ரொம்ப, ரொம்பவே ஓவரா போயிடுச்சு

இந்த வருட புத்தகக் கண்காட்சிக்கு இரண்டு முறை சென்றிருந்தேன். முதல் முறை 11.01.2017  புதன் கிழமை. சென்னைக்கு போன முக்கியமான வேலை மதியமே முடிந்து விட்டதால் மூன்று மணிக்கெல்லம் அரங்கிற்குள் நுழைந்து விட்டேன்.

முகப்பிலேயே ஒரு சிட்டி யூனியன் வங்கி ஏ.டி.எம் கவுண்டர். ஏ.டி.எம் என்றால் அதிலே பணம் இருக்காது என்பதுதான் அறுபத்தி ஐந்து நாள் அனுபவமாகி விட்டதால் யாரும் அங்கே இல்லை. கொஞ்சம் சந்தேகத்தோடு அங்கிருந்த செக்யூரிட்டியைக் கேட்டால் “பண்ம் இருக்கு சார்" என்று சொல்ல நீண்ட நாட்களுக்குப் பிறகு வரிசையில் நிற்காமல் பணம் எடுத்துக் கொண்டு தெம்பாக உள்ளே சென்றேன்.

வேலை நாளில் மதிய வேளையில் சென்றதால் அவ்வளவாக கூட்டமே இல்லை. பல்வேறு ஸ்டால்களிலும் நிதானமாக புத்தகங்களை பார்த்து புரட்டி வாங்க முடிந்தது. ஒரு நாற்பது புத்தகங்களை வாங்க வேண்டும் என்று மனதில் ஒரு பட்டியல் இருந்தது. அவற்றில் பெரும்பாலானவற்றையும் தேடி வாங்க முடிந்தது. 

கிட்டத்தட்ட பத்தாண்டுகளாக கிடைக்காத ஒரு நூல் "சுவருக்குள் சித்திரங்கள்". தோழர் தியாகு தனது சிறை அனுபவங்களை ஜூனியர் விகடனில் தொடராக எழுதி பின்பு நூல் வடிவம் பெற்றது. தோழர் பாரதி கிருஷ்ணகுமார், வெண்மணி பற்றி இயக்கிய "ராமையாவின் குடிசை" ஆவணப்படம் பார்த்தது முதலே இந்த நூலை வாங்க வேண்டும் என்று நினைத்திருந்தேன். இந்த வருடம்தான், அதுவும் நான் சென்ற முதல் ஸ்டாலிலேயே கிடைத்தது உற்சாகமாக இருந்தது. அந்த உற்சாகத்திலேயே முழுமூச்சாக அந்த ஐநூறு பக்க நூலை படித்து முடித்து விட்டேன். 

அதே போல் தொடராக வந்த இன்னொரு நூலை இப்போது படித்தால் அவ்வளவு சுவாரஸ்யமாக இல்லை. அது பற்றி பிறகு எழுதுகிறேன். இந்த முறை பிரபலங்கள் என்று யாரும் கண்ணில் படவில்லை. திரைப்பட இயக்குனர் முக்தா சீனிவாசன் பதிப்பகம் என்று ஒரு ஸ்டால் இருந்தது. அவரும் அங்கே உட்கார்ந்திருந்தார். அந்த ஸ்டாலை கடக்கையில் கையைப் பிடித்து இழுக்காத குறையாக ஒருவர் உள்ளே வரவைத்தார். ஆனால் புத்தகங்கள் அப்படி ஒன்றும் சுவாரஸ்யமாக இல்லை. ஆர்.எஸ்.எஸ் வரலாறு என்று ஒரு நூல் இருந்தது. காங்கிரஸ்காரர் ஆயிற்றே, காமராஜரோடு நெருக்கமாக இருந்தவராயிற்றே, அவரை கொல்ல நடந்த சதி பற்றி ஏதாவது எழுதியிருப்பாரா என்று புரட்டிப்பார்த்தால் ஆர்.எஸ்.எஸ்ஸை புகழ்ந்து தள்ளியிருந்தார். அப்படியே வைத்து விட்டு நடையைக் கட்டி விட்டேன்.

