இந்தத் தகவல் உங்களுக்கு தெரியுமா? தெரிந்தால் வயிறெரிச்சல் அதிகமாகும் ....

மிகக் குறைவான விலையில் பெட்ரோல் விற்கும்  பத்து நாடுகள் எவை என்று தெரியுமா? அங்கேயெல்லாம் ஒரு லிட்டர்  பெட்ரோல் எவ்வளவு ரூபாய் என்று தெரியுமா?

இதோ உங்களுக்காக அந்த தகவல்

வெனிசூலா                 7.01

எகிப்து                      7.89

சவுதி அரேபியா            8.76

கத்தார்                      10.52

பஹ்ரைன்                  13.15

லிபியா                     13.15

குவைத்                     14.90

துர்க்மேனிஸ்தான்         14.90

அல்ஜீரியா                  14.90

இராக்                       18.41

இது அத்தனையும் ரூபாய் மதிப்பில்தான். இந்தியாவில் ஒரு லிட்டர் ரூபாய் எழுபத்தி ஏழு ரூபாய்க்கு வாங்கிக் கொண்டிருக்கிறோம். இந்த நாடுகள் எல்லாம் எண்ணெய் உற்பத்தி செய்யும் நாடுகள், அதனால் அங்கே விலை மலிவு என்று சிலர் வாதிடலாம். நாம் மறக்க முடியாத ஒரு உண்மை ஒன்று உண்டு.

கச்சா எண்ணெயை இறக்குமதி செய்து அதை சுத்திகரித்து சந்தைக்கு அனுப்ப ஆகும் செலவை விட பல மடங்கு நாம் வரியாக அரசுக்கு தண்டம் அழுது கொண்டிருக்கிறோம். உள்நாட்டு உற்பத்திக்கும் இறக்குமதி ஆகும் எண்ணெய்க்கான விலையை தந்து கொண்டிருக்கிறோம்.

இன்னொரு விஷயமும் உண்டு. இந்த நாடுகள் எண்ணெய் உற்பத்தி செய்வதாலேயே தனது மக்களுக்கு குறைந்த விலையில் பெட்ரோல் தர வேண்டும் என்ற கட்டாயம் இல்லையே. கூடுதல் விலையை நிர்ணயம் செய்து கொள்ளை லாபம் அடிக்கலாமே?

இந்திய அரசைப் போல அவ்வளவு மோசமான அரசாக அவர்கள் இல்லை என்பதுதான் உண்மை!