங்களை அந்த கூட்டம் பயன்படுத்திக் கொள்ளுமே தவிர, தங்களில் ஒருவராக என்றுமே ஏற்றுக் கொள்ளாது.(திருவையாற்றில் கண்ட ஒரு காட்சியை நாளை எழுதுகிறேன்)

உங்களின் அபத்தமான ஒப்பீட்டைக் கண்டிக்கிறேன். 75 வயதான நீங்கள் உங்கள் சுய நினைவில் இல்லாமல் அந்த முன்னுரையை எழுதியிருக்க மாட்டீர்கள் என்று நம்புகிறேன்.

உங்களுக்கு நன்கு வரும் இசையோடு உங்கள் செயல்பாட்டை நிறுத்திக் கொண்டால் நல்லது. 

முன்னொரு முறை ஒரு பத்திரிக்கையாளரைப் பார்த்து "உனக்கு அறிவு இருக்கா?" என்று நீங்கள் கேட்ட கேள்வியை உங்களைப் பார்த்து உங்கள் ரசிகர்கள் கேட்கும்படியான சூழலை உருவாக்காதீர்கள்.

உங்கள் மீது எரிச்சல் இருந்தும் கூட நேற்று இரவு முழுதும் உங்கள் இசையோடுதான் என் பயணம் நிகழ்ந்தது.

அதனால்தான் சொல்கிறேன்.

"இசையோடு நின்றால் நல்லது"