சங்கிகளின் அபாண்டமான பொய்

 

டைம்ஸ் ஆப் இந்தியா ஒரு செய்தி வெளியிடுகிறது. இந்த வருடம்தான் மார்க்சிஸ்ட் கட்சி முதல் முறையாக தேசியக் கொடியை ஏற்றியுள்ளது என்பது அச்செய்தி. 

முதலமைச்சராக இருந்த போதும் ஜோதிபாசு தேசியக் கொடியை ஏற்றியது கிடையாது என்று ஒரு மத்யமர் சங்கி சொல்ல, கருங்காலி சவர்க்கர், வாஜ்பாய் வாரிசுகள் அந்த பொய்யை நம்பி கம்யூனிஸ்டுகளை வசை பாடினர்.

மேலே உள்ள படம் ஒன்று போதும் அந்த புளுகுணி சங்கியின் பொய்யை அம்பலப்படுத்த.

லண்டன் டோக் சிங் முதலில் சிறை செல்ல காரணமான குற்றச்சாட்டு என்ன தெரியுமா?

பஞ்சாபில் ஹோஷியாபூர் மாவட்ட நீதிமன்றத்தில் பறந்த யூனியன் ஜாக் கொடியை கீழிறக்கி மூவர்ணக்கொடியை துப்பாக்கிக் குண்டுகள் சீறிய போதும் கொடிக்கம்பத்தின் மீதேறி பறக்க விட்டதுதான். உன் பெயரென்ன என்று கேட்ட போது அந்த 12 வயது சொன்னான் "லண்டன் டோக் சிங்" அதாவது லண்டனை உடைப்பவன். 

அந்த சிறுவன் வேறு யாருமல்ல,

பஞ்சாப் சிங்கம் ஹர்கிஷன் சிங் சுர்ஜித்.

15.08.1947 என்று மதுரையில் மூவர்ணக் கொடியை ஏற்றியது வாழும் வரலாறு தோழர் என்.சங்கரய்யா.

மார்க்சிஸ்ட் கம்யூனிஸ்ட் கட்சியுடனான என் நெருக்கம் வேலூர் வந்த பின்பே துவங்கியது. சுதந்திர தின பொன்விழா ஆண்டில் விடுதலைப் போராட்ட வீரரும் முன்னாள் எம்.எல்.ஏ வுமான மறைந்த தோழர் கே.ஆர்.சுந்தரம் தேசியக் கொடியை ஏற்றி வைத்து தன் அனுபவங்களை பகிர்ந்து கொண்டது நினைவில் உள்ளது. வேலூர் மாவட்டக்குழு அலுவலகத்தில் ஒவ்வொரு ஆண்டும் தேசியக் கொடி ஏற்றப்படுகிறது. என்ன அலுவலக நிகழ்வில் பங்கு கொள்வதால் அங்கே செல்ல இயலவில்லை. 

கம்யூனிஸ்டுகள் மீது அபாண்டமாக பொய் சொல்கிற இந்த ஜந்துக்கள்தான் வெள்ளையனே வெளியேறு போராட்டத்தை காட்டிக் கொடுத்த வாஜ்பாய் பிரதமராகிற வரை தேசியக் கொடியை கண்டு கொண்டதில்லை. அது வரை ஆர்.எஸ்.எஸ் சுதந்திர தினத்தையோ மூவர்ணக் கொடியையோ ஏற்றுக் கொண்டதில்லை. பச்சை நிறம் அவசியமில்லை என்பதுதான் அதற்கான காரணம்.

வரலாற்றை நான் நினைவில் கொள்ளாவிட்டால் சங்கிகள் பொய்களை ஊர்வலம் விடுவதை தடுக்க முடியாது.