ஏற்கனவே டெபிட் கார்ட் பயன்படுத்திய அனுபவம் மோசமாக இருந்ததால் ரொக்கமாக கொடுத்தே புத்தகங்கள் வாங்கினேன். முயற்சிக்கலாமே என்று யோசித்து கொடுத்த ஒரு பதிப்பகத்திலும் இணைப்பு கிடைக்காததால் அதன் பிறகு பையிலிருந்து எடுத்தது பணத்தை மட்டுமே.

கொண்டு போன இரண்டு பிக்ஷாப்பர் கட்டைப்பைகள் நிரம்பியதும்தான் வெளியே வந்தேன். அப்போதுதான் நேரத்தைப் பார்த்தேன். மூன்று மணி நேரத்திற்கும் மேலாகி இருந்தது. 

வீட்டிற்கு வந்து பார்த்தால் திட்டமிட்ட சில நூல்களை வாங்காதது தெரிந்தது. ஞாயிறு அன்று சென்னை செல்ல வேண்டிய இன்னொரு வேலை வந்ததும் அதை பயன்படுத்திக் கொண்டு அவற்றையும் வாங்கி வந்து விட்டேன்.

பட்டியல் போட்டு பார்த்தால் மிகவும் மலைப்பாக இருக்கிறது. பயணங்கள் இருக்கும்வரை வாசிப்பதில் தடையில்லை. ஆனாலும் ரொம்பவே ஓவராக போய் விட்டது. அடுத்த வருடமாவது ஒரு சுயகட்டுப்பாடு கொண்டு வரவேண்டும். இதை வீட்டிலும் சொன்னேன். 

"ஒவ்வொரு வருஷமும் இதையே சொல்றீங்க. ஆனா வாங்கி குவிப்பதில் மட்டும் குறைச்சல் கிடையாது" என்று பதில் வந்தது.

இப்போதைய உடனடி பிரச்சினையை தீர்க்க என்ன வழி என்றுதான் தெரியவில்லை. எந்த அலமாரியிலும் இடமில்லை. கம்ப்யூட்டர் மேஜையில் இருப்பதை எங்கே வைக்க?

பட்டியல் கீழே

 

