வைகோ - மோடியை விட சிறந்த நடிகர்

சில தினங்கள் முன்பாக மோடி பெற்ற சிறந்த நடிகர் விருது 
இப்போது வைகோ வசம் வந்துள்ளது.

பெரியார், அண்ணாவின் விரல் பிடித்து அரசியல் கற்றுக் 
கொண்ட வைகோவிற்கு பாஜகவின் அரசியல் கோர முகம்
தெரியாதா என்ன? ராஜ பக்சே வருகைக்கு எதிராக சாஞ்சி
வரை போராட்டம் நடத்தியவர்தானே அவர்? அப்போது
ராஜபக்சேவை அழைத்து என்ன பாரக் ஒபாமாவா இல்லை
விளாடிமிர் புடினா? பாஜக தானே?

பாஜக ஆட்சிக்கு வந்தாலும் இலங்கைத் தமிழருக்காக, 
தமிழக மீனவர்களுக்காக துரும்பைக் கூட கிள்ளிப் 
போடாது என்பது வைகோவிற்கு மற்ற எல்லோரையும் விட
நன்றாகவே தெரியும். ஆனாலும் வேறு எங்கும் செல்ல 
முடியாது, தனியாக நிற்கும் தைரியமும் கிடையாது.
அதனால்தான் முற்றிலும் முரண்பாடான கூட்டணி
என்று தெரிந்தும் பாஜகவுடன் கூட்டு வைத்துக் கொண்டார்.

ஆனாலும் மோடி வந்தால் இலங்கைப் பிரச்சினை தலைகீழாய்
மாறி விடும் என்று பிரச்சாரம் செய்தார். ஏதோ நாளையே
ராஜபக்சேவை மோடி கைது செய்து விடுவார் என்ற பிம்பத்தை
உருவாக்க முனைந்தார். 

ராஜபக்சே வருவதை கண்டிக்காவிட்டாலோ, இல்லையில்லை
கண்ணீர் விட்டு மன்றாடாமல், கருப்புத்துண்டு அணிந்து
பதவியேற்பு விழாவிற்கு போய் விட்டால் இனி இலங்கைத்
தமிழரை வைத்து அவரால் அரசியல் தொழில் நடத்த முடியாது.

மேலும் மோடியோடு இணைந்ததால் அவரால் வெற்றியும் பெற
முடியவில்லை. ஆகவே கழண்டு கொள்ளவும் வாய்ப்பு வேண்டும்.

ஆக கண்ணீர் மல்க மல்க கை கூப்பி தனது நடிப்புத் திறமையை
வெளிப்படுத்தி விட்டார்.

பார்ப்போம் அடுத்த காட்சியை எப்படி அரங்கேற்றுகிறார் என்று....