அந்த பசங்க எல்லாம் எங்கே காணோம்?

நேற்று நெய்வேலி போயிருந்தேன்.

திரும்பி வரும் வழியில் திருக்கோயிலூருக்கு முன்பாக பெரிய செவலை என்ற ஊரிலிருக்கிற கூட்டுறவு சர்க்கரை ஆலைக்கு கரும்புகள் ஏற்றிக் கொண்டு லாரிகளும் டிராக்டர்களும் சென்று கொண்டிருந்தன. 

அங்கங்கே வழியில் பல கரும்பு வாகனங்கள் நின்று கொண்டிருந்தன. பொதுவாக இது போன்ற கரும்பு வாகனங்கள் நின்றாலோ இல்லை சென்றாலோ சிறுவர்கள் மெலே ஏறி கரும்பை எடுப்பது என்பது வாடிக்கையான காட்சி. 

ஆனால் இன்று அப்படியெல்லாம் எதுவும்  நிகழவில்லை.

கொஞ்சம் யோசித்துப் பார்த்தால் கிட்டத்தட்ட இரண்டு மூன்று வருடங்களாக அப்படிப்பட்ட காட்சிகளே கண்ணிற்கு படவில்லை. 

என்ன ஆயிற்று நம் சிறுவர்களுக்கு?

கரும்பு வாகனத்தை துரத்துவதில் சுவாரஸ்யம் குறைந்து விட்டதா?

இல்லை கரும்பின் மீதே சுவாரஸ்யம் குறைந்து விட்டதா?

பின் குறிப்பு " மேலே உள்ள படம் சும்மா போஸ் மட்டுமே. ஒரு களப் பணிக்காக ஒரு கிராமம் சென்ற போது கரும்பை ஏற்றுவதற்காக அந்த ஒற்றையடிப்பாதையில் வழி கிடைக்காமல் எங்கள் பயணம் சற்று தடை பட்டிருந்த போது கரும்பு ஏற்றிய டிராக்டரில் அமர்ந்து கொண்டு எடுத்துக் கொண்ட புகைப்படம்.