எண்	பெயர்	ஆசிரியர்	தன்மை	பக்கம்	விலை
1	ஆர்டர், ஆர்டர்	கே.சந்துரு	நீதித்துறை பற்றி	256	200
2	தாழிடப்பட்ட கதவுகள்	அ.கரீம்	சிறுகதைகள்	160	149
3	நான் பூலான்தேவி	மரியே தெரஸ்கூன்	வாழ்க்கை வரலாறு	363	300
		தமிழில் மு.ந.புகழேந்தி
4	வேடிக்கை பார்ப்பவன்	நா.முத்துக்குமார்	வாழ்க்கை அனுபவம்	239	165
5	நஞ்சுண்ட பூமி	பா.செயப்பிரகாசம்	கட்டுரைகள்	240	200
6	நீர்	வினாயக முருகன்	நாவல் புனைவு	152	150
7	ஐந்து முதலைகளின் கதை	சரவணன் சந்திரன்	நாவல் புனைவு	168	150
8	ரோலக்ஸ் வாட்ச்	சரவணன் சந்திரன்	நாவல் புனைவு	158	150
9	நாளை மற்றொரு நாளல்ல	சுப்ரபாரதி மணியன்	கட்டுரைகள்	88	60
10	பயணங்கள் முடிவதில்லை	சோ.சுத்தான்ந்தம்	வாழ்க்கை அனுபவம்	110	90
11	மாவீரன் சிவாஜி	கோவிந்த் பன்சாரே	சிவாஜி பற்றி	96	70
		தமிழில் சி.நடேசன்
12	ஔரங்கசீப்பும் அப்துல் கலாமும்	அ.மார்க்ஸ்	அரசியல்	158	160
13	பிரியங்கா நளினி சந்திப்பு	பா.ஏகலைவன்	ராஜீவ் கொலை	610	500
14	வரலாறு என்னை விடுதலை	ஃபிடல் காஸ்ட்ரோ	நீதிமன்ற உரை	128	70
	செய்யும்	தமிழில் வீ.பா.கணேசன்
15	தூக்கிலிடுபவரின் குறிப்புகள்	சசி வாரியர்	அனுபவம்	272	220
16	தெரு விளக்கும் மரத்தடியும்	ச.மாடசாமி	கல்வி	88	80
17	கருக்கு	பாமா	நாவல் புனைவு	96	70
18	இடையில்தான் எத்தனை	ச.சுப்பாராவ்	கட்டுரைகள்	94	70
	ஞாயிற்றுக்கிழமைகள்?
18	கு.அழகிரிசாமிகள் சிறுகதைகள்	கு.அழகிரிசாமி	சிறுகதைகள்	255	150
19	மகளிர் தின்ம் -	இரா.ஜவஹர்	மகளிர் தினம்	80	60
	உண்மை வரலாறு
20	சுமையா	கனவுப் பிரியன்	சிறுகதைகள்	214	160
21	ராஜீவ் காந்தியின் கடைசி	தா.பாண்டியன்	ராஜீவ் கொலை	113	105
	மணித்துளிகள்
22	மருத்துவக் ஆய்வுக்கூடங்களில்	அ.உமர் ஹீலர்	மருத்துவத்துறை	64	50
	நடப்பது என்ன?
23	முகிலினி	இரா.முருகவேள்	நாவல் சூழலியல்	485	375
24	காங்கிரிட் காடு	அப்டன் சிங்க்ளர்	நாவல் வரலாறு	352	280
25	செவ்வி	தொ.பரமசிவன்	நேர்காணல்கள்	144	130
26	விசாரணைகள்	அருணன்	தத்துவம், அரசியல்	288	180
27	ஊருக்கு செல்லும் வழி	கார்த்திக் புகழேந்தி	அனுபவம்	128	75
28	குறுக்குத்துறை ரகசியங்கள்	நெல்லை கண்ணன்	அனுபவம்	112	99
29	எது கருப்புப்பணம்	மருதையன்	செல்லா நோட்டு	32	30
30	லாக்கப்	மு.சந்திரகுமார்	அனுபவம்	144	120
31	நவம்பர் 8	எஸ்.அர்ஷியா	செல்லா நோட்டு	104	90
31	தூக்குமேடையில் தோழர் பாலு	ஆர்.நல்லக்கண்ணு	அரசியல்	20	15
32	கூழாங்கற்கள்	கனவுப் பிரியன்	சிறுகதைகள்	254	200
33	உயிரே உயிரே	மாலன்	கட்டுரைகள்	108	100
34	பேசுவதை நிறுத்திக் கொண்ட	யமுனா ராஜேந்திரன்	கட்டுரைகள்	147	130
	சிறுவன்
35	யானைச்சொப்பனம்	இரா.நாறும்புநாதன்	கட்டுரைகள்	175	120
36	வீரம் விளைந்த்து	நிக்கொலாய் ஒஸ்திரோவ்ஸ்க்கியன்	நாவல் புனைவு	505	300
		தமிழில் எஸ்.ராமகிருஷ்ணன்
37	பாலை நில ரோஜா	கு.சின்னப்ப பாரதி	நாவல் புனைவு	298	175
38	கானகன்	லக்ஷ்மி சரவணகுமார்	நாவல் புனைவு	264	99
39	கடவுள் என்பது என்ன?	அஸ்வகோஷ்	தத்துவம்	176	100
