பிள்ளையாருக்கு சக்தி கொடுத்து பறிக்கும் மனிதர்கள்

 

நேற்று விருத்தாச்சலம் போய் திரும்பி வந்து கொண்டிருந்தோம். நாங்கள் சென்ற வாகனத்திற்கு முன்பாக ஒரு குட்டி யானை லாரி  நான்கைந்து  பிள்ளையார் சிலைகளை ஏற்றிக் கொண்டு  போய்க்கொண்டிருந்தது. அதிலே இரண்டு பிள்ளையார்களை தலைகீழாக வேறு வைத்திருந்தார்கள். அடிமாடுகளை லாரியில் மூச்சுவிடக் முடியாமல் அவஸ்தை செய்து கூட்டிப் போவார்களே அது போன்ற நிலைதான் பிள்ளையார் சிலைகளுக்கும்.

விழுப்புரம் வெளியே ஒரு விடுதியில் உணவு எடுத்துக் கொள்ளச் சென்ற போது "பாவம் பிள்ளையார் இவங்க கிட்ட மாட்டிக்கிட்டு கஷ்டப் படறாரு, அவர்தான் சக்தியுள்ளவராச்சே. போக வேண்டிய இடத்திற்கு அவரே போயிடலாமே" என்றேன் நான்.

பக்கத்தில் நின்று கொன்டிருந்த ஒரு பெரியவர் " பந்தலுக்கு கொண்டு வந்து பூஜை செய்து கண் திறந்த பின்புதான் அவருக்கு சக்தி வரும்" என்றார்.

"சரி சார், அவ்வளவு சக்தியுள்ளவரை கட்டையால் அடிச்சு ஏன் கடலில் தள்ளனும்" என்ற கேள்விக்கும் அவரிடம் பதிலளித்தார்.

"விஸ்ர்ஜன பூஜை முடிந்ததும் அவருக்கு சக்தி இருக்காது. அதனால் தவறில்லை"

அதற்கு பிறகு நான் ஹோட்டலுக்கு  உள்ளே போய் விட்டேன். அவரும் கிளம்பி விட்டார்.

ஆனால் அவர் ஒரு உண்மையை அழகாக சொல்லி விட்டார்.

கடவுளை படைத்தது மனிதன்தான். கடவுளுக்கு சக்தி இருப்பதாய் கதை செய்வதும் மனிதன்தான்.