இளையராஜாவின் ஆஸ்கார் பாடல் வரிசை

பன்னீர் புஷ்பங்கள் படத்தில் வரும் "ஆனந்த ராகம் கேட்கும் காலம்" பாடல் ஆஸ்கர் விருதுக்கு தகுதியான பாடல் என்று சில நாட்கள் முன்பாக பதிவிட்டிருந்தேன்.

ஆஸ்கர் விருது பெற்ற சில இசைக் கோர்வைகளை தேடிப் பிடித்து கேட்ட போது அதிலே இசை எப்படி கட்டமைக்கப் பட்டிருக்கிறது என்பதற்கு முக்கியத்துவம் அளிக்கப்பட்டுள்ளது.

அந்த அடிப்படையில் பார்க்கையில் ராஜாவின் ஏராளமான பாடல்கள் ஆஸ்கர் விருதிற்கு தகுதியானவையே. நேற்று ஆரணி, திருவண்ணாமலை இன்று சென்னை என இரண்டு நாட்களும் பயணத்திலேயே கழிந்தது. மூன்று பதிவுகளுக்கான அனுபவம் இன்று மட்டுமே கிடைத்தது. அதை வரும் நாட்களில் எழுதுகிறேன்.

பயணம் எப்போதுமே எனக்கு இளையராஜா பாடல்களோடே நடைபெறும். அதனாலாயே ஆஸ்கர் பாடல் வரிசை என்று என்னுடைய மனம் கவர்ந்த பல பாடல்களை அவ்வப்போது பகிர்ந்து கொள்கிறேன்.

இன்று இசையமைப்பாளர் கனவில் மிதக்கும் இளைஞன்   உருவாக்கிய இந்த பாடல் அருவியாய் பொழியும். எந்த அணையாலும் கட்டுப்படுத்த முடியாத இசைப் பிரவாகம்.

என்ன ஒரு கொடுமையென்றால் கிடார் இசைக்கும் மஞ்சள் உடை தேவதைகளைப் பார்த்தால் ஆஸ்கர் குழு பயந்து போயிருக்கும்.