40	பிம்பச்சிறை	எம்.எஸ்.எஸ்.பாண்டியன்	அரசியல்	248	225
41	மனிதனுக்குள் ஒரு மிருகம்	மதன்	கட்டுரைகள்	339	190
42	சமவெளி	வண்ணதாசன்	சிறுகதைகள்	128	80
43	உப பாணடவம்	எஸ்.ராமகிருஷ்ணன்	மகாபாரதம்	384	300
44	சீனப் பெண்கள்	சின்ரன்	சீனப் பெண்கள் பற்றி	316	280
		தமிழில் ஜி.விஜயபத்மா
45	உழவுக்கும் உண்டு வரலாறு	கோ.நம்மாழ்வார்	விவசாயம்	128	100
46	கடவுள் தொடங்கிய இடம்	அ.முத்துலிங்கம்	நாவல் புனைவு	269	155
47	சுமார் எழுத்தாளரும்	அஜயன் பாலா	கட்டுரைகள்	144	120
	சூப்பர் ஸ்டாரும்
48	அணிலாடும் முன்றில்	நா.முத்துக்குமார்	அனுபவம்	144	115
49	கள்ளம்	தஞ்சை பிரகாஷ்	நாவல் புனைவு	222	200
50	முயல் தோப்பு	பாஸ்கர் சக்தி	சிறுகதைகள்	124	110
51	ம்	ஷோபா சக்தி	நாவல் ஈழம்	168	140
52	என் உள்ளம் அழகான	கலாப்ரியா	கட்டுரைகள்	136	120
	வெள்ளித்திரை
53	அத்திப்பழங்கள் இப்போதும்	ஆர்.விஜயசங்கர்	அரசியல் கட்டுரைகள்	420	300
	சிவப்பாகத்தான் இருக்கின்றன
54	ஆரஞ்சு மணக்கும் பசி	ஸ்டாலின் சரவணன்	கவிதைகள்	96	85
55	புகைப்படக்காரன் பொய்	கருணாகரன்	நேர்காணல்கள்	160	150
	சொல்ல முடியாது
56	ஆயில் ரேகை	பா.ராகவன்	பொருளாதாரம்	199	145
57	ஆலயமும் ஆகமமும்	சிகரம் ச.செந்தில்நாதன்	சமூகம்	224	195
58	மீசை என்பது வெறும் மயிர்	ஆதவன் தீட்சண்யா	நாவல் புனைவு	176	130
59	சைக்கிள் கமலத்தின் தங்கை	எஸ்.ராமகிருஷ்ணன்	சிறுகதைகள்	136	140
60	காஃபிர்களின்  கதை	கீரணூர் ஜாகிர்ராஜா	சிறுகதைகள்	208	160
61	தேர்ந்தெடுத்த சிறுகதைகள்	ஜெயந்தன்	சிறுகதைகள்	222	200
62	கேரளத்தில் எங்கோ	லா.ச.ராமாமிர்தம்	நாவல் புனைவு	112	70
63	கொடக்கோனார்	அப்பண்ணசாமி	நாவல் புனைவு	239	180
	கொலை வழக்கு
64	எங்கதை	இமையம்	நாவல் புனைவு	110	125
65	முஸ்தபாவை சுட்டுக்கொன்ற	அகரமுதல்வன்	சிறுகதைகள்	111	100
	ஓரிரவு
66	ஒரு சிக்கல் இல்லாத காதல்	சுஜாதா	குறுநாவல்	48	25
	கதை
67	விளிம்பு	சுஜாதா	குறுநாவல்	55	25
68	கை	சுஜாதா	குறுநாவல்	79	40
69	ஒரு சிறு இசை	வண்ணதாசன்	சிறுகதைகள்	160	140
70	சுவருக்குள் சித்திரங்க்ள்	தியாகு	சிறை அனுபவம்	525	330
71	செல்லுலாய்டின் மாபூமி	களப்பிரன்	கட்டுரைகள் சினிமா	175	150
72	பிறிதொரு பொழுதில்	எஸ்.ஜி.ரமேஷ்பாபு	போராட்ட அனுபவம்	128	100
73	கருத்த லெப்பை	கீரணூர் ஜாகிர்ராஜா	நாவல் புனைவு	72	70
74	கிருஷ்ணப் பருந்து	அ.மாதவன்	நாவல் புனைவு	128	120
75	எது கல்வி?	இரா.எட்வின்	கட்டுரைகள் கல்வி	176	150
76	சாபிளினுடன் பேசுங்கள்	எஸ்.ராமகிருஷ்ணன்	கட்டுரைகள் சினிமா	159	140
77	விலங்குப் பண்ணை	ஜார்ஜ் ஆர்வெல்	நாவல் புனைவு	127	125
78	அய்யங்காளி	டி.எச்.பி.செந்தாரசேரி	வாழ்க்கை வரலாறு	56	40
		தமிழில் மு.ந.புகழேந்தி
79	உத்தம வில்லன்	யமுனா ராஜேந்திரன்	கட்டுரைகள் சினிமா	119	135
80	பார்த்தினியம்	தமிழ்நதி	நாவல் ஈழம்	512	450
81	வேல ராமமூர்த்தி கதைகள்	வேல ராமமூர்த்தி	சிறுகதைகள்	378	250
				15998	12402