சங்கிகள் சைலன்ஸ் – அந்த பயம் பிடிச்சிருக்கு

 

கேடி.ராகவன் ஆபாசக் காணொளி சங்கிகளுக்கு நடுக்கம் கொடுத்துள்ளது. எந்த ஒரு சர்ச்சையென்றாலும் கொந்தளிக்கும் பல மத்யமர் சங்கிகள் நேற்று விடுப்பில் போய் விட்டார்கள். மத்யமர் குழு அட்மினோ கேடி ராகவன் பற்றிய பதிவுகளுக்கு அனுமதி கிடையாது என்று வேறு வேறு வார்த்தைகளில் மறுத்து விட்டார்.

 

சங்கிகளின் முக்கியமான பொய்ப் பரப்பாளர் ஸ்டான்லி ராஜன் பதிவு மேல் பதிவு எழுதி மதன் ரவிச்சந்திரனையும் வெண்பா கீதாயனையும் நொடிக்கு நொடிக்கு திட்டிக் கொண்டே இருக்கிறார். மீதமுள்ள பதினான்கு பேரில் இந்த பேனா பொய்யரும் உள்ளாரோ?

 மாற்று மதத்தவர்களையும் திமுகவையும் திட்டும் பதிவுகளை பகிர்ந்து கொள்வதையே பிழைப்பாகக் கொண்டுள்ளவர்களும் காணவில்லை. எங்கே பதுங்கிக் கொண்டுள்ளனரோ?

 இறுதியாக  மதன் டைரிஸ் யூட்யூப் பக்கமே முடக்கப்பட்டு விட்டது. மதனையும் கட்சியை விட்டு தூக்கி விட்டார்கள் என்றொரு செய்தி பார்த்தேன்.  தவறிழைத்த கேடி.ராகவனை எதுவும் செய்யாமல் அதை வெளியே சொன்ன மதனை நீக்கியதன் மூலம் பாஜகவிற்குள் நடைபெறும் ஆரிய-திராவிடப் போரில் எப்போதும் போல ஆரிய வகையறாக்களே வென்று விட்டதாகவும் ஒரு பதிவை படித்தேன். ஆமாம், ஜெயமோகனின் குண்டர் படை மகளிர் அணி தலைவி வெண்பா, பாஜக உறுப்பினரே கிடையாதாமே! அதிமுகவில் ஓ.பி.எஸ் மகன் ரவீந்திரநாத்தின் கோஷ்டியைச் சேர்ந்தவரை பாஜக எப்படி ஐயா நீக்கும்?

 ஆப்கானிஸ்தான், பாகிஸ்தான், திபெத், நேபாளம், பங்களாதேஷ், இலங்கை ஆகிய நாடுகளையெல்லாம் வென்றெடுத்து அகண்ட பாரதம் அமைக்கும் அளவிற்கு கெத்தானவர்களாக பீற்றிக் கொள்ளும் பாஜக கட்சி, ஒரு காணொளிக்கு இப்படி அரண்டு போய் விட்டதே!

 

சங்கிகளின் இந்த பயம் எனக்கு மிகவும் பிடிச்சிருக்கு . . . .

 

பிகு:  அகண்ட பாரதமெனும் சங்கிக் காமெடி - நாளை